[長氣多圖][無限期] 香港staycation之旅(2)

sabatini就係三樓自助餐廳既邊邊商店位

唔問人真係無可能會識黎

sabatini
福布斯四星既意大利餐廳
同之前去過既cucina一樣
佢仲擺左好多其他獎係度


曾經都係好多年前既米芝蓮推介餐廳

有好多油選擇


餐廳走懷舊小屋風

有總店起係意大利
地板瓷磚聲稱都係由意大利運黎

我地就坐係餐廳中心
自助區既前面
叫野食都算方便
但又因為自助食物係由職員送上檯
所以並唔會見到好多人拎住食物走黎走去

方形檯都幾大張

叫做有擺款
有口罩套信封

鮮花樽有餐廳自己logo


橄欖油同黑醋自己落


酒店官網都算整得幾差
sunday brunch既menu係無既
openrice又唔算好多人食
所以就要黎到先知個實價

星期六日同假期供應
三個半小時半任食
788蚊一位包果汁一杯
最後會有咖啡或茶
另外有得加錢任飲油
我就望就無望過
而成個sunday brunch就分開5個部份
出面自助區就只有即製及炭燒部份
除左主菜只可以揀一份
其他頭盤
意粉及飯
同埋甜品都係以放題形式同小二落單任叫既
不過我自己每樣食一份就已經好飽
無乜點order過第二份

首先上麵包

唔特別好食

每人一盒十克既西伯利亞魚子醬

小二都算貼心
得閒會走過黎溫馨提示提你係融冰前食
但就無比隻專用匙黎筆魚子醬

果汁只得三個選擇

揀左橙汁

前菜每人一盆

有齊龍蝦
長腳蟹
parma ham
煙三文魚
另外算係配菜既茄子都幾好食
全部都可以按自己喜加加減減咁任叫
不過我見仲有好多其他野食就食左一份就夠

第二部份係live station

出面有張長檯放左凍肉同湯係上面
有位香港廚師好熱心咁續樣食物介紹
仲問有兩款多士同湯問我地需唔需要
之前就會直接送上我地檯
sabatini雖然而家唔係米芝蓮餐廳
但服務隨時比起星級餐廳好
比起之前食過同樣係福布斯四星既cucina都好得多
果間擺明就唔夠人手
明明大家酒店級數都係相約
但個距離都幾遠

今日只得款蘑菇湯

呢碗係唯一一份需要自己拎番位既食物

兩份多士有牛肉他他

同埋黑松露炒強

全部都係order完即整既
又夠香
誠意十足

之後試埋佢地既烤肉
廚師後面有個炭爐即場燒烤
一共有四款肉
香腸
𩶘魚
魷魚同豬柳
每樣要左兩份

全部都燒得靚仔又有風味
成餐唯一encore左腸同魷魚
豬就太heavy無再叫
𩶘魚就好似無乜味咁

呢度小二都好留意檯面情況
見你食完炭燒野就問你需唔需要上意粉

可能都係就番個主菜份量所以就好的色好細份
不過呢部份一樣都係再叫既
長通粉黑松露味都好重
另外一份鰻魚意大利飯飯好食
不過就太酸
另外見到炭爐前面有部製麵機
可以加錢叫份homemade意粉
我地就無加到

主菜一份係三文魚

皮好脆
同蕃茄粒都算夾

另一份係美國prime牛排

賣相差少少
不過可能今次無之前食bostonian同cucina果時咁飽
所以個肚仲有位淨
唔會飽到想嘔
可以慢慢享受得到

最後甜品都係成set咁上

只得四款
聖安娜同拿破崙感覺差唔多
反而去意大行餐廳都會期待既tiramisu無想像中好食

雖然話係任食
原本以為自己仲可以再叫份意粉或者龍蝦食下
但呢四件野已經飽到食唔落
感覺就好似食左餐五道菜既fine dining咁
成個用餐體驗都算幾唔錯
而且仲可以任叫
雖然無其他sunday brunch咁多選擇
但精緻程度係遠勝既

