[長氣多圖][無限期] 香港staycation之旅(2)

我地身後已經係自助餐區
果汁選擇都多


cold cut

配菜

睇番d相夜晚呢度會用黎係擺刺身同凍海鮮
見到都覺得迫

最角落頭擺左麵包

餐廳官方時間寫係十點半完
而我地十點半先入黎
見佢地仲有refill
可能因為無lunch buffet既壓力所以一路做到十一點掛
咁應該都係拎得一輪
所以都拎多少少


不過以一間頂五星黎講
佢地廚師係真係少既
就只有一個係度負責廚房前既強檔同麵檔


不過強同麵質素都唔差



有問過可唔可以揀egg benedict
師傅就話可以搵小二落單整既

咁佢廚房都整得幾好食
始終都係頂五星級數
又可以自己加三文魚黎食

其他熟食就係咁樣圍住碌柱擺

好似格硬擠d位出黎咁
得大路野
選擇都幾少


點心用細籠獨立幾好

唔洗又開又夾
見到岩就直接成籠拎番去



粥類


最後兩碌柱中間有個玻璃櫃

乳酪係勁多既

可能唔算多野揀
就拎左唔少生果


應該係因為無自助午餐呢個壓力
職員都唔會點開聲趕人走
檔口都差唔多到十一點先開始收檔
我地都食到十一點半先走

咁始終都算係六星酒店
服務係唔錯既
不過餐廳格局真係太奇怪
先天不足
好似格硬搵個位黎做自助餐咁
講真黎文華東方既話
都係揀番中菜或者扒房好過
始終兩間都係頂級享受
更何況staycation package就只有兩個鐘限時
我就應該唔會揀呢度自助晚餐了

話說文華東方就只有星期一至四先有廿四小時住宿
不過尋日check in果時問過可唔可以遲d走
前檯職員就話知道我地book左扒房
可以食埋先check out
今次真心痴撚線
講緊我book左點幾鐘
即係起碼可以三四點先check out
所以我都施施然先落去食早餐

咁唔想拎走尋晚食淨個芝士蛋糕
本身食早餐都已經飽飽地
終於都係啪晒佢
搞到頂撚住左個肚
所以食飯都真係第一日check in前食會好好多

最多又玩多次個浴缸

個距離真係太近
我諗對面大廈應該成日都會有好野睇

文華扒房並無話分第一輪定第二輪lunch
亦都無因為禁晚市而有early dinner呢樣野
佢地最後可以book檯時間係兩點
但我本身都預左佢淨係比我地一個鐘late check out
所以book左1315呢種時間係我覺得同早餐分隔最適合既距離
係估唔到中間仲有個蛋糕
而文華扒房係酒店一樓

上次黎佢仲未開門
見到門口幾隻兵馬俑已經覺得好勁
同一層仲有個康樂廳
之前頂樓文華廳裝修搬落黎果時有黎過

文華扒房+酒吧
除左2009第一年無上到米芝蓮榜之外
餐廳係連續十三年既一星餐廳
係米芝蓮官網介紹佢地就屬於時尚歐陸菜
就唔知係點定義
全香港一共有四間一星既時尚歐陸菜
而扒房就只有beefbar一間
bostosian已經無再係個list上面

同caprice一樣仲有個酒吧區係門口
餐廳而家都係以白色為主


見到呢度張凳全部好大張
四隻腳都有碌
望落應該好重
我地坐梳化位就試唔到
而餐廳仲白到有d反光
不過見alfred夜晚黎就話呢度黑到乜都睇唔到

天花係全白色既扇形文華東方標誌
並無好浮誇既巨型吊燈


我地正對住個半開放式廚房

米芝蓮一星標誌反而貼係佢地廚房上面
另一邊仲有張bar檯擺左唔同產地既生蠔

扒房每張餐檯都好大
同其他檯距離都夠開
更何況係二人限聚

檯面只係放左牛油刀同醋碟
塊木板好精美
岩岩好卡住把刀

食過好多餐廳

盆栽都係基本配置黎

餐牌同官網睇既一樣
都只有英文

不過扒房用語就好簡單
唔會好似法國菜同意大利菜咁難明
星期六brunch三道菜788
比一般酒店西餐貴
不過我都專登揀星期六過黎食係有原因既
文華扒房一共有三種set lunch
最普通平日星期一至五就698
但睇過竟然係無牛扒食
星期日既燒烤午餐就888
呢個set最多野食
前菜同甜品都係唔洗揀全部上晒
本身我都覺得係比較吸引既
最後我揀星期六既原因係佢有得揀龍蝦湯
亦都可以加二百蚊轉signature既威靈頓牛
基本同夜晚一樣
但講緊人均要差唔多2k先食到
今次可以用埋dining credit黎食威靈頓牛
我就覺得幾抵玩

