[長氣多圖][無限期] 香港staycation之旅(2)

lm

意大利
意大利
意大利

諗起當年係舊登搞直播
直落屌到英格蘭仆街
估唔到相隔八年
終於可以見到個冠軍
文仔



DAY49 蒸廬 老馮茶居 豪隍點心工房 徐記廚房點心

要揀一樣最可以代表到香港既食物
絕對就係dim sum
隨住武漢肺炎爆發
限聚令
藍酒樓好多都收收地皮
時代唔同
酒樓而家好多都係搵中央工廠拎貨
反而做就越黎越多自家手工做既點心小店
仲要有唔少係黃既


蒸爐有兩間分店
一間係石門
另一間係紅磡
今次就去左紅磡果間

餐廳開係船塢街

平日夜晚七點左右未洗等位
不過之後就開始多人
四人檯比較寬落
如果坐二人檯就會比較窄

落單可以掃QR code

或者傳統紙仔落單都得


另外仲有幾種燉湯


餐廳標榜即整點心同無添加燉湯
晚市係屬於最貴時段
特點同頂點都過三十蚊
唔平
而且晚市仲有d招牌點心好似紫金流沙包呢d會停賣
我地就叫左兩個全日套餐
再加兩個點心

其實仲有每日限定

不過落單果時無為意就無點到

套餐係一個主食加湯或野飲再加點心
第一個主食叫拼美點

有燒賣
菜苗餃
馬拉糕
蝦餃
抹茶叉燒包
粉果
薑汁糕
同埋馬蹄糕
岩晒我地呢d全部都想要既人

小二有兩位叔叔嬸嬸
落單果時見你有豫惑都會同你講解下
都幾親切

另一個主食係肉餅飯

好大籠
熱辣辣
但食落有D寡

野飲另外叫左汽水同猴頭菇茶樹菇上肉湯

好足料

但其實我係叫錯左
本身諗住揀C甜甜地
呢個我唔識飲

套餐既點心只得三個選擇
就揀左蝦餃同桂花糕


成個餐叫做有飯有點心有甜品
樣樣都有d

再另外單點左聽落幾特別既雲石芝麻包

同蘿蔔糕


食物賣相就唔算好好睇
味道唔錯但都唔係好突出
係抹茶同雲石包兩個幾特別
不過勝在夠黃同親切


食到八點鐘都開始full
出面都有人等位

無加一
平日唔洗茶錢
兩個set加兩個點心
埋單252
價格唔係平
不過都食左幾多野
幾滿足
而且叔叔嬸嬸幾親切
感覺幾好
可以encore
唯一環境唔算好乾淨
有進步空間

