[長氣多圖][無限期] 香港staycation之旅(2)

DAY65 帝逸酒店(下) Alva House Alva House

帝逸酒店都算係訓得舒服既
但因為早餐只係去到十點
所以九點就要落去食早餐

Alva House算係近期一間比較多人講既自助餐廳
可能比較新掛
不過講番呢個地段就好難想像到
其實我就book左晏d會黎自費食lunch
所以今日就會有兩餐會係呢度食


個自助餐場地都算係光猛既

有落地玻璃
但因為一樓就只有馬路景

成個自助區最主要就係呢個V型檯


分類比較清晰
有點心


廚師即席煎強煮面煮強



味道正正常常
呢個位係lunch時段就轉左煮意粉
但都仲係同一位廚

正常早餐既熱食

麵包黎講都算多款

而且仲有葡撻

lunch又係一樣都有

自助bar區就係對面

有果汁任飲
反而自助午餐果時係無既
感覺係好痴線

麥皮

綠色植物

兩樣都留到lunch仲擺係度

仲有味噌湯同yogurt


我地坐既呢個二人檯佢就放左三套餐具同凳

其實就真係有d迫
但早餐黎講都算係咁
午餐就直頭災難級

咁食物種類算係正正常常穩穩陣陣果隻



比較特別係有粢飯


洗手間係餐廳外面

係大堂同普通街客都共用
所以係有d複雜

食到十點
服務黎講就無既
不過地方都算係乾乾淨淨
食客黎講算早餐真係算比較斯文
之後再黎食午餐
條條契弟都大種乞衣上身咁又搶又爭又撞
低級酒店成日會出現
好似之前去北海道招呼團體既溫泉咁
都係天黑烏鴉一樣黑

食完早餐就遊下酒店
因為package可以延至一點check out
所以都夠晒時間可以周圍行

alva house出面係花店alva shop

係無紀念品可以買既

自助餐廳既另一邊係餅店

其實有個足球蛋糕我覺得幾似之前生日買果隻
而且仲平D
不過應該都係好睇唔好食

大堂有單車可以租

出面有單車徑
我就無去玩到

另一邊角落係休息區

有mac機可以借用
仲有電視睇

有宵夜可以係度買

仲有九折condom

細路仔年代好鍾意玩足球機


大堂樓梯底仲有間pitshop

有八婆下午餐可以食
但係個環境都一d都唔chill

記得以前有位同事佢話老婆結婚擺酒要求係一定要有樓梯

根本就間間都有

酒店大堂

二樓係中菜廳逸軒

平時我都幾鍾意去酒店食中菜
但呢間就完全唔吸引



無野做就拎張餐牌黎睇睇


個價都只係平米芝蓮果d少少


完全唔明點解可以賣呢個價位
仲要一直keep住見到有一家大細黎食
可能真係開係沙田區係有佢自己既吸引力掛

餐廳出面呢個mario賽車場仲吸引


酒店三樓有自助洗衣機

外面有個露天花園

其實好細個
格離可以撚狗

上面酒店客房都係巴士廠景


番房沖埋杯茶

再望下個景

就差唔多夠鐘check out

因為星期六日既brunch buffet係分左兩輪
我揀左次輪兩點三
所以仲有個幾鐘要出去行下
今次就試下係一樓停車場行出去

個景同三樓個花園差唔多

呢度係會有個出入口對住巴士廠既


其實行多幾步路都會行番去一田正門

呢個彎位我應該會記一世
因為我第一次考車就係呢個彎位肥佬
當時就有個單層巴士係我前面入彎
但佢入左一半竟然停低左
跟住我就被迫係班馬線停低埋
咁樣就一個大交叉收左皮

基本上大部份人就係由一田便利店入去

上面就係自助餐餐廳

ALVA logo

過埋對面馬路既帝逸全貌


呢個彎位就係入番駕院前既最後一個彎位

有好多都係學車黎

之前係酒店房望落去就有個單車場


碩門邨


都好多休息位


呢度成排都樹

全部都寫住叫做火焰樹


咁時間話多唔多
話少又唔少
最後都無行到石門果邊又番左去酒店一田
呢間一田全部都係食物黎


生果就唔知有無人買啦

最後番到去竟然已經見到自助餐開始排隊

我覺得book左位都要排隊好on9所以無排到
最後已經排到出晒去

又比人屌到仆街

今次入去終於見到呢個種菜溫室

但擺明就無可能會夠自助客人食啦

今次呢個位就差過早餐好撚多

因為只係四人檯分隔出黎
而同左面檯果條那仔根本連行都行唔到
根本就係迫撚到仆街
張凳又開窿
個袋擺唔到仲要擺埋上檯
真係第一次食自助餐食到咁撚賤

第二件事就係每人只有配給一杯野飲

仲要自己出去換飛

真係賤過地底泥


d水到最後都唔夠斟


第三件就係呢個場d人全部都餓狗搶屎咁
又爭野食又打尖又盛
真係第一次食自助餐食到咁撚火
明明以前就算食四星酒店兩三百蚊都唔會咁
之前staycation去過食野最差果間marco polo都唔會有班咁既客
真心呢個alva house真係痴撚線
咁我認為都食過早餐真係唔需要再黎試午餐
完全係慢性自殺

