[長氣多圖][無限期] 香港staycation之旅(2)

吉地士
米芝蓮一星餐廳
亦都係福布斯五星餐廳
香港最古老既fine dining餐廳
好似係
五年前睇過葉朗程話著波鞋唔比入但大劉可以
但今時今日見佢官網個dress code已經無話唔比著波鞋
就算係dinner都只係長袖恤衫
都簡單左好多
而今日
我就著住對ultra boost入左去

餐廳搭客lift係去唔到既
首先要落番地下大堂
入口係大堂右手面既商場位

由踏入去開始已經變成深藍色地毯
格離有個商場出口係對住彌敦道既
可能唔想浪費人力把守探熱就無開放

入口再要上一層先到
可以選擇行樓梯

或者坐呢間老爺lift上去


有位外藉女士就係門口等緊我地

之後星期日gaddi's休息
係lobby lounge都有見到
其實佢態度就麻麻
可能我英文廢啦

餐檯擺設

今次識做要左tap water

鮮花裝飾


口罩套只係一個普通信封


頭頂有兩盞幾十年歷史既水晶燈

仲有其他燈飾

而成個格局對比起之前去過既caprice同L'envol就唔算話好華麗


古典味重
如果拎走晒檯凳會似一個舞台
而餐廳既位置其實同我地436號房係一樣既
所以景觀同我地廳一樣都係望太空館
另外再加埋附近34號細套房加埋38 39號客房既景觀

因為開番晚市
所以有番單點菜式

午市有三or四道菜既set
或者嚐味套餐既四or六道菜

咁我覺得吉地士算係偏平既
最簡單既三道菜都只係608
而且用visa signaure以上信用卡仲會有九折

咁雖然之前book臺要用英文
但其實侍應大部份都係香港人
佢係有介紹餐牌
亦都有推介食物
樣樣都做足
不過係感覺有d冷淡
唔知係我地太遲黎
女朋友太嘈
定覺得我地寒酸啦
以前去過幾間都唔會咁既情況出現

除左帶位果位女仕
另外外籍既淨係見到呢位上麵包既男仕

如果有揀sourdough佢就會現場切
唔知係咪新人
見佢夾麵包有d手震

除左sourdough

仲有兩款包

前面呢個煙肉卷好軟好好食

配左普通同辣牛油

今次麵包碎就無人掃了

餐前小食係洋蔥洋蔥同洋蔥整成既

咸咸地脆脆地濕濕地

連前菜都有銀盤

我揀既係黃猄肉酥皮批

黃猄睇完wiki先知係鹿既一種黎
將鹿肉整成類似威靈頓牛既前菜
都幾顛
而且仲幾好食
皮肉亦都唔會散晒

另外呢個豚蹄肉凍批我就一般

鴨肝仲要凍既就真係唔太岩食

可能成兩點幾先黎
佢上菜都幾急
收完碟無幾耐就上下一道菜

主菜西班牙黑豚面珠墩

之前係tosca食過幾好食
但估唔到呢到差咁遠
真心唔好食
而且好咸
下次仲有機會食法國菜唔叫牛同豬了

另外份齒鱈魚就好食好多

又係查過wiki先知係深海魚黎
咬落有質感
配埋海膽食仲正

餐具銀器好似全部英國製

睇過有食評話同以前係一模一樣
聽日係露台餐廳食早餐都係呢一款

食到咁上下都走得七七八八
餐廳邊既座位其實有d特別
客人會平排坐咁面向住餐廳中心
坐到好似觀眾咁

洗水間時間

洗水盆同尿兜中間仲有棟門相隔
設計就唔算太特別
同餐廳感覺一樣

最後上甜品
因為有兩個朱古力一個係芝士
我理所當然係揀淨番既青蘋果白梨

中間果件係雪糕黎
幾層口感
仲有公仔造型幾得意
不過女朋友係咁影相搞到有少少溶

另外佢揀左芝士

配左麵包同餅乾

唔識欣賞
完

餐茶揀左earl grey

但佢斟完收走左壺茶
即係得一杯

另外既凍檸茶

檸檬另上

埋單vs九折再原價加一

即係正價608一位
以呢種級數既酒店黎講算抵食

其實侍應除左比較冷淡之外
最後仲無上到petit four比我地
原本checkin係開心既
不過食完呢餐係有d令我對半島改觀既
白鴿眼一詞我都覺得可以應用係度
我地兩點三到達
四點三離開
成餐飯食左岩岩好兩個鐘
咁除左呢樣野
其實所有fine dining既元素都有做到足既
包括最後都有送我地出門口既
不過佢地個口吻就真係有d串既感覺