麵包,牛油同橄欖油都無得揀了



但係塊麵包真係無得輸
係我食過最鬆軟既
加埋海鹽
比起半島gaddis果塊仲正
真係忍唔住問佢地打包左份


餐前小食係燒帶子

一口size

話說前菜樣樣都好吸引
所以星期日可以要晒就真係好揀
只可以揀一樣就真係揀唔到手
見佢加多一款都係百五蚊
最後好貪心就要左三款

第一份係自家製煙三文魚
係度食野有樣野好
就係好多都係席前先切

望住佢一塊塊咁片就算味道無咩特別都加晒分
而且都應該都好多人點
見到架車仔要成日走黎走去

小二有問想要乜野配料
大人當然係全部都要
普普通通煙三文魚都擺得好靚仔

話說之前酒店有個好抵既in room dining套餐
話係文華扒房出品既三道菜
有最經典既煙三文魚同威靈頓牛
呢樣真心係唔建議
好多人食完都話好麻麻
第一次staycation可能都真係會想係房食下嘆下
不過後來就知道根本係兩回事
係房同係餐廳有人serve簡直係差天共地
尤其係呢種級數既餐廳
佢地值錢就係個氣氛同服務到
所以我都係鍾意用dining credit落餐廳食

第二份係A5和牛他他

我自己鍾意他他多過肝醬好多
仲未接受到肝果種口感
呢份無蛋黃汁
但本身就已經好鮮味
仲好過之前係sabatini食到果件
不過塊包就好難share

最後一份前菜係藍龍蝦湯

問明需唔需要share之後會分兩個碗各自斟

一份錢一份貨
濃過係cafe causette飲果碗
而且分左兩碗都仲有唔少龍蝦粒


認真前菜份量都唔少
加埋早餐同芝士蛋糕仲未落格
未上主菜都飽左七八成

主菜就要左烤牛肉
然後又成架車推左過黎

好似自助餐咁切
擺款就靚好多
伴左yorkshire pudding

再淋上汁

仲有伴菜

牛肋扒佢唔會比難食既部份比你
軟嫩過自助餐多多數
係二大塊就算share一人一塊都食到好好好飽

另外係威靈頓牛

再倒松露汁

上檯就已經聞到好重味
小二話推薦係四成熟
我當然係信佢啦
成塊就好pink lin好靚
睇過夜晚果份係一整條一開二係厚身好多
不過而家比我就真係再多都食唔落

另有兩份伴菜
薯蓉同豆角
仲有芥末醬
但就已經飽到掂唔到了

而且睇番相都覺得好吸引
明明係咁期待份威靈頓牛
仲on99去點三份前菜
真係嘥鳩晒

甜品時間係第二個胃反而無乜影響
係聞到肉味就有d反胃
lunch就無得揀梳乎厘
對比前菜同主菜係失色既
柚子蛋糕

仲有檸檬雪芭

另一份係日本梨

配肉桂雪糕

兩份都比較普通
petit four都一樣

只係朱古力同糖

臨尾就突發左呢件事啦
本身食食下飯都已經見到有人送左札藍玫瑰入黎
後來就見到小二推住扎花送過去
個客就係眾目睽睽之下求左婚

係睇得開心既
但換黎就係比人問點解我唔做同佢一樣既野lor

洗手間係餐廳外面全層共用
女廁就成個化妝間咁華麗
而男廁要行到去千日里格離就無乜特別

三道菜無包飲品
呢餐都差唔多食左三個鐘
除左個人問題
係食得好舒服好滿意既
加左一個前菜
另外又加錢轉左威靈頓牛

埋單兩千一
平均每人過千蚊
呢兩年staycation既lunch應該就以呢餐最豪
但洗得開心
唔清楚用咩信用卡有折
住客就有送左張卡有八五折
但係夜晚先用得
即係禁晚市係無柒用
我自己用dining credit就扣番一千蚊再上前檯收數
其實我覺得以文華扒房既服務同質素
真係值得有更多星星
座位舒服
野好食
服務亦都熱情唔係機械式
臨走果時又送左兩件貝殼蛋糕
雖然可能只係同lounge差唔多
但都起碼有心
不過眼見二三星都係粵法意日菜為主
扒房同歐陸菜一星已經係封頂
可想而知鋸扒係上流社會地位應該唔太高
咁就真係鄧佢地幾唔抵

