[長氣多圖][不爛尾] 中部北陸山地之旅

係呢個五月中
去左十一日日本中部
算係我人生日本最長既一個旅程
呢個行程係上年六月已經PLAN好左
可惜當時立山黑部已經差唔多收山
所以就換好里數今年佛誕假期去
本來十一日係想走完成個日本中部
但越PLAN越覺得十一日係去唔晒既
所以唯有決定分兩次
今年冬天
會去多一次北陸加長野
咁就可以完全制霸呢個地區了

話說自己做左咁多年人
係真係未見過雪
今次上雪山
再加上去你的名字聖地巡禮
一個旅程
實現左幾個願望
係真係好開心
呢度喜悅
同之前去左都靈朝聖有D唔同
意大利果種係可以狂歡出黎既喜悅
而今次係可以收埋一個人既喜悅
各有各唔同感受

咁今次既旅程既幾多幾長
一個月我驚真係未必寫得晒
都希望盡寫

行程表
DAY1 香港->名古屋->福井->福井城->福井
DAY2 福井->恐龍博物館->越前大野城->一乘谷朝倉遺址->富山
DAY3 富山->黑部峽谷小火車->櫸平->阿爾卑斯特快->富山城->富山玻璃美術館->復古電車->富山運河環水公園->富山
DAY4 富山->高岡->高岡圖書館->BERUMONTA->雨晴海岸->藤子F不二雄美剩館->高岡城跡公園->瑞龍寺->叮噹空地->富山
DAY5 富山->雙層特快觀光列車->立山黑部->富山->高山
DAY6 高山->日枝神社->上三之町->宮川朝市->高山陣屋->白川鄉->高山
DAY7 高山->飛驒古川->氣多若宮神社->白壁土藏街->高山->新穗高纜車->平湯溫泉
DAY8 平湯溫泉->上高地->松本->松本城->四柱神社->松本
DAY9 松本->舊開智學校->深志神社->諏訪->立石公園->高島城->下諏訪->諏訪大社下社春宮->諏訪大社下社秋宮->松本->惠那
DAY10 惠那->惠那峽->惠那峽展望台->岩村->岩村城下町->岩村城跡->惠那->岐阜->CITY TOWER 43->岐阜
DAY11 岐阜->金華山纜車->岐阜城->名古屋->香港

成個旅程用左三張PASS
北部地區周遊券
立山黑部周遊券
同信州飛驒周遊券
總共花左三千幾蚊係交通上面
都真係唔係貴咁簡單
另外
因為想坐特色列車
而好多都係星期六日先運駛
係交通安排都有D困難
所以條路係會排得唔係幾順序

同樣
今次旅程有好多遺憾
有幾架觀光列車都坐唔到
亦有因為天氣問題上到山乜都睇唔到
呢個亦都係旅程既一部份
我已經開始接受到呢種挫敗感
人生仲有好多時間
希望都可以去追番呢D遺憾啦

少少預覽圖









都係果句
唔係D咩靚相啦

同埋我都仲有寫過其他遊記
無聊既可以重溫下

山陰山陽
https://lihkg.com/thread/220010/page/11
關西名古屋
https://lihkg.com/thread/395127/page/1
英國倫敦
https://lihkg.com/thread/278840/page/8
東海道
https://lihkg.com/thread/451855/page/1
南九州
https://lihkg.com/thread/535359/page/1
意大利西北
https://lihkg.com/thread/624247/page/1

未來同過去幾次所有既時間表
https://travel98.com/member/62235/trip

DAY1 福井城

其實我一年前就已經換左今次呢程來回機票
本來兩架都係A330真J
但係出發之前兩個月左右佢就同換左去同番黎既機型
去果程就轉左B777都係真J就算
但番黎果程雖然都係A330
就變左2-2-2既區域型
當堂喊出黎
呢件事都唔係第一次發生
慢慢已經開始可以接受得到