出番去應該係下午茶時間

大堂茶座分開左右兩邊
好似話下午茶要排隊無得預約
我就見唔到呢個畫面

中間門口走廊就隔開左大堂茶座兩邊


呢個應該算係類似information center


咁半島酒店樓層平面算大
一共有兩組電梯上樓
我地果組就係呢個詢問處既右面
近gaddi's入口
一共有兩架lift

呢組lift只可以上到舊翼至六樓
去唔到新翼

地下就係接待大堂同大堂茶座位置
外圍亦都係商場範圍
好似gaddi's入口就係商場度
而商場一共有三層
除左地下仲有地庫同閣樓
一樓就係半島酒店大部份餐廳所在
有食自助餐既露台餐廳
飲酒既the bar
米芝蓮餐盤推薦既瑞士餐廳chesa
一星米芝蓮中菜嘉麟樓
同埋日本餐廳今佐
2至6樓都係客房
636號房好似係間music room黎

上去新翼既電梯係另一邊


走廊擺左好多花樽

好易推跌

走廊係呢d上下反轉既掛畫




盡頭係兩間套房
434大明係高級套房

同我地436玉印既豪華套房


舊翼平面圖

舊翼房成H型
左右兩邊係望馬路既豪華客房
01-02 24-33係望噴水池既豪華中庭客房
四間高級套房03,15,34同46兩間望太空館兩間望九龍酒店
最後05同36就係我地呢間豪華套房
仲有checkin counter果組lift就係15號房果邊
同我地36係兩個角落
夜晚試過搭果邊lift行左好耐先番到自己房

房卡


入門口右面有個客廁
前面係藝術品


成個廳就係長方形設計

飯廳同客廳分明
頭頂有兩盞吊燈

六人大飯檯

package送既靚靚甜品盒

仲有封好簡單既手寫信


中間有張書檯

檯面就放左張通告

話餐廳而家晚市照常營業至十點
而露台餐廳自助晚餐
felix晚餐
同半島酒吧就繼續休息
但夜晚經過露台餐廳就見到有人食緊野
仲有泳池露台開始至晚上九點
健身室就九點半