食完都四點幾
但張啪卡已經失左效上唔番房
又要搞一大輪先上得番去拎野走



今次呢個staycation就滿意過上次奕居好多
雖然間房無咁大亦都無咁靚
但文華閣同文華扒房都好滿意食得好開心
入住一間酒店係睇硬件夠唔夠吸引
但住後感想往往係軟件影響更大
可能係好少事就可以令到個客好開心
最緊要都係睇有無心
不過好多酒店職員日日都淨係識西客前西客後
條路自己揀
你估我又唔想出去外國玩咩
我夠想去浸溫泉
無得揀咪唯有轉換下心情

而果d求婚汽球其實我都無丟到
拎左番屋企而家仲痴左係牆到


DAY78 完

咁嘅情況諗清楚係咪真係結婚係好選擇

DAY79 香港港麗酒店(上)->意寧谷->行政貴賓廊->行政貴賓廊

所謂既第五波應該係呢三年武肺最嚴重既時期
唔只文華東方出套房特價package
同期港麗都有平
以前套房都唔係無見佢地有推出過
都唔係跟自助午餐就係購物券d唔等洗既野
海景套房更加係第一次
今次三千五再送千二蚊餐飲消費額的確係史無前例
打番個八五折淨房價即係大約二千五左右
講緊佢平時賣緊行政房連晚餐再平都要過兩千
更何況就算假期去都同樣價錢
所以就book左勞動節果日去

福布斯四星本身淨係得番港麗同唯港薈未住
前者終於搵到個特價
而後者就只有越黎越貴
不過賞你住平五百之下最後都揀左黎住
本身就已經係制霸左晒成個四星list架啦
但新一年22年福布斯又將石板街酒店升格成為四星酒店
本身就一直都想住
都講左好耐
但佢而家間意大利主餐廳執左
而家變左food story旗下餐廳
即係早晚都唔會再包
佢本身酒店就已經乜柒設施都無
即係連野都無得食既話我就真係唔知去黎做乜鳩
另外間美利又on99咁升左去五星
心諗四星酒店入面至少君悅同奕居都高級過佢
呢間酒店入面一間星級餐廳都無
普通N1房又無浴缸
最靚亦都只有香港公園景
泳池丁屎咁大個
更只係marco polo集團管理
完全點諗都諗唔明呀

講番港麗酒店
係staycation最初期已經成日見到佢地個名
話咩三千蚊食四餐好抵好高質之類
連d無乜人識既youtuber都會被邀請去住
長期係klook都有行政房加意法晚餐既package
然後有啖好食介紹話港麗個brunch差唔多係全港最top
我由果時開始先至認識conrad呢個酒店品牌
酒店同格離港島香格里拉同屬太古廣二期建築
90年開幕
而家都一樣成三十幾年歷史
對上一次裝修好似已經係07年既事
同香格里拉唔同
酒店其他層數並唔係寫字樓用途
而係同奕居同集團既服務式住宅柏舍

維基寫話而家係由信和同太古共用擁有
同黃金海岸酒店石板街酒店一樣
不過就唔係自家管理
而係交左比希爾頓集團
conrad中文寫係康萊德
香港就譯做港麗
屬於希爾頓三大頂級品牌之一
希爾頓應該有將酒店分成十等級
但係完全查唔到邊個酒店係咩級
就無萬豪同凱悅集團咁方便
香港就只有旺角希爾頓花園屬於同一個集團
睇wiki寫計畫出年有另一個頂級品牌華爾道夫會係西九落成
就唔知實際存唔存在啦

