[長氣多圖][無限期] 香港staycation之旅(2)

所以根本城景套係正過皇后像套
奕居個套浴又係對住大廈on99

個sunday brunch前菜係每樣一碟?
我去左扒房
saturday brunch都飽到顛

2022年就過左四個月多d
但其實呢段時間疫情比較嚴重
都無咩特別地方去過
所以之後多數都係得番酒店同餐廳
個勢外國都好似就黎開關咁
我自己都又book左十二月機票
唔知下半年會係咩情況呢



DAY70 港灣壹號 香港君悅酒店(上) 嘉賓軒貴賓廳 特首廳

君悅酒店都算係網上面比較多人好評既酒店
幾乎都係一面倒無負皮
大概係海景價唔貴
而且跟既餐全部都係主餐廳
唔會好似半島文華咁樣鳩流流掛
呢間酒店係疫情初果時出既staycation優惠就好撚抵
就算係套房加兩餐都係四千零搞掂
不過後尾就越黎越貴
所以一直同呢間酒店無緣
直到見到佢出左個聖誕優惠
唔算係正日但係27號入住套房大約三千二左右
未算係話特別抵玩
但起碼到左心理價位
而且聖誕節都睇過無咩邊間岩玩
所以就特登請多日假去左君悅酒店

君悅酒店
福布斯四星酒店
同萬麗一樣係新世界旗下物業
屬於會展雙子酒店
89年落成
由凱悅集團管理
房型眾多
好似話好多達官貴人入住
我都係第一次入住呢個集母既酒店
而酒店既餐廳就特別多
有成十一間
淨係自助餐都有三間
諗左諗右最後都係決定放棄扒房去左我自己鍾情既意大利餐廳
再加埋米芝蓮推介既港灣壹號一泊三食
而我呢個kkday package既黃昏雞尾酒時段就無得去平時既嘉賓軒貴賓廳
改成係五樓既特首廳
佢地話一樣都有海景
叫做唔係密室ballroom
可以試多樣野

話說上年都有寫過去茶園食自助餐慶祝屋企人生日
到達君悅既方法都係不外乎坐黨鐵

不過因為疫情唔開會展既出入口
所以係入境處大樓落去係地面行過去會比較方便
呢個門口就要行幾級樓梯

去到門口職員會直接幫你拎行李送上房

成日以為頂級酒店係應該有咁既服務
但諗諗下其實好多都做唔到呢種服務

因為27號係假期
見到意大利餐廳grissini個brunch貴過平日好多又唔吸引
所以第一日就揀左食中菜港灣壹號
而中菜假期日子就會分兩段時間
1130-1300同1330-1500
因為聖誕節lounge既下午茶係只開放1300-1430
而且係先到先得形式
所以我就揀左最早段既時間去食lunch
黃昏雞尾酒時段就要一早email同酒店book定
有1600-1800同1815-2015兩個比較多既時段可以揀

十一點幾係大堂checkin完當然係未有房
搞完就即刻轉場去八樓中菜廳
港灣臺號係佔左七同八兩層樓
不過入口就係八樓

入口對住個大花瓶

經過長走廊先到真正入口


VIP房


八樓座位唔多
基本上都係坐七樓
落樓梯都好多野睇


港灣臺號只係屬於米芝蓮餐盤推介既餐廳
多年來都無一粒星星
但係行內個名都幾響
成日都見有人話佢係被米芝蓮遺忘既餐廳
其實今日用餐都體驗得到
佢地服務並唔會差過最頂級果堆酒店中菜廳
而且絕對係香宮夏宮明閣呢堆一星之上
餐廳由李樹添師傅開山
後來交比陳漢章師傅主理
師傅前年曾經短暫過檔去左灣仔明閣
後來再番黎港灣壹號打理
而家好似成日都有搞chef's table
follow開各大中菜名廚IG
成日都見到章師傅邀請其他名廚試菜