櫃桶有文具

明信片

仲有部printer


客廳有張L型大梳化

同瑞吉比就反而坐唔到咁多人

櫃入面有茶具

係樓下睇過呢Set野要賣千幾蚊
同evian玻璃樽水
聽過而家瑞吉又由cool水轉換玻璃樽
成間野感覺都顛顛地

咖啡機

半島自家茶包


作為一間套房
就比較少酒類飲品





雖然唔係落地大窗

但因為樓底高所以隻窗都幾大
而且個境景都可以接受
起碼唔洗望九龍酒店

我覺得已經算好唔錯
明明已經算係半海景
但佢都無好似其他酒店咁連少少海都話自己係海景房

反而唔知點解呢邊大窗係設計到咁鬼矇

半島隔音都幾好
雖然近馬路
但住四樓都唔會話點鬧

睡房有個半開放既衣帽間

酒店有兩種浴袍

一套係衣櫃
另一套係廁所

拖鞋都算舒服

櫃桶入面有兩個口罩套

入面有口罩同濕紙巾

另外個收件箱係衣帽間入面


同文華東方一樣
可以係度收件
雖然佢最後比封信我都係放係門下面

睡房設計同客房幾乎一樣

床頭有無線叉電

平塊同電話
另一邊都一樣


半島對上一次大裝已經係2013年
但整體感覺都幾高智能
全間房都無實體按扭
全部都用電子面版控制

亦可以用平塊控制
房兩部廳一部
而且電話都唔係柒下柒下果款
感覺仲先進過美利同瑞吉兩間新落成既酒店

廳同房各有一部samsung電視機

跟機下面仲有一部bluray機
酒店話可以免費同佢地租碟睇
如果係3D戲仲可以借埋3D眼鏡
不過電視機就連唔到IOS電話

梳妝台有塊可以升降既鏡

完全岩晒好似我呢d完全唔想見到鏡既人

仲有部好似玩指甲油既機

而個景就只係望對面喜來登

基本上就無開過房隻窗簾

廁所算係呢間套房比較弱既一環
因為係同客房完全一模一樣

雖然有窗
但其實望唔到任何野
不過浴缸個電視機係真係算大部

雙洗手盆

水龍頭係呢種扭扭扭既復古設計

新包裝既沖涼用品

由自家本地調香師angel cheung負責調配

牙刷牙膏


座廁並唔係智能廁所

企缸亦都唔算大

花灑都好普通下

另外樓底好高
廁所頂都仲有空間

話說雖然半島無lounge
但其實行程都幾密
因為食完gaddi's
room tour完
1715又要上去天台影相
不過今日因為有落過雨
所以屋頂直昇機坪就無開放
剩係可以參觀侯機室既china clipper

係地下大堂集口
就會有職員帶領上候機室
因為限聚關係
所以一團只有四人
好似係

首先要坐新翼架lift上到27樓

再係暗角轉另一部油壓lift上30樓

職員話因為頂層停機坪關係起唔到機房所以要用油壓lift
都幾慢下

地毯係有寫住china clipper
發覺半島都係鍾情用藍色地毯

出lift有棟真既飛機艙門

外面係海港城一帶


china clipper

以第一架橫越太平洋既民航客機黎命名

除左可以當lounge用
亦都算係半個博物館

有螺旋槳同引擎等既收藏

亦都有好多有關china clipper既故事


就算黎到30樓都要安心上路


職員聲稱話呢度d座椅會舒服到令人唔想走

弧形窗設計
望落去既景色大約同海景房差唔多

由高空府視的確係同我地房唔同既

除左有停機坪鏡頭之外

仲有航班資料
佢地話武肺之前係可以搞埋入境出境手續既

以前呢架china clipper一共用左六日時間由美國飛到黎香港


控制室

鬼佬paul係呢度既控制員
成個場都由佢控制
仲要同機場控制塔聯絡

另外有個仿機艙廁所

係比客人用既

最後係上頂樓既樓梯

今日無開放
雖然最初都有話天氣唔好會上唔到
但見人地可以影到靚夕陽又有d唔甘心
都係果句
好似差左d野咁
咁岩另外果pair男女問遲d有無機會再上
職員就派卡片話都可以聯絡佢
盡可能比多次機會上天台
咁我女朋友都唔執輸拎埋佢張卡片

同埋果對情侶好似真係對直昇機好有興趣咁

職員都有唔覺意咁sell下個plan
基本上而家就唔可以離港
咁港內plan就有兩種
一種係過港島西轉個圈番黎
大約18分鐘索價一萬一千五
另外一個半個鐘plan係飛過去地質公園
就索價萬八
講緊我地而家住一晚既套房都係五千蚊
之前有直昇機可以坐過去澳門好似都只係千零蚊
值唔值就真係見人見智
佢話以前都有D名星機師好似黃敏德都係佢地既其中一員
不過而家已經無做了