今次試下CX個LOUNGE
新果個唔識去
就去左舊呢個就係E道出境左手邊呢個寰宇堂


人唔多
但座位私隱度唔係好夠
同埋幾乎係無野食乜都無咁濟

坐左陣就去左登機

細個跟團無晒印像
但自遊行真係係第一次坐CX去日本
呢次閘口係522
無機橋
要坐巴士去登機


1-2-1真J

同上次係名古屋番黎果轉係一模一樣

777-300ER

感覺同空中巴士無咩分別

HEA左無耐就上餐




件吞拿魚係幾好食

食完已經就差唔多降落
想訓都無得訓
連套縮水人間都睇唔晒

落機25度

好彩著左短袖去

一落機去左換立山黑部張PASS
因為張PASS係東海出
只可以係機場或者名古屋換
一上左北陸就係西日本地區
會換唔到呢張PASS
今次我第一日就已經住福井
所以係機場呢個IFC搞左先

但竟然要等叫籌

大約十幾廿分鐘左右
手腳係真係比起車站慢
仲要無得係度換車飛


其實睇過USKY果班真係快D既
但又唔想等幾個字先上車
就求其上左架普通車

架車熱到痴線
早知坐特急好過
都只係比多360YEN

出左名古屋換埋車飛
就直去名鐵巴士站


北陸方向都係係六號站
之前上網已經買左飛
3000YEN一程車
PRINT出黎就搭得

但我唔明佢中間D站全部都係高速公路邊停係咩玩法
仲要有人落車先係最神奇

名鐵巴士

下面可以放行李
坐JR反而仲無得擺行李
個位都算係咁唔太窄

仲有WIFI

今次我買左張HAPPY垃圾卡
全程龜速真係想斬人
以後都唔再貪平買番泰國卡好過

兩個幾鐘車程左右到達福井
東橫INN就係JR站格離

超方便
間房都係咁既樣

但鎖匙就好古老


安頓好晒就出去走走食夜晚
睇過車站有間立食既幾高分
夜媽媽又無咩選擇就係度食左第一餐


四百幾YEN
好似係
我自己都覺得唔錯
好食過櫻島果架船添
其他人仲個個都飲晒佢D湯

福井站仲有呢隻恐龍博士

應該幾出名下

食完野就換埋張北陸PASS

第二日起開始用
到第五日開始就用立山黑部PASS

之後會係高山買多張信州PASS
今次真係花左好多交通費

北陸張PASS無得換指定席
不過都比左錢BOOK左BERUMONTA架車
平身我比埋車費
職員話用PASS唔洗錢可以退番比我又幾唔錯WOR

同埋之前係名古屋站換左兩張指定席
不過最後富山落高山果程坐唔到蝕晒
其實我計過應該單買仲平過用PASS
不過算啦
叫做有張野收藏

第一日夜媽媽無野做遊黎遊去
大大隻恐龍印左係福井站個外牆到

幾有特色
出面仲有好多公仔


化石都有

真係當正自己恐龍之都
不過係吸引既
記得自己細細個科學館有個恐龍展
可以PRINT恐龍資料又可以有印仔
玩得好開心
再加上有大雄套大長篇加持
恐龍呢個玩意係真係幾吸引既

恐龍主題既東橫INN


其實福井城都就係車站隔離
行過去都唔洗五分鐘
即管過埋去睇下

同好多城市一樣
都係係市中心有條護城河
入面有城池



不過已經無左天守閣
個島仔周圍起左縣廳同埋警局
其實係變左行政中心


福井城近幾個月升級左成為續100名城之一
但只有日頭先可以上縣廳給印仔
所以我雖然叫做黎左福井城
但都無辦法給到印

夜晚既福井城
其實都幾陰森
不過都有D街燈可以照下



曾經擁有既天守同而家既城跡



過左六點唔比進入

差館就係隔離
無謂去以身犯險


好快就係市中心遊完
叫做見識過下福井

番到酒店見唔到本AV指引
不過就有夜總會介紹


雖然福井算係北陸比較少人去既地方
但原來都有好多夜總會
不過D囡囡好麻麻LOR

今次晚晚都整杯甜品先訓

同埋跟住tabelog食左好多餐
肥都肥死

續

lm

Damn

睇黎係福井、石川、富山、歧阜、長野走一圈
你一次走盡越前、加賀、飛驒、信州、美濃同埋尾張
下次再去長野、北陸時會唔會去埋川中島古戰場

我想問第一個post架綠色觀光車係邊條路線?

