DAY41 九龍香格里拉大酒店(上) 灘萬日本料理 豪華閣 香宮
原本開始有d累
就只係book左復活節先再住酒店
但後來九龍香格里拉竟然出左個零房價優惠
所以就趕係去港島香格里拉之前住左九龍呢間先
原本我都係plan住行政套房既
因為海景貴成千蚊
而且九香既餐廳亦都唔算話好貴
就應該食唔到四千幾蚊既credit
不過後來搵到朋友一家食飯
佢話睇完有啖好食對香宮好有興趣
收佢少少錢當幫補升級做海景房

最後呢間套房洗左大約四千七
之前都去過幾個酒店區
中環地鐵站
金鐘太古廣場
灣仔會展
九龍站
尖沙咀天星碼頭
今日去埋尖東
就基本已經去過晒d熱門地區了
而尖東呢一帶酒店
幾乎全部都係老牌酒店
九龍香格里拉
1981年開業
即將四十周年
由嘉里擁有
自家香格里拉集團管理
係集團裡面既最高級品牌
全香港一共有四間香格里拉酒店
兩間香格里拉
一間嘉里
同一間今旅
而後兩者而家已經成為左檢疫酒店
九龍香格里拉亦都係福布斯四星酒店
聽個名曾經都以為好高級
直至一次黎食自助餐
先聽到有人話香港果間高級好多
而家先再見到港島香格里拉唔知係咪課番金
得閒又上番福布斯五星
之後唔知點解又變番無星
彈出彈入都唔知做乜鳩
今日我就坐巴士去到麼地道落車
行過去酒店都係幾步路
中間經過好時中心
曾經我都成日會黎呢頭食飯
唔知點解
近年係好少好少會黎到尖東呢一帶咁
如果坐黨鐵就要坐到去尖東站既P1出口了

大約十二點鐘左右到達酒店
因為太多dining credit
所以會分開三餐用
第一餐諗住登記完放低野就去食日本餐廳灘萬
咁九香既第一印象係唔錯既
雖然眼見counter有人checkout
其實都只係排兩個人左右
但都即刻有職員過黎問會唔會book左行政樓層
咁就被帶左上去20樓豪華閣checkin
帶上去果位職員都幾親切
之後去灘萬果時見到都仲記得我姓乜
豪華閣有兩層

電梯只可以去到20樓
而20樓係辦理入住同退房手續
同埋其他商務野既
食野果邊就要行樓梯上21樓
一入到豪華閣就見到個無敵海景

好耐無見過呢種全海景既畫面
亦都估唔到12點已經有房可以比得到
另外仲主動問需唔需要late check out
因為我聽日仲book左angelini
所以佢就話比我地兩點check out
我估可能再遲d都仲得
講緊我只係金環圈最普通既金會員
咁就坐番lift落去我地入既住8樓

應該同金鐘果邊一樣
電梯既地毯應該係每日都會更換既

其實睇番其他尖東既酒店
係會發現佢地都會有地庫層既
九香係有地庫二樓
日本餐廳灘萬同健身室都係呢層
地庫一樓就係米芝蓮一星中菜廳香宮同ballroom
地下係checkin大堂
仲有lobby lounge同西班牙酒吧餐廳tapas bar
上一層M樓係自助餐cafe kool
仲有蛋糕店deli kool同意大利餐廳angelini
亦都有髮型屋
再上就已經係客房
客房由7樓去到頂樓21樓
無13樓
20同21樓係行政酒廊樓層
所以我地住既8樓其實係由底數上黎既第二層
一入房真係堅失望

個窗口同上層豪華閣唔只差得遠
仲要係正對住條行人天橋
唔怪得之12點就可以checkin
入到房個景仲衰

除左有天橋仲有埋樹
即係課金比左幾千蚊出黎換個海景咁樣真係唔開心
以前行過海旁就試過同朋友指住酒店話係入面推車出面真係乜睇到晒
而家我就變左係推車果個啦
即刻上番去豪華閣問可唔可以換過第二間房
佢地話都仲有一間
不過對方要三四點先check out
執完野都五六點
問我地如果到時轉房o唔ok
咁佢地都講到咁都無計啦
唯有安慰自己一陣都食lunch
之後又去lounge坐下
咁都好快五六點