咁住得港麗就緊係要食埋佢個brunch
之前無晚市果時會做兩輪brunch賺錢
第二段係少時間過第一段
但價錢一樣
都幾痴線
又話說
第一次睇識呢個brunch係睇有啖好食
條片係2020年5月出
果時898一位已經覺得佢好撚貴
之後再加左幾次價
今年三月book房果時見官網寫已經1088
但估唔到我地5月1日入住
佢就話5月會調整價錢再加一舊水
所以我地去果日已經係1188
雖然話有dining credit
但其實連一個人都唔夠比
即係房價係平左
但食野就貴撚左好多
所以佢地本身個brunch連住既package係幾抵既
但就只有包普通房
連lounge都無得入
都或者因為貴左咁多
而家已經無以前咁搶手話好難book之類
而我慣例係會食埋酒店間中菜
都有諗過個brunch太貴不如就咁算
但諗諗下都唔會再黎第二次都係照book埋佢
結果一泊五食加埋係呢間酒店都洗左差唔多6K
價錢同JW差唔多
或者中菜係輸晒
但係度叫做住得舒服
同JW相比
港麗雖然都係上年紀既酒店
但佢地係舊而唔殘
都有浸古典味走到出黎
最後港麗酒店係六月已經成為左檢疫酒店
所以我五月去已經差唔多尾班車了

今次一樣坐黨鐵黎到太古廣場
係今年度第三次黎到呢邊住酒店
港麗酒店同港島香格里拉一樣
係太古廣場中間位置有電梯直上四樓
上到去轉右會係香格里拉
轉左就係港麗

不過兩間酒店check in大堂都係五樓
可能要就番停車場正門啦
咁香格里拉係四樓會有扶手電梯上大堂
港麗就要搭升降機先上到去
仲要係無指示既
都係咁岩有職員係宴會廳先問到
港麗係除左餐廳之外所有入口都唔需要強制安心出行
呢方面就做得好好

我地十一點半先係黨鐵出站
為左要拎dining credit去食野所以首先要check in
好在時間早手續都搞都快
仲要即刻有房
問埋聽日可以遲多一個鐘走
所以可以住到廿五小時
可能佢地以前都做開d三十小時既住宿
或者係房較多
呢方面算梳爽

上房首先要破佢處

撕開果下特別興奮
擺低晒野就搭lift落八樓
因為已經遲左半個鐘
而港麗brunch時間唔算多
之前食過幾間酒店brunch都係三個半至四個鐘
但港麗只有三個鐘
我地仲得番兩個半鐘
變左同食自助餐一樣

港麗brunch位於八樓全層
由意大利菜意寧谷
法國菜懷歐敘
同埋酒吧寶絲吧三間餐廳合辦
時間係星期六日既十一點半至兩點半

坐邊可能同book檯都有關係
因為勞動節果日網上book唔到
所以就打左去意寧谷
結果我地都係坐番係意大利餐廳呢邊

仲有用餐前一個星期會要網上收取人頭一百蚊按金

本身我覺得港麗酒店舊舊地
以為佢地餐廳都係差唔多
但入到黎又覺得佢地環境都幾典雅

黃橙配啡色木建築
頭頂天花仲有好多大型金葉吊燈
但好似套落中菜金葉庭會比較貼切

不過唔知係疫情定加價原因啦
今日都坐唔滿既
目測七八成左右
我地就安排坐梳化位
無得靠窗望下出面城景
後背有威尼斯壁畫

坐得好舒服
私隱度仲唔錯

四人檯仲好大張

自助餐就無乜擺檯
檯面有較剪鉗
濕紙巾

信封口罩封


盆栽


一坐低先上左杯巴黎之花香濱

港麗brunch係無得揀要要硬包酒水
三小時freeflow
好似我呢d唔好酒水就會覺得唔抵

之前見過bostonian sunday brunch個餐牌幾有特色
呢度就有埋個地圖
佢地分工都幾清晰

前菜係意寧谷
凍海鮮係懷歐敘
意粉區同中菜區放係中間既寶絲吧
即係咁講
坐位都係一個策略
如果好鍾意食海鮮既但如果好似我地咁坐係意寧谷
咁次次都要由頭行到尾都幾煩
而且都多野想食
我都只係去拎過一次
其餘仲有好多pop up食物會出現係寶絲吧
不過寶絲吧就得幾張檯
同埋會比較多人係附近行黎行去
基本上要睇完成個餐牌都幾花時間
就應該就無咩人會認真睇
直接出去拎好過