最後每人仲有一杯野
我就要左凍檸茶

呢份就無乜茶味

另外叫左熱檸水

反而係呢d盤具仲吸引

牙簽有自己logo


洗手間係餐廳外面同自助餐廳共用
所以都唔少人幫襯

最後因為餐廳太凍
又已經飽到食唔落
所以只係坐到二點頭就埋單走人

每人788加一
我自己用dining credit就要比正價
唔知有咩信用卡有折
用smartone就話有8折
唔知sunday brunch用唔用到
都有上網睇過佢地單點menu
咁佢地價錢就算係酒店黎講都係特別貴既
係無油飲既sunday brunch黎講sabatini應該都算係全香港酒店入面最貴既
港麗果間無得揀唔飲油就無得比
不過我覺得呢個價都算係值既
餐廳有格調
食物有心思
唔少野都係即整
小二又有心
真心高質
唯一缺點可能真係起係帝苑入面掛
人地hugo's可以full booking到三四個月後
但我今日食都仲有空位淨
帝苑真係配唔上呢間餐廳

sabatini出面就係自助餐廳雅苑座
因為頭先十一點幾黎到自助餐仲未開始
而家就岩岩見到呢個lunch biffet食到尾既客
係香港好少有帝苑呢類有天井既酒店
印像中就只有港香同奕居
而呢間自助餐就起係中庭入面
算係幾有特色
呢間酒店仲有五架子彈電梯可以望到中庭

落番去地下大堂就見到有人龍排隊了
不過拎匙卡既話就可以過行李counter搞
因為我地無係sabatini食到三點
兩點半左右就拎到房卡了

我地住係酒店最高天際客房既十九樓
就要先搭子彈lift上十五樓再轉lift

架子彈lift都算大架

可以望到晒成個中庭


不過酒店比較多房
成日出出入入都遇到好多人
同埋lounge係十二樓
所以我地次次出入lounge都要轉lift
係呢個位比較煩

十五樓既電梯大堂

係呢一層轉lift

上天際樓層既電梯只有兩架

呢架lift就無景睇了

不過因為天際樓層房少就比較少人用
都係去泳池既客比較多

呢架lift只到十五至十九樓
十六樓都仲係普通客房
十七樓係泳池同gem room
十八同十九樓就係天際樓層

今次我地住頂層十九樓


呢層裝修比較靚
我地住既1912房係盡頭

對面1913應該係全天際樓層最大既天際套房
咁岩見有人打掃開左門

官網話呢間套房有110平方米大
係youtube仲有片介紹

裝入去淨係見到個書櫃
咁我都有幻想過我地間房會唔會都係咁呢

話說今次既住宿都算係咁多次酒店住宿最神秘既
原本我係官網book左個零房價既package
最盡都只係可以住到天際半海景客房
咁我就email問可唔可以加錢upgrade天際套房
佢就比左個offer話可以加六百蚊加一
但果間房就叫做sky junior suite
我就唔撚識咩係junior suite
不過見到有個suite字都打晒丁
就扑槌確認左呢個offer

咁就打開我地房門啦
門口都仲有張消毒貼紙

上網睇就見到多
實際都係第一次住到呢種酒店

不過平面圖都講左我地呢間套房都係呃鳩人既

天際樓層係呈L型
因為天台其他位置都用左黎做泳池
實際呢個樓層面積大約只有下面普通客房樓層既一半左右
最大既13號天際套房同我地呢間junior suite既大細相差一倍都有
而格離11號房同我地12號房其實就已經差距唔大
其實呢個世界邊有咁大隻蛤乸
由客房加六百六就可以到大一倍既套房
諗下都知無咩可能
我地呢一間就純粹只係間corner room
話說帝苑起係尖東內圍
想睇海景就只有係帝國中心同沙尖咀中心既那仔果個角度既房
但住係天際樓層就唔同
因為高過晒呢兩座野
就無左呢種煩惱
我地12同13號房可以正對住維港
而9至11號房就同我地呢一隻窗一樣係有泳池景
叫做半海景房
01同14號房應該都可以稱為半海景房
不過14號房就特別細間
06-08都係可以直望維港既海景房
我估
成層就應該只得03同04號房係望唔到海
就咁叫做天際客房
而02同05兩間就無我地房咁大
應該都算係半海景而唔係junior suite
所以我估每一層應該都係得一間junior suite