另一間黃店係元朗
叫做老馮茶居
係大埔都有分店
好似話之前係支那有分店都摺左
不過亦都聽過話有藍小二

茶居位於大棠路

條街都幾旺
門口其實無咩位可以排隊
同同事lunch time十二點去到仲有位唔洗等

兩個人坐四人卡位

好古色比埋盤洗杯

茶居裝修都係用番懷舊設計


牆身仲特突舖左鐵皮


點心係好傳統既


lunch限時一個鐘
職員都會講清楚不過語氣就怪怪地咁
另外上網睇話好似只可以落一次單
呢樣就無講既
不過我地亦都無加單無試到

一共叫左六個點心






一個飯

仲有杯野飲

點心標榜小店即日手工制作
鳳爪都係自己剪
咁樣樣都算發揮正常
係蝦餃皮比較厚
同埋佢話個即炸既芋角呢
就凍凍地既

另外佢地係唔乾淨方面

都係好懷舊feel既

荼錢5蚊位
無加一
埋單187

都要九十幾蚊位
唔算平

收銀位係得意既

不過成個場環境真係有d混亂
同埋飲茶限一個鐘只係岩岩好
即叫即蒸都要時間
真係食完就夠鐘
我自己就唔算好鍾意

第三間黃色點心係觀塘
叫做豪隍點心
我成日將佢同旺角另一間黃店喜隍搞亂

位置係觀塘工業區
敬運工業大廈

基本上就係無門面
唔係出左名應該都幾難有人幫襯

要行一層樓梯

門口好簡單
貼左d師傅得獎既相出黎

當日係父親節
我就特登帶左屋企藍屍廢老黎食
但估唔到十一點半左右黎到
一等就等左一個鐘九個字
工廠後樓梯又熱又焗
落街等又曬
等到老母都屌晒鬼

反而入左去見到餐廳都唔細


檯都大張

雖然排得密密麻麻
但唔會坐得辛苦

價錢由小點既23蚊到皇點既50蚊
茶錢6蚊位

燒賣蝦餃都係一籠兩件
叫4粒要成50蚊
好多年無去過街坊酒樓
我就覺得呢d點心小店價錢真係偏貴既
不過手工野都有佢既價值
只係細細個食開習以為常覺得點心係好普通好cheap既野

反而蒸飯都係三十零蚊


仲有張新品推介


都唔洗等好耐就有食物上
首先係蘿蔔糕

咸水角

墨西哥叉燒包

全部都靚仔
好過老馮好多
就算係父親節日子都唔會好參差
不過豪隍師傅應該都係好傳統既人
點心紙入面唔會有乜新潮野
全部都係以前去茶樓點得到既野




溫泉強牛肉飯

隻強就唔係太溫泉

金錢肚同鳳瓜



然後上既係蝦餃皇

見到既時間嚇左一嚇
因為係好大粒
入面勁多蝦
終於明白點解要賣到咁貴

燒賣皇都係差唔多玩法

雖然五十蚊又唔係酒店黎講真心貴
不過見到咁足料都叫做舒服d

老母話呢舊馬拉糕太空氣


最後另外點既紅棗go


全部點心都四平八穩
熱辣辣
應脆既地方都夠脆
我幾鍾意


四個人叫左九樣野
無加一埋單338
平均每人差唔多85蚊
都係比一般酒樓貴既
但係幾間黃色點心入面我覺得呢間最好
可以再黎
不過就唔值得要等咁耐
一次半次老豆節就算

其實上年仲去過間好黃既徐記廚房點心
yellowland都有介紹過

係太子站狗屋附近
而家搬後左一條街


唔係太肚餓就只係點左五籠點心





唔洗加一
埋單151蚊
食物就普普通通
連鎖feel
同埋坐得好迫
小二收碟速度快過米芝蓮餐廳
檯面大部份時間都唔會有超過一籠點心
務求食客可以係最短既時間食完
唔知而家搬左大舖會唔會好D呢


黃色點心以我所知就仲有MK喜惶
同埋新蒲崗陳師傅點心
富東閣就試過一次屋邨團購片平鴨麻麻地
仲有幾間老牌既米芝蓮點心舖都想試下

DAY49 完


岩岩住完康得思
就唔知係咪個間房同廁所太大間
再睇埋fb d on9 po
成日覺得好似有d野咁
不過服務係好既
lounge都坐得好舒服
反而係明閣個經理不知所謂
alibi未上主菜就上甜品
呢兩間野都忽忽地

咁下次去開尖咀可以試下

DAY50 The Place 香港康得思酒店(上) 貴賓會 明閣

話說上年原本買左歐洲國家盃意大利三場分組賽既主場波飛
但因為武漢肺炎去唔到
最後歐國盃同奧運都因為咁推遲左一年
無得去現場睇
咁呢一年都住過唔少香港酒店
就諗住想試下係酒店睇場歐國盃
最後就揀左去康得思睇呢場決賽

康得思其實就唔係好高級既酒店
甚至入唔到福布斯個榜
不過酒店位正香港最旺既旺角
朗豪坊既對面
以方便黎講係仲好過上次住既馬哥孛羅
而且更加曾經出現過係running man既香港篇入面
更何況入面有間米芝蓮一星既明閣
所以一直都係個list入面
而家除左萬豪金殿同欣圖軒之外
我應該已經去晒全香港有星既酒店中菜廳

酒店前稱朗豪酒店
係2004年開幕
由鷹君集團自己擁有同管理
同朗廷酒店屬於同一個集團
係2015年重新裝修同改名變成康得思酒店
所以都算新淨
因為同朗廷屬於同集團
所以佢地出既package都好類似
最主要亦都最吸引我既
就莫過於係呢個零房價優惠
住幾錢就食幾錢

