[長氣多圖][無限期] 香港staycation之旅(2)

好唔抵
所以到而家一次都未住過hyatt

之前好抵
而家其實都唔貴

反正都刷左 咪用下
自問Marriott 冇trip出就冇力刷了

反而之前見到tst hyatt有零房價想住
但hugo個sunday brunch長期book唔到

對上一次更新已經係一個月前
呢一段時間
香港發生左好多事
六四唔講得
連寫句香港好靚都唔得
蘋果被抄家
大丁都話香港就黎無得用google
屋企人即將要離開香港
呢一排真係全部都係負面野
就算搬左出黎
都無乜點開心過
成個人都好負
唯一可以夜晚睇下波黎開心下
原本呢個歐國盃
我係會到羅馬睇晒三場分組賽
結果一場武漢肺炎
所有野都唔同晒
所有野都番唔到轉頭了



DAY46 馬哥孛羅咖啡廳 馬哥孛羅香港酒店(上) 貴賓樓層雅座

話說呢一段時間一直忙緊搬屋d野
不過因為地方算近
所以可以慢慢咁搬過去
再加上其實福布斯四五星既酒店都住得七七八八
結果由復活節開始都再無去過酒店住了

話說之前一直有研究開有sunday brunch既酒店餐廳
咁岩見到福布斯四星餐廳上面有cucina同sabatini呢兩間意大利菜
所以就對marco polo同帝苑呢兩間只係福布斯推薦既酒店上左心
其實marco polo一直都比人話又舊又有up味
但見佢官網一直有個幾抵玩既package
就係送千三數credit
星期日至四入住仲可以免費升級同六點check out
咁又見到blackout date無端午節呢個假期
就諗住平平地試下佢
用果千三蚊食個sunday brunch都好
再加上海港城一直有出半價coupon
係marco polo既自助餐都可以用得到
雖然港威個自助餐好似感覺比較好
但一黎未去過cafe marco
二黎又想試下marco polo既餐廳
就book左cafe marco自費食個lunch buffet
最後預約埋合味道杯麵館
咁樣兩日一夜既端午節假期就用兩千五蚊食左兩間buffet
仲住到間千一尺既全海景套房
六點check out
性價比算唔錯了

馬哥孛里香港酒店
已經開業超過五十年
應該係暫時去過最方便既酒店
位處於海港城既正上方
同格離港威或者之前住過既美利都係屬於同一個集團
由九龍倉擁有同管理

以五星酒店黎講
佢價錢算係平過其他酒店一截
而且海景仲可以望晒維港兩岸
不過應該算係去過咁多間最殘舊
睇wiki話佢地將會開始重建
最快25年落成

自助午餐由十二點食到兩點半
因為遲左少少去
而且又係自費食
就費事去櫃檯搞埋手續寄存行李
直接入去自助餐餐廳

cafe marco有兩個入口
一個係客房電梯一樓出lift
另一個係海港城地下個連卡佛入口
上一層樓梯就係



其實都有諗過質素好一般
但成個marco polo只有三間餐廳
一間意大利餐廳
一間自助餐廳
同埋一個八婆下午茶餐廳
就只有揀左意大利餐廳cucina同自助餐廳cafe marco
不過減番海港城cupcon平均都係每人二百五左右
都算抵食就試埋佢

