[長氣多圖][無限期] 香港staycation之旅(2)

樓主可唔可以推介幾間香港覺得最正最頂級嘅酒店參考下

Top3都係呢三間啦
半島
四季
文華東方

我自己就最鍾意奕居同麗思卡爾頓

K11artus同瑰麗就仲未有銀兩住得鄰起

DAY64 帝逸酒店(上) 源峰



八月去完帝苑之後
都有成三個月無去酒店
中間有一日女朋友見到alva house風評幾好
就話好想食
之但係原來呢間沙田酒店自助餐原來都好full
早成個幾月都book唔到周末日既晚餐
結果就唯有book住個lunch buffet
咁見橫掂都去開
就順便book埋個staycation package
價錢係2688連omakase晚餐
就好似幾抵屌
最後加埋個自助午餐就大約三千五落樓
可能係呢個地段黎講就有d貴
不過果期7婆岩岩回左第二期水
就當去沙田渡下假

帝逸酒店我第一個印像就係好耐之前睇過一次youtube
話佢自稱係五星級酒店
但最cheap果種雙床房係連三邊落床都做唔到
間房細到hi
完全無一忽可以想像到係五星級酒店

酒店係沙田石門
附近仲有間全香港最低cat既萬豪系沙田萬怡酒店
最初20年果時我就係諗住係呢間住一晚
當時佢有個package晚餐係總統套房食中菜
不過之後因為禁晚市就取消左
咁今日就搭黨鐵黎到石門站

B出口有指示位
但其實行過去係有少少遠
而且仲要過埋橋
都要行五至十分鐘
酒店本身就有架穿梭巴士係石門站或者帝都去既
不過時間點太少就唔到
所以最後都係去拖住個gap行過去

酒店附近無咩高樓大廈
所以一出地鐵站離遠都可以見得到

幾年我黎呢度學車考車果時好似仲未見到有呢座野

帝逸酒店係屬於帝港集團
係帝字頭酒店既其中一員
由新鴻基擁有同管理
我都係睇完個list先知原來之前住過既帝苑雖然都係新鴻基酒店
但並唔係屬於帝港集團
就唔係太明白當中既關係
今次呢間帝逸算係集團最新既酒店
2019年年尾落成
入住當日算係仲未兩周年

酒店門口有間一田
叫做便行店
比一般便利店大
但比番佢平時d超市就算係細間
再搭電梯上一樓先係酒店大堂

酒店大堂幾光猛

當日星期六下午三點幾黎到都幾多人
因為酒店無行政酒廊
所以就算住套房都要係大堂排隊
結果都搞左成大半個鐘先上到房
就算online check左in其實都唔會有分別
而checkin仲要plan埋早餐時間
我當然就揀左最尾果一段時間

但早餐只係去到十點
第一次遇到會係咁早完

酒店電梯貼滿晒疫情企位

但完全無人會理

酒店樓高二十八層
無四字樓

一樓係大堂
仲有自助餐餐廳alva house同八婆下午茶既pitstop
二樓有中菜廳逸軒
三樓有自助洗衣機同露天花園仔
當中三至二十七樓都係客房
頂樓係今晚會食既日本餐廳源峰同泳池健身室
我地今日住既係客房最高既二十七樓


客房電梯大堂


話說一出lift就見到二十七樓係由2718開始至到2738

但完全係見唔到2701-2717號房
所以就入左去左手邊果棟門裝下
佢竟然寫住受監察範圍禁止內進

即刻嚇一嚇
帝逸唔係官方檢疫酒店
唔通都會有收留?

走廊好三四星酒店feel

我地住第一間2718

原本book既package只係普通公寓套房
但checkin果時佢話同我地升左級做河景公寓套房
呢間係酒店可以book到既最大房型
但其實就只係得500尺左右
亦都只有呢種房型先有浴缸
所以我先唔明點解佢可能自稱係五星級酒店

酒店平面圖
v型設計

我地只可以進入電梯大堂右手面既房
呢間河景公寓係可以進入最大既房型
呢一排都叫做係河景房
另一邊房就望巴士廠
唯一係最盡間角落房好似大間少少
另外封左唔比入果邊就有兩間同我地差唔多size既房
最盡仲有間超大型無係官網顯示既房型
河景公寓同公寓分別應該河景公寓就係corner room咁解