明閣其實就想食左好耐
咁屋企人下個月就要移民
就用呢一餐當係踐行用
原本我就只係想book spa果間套房
但佢由上年最初定位只係同高級套房同價
加到而家去到同行政套房同價
就決定把心一橫book間再高一級既主席套房
咁就可以有更多既credit係明閣食野
呢呢間主席套房好似係康得思最大既房
有千三尺大
最緊要係呢個package只係需要五千五
就可以有五千蚊可以用黎食野
真係再無可以再抵既package了

咁今次就要坐黨鐵去到MK

C3出口就指住去康得思酒店
但呢個出口就只有向上係有扶手電梯
向下只有樓梯
所以走既時間只可以拎住gap行樓梯

入到朗豪坊搭電梯上4樓

可以到達連接康得思天橋既樓梯

呢個位通常都用黎等人
黎就黎得多
但再進一步行入去就剩係試過一次

因為dining credit除左夠食明閣
仲可以食埋the place同alibi
所以第一日就book左個lunch buffet
我地十一點幾就已經黎到酒店
原本諗住地下無人排隊就簡簡單單咁係大堂搞個手續就入去食自助餐
點知櫃檯check完係帶左我地上去lounge
但呢度服務就無九香同marco polo咁好啦
因為佢送左我入lift啪左卡就走左
而又唔知邊條仆街陷家產係中途禁左lift
我又on99咁出左lift
結果我係上唔番去lounge
又要落番去大堂搵人幫
呢件事真心on9
因為上到去lounge既結果係未有房
根本就係白行

不過雖然設定係好on9
但lounge職員都算態度好好既

可以坐係lounge入面飲住野等
呢個時間無乜人只有check out客

個景係好開揚望晒成個九龍
同九香個海景係兩種味道

咁雖然未有房
但都係度交代同預約晒所有野

早餐只有一小時
亦都因為第二日係星期一
早餐只去到十點半
我就book左九點半至十點半既早餐時段
不過第二日睇完場決賽根本就起唔到身去食
下午茶同黃昏小食就無限時既
佢亦都有主動問需唔需要late check out
因為我地都book左第二日lunch食alibi
所以最後就搞左一點半check out
基本上所有要求都無問題
咁泳池就book左第二日既十一點三至十二點三呢一節