cafe marco樓底好矮

而且完全無窗景
感覺有少少焗促
不過位同位相隔都算開
檯亦都大張
同cafe too有得揮
算係坐得幾舒服
仲夠晒位擺行李
檯面上亦都放左兩杯水


口罩套食過兩間餐廳都係呢一款


餐廳有水吧可以自己斟茶或者咖啡同果汁


自助區地方唔算大
主要食物都放晒係中間長檯
魚生同壽司區就放係酒店門口

只有呢四款

好難食
食左一轉就算

lunch無龍蝦亦都無生蠔

只有長腳蟹
青口
螺同蝦


cut cold好少

另外綠色bar都有冰凍住

麵包同芝士都無食過


熟食都有好多盆
其中芝士海鮮同牛尾味道都OK


有中西兩款湯
試左個西湯還可以

後面有蒸爐區同麵食

點心每籠有三件

另外仲有燒賣同糯米雞

個擔擔麵都可以放得落口既

但餐廳就好似唔夠廚師咁
呢個中東烤雞我都無見過有人幫手切


另一邊仲有個即整龍蝦意粉

每碟會跟一隻龍蝦鉗

呢個就幾入味

同場仲有d羊同牛
都係即意粉果位廚師一腳踢

最後只係食過一份牛又係好難食

係魚生檯格離仲有咖哩

一樣都係無掂過

最後甜品區都有唔少蛋糕


木糠布甸算係最好食

芝士撻又凍又無味

另外豆腐花都比人筆到散晒

而且無黃糖

武漢肺炎下比較少見既朱古力噴泉


雪糕係haagen-dazs

有八種口味
不過係要自己筆既


咁樣又意粉又擔擔麵其實點都會食得好飽
以前就會覺得食呢d好唔抵
不過而家就唔會再咁諗
想食咩就揀咩
另外洗手間係連卡佛入面
要同街客共用
所以衛生一般

兩個半鐘假日lunch buffet正價408

連加一就係差唔多九舊水
可以用四張海港城dining B coupon

減左四百最後埋單五舊
每人248.8落樓
我覺得算幾平
不過就真係唔好預佢有五星質素
地下有少少痴立立
職員會大刺刺咁係你身邊推部廚餘手推車
收碟速度亦都一般
外面廚師食到一半會陸續消失
壽司檯唔再有人理
雪糕亦都要自己筆
真係隨時四星服務都比佢好

跟住落番大堂諗住check in已經見到排晒長龍排到lobby lounge

好在book左套房可以上lounge check in
其實係官網book豪華套房同豪華客房都只係差六百六
真係又要排隊又無景睇都唔知為乜
不過好多人都淨係識係klook睇就真係幫唔到佢地

職員小姐帶左我地上17樓check in
係lounge門口搞掂晒check in手續

之後帶左我地去同層既豪華套房
不過就無房間介紹
雖然呢間酒店個自助餐鳩流流
但職員見到我拎住個gap去check in都有主動問有無野需要幫手
都叫有番D五星級既感覺

今次我地住係貴賓樓層既1756號房

因為矮層隨時要同停車場對望
所以book果時有request到高樓層
真係比到間第二高既樓層我

睇番17樓貴賓樓層既平面圖

酒店係I形設計
每層都有成六十幾間房
相當大間
不過雖然marco polo起係海邊
但其實只有底下由46號至56號十一間房有海景
而lounge都係無海景既
咁我地住既56號就係酒店第二大既豪華套房
反而全酒店最大既馬哥孛羅套房就起係十樓
一樣都係呢個位置
應該就係打通埋格離55號房
其他客房有大有細
4-15號房係望廣東道景
16-31同57-62可以望到內園泳池景
不過係官網見到就算同一個房型都可以有唔同size
好似總理客房竟然會比高級套房大間
而官網竟然係用同一張相
係房型呢一part同美利酒店一樣咁混亂
果然係同一個集團出品

開門卡一共有三張

其中一張用黎插係門口比電

另外check in果時就要book晒下午茶,黃昏小食同早餐既時間
每節只有一小時
咁我就book左四至五點食下午茶
七點半至八點半食黃昏小食
九點半至十點半食早餐
其實應該可以係cafe marco食早餐既
不過諗住頭先已經食過所以就揀係lounge食

另外marco polo既dining credit應該叫做dining coupon

千三蚊分開兩張400兩張200同一張100
即係唔可以簽房帳累積
迫你用到齊頭數
某d日子仲話唔可以落餐廳用
好狗
不過咁樣唔知係咪可以轉比其他人用呢

另外都係d廢話

room service都只係去到夜晚11點
唔比你通宵點餐
因為計過聽日食cucina都只係食到千一蚊
其實煩左好耐到底仲有果兩舊水用係邊好
連叫個漢堡包連加一都會過二百

room tour

都仲有請勿打擾既燈制

門口邊擺左部咖啡機
盒入面有三粒子彈

因為同美利係同一集團
所以都係提供支那百歲山
不過就算住套房都只係比得兩支真係超級孤寒
雪櫃入面係空既

對出有張六人大檯

見到有其他youtuber拍過頭頂會有座吊燈既
我地呢間就乜7都無

門口前面有幅壁畫


再前少少有個客廁

見人地指片會係個pantry有微波爐
所以呢間貴賓樓層既設計真係好唔同

飯廳前面係客廳

有兩張梳化同兩張獨立椅

另外有張辦工檯

有d文具同明信卡

同55吋sony電視
型號係x7000
好似都係兩年前既型號
已經係4K電視
但係呢
marco polo個電視訊號真係世界級
check in果時有問過會唔會睇到歐國杯
職員小姐話係連viu都睇唔到
今次真係聞名不如見面
話說香港舊年已經淘汰左analog信號
而呢間marco polo係收唔到數碼廣播既
即係唔好話viu
係香港所有免費電視台都唔會收得到
呢部電視淨係只可以睇到幾個cable tv台同外國台
真係笑撚死
我地都係見睇唔到數碼台先打電話問
咁職員又搵左工程佬上黎
結果佢只係一味道歉話成棟都收唔到
都唔知一日要道歉幾多次