一入門口就有條走廊

聲稱樓底有2.7米高

同半島有得揮

走廊右手邊有個mini bar檯

上面有咖啡機同兩枝cool水
下面個雪櫃拉出黎一格格咁

兩邊就擺左d杯同小食


以上全部都要收錢無得免費拎

走廊既盡頭就係客房
而中間轉入去就係衣帽間

拖鞋就好普通

仲有部夾萬係度
再入面就係洗手間

行番出去可以睇下間房

呢間就係所謂既sky junior suite
一眼睇晒就唔算大間
理應係同suite呢個字完全無關係
頂盡都只係一間海景corner room
不過相對地景觀超開揚都算係咁
同埋條八婆港女成日話想要d慶祝汽球
今次就加左百五蚊整對天鵝同波波叫做有d慶祝氣氛

最大隻窗由床正對住既係泳池景

睇過大交合話雷暴警告去到四點

所以無人落水
之後去過泳池望過
望上去係見唔到間房入面既
所以日頭係房應該都算安全
夜晚就唔敢講啦

呢間19套房就只有一張二人位梳化

無廳
所以根本無可能可以稱為套房

燈制係晒床頭

天際房係2016年落成
大約五年歷史
都仲算新淨
窗簾控制都係埋床頭

張床望落去就唔算好大

不過呢堆野我就好滿意
條八婆話就係差咁d玻璃窗既慶祝字句
其實我地兩個既生日都係入住日子前後三四之內
但酒店係完全無表示既
由入住到退房都係乜鳩都無
如果出年仲要staycation既話
都係要去番d有級數既酒店
原本都係想book番文華東方住番次套房既
但諗諗下又想去間未住過既
結果就搞成而家咁了

但其實個景都算係咁

而部電視就廢既
乜mirror airplay功能都無既
唔可以將電話駁電視睇片
睇戲亦都要比錢

又無now tv
想睇番場魚拉突都唔得

角落位有張書檯

呢個就好簡單
櫃桶入面係乜柒文具都無既

有張游水指南咁

帝苑仲有樣野係超級on9
就係想游水就要係每節開始前早半個鐘去17樓lift口排隊拎籌
正宗弱撚智
慘撚過去公眾泳池

寫字檯呢邊窗就算係全海景

不過因為唔係好似九香呢d起係海邊既酒店
所以向下都一樣會見到大大個尖沙咀中心

除左門口走廊位可以入到洗手間之外
客房都可以入到洗手間另一邊

入番去就係有海景既浴缸

個景同房係一模一樣既
對面間天際套房個浴缸反而只得半海景
不過就多番部電視補償

我地想睇電視都有方法既

洗手盆上面玻璃鏡就有部好細既電視
而天際樓層全部都係雙洗手盆設計
好似係

洗手盆都有兩枝cool水
其他備品就好普通

成個洗手間就係咁

浴缸前面仲有張圓凳

右手面係企缸同廁所

廁所就只係普通野並唔係自助馬桶
企缸頭頂係有雨灑式花灑既

同埋塊玻璃係透明
可以望到出面海景
不過夜媽媽唔知會唔會比人裝到

沖涼用品就用呢款aromatherapy associates

有寫英國地址
但都係made in支那

風筒係cheap到爆炸

咁其實都住到四千蚊價位既房
都想住得比較好既
但可能酒店真係一視同仁啦
視所有客人都為cheap客
所以真係乜都無既
夜晚亦都唔會有夜床

話有雷暴警告就唔可以落水
check in果時前檯都係咁同我講既
但影影下相竟然係窗口見到泳池開始有零碎人流
咁留意左一陣其實都係得幾個人
可能好多人都未check in到
橫掂聽日十一點就要check out都無乜機會游到
索性就極速換條泳池搭lift落泳池
呢個天際樓層落去餐廳要轉lift特別煩
唯獨就係落泳池特別快
又可以係房mon住泳池多唔多人
結果一落到去就見到有成家人係度填緊form
不過都夠位仲可以直入