意寧谷就只有意式前菜


主要都以醃菜為主
我覺得分域碼頭gia會仲豐富
火腿類都比較多
仲會即場切出黎
睇番片以前呢度都會擺部切肉機係度

parma ham配蜜瓜經典食法就唔會輸

比較特別係有乳豬

仲有d炸蝦茄子長通粉沙律

另外都會有直接上檯既前菜
麵包黎講就普普通通

可能都擺耐左
而且都唔想比麵包塞飽就只係試左少少

生蠔

只得四隻
問過無得refill同埋出面都無
話而家餐廳比較重質wor
但又唔係特別鮮甜

魚子醬三文魚

呢d就真係走fine dine路線

強仔雖然無得揀班尼迪強揀
但都有奄列同水波強

奄列黑松露味都重

水波強賣相靚
亦唔會過熟

之後再上多份menu無寫既鵝肝

唔知係特登定點啦
兩份一正一反咁
煎得好香
可惜就只有一次機會

咁樣食法都用左唔少時間
真係要出下去行番轉
其實意大利餐廳都仲有好多空位
但都無野擺既


出到去右手面係酒櫃


左手邊有個芝士區


酒櫃附近有中菜區
menu寫話係金葉庭signature
有皮片鴨同豉油雞

片皮鴨脆口

豉油雞就無試到

寶絲吧正中間係意粉區

一開始唔太想食
而且都多人
後尾黎到已經無晒雲吞同墨汁意粉可以揀
師傅會問想要咩汁同料
但其實就無show到有咩可以揀
求其up左d普通野

好似卡邦尼咁都係用忌廉汁
唔難食既
但因為意大利餐廳
都有些少期待過會正宗d
結果係一樣既

格離擺左原個巴馬臣芝士

見到就好興奮
但由頭到尾都唔覺有整risotto
真係唔知幾時錯過左

pop up野仲有個意大利海鮮湯

女朋友唔覺意行出去又拎到
menu仲有一樣龍利柳又係從來都無見過
真係好彩就有
唔好彩就無
不如分番每人一碟位上好過啦

澳洲燒牛肉係即席切既

肉味口感都OK

仲有其他配菜可以自己加上去
好似薯仔雜菜或者yorkshire pudding咁

除左調酒師可以調酒

仲有意大利有氣果汁

mocktail淨係得雜果賓治


最後就入去懷歐敘

就咁睇法國餐廳好似無意大利餐廳咁grand
casual好多咁
而景觀呢邊好似多左山景
意大利餐廳得城景

估唔到係有刺身區

應該係全場最低質既一個區
最大路既三文魚八瓜魚吞拿魚

質素同普通自助餐無分別
拎唔拎都罷

海鮮集中晒係法國餐廳個開放式廚房


有波士頓龍蝦
龍蝦鉗
印尼海螺
越南大頭蝦
荷蘭黑青口
唯獨蟹腳無寫產自邊度

質素唔錯
龍蝦唔會霉
而且大頭蝦真係好大隻下
可惜只係夠時間食一轉
已經到主菜環節

第一份揀左比目魚柳

自助餐佢都仲做到有擺盤都算係咁
而且煎得幾好
肉唔會鞋
仲有兩件可以share

另一份係羊架

賣相就唔係特別好
但食落有驚喜
肉嫩有汁亦都唔會好大浸蘇味

當時睇有啖好食果時主菜係可以任叫
而家主菜只可以叫一份
生蠔亦每人得兩隻
雖然夠晒飽
但乜都cut晒cost
仲要不斷加價
真係遺憾自己唔一早黎

主菜都可以揀一份配菜

甜薯好過普通薯條好多

時間真係唔夠用
雖然未話食得頂肚
但已經無乜時間拎野食

尾段本身有汽果汁個位就變身成為雪糕區

四款口味既自家製意大利雪糕同雪芭
配士多啤梨做底

雖然味道選擇少
但無一款會係唔好食

仲有因為係出面搵唔到有其他甜品
都問過店小二
佢地話最後會一盆咁上
上檯果時覺得幾靚
但睇真d笑埋右

呢碟係兩個人份量
仲衰過lounge個下午茶
只有兩件蛋糕仔再加埋生果
話晒都係意大利餐廳