咁成個行程就結束
我地就搭lift去到七樓離開

呢架新翼電梯可以由地下上到27樓
新翼由17樓開始
咁我就完全唔知中間9至16係咩黎

七樓係spa同gem樓層
年初七已經連埋晚市一齊開番


經過健身室見門口職員好熱情怕柒就無入去影相
健身室門口有條樓梯可以轉上八樓泳池

而家泳池並未解禁
由上年去萬麗開始到而家都仲有享受過

室內太陽椅

唔知平時有無職員舖毛巾呢
不過最顛既係後面就係九龍酒店

人地就有泳池比基尼景了

八樓電梯大堂

泳池係羅馬風格設計
所以有兩棟好型既大門

好耐無見過泳池
由萬麗打後既w,麗思卡爾頓,美利,瑞吉
全部都係封晒連入都唔入得

羅馬風既巨柱同雕塑
呢度主打唔係無邊際泳池
而係呢種類似羅馬浴場既感覺

泳池幾大
個spa池就幾細


出番去算係七樓既泳池餐廳戶外區

個景算開揚

不過因為樓層唔高所以唔算全海景
而且左右比喜來登同ymca包圍

半島新翼部份

即係由17-27樓都只有十一層
我就點數都唔只
而呢排全部都係特級豪華海景房
左右兩角係豪華海景套房
係浴缸有城景果款
最想住就係果一款房型
但貴我地成兩千蚊就真係住唔起

繼續係酒店tour
由一樓出lift


上面m2樓係function room

但無開放


一樓擺左gaddi's既歷史餐單

無中文解釋
220蚊三度菜連一杯油

一樓亦可以由lobby行樓梯上
上一層到M樓商場再上多一層就到餐廳樓層

成日都覺得呢D酒店商場根本就無人行
唔知未有疫情既時候係點呢

一上樓梯就係露台餐廳

門口係lego牛
餐廳入面係見到有人食緊自助餐

左手面係米芝蓮餐盤推薦瑞士餐廳chesa瑞樵閣

三道菜lunch set 438
算抵玩

右手面有三間


the bar就無開

盡頭係日本餐廳今佐

格離就係一星米芝蓮中菜嘉麟樓

不過我地今晚係出去食
好似都已經慣左無得起酒店食晚餐
如果gaddi's星期日無休息既話就可以夜晚食嘉麟樓第二日食gaddi's
不過星期日唔開都無計
夜晚食法國菜個價太顛就唔會考慮

雖然已經二月尾
但仲係新年佈置

真係仲泊左三架勞斯萊斯係度

門口噴水池

從來經過都唔會睇既簡介

都係開始接觸酒店先發覺原來係好多人會企係半島門口影相
以往從來都唔會留意

其實仲落左去地庫商場
有間強糕店入面仲有房入面茶具或者嘉麟樓既筷子座賣
前個星期女朋友就係度買左情人節禮品比我

後悔放左隻門僮係屋企無帶佢黎半島影相

gaddi's邊既商場門口就無開到

上面係望彌敦道景最普通既豪華客房


50年代半島就只有六層

90年化開始擴建


應該係武肺關係要度溫度所以好多入口都唔開放

行左去海港城

今晚去左L佛講既lady nara
格離有間正宗d既nara thai cuisine比較多人排隊
唔識頭唔識路拎晒兩邊飛結果lady nara即刻入得
限時個半鐘