餐廳以中菜黎講係特別開揚
因為有兩層所以樓底特別高

位置特別仲有天窗有自然光透入
唔似其他餐廳咁封閉
官網寫話係源自30年代上海大班既豪華府邸
理念好似同嘉麟樓差唔多
但出黎既面貌就完全唔同
天花有玻璃

下層有水池

更有酒店中菜少有既海景


我真係誤會左君悅酒店
一直都以為佢無係頂樓開餐廳就浪費左個海
但原來中菜同意大利餐都係有海景既

港灣壹號碗碟都好特別花花碌咁

兩套餐具唔同樣


開左壺鐵觀音

茶位係頂級價位
基本都要40蚊位

但係佢就收得好均真
好似女朋友淨係飲滾水
無特別要求下佢地都只係收左我地一位茶錢
唔似得有d唔夠班既餐廳仲要收埋花生同醬錢
好似滿福樓同金葉庭咁
通常都係比米芝蓮除名既餐廳

其實我就見過佢地有暖座既

但就無用到係我地果壺茶到

所有餐單好似點心或者時令菜式全部都可以係官網見到

唔會去到先話改左或者無

口罩套

幾間餐廳都係一樣

檯面有鮮花

最特別係有個銀兜
我估係放垃圾或者骨頭掛

三種唔同醬


頂級既中菜廳
除左服務之外
我覺得係食物既彈性
港灣壹號唔只點心係可以揀半份
主餐牌菜式大部份都有輕碟可以揀
兩個人食一整碟根本就叫唔到幾多野食
咁樣就可以試多幾樣野

個lunch set就完全唔吸引

所以就揀左散叫

落完單加多左隻餐碟


首先上既係可以揀輕碟既燒味拼盤

四件叉燒
兩件乳豬
其實已經差唔多係平時既三分二份量

始終都係覺得黑毛豬真係特別軟淋好食
所以都係覺得呢度比較普通
而且偏細舊
乳豬件都係脆既
但無咩驚喜

然之後上點心
無點見到港灣壹號有咩招牌點心
所以都係叫番大路野
XO醬腸粉

我覺得都幾咸

燒賣

飽滿

蝦餃

塊皮有少少爛

雞粒雪梨果

即係咸水角
感覺真係間間都會係呢道點心搞下花臣

佢地點心都上得幾快
一次過就上晒

都係平平穩穩正正常常發揮
並唔係果種用賣相黎吸引人既菜色

咁但係我覺得餐廳最好既地方係有位白衫比較高級既小二就真係會過黎打招呼
而唔係淨係會同熟客吹水
問左佢話之前餐廳裝修
其實主要都係廚房部份
餐廳都係輕量咁搞左射燈部份
基本上成間港灣壹號都仲係好靚好乾淨
無咩必要大搞