呢度好似仲係八九十年代裝修
電動窗簾當然唔會有
全手動操作
打開窗紗會見到呢個維港景

係尖沙咀黎講雖然唔及半島正中
但勝在無遮掩
外加一個停車場景
都算好唔錯了
不過其實行開少少就會見到係有簷篷遮擋左個景觀

左望右望都會擋住


但呢個景觀叫做可以望晒全港兩座最高既建築物
都算係咁了

過左客廳會係條長走廊

走廊中間可以放行李

重點係呢度一樣有個客廁

即係加埋浴室總共會有三個洗手間
不過浴室果邊係無馬桶既
所以沖涼同屙屎要好似去左日本咁唔可以同時進行

走廊隻窗係同客廳隻窗一樣咁大

兩隻窗並列個景觀就真係好開揚

走廊盡頭係浴室

外面又有個空櫃
呢間房真係好多櫃
但全部都只係裝飾用

浴室有兩個洗手盆


放左張凳係度


備品好少


浴缸夠長不過好淺

而且無電視機

風筒回定式裝係牆身無得拎走吹


最入係企缸

花灑可以拎得起
叫做比香格里拉好

套房淋浴露同客房唔同

用elle但寫晒殘體字
後面話係made in深圳

再入去就係睡房

張床好大張

床頭

成間屋都搵唔到個冷氣制
原來要入房先set到

不過d燈制就亂鳩黎既

另一邊床頭一樣有得set

房部電視就細好多

一樣都係無野睇既

房有三隻窗

最近床果隻係對住格離星光行棟牆
前少少果隻就有番個半海景

呢隻窗格離有張梳妝檯

不過張檯就好殘


最後一隻窗係格離開放式衣帽間


呢隻就係全海景
不過訓係床係望唔到
如果係度整棟門就可以變成步入式衣帽間
但佢無整到
所以而家個設計好奇怪
入房兜個圈就係呢個衣帽間門出番去
而係房基本上就會隔太遠聽唔到門鐘既
而且落床去開門條路亦都好得遠

因為成間房得浴室一套沖涼野就打電話拎多套
有個外藉姐姐就拎左套唔同既過黎
仲要重覆左護髮素

呢set就應該係普通客房用既

就係度屙個屎hea下又已經夠鐘過去食下午茶
即係頭先係自助餐都話職員會大刺刺咁推部廚餘車好反胃
估唔到酒店走廊都一樣
真係大大部放備用品架車係度


由checkin到checkout都無消失過
同埋無論早午晚任何時間行過走廊
都會見到姐姐仲係度執緊房
好似無時無刻都有人check out咁

另外職員用既貨lift係無遮無掩
要睇部lift格離塊牌寫住職員用先知唔用得


走廊有d壁畫裝飾下


十七樓電梯大堂

十八樓就要行樓梯上一層

貴賓樓層雅座

入得lounge都係住客
本身就已經登記晒
但都話要do安心回家
我話無
佢又就咁比我入
笑鬼死

呢個lounge真係去咁多個最鳩既

人地間間都裝修得好靚
仲有靚海景
呢度真係整幾個吊燈就算鳩數
外面係內園景
所以仲會長期拉埋窗紗
其實咁樣起係地下定十七樓根本就無分別

下午茶就只有呢幾盆

個corner就得咁大

其實都想像到夜晚果餐唔會好得去邊
我都開始後悔預約左聽朝係度食早餐

基本上全部拎晒就係得咁多野


頭先自助餐無汽水就可以係度飲下既

食完個下午茶就周圍鬆下
加埋之前食完個自助餐真係好撚飽

電梯入面有件藝術品


客房由7樓至18樓
無13樓
17樓係lounge
6樓係福布斯四星意大利餐廳cucina同外判日本餐廳西村
呢間都可以用到海景城coupon
另外6樓仲有泳池
連接住停車場
所以好多唔係住客都會經呢度搭lift落地下
2樓同3樓都係連卡佛
1樓係自助餐廳cafe marco
地下係checkin大堂同lobby lounge
健身室係4樓不過要坐另一部lift先去到
我就無去過