今次無去到石川呀
諗住十二先再去
同埋福井仲有一半未玩
12月果次會重點長野
有PLAN到川中島古戰場
同埋會去好多城城城

果架係冰見線berumonta
有時會行城瑞線

立山黑部多唔多雪？

好多雪呀

唉屌
屋企部電腦開唔到機

屋企部腦隻ssd壞左
要番到公司先寫得到
應該又會慢左好多

DAY2 恐龍博物館

東橫INN專用既鳩流流早餐


因為PLAN左十二月會黎多次北陸
所以先將福井斬開左兩等份
而因為丸岡城 東尋坊 同永平寺其實係有一張PASS可以玩得晒
所以今次就去會另一邊
主要原因係越前大野城冬天會閉關
其實兩日時間都未算可以玩得晒
起碼勝山仲有座全日本最高既天守閣去唔到

一日三個景點睇落好似好輕鬆
但對於福井黎講真係一D都唔簡單
尤其係佢d鐵路時間一d都唔配合遊客
兩班車既距離時長時短
而恐龍博物館同越前大野城更係係各自有自己既鐵路
仲要係尾段
好彩既係叫做有巴士連接勝山同大野呢兩個城市

去恐龍博物館
先要坐越前鐵道到勝山站
再轉接駁巴士到博物館
都幾迂迥
但係福井最出名既博物館
唔係唔出掛

如果係某D假期日子
呢條越前線仲會有班恐龍列車
可惜五月黃金周以後就要去到七月中先再有班次
冬天好似亦都唔會開
所以完全無機會坐得到

越前鐵道唔屬於JR
個站係JR站後面

恐龍博士真係去邊度都叫到


車站可以買到一日車飛加博物館入場券
2120YEN

雖然我只係需要坐車程
但都係買左
因為接駁巴士並唔係免費
計過都只係蝕幾十YEN
但就叫做有張券做下紀念

越前鐵道
八點走左去搭
都幾多學生番學
無恐龍列車就影下呢架普通列車



福井位於北陸
係北陸坐鐵道
沿途全部都係田田田
無論係福井定係富山都一樣



經過呢個松岡站
仲有張LV UP既案內圖好得意

坐到總站勝山站轉小巴
一落電車就已經係度等緊
唔知係咪早得濟
得我一個客


中途見到呢個巨大既球體唔知乜冬冬

原來佢就係恐龍博物館既主體

十分鐘左右車程



門口有好多活動時間表


唔知係唔開定比人BOOK晒

又係大大隻恐龍博士


大堂


成個博物館總共四層
最底果層其實無乜野
係得少少骨頭



一上去就見到隻暴龍

整郁又整叫

呢層全層都係恐龍骨頭同化石




真係堅有恐龍骨



勝山市既恐龍骨發掘場



唔記得左大雄係去白亞紀定咩紀


仲有D隕石睇下


呢隻野足足霸左兩層高度

上一層係其他物種









由恐龍進化或者進化成為龍種






厲害了 我的國


仲有海外姐妹館



由呢層望番落去下面恐龍果層


不過其實行唔到幾多時間
如果玩埋野外就可以更充實

頂層其實無展覽
得賣店同飯堂之類

仲有個戲院


見接駁巴士時間未到
睇左場動畫
講恐龍博士既
成個院一個人都無得我睇
on99咁就廿分鐘

出番勝山站等巴士去大野
原來勝山站都幾多野睇



每個月有一日開放日子


站名係驛字黎

勝山市

去唔到勝山城博物館真係幾可惜
話晒都叫做全日本最高
唯有安慰自己佢唔係二百名城無印仔唔洗去

續

留名睇遊記

多 琴日去仲有13m

我開山第3日去
17m

過左就後兩個星期都係少左一米
咁佢又唔算溶得快

DAY2 越前大野城

係車站坐勝山大野線
大約半個鐘車程
就可以由勝山市去到大野市
呢一程車費唔包括係恐龍博物館張PASS到
需要自費
580YEN
叫做係連接越前鐵道同越美北線既好幫手