燈制位


因為新裝修
冷氣係用輕觸式


門口走廊左手面係廁所

廁所另一邊係睡房
而走廊直入係客廳

右手面有mini bar

illy咖啡機


酒店房內無水提供

只係比個水壺你出去走廊斟水


迎賓籃

有馬仔有杏仁餅

illy荼包


基本上入住staycation package都會包雪櫃野飲

雖然都係得幾罐

河景公寓同普通公寓有少少唔同
河景公寓個廳係打橫既
而普通公寓個廳係打直既

兩個公寓都有L型梳化

另外河景公寓仲有張獨立凳
呢張野就坐得好舒服
不過個角度就完全睇唔到電視

檯面有日式茶壺可以沖番杯綠茶


窗外面係城門河既支流

呢條河比起係萬怡見到既城門河就窄好多
仲有碩門邨

話酒店一至五都有外窗清潔

我肉眼就咁睇都算幾乾淨

睡房門口有塊門簾


一入去就見到擺左部健身單車

之前有單新聞就係有檢疫客係房入面玩單車搞到格離房都感染埋

corner房都有少少corner窗口

呢個位望到石門黨鐵站同傑志中心一直去到巴士廠


睡房

呢隻床好似都係全部房型最大張
訓落去都幾舒服
官網話有智能識別重量感應既功能

房部電視機同出部一樣大

夜晚睇波都幾舒服

話說有一樣野我搵左好耐
就係床頭係完全搵唔到窗簾呢個制

即係呢間19新落成既酒店窗簾竟然係手動既
真係痴左線
人地十幾年歷史既酒店都有電動窗簾
所以先話呢度真係無可能係五星

近窗口床頭係乜都無


另一邊有電話

但就連鬧鐘都無個

櫃桶仲有本聖經


書檯格離有個衣櫃

除左浴衣仲有木屐可以著
但估唔到係其他地方鳩流流
帝逸既拖鞋又幾舒服


又入番去洗手間


右面係馬桶

雖然酒店房唔大
但起碼都算有個獨立屙屎空間

左面係企缸

個花灑就好勁
除左上面仲有正面都有得噴
不過控制就有少少煩

淋浴露就係一大枝無得拎走

沖涼同洗頭都係同一枝
但唔係幾明日夜用有咩分別

另外係有枝獨立既潤膚液

咁就岩晒我儲body lotion既習慣
但呢幾隻都係無乜香味
好普通

都仲有雙洗手盤


護理盒


風筒係大路既瑞士牌

另一邊係呢個房型獨有既浴缸

但係無電視機可以浸住浴睇波

番梘係handmade既
made in hongkong


而係普通既公寓就會有部洗衣機擺係房入面
河景公寓呢一間就無既

最後仲有部唔知係全部房定套房先有既ipad

好多酒店部機例如半島都係鳩既
但呢部就真係可以控制晒所有野
電視機仲有齊now sport
另外想拎野都可以係部pad落單

佢仲有個枕頭目錄
但想拎既話就要打電話
但打到去果時佢已經話全部特別款枕頭都無晒了

其實check in時間就有D遲
所以一入房就Book左五點半至六點半呢個時段去游水
本身都驚多人會book唔到
但可能十一月尾天氣轉冷無乜人就輕鬆book到

泳池係頂樓28樓
同一層仲有間今晚會食既日本餐廳源峰

今晚餐飯聲稱係omakase
睇圖就覺得係類似割烹呢類型既料理
omakase呢個名而家係香港好似已經變左係高級日本料理既代名詞咁

餐廳另一邊就有健身室



穿過去就係泳池


其實都算細個
不過都勉強算係個infinity pool
亦都好在今日人唔多
可以游得好暢順
泳池既另一邊係源峰
即係話源峰會有一邊係泳池景

原本諗住係度可以睇到日落
但原來太陽係呢度就睇唔到
而且今日天氣麻麻更加無得睇咸蛋黃
不過六點後泳池就會著燈

成個feel係完全唔同晒


開始入夜仲見到星星
唔知由幾時開始覺得香港唔會再見到星星
但呢兩年疫情之下被迫滯港
反而見到好多唔同既天空
以前我就一定無黎過石門呢一邊望上去

游完水落番房沖個涼hea左陣又上番去頂樓就準備食今晚晚餐
源峰裝修就有d酒吧夜場feel



以酒店既日本餐廳黎講
呢間源峰係開揚既
全落地玻璃

之前去過九香間灘萬係完全無景觀可言
半島間今佐都係一樣

咁除左窗口位
仲有我地坐既bar檯位

擺盤一般
只有張檯墊
唔似得之前食灘萬咁會有個盤放係檯面
另有紙袋口罩套

staycation package有寫會送既清酒

唔知平時就咁食有無跟
另外係研究完先知既濕手巾

坐bar檯就可以望到師傅手勢
不過因為疫情關係
中間就隔開左塊板

感覺都幾on9

今日招呼我地既係俊師傅

網上面話呢度師傅班底係黎自割烹櫓杏既
bar檯加上開放底廚房
仲見到唔少師傅係度準備食物


小二再比左份今晚既餐牌我地睇
招呼係幾好
不過感覺就唔算好專業

廚師發辦既八道菜
自從無得去日本之後
而家好似越黎越多餐廳打正旗號叫自己做omakase
餐餐都過千蚊起跳
可能個利潤真係好大
我自己就無咁富貴食到咁豪
最多食個吞拿魚刺生丼已經好滿足
計埋之前同事請食飯去過元朗壽司之神
今次都只係第二次食呢種廚師發辦