我地坐梳化位
檯面都幾grand既

座位有d似花生殼

內觀都OK既

fusion菜唔算多野揀

得兩頁紙唔夠


四點先食完lunch唔算好肚餓
淨係叫左兩個意粉同甜品

泰式肉醬意粉

冬陰煙肉忌廉意粉

望落就有少少頹
份量亦都唔算多
味道一般啦
可能叫特色d會比較好

最後上既泰式奶茶tiramisu

連加一差唔多成舊水一杯
加埋cream就會爆漿
就幾大杯既
夠晒兩個人share

埋單345

用海港城coupon就減一舊水
海港城長期都做緊呢樣野日日都一大串人排隊

餐廳仲有張千秋可以打下卡


原來呢間野係曼谷都係米芝蓮餐盤推薦餐廳

希望係泰國直營啦

好耐無係尖沙咀食過夜晚

講黎講去都係未住到marco polo
仲未食到cucina

1881無得係官網book

不過睇過package就有5k幾連雙人扒房dinner
但之前住過大澳對呢D文物酒店個感覺真係麻麻
我估我自己都係想要grand d既酒店同餐廳

夜遊尖咀

其實咁睇啦
新翼就似係由2樓開始既
同舊翼好似直頭係兩個建築物咁
睇平面圖舊翼的確係無向住九龍酒店既客房
咁到底由2樓開始到16樓呢d層數係做乜既呢

喜來登本物又舊房型已經唔吸引

而家仲做緊疫酒店真係唔會諗

太空館


商場閘口都已經關左


夜半島


好似得番兩架RR係度

可能有一架出去左送人

雖然開番晚市

但大堂茶座夜晚就無乜人
講緊都要五舊水一位
其實呢個價位真係無咩必要係度食
呢一年都去左大大小小唔同既酒店餐廳
而家睇番當日竟然想係度食生日飯
個轉變都真係幾大



因為我地一黎到係直接上房
之前一直都無乜經過既check in大堂

就試左呢邊架lift上到四樓

四樓電梯大堂

由呢邊行番房真係要行好遠
仲要問埋行過既姐姐先番到房

今朝checkin果時問過我地想幾點開床
咁我就話大約七點半呢
差唔多九點番到黎
係乜燈都熄晒
淨係得間房有d好詭異既燈光


原來係個package包既南國曉燈影

其實真心唔知有咩用
訓覺有光係頭頂射黎射去
而且部燈影機仲要有d嘈
呢件事真係有d多餘

另外開床服務除左擺多枝水係床頭

仲送左塊番梘比我執

用平板見到酒店都有得賣

價值128蚊
個盒係幾靚既

另外又見到部部平板有個信訊

confrim左聽日可以一點三先check out
不過ms mak係乜水我就完全唔清楚

咁開床服務仲有接被


再舖多塊毛巾係兩個床邊

向床既係晚安
向門口既係早安

亦都有幫我扭埋d usb線


因為隻窗係有兩層

就點影都有反光
樓下望住個因為武漢肺炎封左館既k11 musea

廁所仲多左兩碗香燻精油

我唔識玩落左成碗搞到成身好似火燒咁
同埋原本見到浴缸終於有部大電視好開心
可以火燒住身體睇波
但熄完再開番竟然一直處於no signal無畫面既狀態

真係頂你個肺

今次半島無包mini bar野飲
去左isquare對面間百佳買左隻2L可樂
都係十蚊

係酒店叫係要75蚊

仲要唔知一杯定一樽

加埋熱浪蘋果一齊睇蘋果記者享受呢個四季八星總統套房

我上次住維港景套房食左六星其中一餐係龍景軒full set加埋都係7k幾
kkday加多餐外賣便當賣成皮幾野都幾顛

咁今晚係半島係訓得舒服既
雖然佢gaddi's既服務係差左少少
但整體我都好滿意酒店既安排
坐勞斯萊斯
in room checkin
帶團上候機室
唯一因為解放左晚市而無善用到張飯檯係比較可惜

DAY 38 完



從來零房價只有出現係朗廷,康得思同千禧新世界
其他有做零房價既都係鳩流流淨係比你book最cheaap既客房係完全無意思
但估唔到今日九龍香格里拉都出左呢個優惠
香格里拉一直都叫係最少優惠既集團
送credit頂多都係送1k
今次見到零房價我真係秒速課左
一次過可以食晒佢香宮,灘萬同angelini三間餐廳都仲有錢淨可以搵埋fd上黎食
再幫補下個房價
諗起都興奮
今次就終於試到可以係尖沙咀望過去港島既夜景了
如果港島香格里拉都出埋呢個優惠都幾顛
不過我估都未必會
應該唔會做cheap間petrus掛

清唔該唔好quote圖

中間跳層係因為半島寫字樓部份?

係wor
原來有半島酒店辦公室大樓
咁而家我明對住九龍酒店個入口係咩黎

lm

抵撚死啦，邊個叫你咁遲先坐低食飯🥲🥲🥲阻住人收工抵9你俾人閪面

個晚經過個面先知。情人節package好過4餐package

遲坐低唔代表會阻人收工wor
我都唔係最後走

我都係咁諗所以先book呢個
但係無下午茶無late checkout
Dining credit亦都只夠食一餐

諗住book咩房型

本來book城景套
後來水到朋友食香宮
改左海景套
見佢官網房型介紹城景套都好似渣d咁
實際唔識

唔怪之得 可以食晒3間

其實不嬲都想食angelini個sunday brunch
但而家又停左