我寧願你淨係整一杯tiramisu出黎都好過而家呢一碟

最多都仲有杯自選飲品可以叫



洗手間係酒吧區

正常乾淨既

開番晚市之後餐廳就無再做第二輪brunch
所以夠鐘都唔會有下一場要準備
不過雖然話食三個鐘
但我地都只係食左兩個半鐘
飽就一定係夠飽
不過每樣都只夠時間食一轉
睇番有啖好食條片原來兩年前既星期日時段係食四個鐘既
星期六仲會平兩舊
即係而家cut鐘cut cost又加埋價

book檯果時小二話51無折
原本諗住用dining credit找數既
但係現場問過小二話匯豐信用卡有八五折
所以轉左碌卡
第二日去金葉庭先用
埋單連埋按金折後2257
都要一千一百幾一人
仲貴過上次食文華扒房
咁我覺得都可以用茶園黎比
食物走精緻路線
樓底高環境舒適優雅
雖然某幾檯會特別大聲但唔會騷擾到
而茶園係純西式
港麗都會有少量中式同日式食物
服務黎講招呼我地果位小二未算好專業
不過就幾醒目
就次唔小心倒瀉酒佢都幫到手
整體我覺得唔錯既
食得舒服
係個價錢唔抵食
如果愛好酒水會開心好多
同埋有對比就有傷害
可能以前真係做得太好
對比番真係會有落差

都坐到大約三點先走
出面寶絲吧已經差唔多收拾好晒


唔知係咪真係會人黎食八婆下午茶

8樓電梯大堂

咁就搭lift上番房
有時間可以影番相


酒店全棟61層
格離香格里拉得56層
但反而係港麗比較矮
3樓連接太古廣場
LL4樓
連接港島香格里拉同太古廣場升降機
呢層有泳池
健身中心
自助餐廳咖啡園
中菜廳金葉庭
餅店同精品廊
同埋有個宴會廳
L5樓
大堂樓層
有八婆下午茶樂聚廊
仲有連接出面平台花園
6樓不詳
7樓係多用途室
8樓即係頭先食野果三間
酒吧寶絲吧
意大利餐廳意寧谷
法國餐廳懷歐敍
客房由40樓去到61樓
59樓係行政酒廊
酒店都叫做有六間餐廳
一間無座位既餅店
係福布斯四星酒店入面餐廳都比較多
只係僅次於君悅
不過就連一間星級酒店都無
同W一齊排包尾

走廊全室內
唔似港香咁有天井中通


套房係樓層盡頭


今次又係同格離房門勁近

成日聽到格離房係咁開閂山勁響

係帝苑都有見過消毒貼紙

破佢處果下好興奮

今次我地係住55樓

算係中上樓層

我地住呢間叫做豪華海景行政套房
750尺大
同山景套房設計一模一樣
價錢差四百蚊
原本黎太古廣場住開都係山景
覺得都可以接受
本身都諗住係book間平既
但唔夠快手唯有住間貴少少
而港麗同港香有少少唔同
港香間海景套房廳同房都係全海景
但港麗既海景套房係只有廳係海景
房係山景黎

其實係搞笑既
今日我地間房有兩張平面圖


原因呢間套房本身就係兩間獨立房黎
睡房門口有寫住5501
間隔同普通房係一模一樣

燈制係最普通屋企d開關制

平面圖下排全部都係海景房
雖然無寫房號碼
但我地格離房係02號房
就咁數即係02-13號房都係海景
數字越細個海景越靚
不過我地房明係倒轉顯示26號房
並唔係01號房
去到14同15號房就係山景套房
不過門口又係顯示15號房
照道理山景套房個客廳係會有少部份海景見得到
之後16-25號房都係山景房
最後就係01號我地山景睡房
總括黎講佢就係將01同26,14同15房號倒轉左
不過因為都屬於同一間套房
可能佢係想顯示大號房果個掛
海景套房再對上既級數就只有主席套房同總統套房
每款都只得一間
主席套房係60樓
總統套房睇大口八婆住過係頂樓6103號房
都係用左樓層最靚景果幾間房
見到衣帽間係對住落地玻璃黎換衫既