六樓一出lift就見到泳池

只係開放到六點
問過都話有位可以入


泳池都係對住客房並無其他景觀
所以係周圍泳池都排爆之下佢係無乜人唔洗book既
第二日去過就知道點解
因為佢個池最淺都米半
最深成兩米七
完全唔係for細路仔黎玩既
就算成年女性黎到都未必可以掂到腳

停車場門口左手面係cucina


本身係book左今日黎食sunday brunch既
但唔知點解佢連續幾個星期日既sunday brunch都取消晒
所以就轉左食聽日端午節既sunday brunch
但其實佢地平日既三道菜set lunch都只係328
仲可以加58轉紅蝦意粉
呢份係出面單點食間間都賣成三百幾
其實set lunch真係仲吸引

另一邊係西村

之前有諗過自費唔食自助餐而係食西村
但見係外判
上網評價又話服務好差
所以都係放棄左

以前呢一層仲有間米芝蓮一星既夜上海
而家搬左去k11 musea

六樓門口無任何marco polo既字眼


可以望到cucina靠窗既位置

我都request左聽日既窗邊海景位

係六樓平台可以望到馬哥孛羅香港酒店既半貌

我地間房係由上數落黎第二層
由右手面計起一隻細窗同兩個大窗都係我地豪華套房既範圍
而由低計起第四層
即係十樓著左燈有吊燈應該就係屬於總統套房級既馬哥孛羅套房

比我地多左一隻窗

海運大廈原址為九龍倉碼頭
亦都係李小龍搭船到美國既起點

佢話

香港已經變得唔再香港

國家法之後
已經無左言論自由
話拉就拉
未審先判
連講句香港真係好靚都唔比
呢個維港
睇怕遲d都要改名了

沿住停車場行

都幾多人係度呼吸

去到盡頭可以落番去LCX

下面有好多海景餐廳

呢個位我記得兩年前左右黎過
果時仲係gorden ramsay開既maze grill
而家已經執左變成第二間餐廳
呢間我曾經都想係情人節果時book黎食
但佢話要比deposit我就無理到佢

樓下仲有間日山好想食

條走廊真係好日本feel

呢幾間餐廳全部都可以用海港城coupon
最高可以食一千蚊減五百蚊
其實用黎食個最平既壽喜燒都幾抵食

上番去係維港兩岸既觀景台


人唔少
我都係上次食maze grill先知有呢一個位可以望下海
不過其實我間房景係贏晒呢一個景

天陰陰無日落睇吹完風就番轉頭

已經開始入夜了

話說時間已經六點
但我落番大堂諗住出去門口影相竟然見到呢個畫面

人龍係仲長過我兩點半果時
呢個時段排隊
都唔知七點上得房未
咁玩法都唔知為乜

marco polo正門

酒店唔似其他咁有代客泊車
就只係係門口間左個上落客區
幾個月前經過海港城仲會見到有人開門量體溫
唔知係咪集團cut得太多人
而家已經無晒呢d守門人
完全係自出自入
無晒五星級酒店應有既服務

廣東道三號

呢個位置的確係去過咁多間酒店最方便既
但係其他方面就真係好麻麻

正門外有兩部lift可以上到三四五六樓

另外入左大門仲有幾部可以插卡既客lift

要呢部先可以上到去四樓既gem room

番到房

客廳位其實係勁暗
佢頭頂係無任何燈飾
要靠其他檯燈同燈外面既燈光黎支撐

但係個景係無得輸既



甚至比起之前住過既九龍香格里拉仲靚

又係時間入lounge
今次book既係夜晚七點半至八點半
因為酒店兩間餐廳我都book左食lunch
所以今晚就會係lounge解決
唔知係咪太夜啦
客又少
食物又鳩
只係多左幾枝油

同埋有一盆芝士同cold cut

其他既都仲係鳩流流



呢個晚餐真係自upper house果次之後最鳩流流既一餐

真係買多張coupon落去海港城食好過

今次買左包咁既野玩下

浸味都幾重
但無nowtv
自己又無帶ipad
波都無得睇

咁呢間野雖然殘係殘左d
但佢既size同景觀都算係彌補左
而且個價仲要算好抵
地點方便
我其實都無咩特別唔滿意架啦
因為有三個廁所
仲可以長期霸住黎屙屎

DAY46 完


下次歐國盃決賽住康得思
諗住同屋企人食番餐所以book左住主席套房
呢段時間食左唔少黃點心同手工意粉
仲做左開飯打手
之後應該可以寫下
而家唯一可以做既
都應該只係淨番呢d野