去之前見到有個好似酥皮湯既菜色好多人打卡話好好食
餐牌仲有成頁圖介紹

咁我又去叫左個

呢個叫做酥皮焗鮑汁海參柚皮
話上檯會好熱好熱
成個樣就係酥皮龍蝦湯d friend

插穿佢入面好多料

呢個已經唔係湯
而係汁
好好飲

唯一一個小菜叫左時令精選既天山雪棗豚肉蒸龍躉柳
見佢主餐牌一樣有份叫做菜脯豚肉絲蒸龍躉柳
應該都係招牌野
整法有少少唔同

食過幾次就知道呢d位上既菜式其實夠晒share有突
係唔需要叫兩份既

最後叫左海鮮燴脆米飯
白衫小二又有話炒紅米飯果個係佢地推介
果個又係有一頁圖解

就應該好唔錯
而家呢個都係砂鍋上

君悅最好係連飯都有位上

岩岩好分到兩碗
叫做粒粒分明
不過龍蝦汁就唔係點feel到

福布斯四星果埋酒店差唔多全部都要硬食四人份量既飯麵完全係唔合理

有聽過佢地個芒果布甸好出名

話係全人手手撕芒果肉
不過因為轉頭就上lounge食下午茶
所以無叫到任何甜品

最後參觀埋個洗手間

真係第一次見到有海景既中菜洗手間

係度坐到一點三埋單
求其download個新世界apps注冊個新acc都可以有85折
blackout date比信用卡少好多
呢一日聖誕節27日都用到

只係收左一位茶錢
折後千一蚊左右
唔敢話抵食過lunch set
但算係試到比較出名既菜式
價錢黎講都已經係嘉麟樓天龍軒果種級數
淨係茶錢都要四十蚊
服務黎講我覺得比嘉麟樓仲好
全程唔需要手動斟茶
係唯一有位小二比較粗魯斟茶會彈左水花出床面
不過整體都好滿意
係呢度就真係有得賓至如歸既感覺
而且仲有落地玻璃大海景
坐係度都精神d
我自己就好鍾意呢一間餐廳
食物唔係話好驚靘
但係穩打穩扎
就真係明白點解咁多人為佢無果粒星星而唔抵

君悅正式check in時間係兩點
不過佢地一點就打過黎話間房已經準備好
落番大堂拎卡一點半就可以上房


上次黎食自助餐都已經影過架lift


酒店1樓係大堂
有多國菜自助餐既咖啡廳
另外扒房steakhouse雖然係二樓
但入口就係地下酒店外面要搭專用電梯上去
仲有間疫情唔開既香檳吧
M層閣樓有西式自助餐茶園
茶園出面係餅店糖果屋
亦有間髮廊
仲有唔算太起眼既日本餐廳鹿悅
鹿悅入面又有間teppanroom
另外好似今日聖誕節特別日子個lounge有機會要落黎M樓既宴會廳
2樓係聽日會食既意大利餐廳grissini
3,4,6,9,10樓用途不明
5樓係今晚會去代替lounge既特首廳
7同8樓就係頭先去過既港灣壹號
11樓係泳池樓層
以前就可以直通過去萬麗
呢層有spa同健身室
亦都有露天池畔酒廊同燒烤自助餐the grill
12打上都係客房
行政酒廊入口係30樓
位置就係31-36樓
呢幾層都有客房
需要去到30樓轉lift

因為時間短缺
上完房就即刻去左lounge
30樓可以比lounge住客checkin用

我地早黎唔洗排隊係地下搞都ok

我地淨係去過31樓lounge
其他樓層無去到


座位就排得有d迫

下午茶時段係一點至兩點半
佢就話係先到先得
我地一點半上到去都幾full
不過竟然仲安排到窗口海景位比我地

呢個位直望會展同對面海
正宗過我地房好多

今日見到有人係會展屋頂清潔

下面仲有架姜濤帆船


下午茶時間都有啤酒可以飲

糕點其實唔多

而且質素都只係一般般

係有聖誕薑餅人比較特別



後來仲出多左款XMAS呢一隻糕

但係太甜唔好食

洗手間

久聞呢個嘉賓軒深受關注組歡迎
我自己就覺得最多只可以算第二
始終比唔上港島香格里拉果個
呢度座位比較密集
人太多亦都嘈
職員亦唔係太應付得到
係可惜夜晚唔比黎唔知有咩可以食
同埋見到有d客比較遲黎見佢地係可以打包糕點走既

咁我地今日住25樓10號房
電梯大堂有復古電話


走廊好多畫

燈都多
唔會話好陰沉

我地房係轉角位
門口勁黑

拍卡位個柄就唔係門柄黎
比佢fake左好耐
原來道門係右手面

君悅同萬麗都算係會展既左右大樓
設計基本都係差唔多
一樣都係L型

套房位同樣都係個轉角位
外圍房型基本全部都海景房
內圍就係普通豪華客房
比較特別係11樓有靜水沁園既日式房間
海景既話會係越上方就越靚
以我理解最頂果間corner房就係維港海景套房
我地房前一個彎位房就係行政客房
海景都正宗過我地呢間
而最高級果d大使房應該全部都係34樓以上