前菜係綠色植物加三文魚子

正正常常

之後就一直望住師傅準備

其實我呢d毒撚食omakase就尷尷尬尬咁
除左唔識食
仲要扮話比師傅聽好食

第二道係刺身

右口魚
油甘魚同埋赤身
正路就係由白魚開始食
都算係鮮甜既
不過話就話係omakase
但其實就一直都係師傅傳比小二上菜
而小二又唔係好識介紹
成件事就好奇怪

燒物係帶子

兩大粒
都幾厚身

炸物天婦羅

有茄子同蘆筍
其中呢件鯛魚唔知係咪就係傳說中既立鱗燒

入面d魚肉仲係熱到辣口

主菜係壽司六件
係成餐飯唯一一道同師傅有交流既地方
不過成件事就因為我地同師傅中間相隔左塊膠板
師傅要將壽司握好放落兜再遞比我地
然後我地食完又要遞個兜比番師傅
一來一回係好煩好鳩

瀨尿蝦

深海池魚

赤背

小肌

唯一一件用手接既吞拿魚

最後係右口魚
好似係關注組好不屑既火槍


其實壽司就應該接過黎就即食既
但又想要用唔同機影相
件件都就放低左一陣先放得入口
連我自己都覺得煩
所以我可能真係唔係幾適合去食呢類型既野
一來又記唔到師傅講野
二來真係食黎食去個感想都係得個鮮字
比起食法國菜仲更加複雜
想要學習既路真係好漫長

埋尾酢物

我諗我食多幾多次都唔會鍾意水雲呢種滑sansan既食物

味噌湯


甜品係蜜桃奶凍

同一般既水果甜品唔同
有花過心思
感覺幾特別

臨尾見到師傅係度燒緊和牛


唔知係咪聽到女朋友話唔夠飽一陣要食宵夜啦
咁可能又忙完
師傅即興再整多道菜比我地

呢份唔係menu入面既菜式竟然係我最鍾意既

雖然只係簡簡單單玉子燒
但都砌到四格鴛鴦色
再加埋魚子甜甜咸咸好特別
即刻令我對源峰加晒分

參觀埋個廁所

呢間餐廳真係唔無乜日式既感覺
可能設計本身就係想同傳統唔同掛

話就話係跟package
咁最後都有了番隻龜

我就睇唔明個set到底係八百定九百八
另外計埋杯清酒三十蚊杯
但又唔洗加一
呢個價錢要比正價既話我就應該唔會考慮
不過帝逸除左自助餐就只得日本餐廳同埋中菜廳
見到中菜廳搞到成個宴會廳咁完全無意慾想食
所以先揀左呢間源峰
整體驚喜其實無乜
不過師傅都算體貼
奈何係餐廳設計要整左塊膠版阻住
其實上網睇見之前人地食既餐係無壽司
個feel就更加似係會席料理
所以如果坐窗邊或者仲更加舒服既
小二斟水次數亦都相當頻密
唯獨係有少少機械式既感覺
可能始終都唔係頂級酒店既關係啦
咁呢一餐其實我都算係滿意架啦
起碼對沙田唔適合有高級日本餐廳呢個印像有少少改觀

臨走時見到門口有貼左lunch既餐牌

個價錢都已經可以同其他五星酒店既日本餐廳睇齊
唯獨係個鰻魚飯特別平
仲平過銀鱈魚西京燒
可能入唔到靚貨掛

番到房已經入左夜
頭先係餐廳望唔到而家補番



其實就真係無乜風景可言

沖涼亦都無電視可以睇
而廳同房部電視機亦都同好多酒店一樣淨係用到android機mirror而用唔到ios個airplay



DAY64 完

果時諗住之後可以去一次綠色既瑞士
應該都唔洗再去

佢好似無寫到明係salisterra
我覺得應該唔係
佢地而家個套房真係好撚抵
仲平過我之前去住studio70

出到去旅行好難再住靚酒店
雖然好想豪一晚

但唔知係咪真係要打左針先去得酒店[/member][/member][/member][/member]

[/quote]

頂

祝樓主順順利利

好想去玩呀

又唔洗點佈置
都係想痴番幾隻字就夠
但又唔可以自己帶去