不過有樣野想講
我地入住呢間海景套房個睡房係只有山景
但係港麗酒店係希爾頓官網介紹見到海景套房入面睡房都係全海景既
原理應該就因為我地房同格離02號係相連房
咁佢就拎左02號既海景房當係海景套房既睡房黎做官圖
即係一開始就有心呃鳩人
唔知商品說明條例告唔告到呢

玄關好大
但係乜鳩都無

廳其實有兩棟大門可以閂埋
不過我就無搞佢地
驚閂左會開唔番

雙大門右手面係客廁

即係住過咁多間福布斯四星
唔計港香呢幾年跳黎跳去既排名
真係得港麗最初級既套房就有

雖然客房同睡房都算係corner房
但就只得客廳有270度景

兩張梳化
茶几同扮工檯
扮工檯格離就係同格離房相連既門
另外仲有好多座檯燈
平時見到d濕鳩影住自己舖晒床單訓係個270度角落窗真係要移開幾多野

望到對面JW同奕居

但我地住55樓都已經高過佢地一截
無遮無擋個海景就靚好多
但都係果句
次次黎親金鐘都係唔好天既

另一邊已經係望城市景

所以成日話好多野好似會成日撞到


茶几有welcome生果同kkday package送既紅酒一支


print出黎既welcome卡

係連客人名都無既

仲有一排朱古力

送既野都唔少
點都好過萬豪果一堆

扮工檯擺左幾張名信片

同埋又係呢款JBL鐘

化妝盒?


三個13A蘇位

最緊要係全部都係橫向設計
唔會好似其他酒店咁比個火牛kick撚住插唔入
亦都唔會un住條線
真係有用過心去設計

電視櫃係等身高
可以閂山既
入面電視機係LG牌
但用samsung sound bar

呢部電視機就好舊
睇佢邊位都好厚
唔係智能電視連接唔到電話
但都叫做有晒親beinsport台

遙控都有野包住話比你聽有消過毒


入番去睡房

01號門入面係衣櫃
如果開住門就只係得番個好窄既位

拖鞋普通


格離係好細既mini bar咖啡機

六粒子彈
TWG茶包

下面雪櫃乜7都無


對面係浴室

浴室門係一大塊連身鏡

右手面企缸只有一個固定式花灑

呢方面就同兩間香格里拉睇齊

浴缸就好淺


所有房都會送港麗鴨仔一隻陪你浸浴


另外有條香港好少見到既浪衫繩


雙洗手盆

個水龍頭勁舊設計

側邊頭頂有部菲利蒲電視

但一黎遠
二黎細
三黎仲有雪花
完全搞唔掂
有個掛牆風筒

洗頭水有香港牌子上海灘

用落就無咩特別

最盡頭有間屙屎獨立房

叫做乾濕分離
但棟門好搞笑咁係玻璃黎

又遮唔晒
可以望到入面人屙屎

睡房就係頭先所講既山景

之前住香格里拉都係望呢個景
張獨立椅好舒服
另外座地果舊唔知乜黎

電視櫃同行李凳

電視一樣係LG
但就新過出面果部好多

可以正常用andriod機同步畫面
IOS就唔得

應該係每個住客都會送港麗熊仔

如果其他節日黎佢仲有戴唔同帽
上次新年去港香果邊食野果時見佢有頂老虎帽
另外有送多兩個口罩同口罩套

雙人床正常king size

四個枕頭

櫃桶有聖經佛經


同埋呢度用西藏水
上網睇番原來一支都唔平


另一邊檯面乜都無


不過檯邊有插蘇位

連USB都有
完美解決左本身先天不足既問題
就好似8樓咁佢打通三間餐廳黎做brunch
酒店管理層可能曾經都係有d腦既
不過老細就姑寒掛

咁成間房歲月花痕係有既
但整體你都覺得佢地係舊而唔殘
覺得佢地保養還可以
並唔會去到JW果種程度
JW直頭係日久失修咁既款
仲有人寫上關注組話係真五星
諗起果間咁既房真係笑左出黎
完全都唔係同一個層次
我諗如果以當初90年代既標準黎講港麗都應該算係間五星半既酒店
咁當然金鐘四寶黎講只可以排到第三架啦
第四果間真係不值一提