入到去就係gem room

只係開到九點

原來成日見人影既噴水池同千秋都係泳池範圍

上一層就已經係天際樓層

呢種房型除左有半海景
都仲有個噴水池可以望下

帝苑就話佢地個泳池係地中海式設計

如果有太陽既好似會靚好多

呢個池最深都只有1.5米
所以都見好多細路仔係度玩
而我地間房就係頂樓最左手面果兩隻窗
算係可以最正面望泳池既房
都企左係度望左好耐
日頭應該都仲係望唔到入房既
夜晚無黎過就唔知了

可能呢一節都算係少人
都盡情游到四點
好似好耐無試過游咁耐水了
番房沖完涼見到下一節已經full晒了

好彩早去姐

lounge既下午茶時間係三點至五點三
我地到搞到五點先落到去

揀左個角落頭位坐

lounge既位係望尖沙咀

最顯眼都係K11凱悅呢個位
就唔會有海景既
而職員都好好話就黎收野叫我地拎多d

成日睇片見到人地下午茶係三層架一set既
不過可能係平日先有
今日星期六就係自助形式

果汁汽水都係正常供應

對比起同級既marco polo都算唔錯


洗手間係男女各一格


黃昏雞尾酒時段就六點先開始
之後六點半落到黎真係嚇左一跳

可能真係有太多plan包埋lounge
成個lounge好似變左遊樂場咁
出去拎野食都要排隊

糕點其實就差唔多

係多左意粉同漢堡

同埋淋既章魚燒
仲有多左d油可以飲下咁lor

其實就無乜特別
不過今晚就無book其他餐廳
所以都係係度解決
呢個lounge都算坐得舒服
同埋職員都唔錯
臨走果時仲會話推介聽日早餐落自助餐廳會多d野食

食完野落去行左轉
出名既帝苑餅店開係地下
仲有個入口係對街既
而餅店出面就有個月餅counter

但唔用得credit就乜都唔洗講
眼見朗廷同康得思最新既零房價plan都可以用黎買月餅
咁上次係明閣問到咁撚辛苦就真係唔知做乜鳩

入左去餅店睇

呢個公仔加蝴蝶酥set就賣198
但問過分開買係仲平既
而且職員都係鳩鳩地
一開始話住客有八折
後尾又話要自家產品先有

最後過左對面強糕店

條港女叫我自己happy birthday to me

買左最細果件都要成二舊幾水
咁不如係番帝苑買

係大堂見到呢d強糕

好似要成千蚊個

電梯大堂望出既九香夜景

呢個正正就係對面套房果個浴缸景

自己買蛋糕比自己

個賣相算OK
同埋味道好過IG店好多既


今晚個夜景都算唔錯

仲有個夜泳池景

咁樣打燈好似都幾靚
得閒又可以望下女

到夜晚都唔捨得整亂呢個畫面

最後痴左幾個波上玻璃窗

見識少
原來個氣球有乳頭既

結果好唔情願都係將果兩隻天鵝送左落梳化


今晚玩呢隻

d水變左綠色


仲有藍又南睇

其實王家欣算幾好睇
之後果套某月某日就老套到不得了

整體其實間房都算舒服既
又有270度景睇
係真係唔夠大
同埋個價可以住得到更高級

DAY53 完

DAY53 香港帝苑酒店(下) 雅苑座 東來順

帝苑床唔算大
不過訓落去都OK舒服
都叫做訓得著
然後起身一打開窗又係泳池

都仲係天陰陰
地面仲有水積
不過仲可以游到水

今日九點半落去食早餐
尋日lounge職員都話落自助餐廳會多d野食
不過我地由19樓落去3樓食早餐都算係一個惡夢
首先要係15樓轉第一次lift
而唔知點解呢架客lift係唔停3樓
要落到地下大堂再轉餐廳專用lift先到