咁出面d位大致都係同早餐差唔多
點心蒸籠就變左盅頭飯

蛋區就變左意粉區

一樣都係早餐煮強果位廚師
又因為其他野唔太岩食所以食左幾多意粉



味道係正常唔難食既
自從睇化左之後都唔太抗拒係自助餐食澱粉質

其他V型檯既熟食一黎見到都唔想食
二黎太多痴線佬係度搶
所以無乜點影到

我都無乜點拎熟食

比較特別就係有乳鴿啦

場中間有個叫做爐端燒既位

其實即係串燒啦
但呢個就算一次過燒都係得十串八串
咁次次拎出黎就會比人要晒
基本上係由頭到尾就唔可能會拎得到
除非你on99咁企係度等啦

基本就只有車厘茄可以隨時拎到


另一邊海鮮區有四種刺身

三文魚
八爪魚
希靈魚
同鯛魚

咁就一定會尋晚源峰果d料
不過都叫做入到口唔係一舊膠咁

海鮮有蟹鉗
青口
同海螺

lunch buffet都預左係得呢幾樣


穀物同早餐果時無換過位就永遠都比排生蠔既人龍淹沒

完全係零存在價值

美國生蠔就話為左安全廚師每隻都要洗十秒鐘

一個開一個洗
然後每人每次只限兩隻
所以真係要排好耐好耐
呢條龍呢
係食到最尾段都仲有人排隊既

都算係肥大既
我都食左兩三轉

仲有d唔吸引既壽司


綠色野同前菜好似同朝頭早分別唔大



麵包好似又係同早餐一樣


叫做有豆腐花

不過到尾段過黎比人筆到爛晒都無人再fill

唯一可取既係甜品款式唔少

賣相唔錯味道亦都唔難食


雪糕除左有haagen dazs盒裝之外

仲有自家製既意大利雪糕

有四款可以揀

不過口味唔吸引
芒果都係比較酸

自助餐尾段有特別出場雪糕蛋糕

有職員係出面分
見排左一排時間都仲拎得到
都好似算係大份既

味道都唔錯

呢個第二輪brunch buffet由兩點三食到四點九同平時一樣都係得兩個半鐘
正價每位成人488蚊
十一月用匯豐卡有76折優惠
另外網上收左一張帝港餐飲券
消費正價五百蚊就可以扣一百蚊

76折再扣一百蚊
埋單740左右
加番埋16蚊收券
平均每人378蚊落樓
折晒之後價位就唔算貴
不過alva house星期六日同公眾假期個名叫做自助早午餐
價錢平起平日既自助午餐都貴唔少
我以為款式應該要更加貼近晚餐
或者好似其他餐廳咁會有酒飲
結果同我預期都相距都幾遠
環境太迫
飲品要配給
熱盤無野食
再加上職員除左收碟無服務
食客質素低劣
咁我就真係無咩理由會再黎啦

最後就番左去黨鐵站走

晚霞個畫面都幾靚

石門出面係京瑞廣場


呢排都進駐左唔少黃店係度

最後係黨鐵站月台都仲見得到呢間帝逸酒店


好在夜晚係食日本野而唔係自助餐
咁成個體驗我都覺得仲算係舒服既
不過習慣左上lounge checkin
要係地下排隊等大半粒鐘都真係唔太舒服
而成個酒店無論係源峰或者alva house感覺都係似炒散
服務就真係好麻麻
連誠仔酒店都比佢地好
帝苑比起佢地亦都專業得多
但係都食足三餐
而且亦都升級左間河景套房
咁我自己都滿足架啦


DAY65 完



過幾日去JW
仲1516緊升唔升套房好
又舊又無裝修仲要貴絕成個萬豪系其實就真係完全唔值
但基本房又好細間
無得入lounge又無得游水好似30個鐘都困係房入面咁

麵質同汁都好好好普通
紅蝦意粉真係出番去食黃店好過

可能食魚會好好多掛
都見唔少人叫
不過個景係靚既
前菜同甜品都ok
Petrus我都係差唔多感覺
太複雜唔識欣賞

support