而家港麗做左隔離酒店
有聽過網上話黎緊會大裝修
唔知真定假

check in果時就有同提過間lounge
要一早book定時間既

每節都只有四十五分鐘
真係幾短
咁我就一定係最遲果d時段架嘛
因為夜晚無野食

四點零鐘就上左去59樓行政酒廊


入面仲有條樓梯轉落下一層


感覺呢個lounge都幾細
不過又唔算好多人


我地近門口左手面四人檯都係海景位
但就無房咁靚

都係果句
高度決定一切
所以麗思卡爾頓真係贏晒

下午茶就只有set上
曾經睇片見過係三架層上又坐得舒服既

而家就只有碟上幾件蛋糕同生果
野飲亦只有杯上
無茶壺
係真心hea既
好在之前食完brunch仲飽緊
本身其實有諗過唔上黎hea
但又想影下相
結果就只有呢碟野
同brunch個甜品一樣咁鳩
不過入面職員服務係幾好既
仲會R下水吹

食完就落番下面鳩行
首先係3樓
本身就電梯就好似JW咁連接住商場

係唔需要好似香格里拉要搭lift上四樓先入到去
不過呢個位就無乜指示
唔係因為行過出去宥印像都未必搵到路番入黎

之後搭內部lift上番4樓即係LL層


出lift正對住精品廊

乜都有得買
我就係鍾意睇呢d
好似真係渡假咁
但就真係好少酒店有呢d counter
可能本身都拍烏蠅掛
佢地係連人都無擺係度

傳說中既虎年同聖誕熊仔

148蚊隻
仲有婚紗熊仔
220蚊一對
應該係
而普通版就98蚊隻

精品廊左手面叫宴會廳做grand ballroom大禮堂

咁岩有人擺酒

唔知係擺完定未開始

有樓梯可以轉上去大堂

呢個場都幾大
而且都方便
又唔洗經過酒店大門

精品廊右手邊就係中菜金葉庭

已經好多年無獎
個食後感係真係無需要黎試

餅店

呢度有蛋糕唔洗三百蚊有交易
對比好多酒店黎講都抵食

轉角位就係自助餐咖啡園

因為提起港麗自助餐都係brunch多
呢間自助餐就好少人講
目測佢地都唔大間
入口細
座位都少迫
只有泳池景
就無乜特色

上面七樓係d多用途室
就唔關我地事


雖然已經解禁左晚市
但泳池要月中先開番
所以係無得玩水既


玻璃窗可以睇下出面泳池景

仲有排床位好似幾舒服咁
不過呢度三樓就無海景睇
而且每個進入港麗既客就會望到個池
奕居住客而家好似都可以用埋呢個池

尋日係太古廣場搭lift上四樓入黎既側門

出面長走廊通道

比三樓直接入就迂迴好多
但因為去過港香以為港麗都一樣得呢條路可以入

L層5樓大堂梯大堂


今朝就係呢個位checkin

其實我地十一點幾搞完手續之後就開始見多人
可能果d係check out既人龍
呢度就無咩排隊既指示
純粹就係排係人地後面

大堂都幾多野睇



另外有兩間電腦室

應該就係所謂既商務中心

停車場正門

仲有休息區
都幾多位可以坐下

最後大堂仲有個樂聚廊

港麗餐廳全部都改成三字經咁樣

上番房都係五點
但見到已經開左床

好快手

話說到左夜晚先留意到一樣野
就係個窗簾
係無路軌既

竟然係裝飾黎

六點再上lounge


因為下午茶只係set
今次終於可以見到個buffet區
但竟然係細到hihi
入到企多過四五人都已經塞爆

人又多食物又少
相都影唔到
甜點得三幾樣
熟食都係差唔多
係仲有個焗爐

加埋兩樽餅

感覺好似仲少野過marco polo



叫做仲有個湯

今次坐左角落位
今次黑已天
外面都無乜野睇

不過小二係醒目既
見你眼望望都會問你仲有咩想要
然後就幫我調左杯mocktail

同今朝果杯fruit punch有d唔同

獨立洗手間


即係呢個lounge景就好
但食物質素真係差唔多去咁多個最差
先係set上下午茶
仲有個唔知乜既黃昏雞尾酒小食
唔怪得淨係可以坐九個字
就好在今朝真係食飽左
夜晚咁既樣都仲頂得順