基本上由天際樓層落去間間餐廳都要咁轉折
而呢架lift就只有三層

全部都係餐廳黎
其實就即係比街客搭既
如果要落到最底層既中菜仲要搭扶手電梯

其實三樓係有呢架上房既客lift既
不過就封左呢層唔比開門


個感覺有少少似九龍香格里拉


雅苑座the greenery

早餐可以食到十點半
之前睇過alfred有讚過呢一間自助餐
其實都有少少興趣既

呢隻chef yummy真係周圍餐廳都見到佢


餐廳起係酒店中庭

最右手面就係尋日食過既sabatini同洗手間
仲有間店舖係格離
而左手面就係自助區

因為十幾層樓底
所以好有空間感

坐係度向上就可以望到天花
所以都幾光猛

但其實檯同檯既距離就好迫

就係張四人檯拆開
所以都幾細張檯

另外餐廳有一邊有少少海景睇
不過果d位樓底相對就矮好多

自助早餐都算有齊晒基本野
綠色食物

cold cut


生果同乳酪

粥

麵包

火腿強

點心

有燒賣同小籠包
味道就一般

腸仔煙肉

唯一既live section就係煎強

揀左奄列

唔算好靚仔
成個場大部份野都有齊
唯獨係無粉麵檔

餅

奶類

果汁

最後都有個自助水吧

可以整檸茶


成個自助早餐感覺都算係正常
唔算話好多野
不過都夠食
只係就無alfred咁講到咁好服務
正確黎講除左收碟就無服務
而且地下都幾痴立立
好似好耐無人抹地咁
可能同個價錢都有關係掛
見到自助餐做緊頭五十訂位有六折
再加上本身已經有做廢老小童價
仲開埋個第二輪自助午餐
廢老lunch黎食好似唔洗二舊水
咁試過呢個早餐我應該都唔會比錢黎食架啦

不過環境都算係唯一優點

門口仲有個噴水池可以睇下

另外越南餐廳le soleil入口都係自助餐廳入面

佢個位置係自助餐廳上面
有個小小露台咁樣突出黎

睇過menu入面食物其實唔貴
呢間曾經都入過米芝蓮推介既越南餐廳
感覺就幾唔錯
就算平日黎應該都食得過

係sabatini側邊係仲有間舖頭好似賣玉石既

但長期都見佢close既

遊下lift河

其實差唔多十一點都好多人準備緊走佬

帝苑另一樣唔好既地方係十一點就要check out
所謂的late check out都只係做到十一點半
諗番起去左咁多間酒店
除左海洋公園
真係未試過咁早要走
等我仲特登book左一點幾先食東來順
佢個答覆就係叫你自己出去行下啦
就算最近兩次既九香同康得思都仲會主動offer
其實就算幾唔鍾意marco polo
佢地職員都係nice既
呢間帝苑真係去咁多間態度最差既

d波拎走又唔係
唯有放佢係度

唔知會唔會循環再用呢

十一點幾呢一轉反而有咁多人遊水

見到酒店其實都有plan係offer later check out既
唔知呢d人係咪join果d plan啦

最後諗住落lounge搞check out
隨便買熊仔同問下仲有幾多credit淨
結果佢地唔係幾願意下先幫我搞
後尾有其他客一樣想黎做check out都比佢地撚落地下
同康得思比真係兩個世界
然之後佢又答唔實我仲有幾多credit
淨係話仲有千幾蚊
熊仔就有幫我地打電話
但都係要落番餅店買

最後都係買左呢一set
當然都係無折同無得用credit


被迫住要出去行

以前從來都唔會去望下酒店係咩樣

而家就周圍咁去影

福布斯推薦果幾間酒店其實都幾鳩
其中仲有間係觀塘如心
都真係幾痴線
反而最正常應該係石板街酒店
應該係下一次會去既地方
其實最想都係置地文華同嘉里開番比人住
紅糖雖然無米芝蓮
但望落去好似都唔錯
不過amber都真係幾貴下
最平果個set都要八舊水
呢一年黎真係睇住個價係咁升
人工就連續凍左兩年

尖東已經係好old school既地方
乜都舊
反而係今年黎得多

今次住宿感覺同上次康得思好唔同
上次住宿唔錯
職員態度都好
但係餐飲就九流
今次係職員態度麻麻
住宿都只係一般
但餐飲就中西餐都好好
成件事就係唔可以兩樣都好既咩