一入門口就有個鎖匙位

呢個位幾貼心
未見過其他酒店有呢個設計

君悅對上一次翻新係15年
對比好多酒店黎講都仲算係新淨

燈制位會著燈

一入門口係長走廊

左面係浴室
右面係衣櫃


咁我覺得廁所係全間酒店房最大既敗筆
首先個位其實係難搵既
基本上行完成間房都唔知原來塊連身鏡就係廁所門

然後呢個並唔係套房入面既客廁

而係成間套房唯一既廁所
即係如果你梳洗緊想去廁所
就要開門經過走廊先去得到
即係會搞到周圍濕晒
然後廁所呢個水龍頭呢

個開關制係係個洗手盆外面
即係洗完手去關水龍頭
就會搞到檯面又係濕晒
成件事係好反智

呢間君悅套房係君悅既第一級套房
同第二級既行政海景套房係一樣65平方米大
房型一模一樣
咁呢種房型應該每層樓都係同一個位置
我諗個分別都只係在於高低層
咁我地25樓到底係咩層呢
呢度並唔會好似瑞吉酒店咁樣對面有樓遮住個海
所以高低層分別唔明顯
係下面長期有地盤打樁
不過我諗住到頂樓都一樣會聽到噪音

客廳有L型梳化

圓型茶几

茶几上面有welcome生果同卡

張卡都算係咁
好少收卡既我感到恩惠
仲有枝紅酒

search過價值大約百三蚊

方型檯傳說可以做到天空次鏡
我就玩左好耐都玩唔到


電視機係sony既

55吋係度感覺就好似比較細部
而且連唔到airplay
後尾先知原來可以借apple tv

電視機右手面係mini bar

水係bonaqua
有咖啡機
六粒子彈
twinings茶包
防疫用品
口罩要問先有

下面係拉出型既雪櫃


小食


佢地可以借既野都列晒出黎

我當時無睇清楚有appletv
所以無得係電視睇野

見巴打成日去酒店
想問下依家非住客入酒店點check安心？
使唔使好似食肆咁要比佢嘟番轉頭？
有冇邊間特別嚴特格hea?

遊樂場教學


窗口望到半海半城

拉到盡都係半個會展

同頭先係lounge都差幾遠
感覺只可以算係半海景
勝在無遮無掩
而房果邊直頭係城市景黎

只有高樓大廈
所以普通海景房其實仲靚過呢間套房

萬麗既studio suite一樣都係呢種彎角位房
以佢地間房對比君悅間行政客房大概就差唔多
原本我都只係以行政房為目標
不過見到個價就book左套房
咁呢間君悅套就應該係對比萬麗既deluxe suite
同行政房既主要分別就係多左棟門黎分隔

雖然都一樣有地櫃
但唔知點解電視機就變左掛牆
大細就應該同廳一樣係55吋

張床就四平八穩

四個枕頭
床頭無櫃桶唔驚有聖經
亦都齊晒咁多制
仲有跟一隻USB火牛

自動窗簾係上下式設計

同平時有d唔同

君悅比較特別既係浴缸塊簾係可以升起

更甚係可以係床邊碌入浴缸
不過咁做係無咩意義
主要都係比浴缸通透可以望到出面景色
算係另類既浴缸景

由房入浴室就會經過細細衣帽間

有個空位可以用黎擺放行李同埋另一個衣櫃

拖鞋都係放係度
另外要穿過浴室出走廊先可以到達廁所
所以我先話個設計on99

雖然已經係套房級
但洗手盆只有一間

其實個位都幾寬
整多個根本都無咩問題
而企缸係另一個問題所在
果三個水制極奇複雜
研究左好耐先識用
呢個位頭頂都有花洒
係舒服既

風筒係瑞士牌


洗涼都仲係用支裝

而且係靚野
唔似好多酒店都縮晒水

呢間套房最大賣點係個浴缸

大到不得了
感覺好似仲大過海洋公園萬豪果一隻
而且開左簾係好開揚
雖然無海景睇
但係度沖涼真係超舒服
玻璃電視個moon仲幾大
呢個浴缸雖然打卡度唔夠
但舒適度真係數一數二

room tour就差唔多
呢間房唔算大
係福布斯四星以上酒店既基本套房黎講都只係僅大過朗廷
但成間酒店都係落地玻璃
整體好似港灣壹號咁光猛舒服

夜晚無得上lounge
改左係5樓特首廳
用email同酒店book左第二個時段1815-2015
都叫做有兩個鐘可以食下聖誕餐
見時間差唔多就落左去參觀
其實基本上次黎萬麗或者去茶園食自助餐果時都已經望過