因為目的地係越前大野城
所以係比較近既大野六間而唔係越前大野站落車


不過去大野城之前
首先醫左肚先
睇過大野市唯一高分果間就係七間朝市


唔知係因為係平日定已經收左市
條街完全無人

但係街既盡頭

有一間野竟然要排隊

原來就係我BOOKMARK左呢間七間本陣

七間本陣係食蕎麥麵既

餓餓地就叫左個三間
佢仲問我食唔食得晒
我諗餓起上黎十間都食得晒呀

黎左四個麵

我估
應該叫幾多間都會分開四等份
好似係

呢間蕎麥麵唔係平時一般冷麵食法
湯汁係四揀一既
仲暖暖地
不D湯汁落碟再沾D麵上去
好似食沾麵咁食法
最後再比碗熱湯你撈埋一齊飲

呢個1.5人份量好好食
仲要食到好飽
格離D廢老仲係咁一邊食仲一邊叫好味

醫飽肚就出發今次旅程既第一座城
越前大野城
如果係以前既話
我估都未必會去
但而家又加左續100個城呢個稱號
又有無限印仔給
我覺得自己呢種心態好痴線
都唔知係為左給印仔定去欣賞座城

經過前面呢間學校就會進入越前大野城既範圍



但之後睇番
原來呢個操場都係大野城既一部份
不過唔記得左係幾多之丸

再經過個神社就到登山口


係呢十一日既旅程
幾乎日日都要登山
行到腳都斷咁濟



上山仲可以望番落個操場


除左斜路

仲有好多長樓梯


估唔到五月都有紅葉

但原來係咩特別
之後好多地方都可以見到

已經上到半山

仲有其他野望下


大野城亦都叫做天空之城
天守位於山頂
由另一個山頭望過黎
如果有霧既話就會好夢幻
不過係日本都幾多城有呢個稱號
以我所知既就有備中松山城
竹田城同埋大野城
如果要睇霧既話五六點就要出發
我係無一次成功可以做到既

大野城既地圖

其實係有三邊可以登山
不過今次上山落山我都係係南口果邊
應該係最近大野站既出入口

終於登到頂

259M米高
越前大野城
呢座已經算係輕鬆





入面唔比影相
不過其實都無咩影

係上到頂個風景真係好好
成個大野市都係視線之內





大野城雖然起係山上面
但都算幾多人參觀
尤其係學生估左大部份
中學生又有小學生又有
可能係大野學生既指定活動黎

上完山又落山
先見到個牌叫做龜山城跡址


大野市都仲有D古式建築



連車站都幾古式


未夠鐘有車
同D廢老一齊坐係大檯等車


番福井個時間表

幾乎唔可能靠鐵道黎參觀大野城
一日得五班車可以黎到
仲要回程時間完全唔夾
所以先話唔合乎人體學
試問一個鐘點樣可以來回大野城

再無無聊聊周圍睇下
原來大野市有呢粉紅色既借出遮

可以係唔同地方還遮
又幾貼心

站長仲擺左隻公仔係站口

應該係福井既吉祥物黎
但人氣完全係唔夠恐龍博士黎

續

DAY2 一乘谷朝倉遺跡

越北美線係屬於JR
所以我張北陸PASS終於用得著

大野站入面有個鐘

敲一敲精神爽利
不過個個都敲就會好煩

越北美線既車只得一卡

不過乘客亦都唔多

坐到一乘谷落車
見好多廢老就黎到站果時都係咁望望望
以為會好多同路人
點知最後都係得我一個落車


其實遺址既範圍都幾大
幾乎成個山頭都係
不過如果想給印仔
就要去到復原町並
由車站去既話
大約係半個鐘路程
沿路亦都係田田田



其實行一陣已經見到跡塊牌


如果渣車過去既話

兩分鐘就到

周圍都係遺跡既一部份


就咁求其一塊空地又話係

同埋好似BBQ場