點零鐘接左老母又再番黎酒店
今次搭多兩條電梯落到地庫二層

呢一層有兩間中菜廳
中間有條小橋分隔開
左手邊粵菜帝苑軒
右手邊京菜東來順

不過就應該以東來順威水好多

唔單止係福布斯四星餐廳
亦都係米芝蓮既推介餐廳
都曾經係2013年拎過一粒星星
現任總廚係施超群師傅
擅長淮揚菜
睇見餐牌都有好多煙燻菜式

同上次中庭唔同
呢個地庫收埋左個池塘

好似番左去以前
去酒樓拎銀仔擲龜咁

唔講其他野
淨係張檯都已經贏晒上次明閣

頭頂d圓柱吊燈應該都係特色黎

今日我地就坐房

頭頂一樣有呢種圓柱吊燈
仲有幅掛畫
解說寫係壽山福海二龍爭珠刺繡

而我地張檯都算大張

不過就無擺盤
同埋都只係清一色白色既碗碟
而且竟然無口罩提供
之後都有比紙巾我地既

檯面有一張格離粵菜點心可以叫
不過一場黎到當然係食番呢邊特色食物

其實真係第一次係五星酒店餐廳見到點心紙

咁樣設計就真心麻麻

另外都仲有本餐牌既

東來順話係1903年成立既百年老店
本店係北京
一樣都係以食羊肉火鍋聞名
係支那一共有百幾間分店
香港就應該係完全獨立經營
之前仲有間銅鑼灣分店
而家已經執左
茶錢廿三蚊唔貴
但酸菜要廿五蚊
變相要成三十五蚊一位

不過茶壺無野暖住

酸菜都係鳩流流


餐牌全部都係官網搵唔到既




其實佢有道得獎招牌菜鹤湖蟹影係好想叫既
不過老母食齋
我自己一個人啪唔到四件就放棄左
仲有張係時令同廚師推介

其實真係應該試埋佢地個煙燻強先岩
而家睇番片好似幾正

首先上既係另一道得獎菜文思豆腐羹

將所有材料切絲
賣相同口感都唔錯

之後就已經上擔擔麵

係好正常係出面餐廳食得到既口味
不過上海婆婆都要五六十蚊
呢個都唔細碗又唔算貴


佢地單點既野出得快過點心好多
夏日推介既黃金蓮藕片
要就老母無計

不過個樣同我想像中好唔同
睇番佢英文名話係用梨同火龍果汁醃
加埋金箔
成件事都幾清爽既

四喜烤麩

呢堆野我就搞唔掂啦

之後就係點心時間
因為要洗成千幾蚊
本身都諗住打包走
所以都叫左好多樣
素餃

黑蒜燒賣

呢d都正正常常

黑心小籠包

賣相幾特別
但入面無乜湯汁

香梨帶子角

梨造型但實質係咸水角
如果無去過潤
會覺得呢一份幾特別
而且呢件就比較油膩
賣相亦都無咁精緻
不過果邊一粒30蚊
呢邊一粒23蚊
平少少咁啦

漏左單同甜品一齊上既炸蟹棗

好香口
亦都因為呢一份無叫到蟹春卷

因為多credit餘
最後叫左三樣甜品
布甸

有少似楊支甘露

亂叫既玫瑰糕

甜甜地煙煙韌韌

驢打滾

因為個名幾特別所以叫
入面係紅豆
幾好食
好似係支京d特色小食黎

另外睇片仲有d甜品好似蘋果酥同菠羅酥有拎比蔡瀾
應該都算係招牌野掛
不過老母唔想食就算

最後呢
其實我都係每樣食左一至兩件
其他都打包走


埋單一千二百幾

其實都成六舊幾水一個人
以為仲要補錢
點知佢話我本身仲有千四蚊剩
所以應該仲可以叫
不過就因為last order左無了
唔知帝苑個dining credit點計
我地間房就原本賣2880
尋日食左1733
應該得番1147
如果佢話我仲有千四蚊淨既話
即係dining credit會計埋房價果加一
早知真係可以叫鹤湖蟹影
或者直頭尋晚可以上越南餐廳食夜晚
咁今日lunch都唔洗叫咁多野

不過呢間東來順服務都算OK
雖然我地坐房
但都耐唔耐有小二會入黎斟茶
講野都客客氣氣
亦都幫我地pack晒外賣盒
呢度環境都唔錯
味道雖然唔算特別好食
不過係小節上面都仲差少少
好似茶壺無暖爐同無口罩提供
明明上面sabatini都有信封
不過點都叫做好過明閣先
番到屋企D點心都仲保持到