DAY1 蒲台島->Beef & Liberty->赤柱 #2 & #55
DAY2 天際100->每日->Ozone #60
DAY3 太平山->大富翁夢想世界->凌霄閣摩天台428->楚撚記大排檔 #81 & #95
DAY4 玄鮨->Epure->觀塘海濱花園->平山 #109
DAY5 Sukiya->梅窩->銀鑛灣瀑布->La Pizzeria->逸東軒->普慶餐廳 #119
DAY6 Aaharn->大館 #132
DAY7 龍逸軒->1881 Heritage->嘉頓山->素年 #157 & #167
DAY8 昂坪市集->Ebeneezer's Kebabs & Pizzeria->天壇大佛 #188 & #196
DAY9 鮨樂->香港文華東方酒店(上)->Cafe Causette #213
DAY10 香港文華東方酒店(下)->文華廳->香港摩天輪 #244
DAY11 九龍海逸君綽酒店(上) ->炉端燒 #268
DAY12 九龍海逸君綽酒店(下)->The Promenade #297
DAY13 Mamaday->香港四季酒店(上)->龍景軒 #323
DAY14 香港四季酒店(下)->The Lounge->Caprice #396
DAY15 香港朗廷酒店(上)->朗廷會->唐閣 #448
DAY16 香港朗廷酒店(下)->The Food Gallery->Bostonian Seafood & Grill #473
DAY17 香港海洋公園萬豪酒店(上)->萬豪貴賓廊->Marina Kitchen #516
DAY18 香港海洋公園萬豪酒店(下)->Pier Lounge & Pier Bar->香港海洋公園->1仔冰室 #570
DAY19 香港鐵路博物館->大埔海濱公園->Fat Belly Butcher & Gin House #599 & #608
DAY20 香港萬麗海景酒店(上)->Club Lounge->滿福樓 #619
DAY21 香港萬麗海景酒店(下)->萬麗咖啡室->Mirage Bar & Restaurant->金紫荆廣場 #648
DAY22 Kitchen->香港W酒店(上) #665
DAY23 香港W酒店(下)->Kitchen->星宴中餐廳->WooBar->西九文化區 #695
DAY24 Cafe Gray Deluxe->奕居(上) #714
DAY25 奕居(下)->Cafe Gray Deluxe->燈籠滷味 #746
DAY26 大澳->香港大澳文物酒店(上) #758 & #778
DAY27 香港大澳文物酒店(下)->Tai O Lookout->大澳->蘇廬 #803
DAY28 香港麗思卡爾頓酒店(上)->Tosca di Angelo #823
DAY29 香港麗思卡爾頓酒店(下)->The Lounge & Bar->天龍軒 #847
DAY30 嚐囍煲仔小菜->心經簡林->Involtini Italian Cuisine #857
DAY31 香港美利酒店(上)->Murray Lane->Popinjays #878
DAY32 香港美利酒店(下)->Garden Lounge->香港公園->四季常餐 #891
DAY33 香港瑞吉酒店(上)->潤 #909
DAY34 香港瑞吉酒店(下)->潤->L'Envol #937
DAY35 南豐紗廠->韓閣 #955
DAY36 南丫島->牧羊少年咖啡館 #964
DAY37 東平洲->好湯好麵 #6
DAY38 香港半島酒店(上)->吉地士->Lady Nara #25
DAY39 香港半島酒店(下)->露台餐廳->嘉麟樓 #58
DAY40 ○de▽鯛白湯らーめん->海山樓->Dough Kitchen->Bistro Bon #88
DAY41 九龍香格里拉大酒店(上)->灘萬日本料理->豪華閣->香宮 #108
DAY42 九龍香格里拉大酒店(下)->Cafe Kool->Angelini #139
DAY43 港島香港里拉大酒店(上)->豪華閣貴賓廊->夏宮 #165
DAY44 港島香格里拉大酒店(下)->Cafe Too->珀翠餐廳->香港公園 #183
DAY45 金所->mimila->香港文化博物館->Top Blade Steak Lab->Tiffin #220 & #252
DAY46 馬哥孛羅咖啡廳->馬哥孛羅香港酒店(上)->貴賓樓層雅座 #309
DAY47 馬哥孛羅香港酒店(下)->貴賓樓層雅座->合味道紀念館香港

估唔到咁多人

勁多人
應該排到八點先散

佢個brunch 仲難book 個JW CAFE

有更新

本身想訂Marco polo 住宿連自助早午餐package
但睇完樓主咁講諗諗先野食唔好食真係會唔開心

無計啦
淨係做假期
the lounge個sunday brunch好似都好難book

龜速更新

如果要食既話去cucina食brunch會好好多
環境差天共地
Between,你個plan幾錢先