擺低行李就落番去大堂食自助午餐

the place
呢間我以前應該係無黎過

因為餐廳開係大堂
所以樓底都算高


lunch buffet由十二點食到兩點半
星期日中午時間基本都係坐無虛席

二人檯排得都算密
同食物距離亦都近
都唔少人係附近行黎行去

咁張二人檯都算大張

同cafe too有得比
好過同集團既the food gallery

紙口罩套


刺身檯就係我地格離

一共有四款
三文魚
八爪魚
鯛魚
同希靈魚

咁呢碟係岩岩開始果時切既
入到口唔難食
好過cafe marco好多啦
另外張壽司檯有即整壽司我就無理過

綠色植物就好多野

仲放左位廚師係度

海鮮全部要搵廚師拎

生蠔係紐西蘭
全部開好晒
每次只限拎三隻

size一般
不過好多碎

另一邊海鮮係
蝦
小龍蝦
同青口
一樣都係由廚師夾比你

我自己就幾唔鍾意小龍蝦
難拆又唔好食
呢一碟我就無再fill了
始終都係lunch buffet
無龍蝦係基本
生蠔同長腳蟹亦都只可以二揀一

cold cut係杯裝

細細杯

廚房位有一排熟食

有燒豬
亦都有燒牛
不過兩樣都唔太好食
而豬頸肉就唔錯

點心得三款

小籠包
粉果同糯米雞

麵檔太飽無食到

仲有湯

粥

海南雞飯


係我地前面仲有個冷麵station

但個麵都幾大份所以一樣都係無拎到

飲品有果汁

亦都有汽水

仲有咖啡同茶

最後係甜品櫃

呢度同上次去cafe marco好唔同
連甜品都有成三四位廚師係度負責
咁樣先比較似係五星級酒店
cafe marco果邊就真係放晒係度就算數

雪糕係movenpick

有八種口味

亦都有得揀雪糕窩夫


強糕全部擺係雪櫃入面排得靚靚仔仔

位廚師就長期係度排位無停過手
樣樣都正正常常

唯獨係粉紅色呢件難食到痴撚線

好似食緊屎咁

最後除左豆腐花


仲有幾樣榴槤野


咁呢度有自然光
都算坐得舒服
收碟速度都好快
地面唔會好污糟痴立立
廚師仲好多
同樣係近商場既自助餐
但同上個月去既cafe marco比就真係差天共地
餐廳自己有專屬廁所
仲長期有位清潔工係度
兩個半鐘都真係食到好撚飽

星期日lunch正價連加一514.8
如果平日就平88蚊
官網booking有75折
連正價加一都要差唔多四舊水
咁價錢真係貴過cafe marco唔少既
所以都係用dining credit食好過
簡簡單單食個lunch buffet都可以送間房住

出番黎見lounge仲未打電話比我
就係大堂行左陣

康得思既公仔並唔係teddy熊
而家海洋公園既小熊貓
一家三口
可惜一係太細隻
一係太大隻
無好似teddy熊咁既size

頭先檯面果兩枝野原來要成五舊幾水


香格里拉有放香薰係廁所入面

但係康得思只係拎出黎賣
房入面見唔到有

咁食完buffet呢個時間就開始多人排隊了

職員開始忙
都搵唔到人幫手禁lift上lounge

酒店指南

酒店大堂係4樓
而酒店顯示係L樓
呢一層有自助餐廳the place
the place外面係露天酒吧the garage bar
亦都有天橋過朗豪坊
大堂樓梯上一層5樓全層係alibi
有得鋸扒同食海鮮
亦都有八婆下午餐
呢一層客lift係到達唔到既
要係6樓轉lift或者行樓梯落
亦都有架lift係穿梭地下至7樓既
呢架lift就可以到達5樓
而6樓係米芝蓮一星中菜廳明閣
7樓同8樓都係宴會廳
客房由25樓至40樓
下面好似係寫字樓
其中36樓係lounge
41樓係gem room同spa
泳池再行上一層
而42樓頂層係星願亭
好似都係宴會廳黎
而客lift隻窗仲可以睇到外面九龍風景既

結果雖然搵到人幫手啪卡搭lift上36樓
但坐底一陣都係話間房未執好
又落番大堂諗住行下朗豪坊
結果又收到電話話間房已經ready
就一直係度遊lift河
其實都已經係下午茶時間
有茶點可以食
不過食完自助餐好飽都無乜食慾

每一層電梯大堂都有件藝術品

而且可以望到外面九龍半島既樓景

走廊


我地今次住既主席套房位於客房既頂樓40樓

40樓07號房

平面圖就無寫房號

基本上由lift口到圓點都係我地房既範圍
見到電梯大堂一出lift正對住果間應該就係川悠然套房
即係房入面有spa果一間
之前曾經都好想試
因為有按摩浴缸
不過而家我地呢間都有
咁兩邊半圓尾房就係全景客房
都好多人book呢一間
我地房再右手邊過多兩間普通房
睇相就似係雙睡房既行政套房
酒店第二大既房型
而我地呢個方向就係望九龍中至九龍東一帶
另一邊望九龍西
果邊可以望到多d海
同埋有日落睇