不過呢間帝苑酒店餐廳小二好多都係上左年紀既叔叔伯伯
可能酒店既傳統係咁掛
感覺真係比較老式
但唔算討厭
食過兩間餐廳同lounge都唔錯
都係前檯職員差姐

DAY54 完


九月可能就唔book住了
就算係石板街都未到好想去
始終得一間餐廳就唔算好吸引
留番銀兩搵下好西食下算

邊間早餐最好食？

我覺得港香最好，唔知係咪果日有總廚睇場關係
美利同瑞吉半自助都唔錯
可以揀egg benedict

港香有無得上去petrus

我果次自助餐餐廳太多人
佢都職員遊說排隊d人上頂樓
Lounge定petrus就唔知了
我無去

sabatini 個brunch 好似幾好

DAY55.1 炭家 定食doyara 元創方

有一日見到廣告
話香港終於有正宗鰻魚食
然後再見到蔡瀾落廣告
講真
去日本咁多次
最值得回味既並唔係拉麵或者壽司
而係每次坐係老店入面等成大半個鐘先有得食既鰻魚飯
係香港真係未食過有日本咁樣既質素
求其係餐廳見到一兩百蚊既鰻魚其實都可以諗到係咩貨色
所以第一次聽到呢間炭家話自己係原條炭燒日本鰻真係特別吸引
就plan左一日諗去食完鰻魚再行下元創方

可能定價較高
又唔係港人心水既omakase
早幾日係網上訂都有位
因為想之後去試埋吃甚麼
而佢就星期日休息既
所以特登搵左個星期六去食lunch

餐廳位置係中環歌賦街
同一條街有座銀又有周月
附近又有鯛白湯同大班樓
之前都黎過幾次覺得幾靚
今次特登係新紀元廣場影下相



炭家就係九記對面

門口唔太起眼
不過長期有位小二好好客咁企係度

餐廳唔大

門口有bar檯
加埋幾張四人檯同二人檯
都係得十零二十個位左右

而窗外面就已經係勝香園

廚房都算係半開放式可以望到入面
不過窗身較高我地個位就望唔到

好可惜電視機係支米牌

咁呢度服務好好
有介紹餐牌

望真d原來同座銀鯛白湯係同一個集團

唔怪得全部都開係附近

餐牌一開始有寫鰻魚係日本直送

由40年經驗既江藤先生主理
我就無特登望過佢今日係唔係度
用上紀州備長炭黎燒
話鰻魚既油脂滴到備長炭上面
炭香會升華造成煙燻效果
寫到好似真係好勁咁
仲有話呢度主要係以關西風格燒烤

午市既鰻魚重同晚市係唔同既

午市係好似日本咁用盒既
晚市就係鰻魚丼用碗既
另外當日好似係無和牛丼供應



鰻魚以外既串燒好似都無

因為窮撚心態
加上又諗住一陣去食台灣野
所以就只係要左一個鰻魚飯
另加玉子燒同串燒

前菜同茶碗蒸

強入面仲有鰻魚
幾有心思

鰻魚肉玉燒

切開有六件
好靚仔
岩岩燒起好香好好食

仲要都唔細件

另外鰻魚飯叫左蒲燒
特登吃左白燒鰻魚串試下

小二建議可以加鹽食

呢兩件前菜都好食
令我都幾期望個主菜

小二都特登比左兩個碗我地
呢度餐具望落去都幾靚

但就無好似日本咁舖滿晒成個盒既

都明白係成本問題
不過好耐無去過日本
真係好掛住呢種鰻魚味
有見過幾個食評都話d米好渣
我自己廢J又無覺得好大問題
不過格離位師兄就拉住位小二問到好深入
問埋師傅係日本有無舖之類
唔知係咪食家黎

最後仲有生果甜品

蜜瓜好甜

埋單連加一748

係日本食鰻魚都唔係平
上一次去果間魚政都要差唔多七千yen
咁對比番其實個價就唔係特別貴
至少比佢地集團拉麵抵食
只係份量就無咁滿足
同埋見到佢menu寫活鰻要七日前預訂同加200蚊
咁我諗其實呢餐既鰻魚係咪都係差少少既呢