11樓spa樓層


呢度好似可以做埋日式房既checkin


健身室都係度

當時都仲有開放


年尾天氣都幾凍
雖然泳池有開
但只係幾隻鬼係度玩水同訓覺

六點兒童池已經無開

而且成人池都即將關閉

泳池係同萬麗共用
所以上次黎果時已經影過君悅既酒店大樓


呢個時間已經開始左the grill既bbq自助餐

冬天還好
夏天要三十幾度咁樣戶外食野真係不了

池邊仲有個party room準備緊生日會


池畔酒吧幾時黎都生意唔錯


君悅既signature樹林

夜晚著燈特別靚

地下大堂


同萬麗一樣都有花店


多國菜自助餐

checkin果時佢話我地聽日只可以係lounge食早餐
結果第二日我就落左黎問
搞左一輪結果都係可以食得到既
結論係我未去過the market
咁我認為呢個係除此之外全香港最好既自助早餐餐廳
沒有之一

君悅太多餐廳
所以夜晚個大堂都好熱鬧
勁多人係度影聖誕樹

仲有兩邊水池都有一棵

總共有三棵聖誕樹


樓上閣樓係餅店糖果屋

d蛋糕又唔係話好貴

入面就係茶園

同一邊有個library lounge


都幾多同聖誕有關既裝飾



另一邊係完全唔起眼既鹿悅

以前好似有日式自助餐

落番地下

竟然有礦石睇

香檳吧而家無開放


地下宴會廳入口氣勢好強


最後係上左去五樓特首廳食野

門口有聖誕樹
聖誕氣氛唔錯

入到去發覺個場其實好少人
所以基本上全部都可以坐窗邊位



因為只得五樓
都比會展遮左半個海景


唔知樓上lounge係點
但呢度入場就已經幫你斟香檳

今晚可以係度坐足兩個鐘
前菜直頭係buffet級數



其實真係可以當呢度係正餐咁食


熟食唔算話特別多


但已經夠晒飽



果次去港島香格里拉一樣夜晚入唔到lounge
之後分配左去圖書館果個密室宴會廳就真係不予置評
但呢個特首廳就好唔錯
可能人少
職員服務仲好過上頂樓

仲有個雪櫃係放甜品

都有幾款特別賣相既甜品可以揀

酒水我就唔識野
但都見到唔少可以玻璃樽



洗手間

呢度全部都好好
勉強已經算係個聖誕buffet
但係總會由少少野會搞到唔開心
最後又不歡而散無坐到最後

番番房浸個浴黎冷靜下

個缸真係超大
放水亦都係超快
成個私人風呂咁
唯獨係四邊都係起角好難訓係度
不過開左簾就凍到仆街
而呢度望出去亦都只有城景

浴缸電視機無signal都算係常態

上次去半島又係咁
唔知做乜柒

有開床服務

每邊放左枝水係床頭
不過就無果張地布

夜晚地盤景就係萬麗見唔到既



雖然有個聖誕特別lounge
但就無dining cardit送
如果以淨房黎計君悅個價暫時係我去過最貴既
咁我都滿意既
但就唔係吹到關注組咁完美
最多話係佢真係站係福布斯四星既頂端
即係好似A級英雄第一位之類咁樣

DAY70 完



去完港麗
間中菜真係差到不得之了
入左去成廿分鐘都無人斟茶
而sunday brunch係正既
不過睇番有啖好食兩年前拍果時只係898
而家已經貴左唔只三舊水
整體體驗就唔係話好差
但係成間酒店都overprice晒
今次諗住試玩下嘗你住去hotel icon
唔知book唔book到呢

thx巴打

原來仲有更新

半個月先一次