咁話說之前去過拉麵陳間金所食魚生飯都幾高質
但佢地已經搬左去中環
再無辦法可以係九龍食得到
咁個港女就話有間刺生丼係佢以前成日食既
叫做定食doraya
有銅鑼灣同尖沙咀兩間分店
咁我地就去左尖沙咀果間
位置係厚福街H8大廈6樓
同好多商廈一樣
一出電梯就係

呢間野地方唔大
見唔少人係出面等位
但唔知點解等左幾分鐘就入得

座位就一般OK窄


有窗口位


主要都係食魚生飯既



本身我見佢介紹得咁詳細
就想試下個藍鮨吞拿魚丼既
佢個港女就話呢度最出名係食車仔飯

交左比佢揀之後佢好似跳左制咁一口氣揀左七樣送
連個小二都嚇親
咁佢就有寫四樣送減五蚊
五樣送減十蚊
咁七樣送就減廿蚊

佢自己就揀左個cheapcheap三文魚蓉飯

呢個飯88蚊
一樣係有茶碗蒸有湯同小菜
咁人大左其實就知道三文魚其實係渣野黎
呢款純粹都只係當一樣送處理

之後就上我果個七送飯

甜哈有5隻
中拖大拖各三件
深海pool魚三件
海膽一pet
哈他他另一pet
帆立貝4件
其實拖羅同池魚都唔錯既
不過堆海膽就搞唔掂
仲要過百蚊
完全可以唔洗叫

最後加多件蘋果芝士蛋糕

酸酸甜甜咁都ok

埋單679
要加一

總括黎講都可以一戰
但整體都係金所高質
而且之後再去多次doraya都遇到同樣事件
就係埋單果時有位女小二係直接將單掟落檯面
堅係兩次都係同一位
同埋落單果時佢會問要壽司飯定白飯
我個人廢係完全係load唔到咩意思

咁講番中環
其實係鯛白湯拉麵再行上少少就已經係PMQ元創方
元創方前身係三級歷史建築既狗隻交配宿舍
2014年活化
感覺就同南豐紗廠好似
一樣都變身成為商場
但就一直都未有黎過

係馬路對面就有間pici


而PMQ下層入口

又係另一間法國餐廳

米芝蓮一星既louise
用上本地三黃雞
過千蚊隻
睇完有啖好食一直都好想試
但咁耐以黎都搵唔齊人去食
三黃雞就係上環街市入貨
蘋果段片我都睇左幾次
係個好好睇既故事
以後要靠米紙去延續了

餐廳上下層menu都會唔同
好似要上層先食得到




搭電梯可以直上宿舍商場

外貌叫做保留番原始味道

入面就真係完全係商舖黎


樓高七層

中間果座係搵極都搵唔到入口

其實無冷氣要坐出面真係熱到完全唔想飲



頂樓就有個小型繪本展覽

職員就好落力介紹
咁我就比面入左去轉左個圈




我就文化唔高
但仲有d良知

出面連獻花都犯國安
呢個就係我欣賞地球既唯一方法

模型整得幾靚





中間有個空中花園


地底仲有個地下室

要填名或者掃回家先入得
而狗隻宿舍前身係中央書院
香港第一間官立中學
第時如果有機會生小朋友
就真係唔可以比佢地讀呢類型學校


用黎展示舊中央書院兩段最長既花崗岩地基


同埋少量遺跡



另一個小型展覽



PMQ門口仲有間餐廳

就好似無乜人食

今日唔係staycation
但又係中環周圍行

呢間壽喜燒mori同日山又係一直都想食既

鬼佬中菜


又行左去左另一間bakehouse

呢間無乜人唔洗點排就買到

即食真係好好多
上次拎到番去瑞吉酒店都已經凍晒

其實呢度同大館可以一齊去都得
不過上次無乜時間亂咁行

又落番黎石板街




呢間係暫時比較有興趣既一間

價錢唔貴
浴缸有景
而且又有意大利野食下

唯一就係唔係咁想黎中環

續


道歉啟示
用八婆黎稱呼係我唔岩
我唔會再咁寫架啦