4007號房卡


玄關走廊


入左門口右手面有個客廁

都係用左雲石銅器
不過就無新酒店咁grand

冷氣制係touch panel


客廳仲大過去半島果次

有兩張梳化同兩張獨立椅

棋盤應該係康得思特色黎

仲有兩款行政套房好似都會有
今次拎埋熱派黎今晚送波


samsung電視

唔知係咪得samsung電話先可以投射到出去
apple唔得
下面仲有部bluray機
唔似好多on9酒店仲係得dvd機
明明bluray都已經面世左十五年

呢間套房好興頭頂呢種圓形天花設計

睡房同廁所都係有呢種設計
呢個天花仲有喇叭出聲

落地玻璃窗境望晒成個九龍

加多少少港島東既海景


窗簾都係電動既

而窗紗就手動

梳化後面有張飯檯

無半島咁明顯分開飯廳客廳
坐係度都可以睇到電視


有洗手盆同mini bar

除左水同咖啡機全部都要錢既


櫃入面就有好多餐具



雪櫃好隱秘

一樣要錢


咁係入睡房前仲有個暗格

入面係個扮工室

仲有printer

另外呢度仲有度門

係可以直接出去走廊
如果入面無鎖出面一樣可以啪卡入到黎
但門口就無寫房number
所以頭先先係走廊搵黎搵去都搵唔到4007呢間房

睡房都有張梳妝檯

另外都有放左兩枝維他水
檯上面果部唔係pad黎
其實只係空氣清新機既控制器
可以顯示時間

睡房

一樣有部大電視
不過今晚我就會出廳睇波
頭頂一樣有個圓頂

床就一般大
幾舒服

不過床後面果件藝術品就有d恐怖
仲要佔咁多位同有射燈照住
唔明意義係邊

床頭鬧鐘

就無朗廷果度無線充電設計
不過佢有自帶usb插頭
側邊都有兩個usb叉電位
但插過無電壞既

睡房都有張椅


後面係同廳一樣既九龍景

望得多維港景
其實呢個城市景都唔太差
就好似金鐘三寶既山景咁
係別有一番風味
始終都係地域問題
唔可能要求係旺角區會有點樣既無敵海景

板燙衫版好似幾先進


步入式衣櫃

但唔知點解擺得一件浴袍

拖鞋係與別不同既黑色


最後係主人廁所

都大間
而且係成間房既最深處
所以我用果時成日都覺得陰陰地

同一樣既圓頂


雙洗手盆

設備都好齊

風筒係普通野


企缸終於有番個頭頂花灑

全銅設計
不過呢個花灑就好似只可以較冷熱
就無得較大細水力

第一次住到有按摩浴缸

但呢度都係無電視機
有少少失望

附送成樽浴鹽


淋浴露除左基本果四支

仲多左枝磨砂膏
不過佢呢度擺得一set
我之後要求多兩set都無比到磨砂膏

最最最重要係

個廁所係自動既
又可以射屎眼

咁就參觀完
因為食得太飽
所以係度鳩hea無食到個下午茶
到六點先落番去lounge
好少可住得高過lounge

club lounge係36樓

即係頭先check in果度

呢度職員好好服務
人數都多
幫我checkin果位小姐仲記得我問我間房好大滿唔滿意
呢度唔洗安心出行
填番自己房既資料同時間就入得

揀左個窗邊位

其實個景應該同我房一樣
但仲矮左幾層

一坐低就問你想飲乜
叫左壺伯爵茶
個茶壺同一般有d唔同


食物種類就唔算多




當然無可能及得上港香果d
但都夠完勝上次去既marco polo
不過之前去朗廷都有龍蝦湯同雪糕
呢度就無既

其實一陣就去食明閣
真係簡簡單單都夠


諗起人地拍片又話有個千秋打卡位既
但望黎望去都唔覺有
走出走廊先見到原來果間房係對面

細細間房但可以望到日落

而洗手間係獨立既

有香薰

咁book左七點三食明閣
接埋屋企人入房坐左陣
就搭lift落六樓食飯
因為我地五個人
係官網就book唔到既
都係send個email搵酒店幫手book檯
其實見到官網寫餐廳開放到十點半都知道咩事
去到門口因為我地要去C區所以只可以用到安心回家

餐廳分左右兩邊
左邊係我地坐既C區
我估右邊既大廳係B區掛

明閣
米芝蓮一星餐廳
曾經由曾超敬同曾超烈兩位師傅前後帶領餐廳升至米芝蓮二星
而後者係19已經離開人世
餐廳而家既總廚李悅發師傅係17年上任
官網寫話李師傅已經係明閣工作左十幾年
一直協助兩位曾師傅帶領團隊
酒店其中有個package就係房食米芝蓮大餐
就係由李師傅上門親自炮製
不過就要住另一間有廚房既雙房行政套房

都期待左一段時間
但入到去見到張檯就已經有少少失望

即係平時我同女朋友兩個人去食米芝蓮中菜
無論係唐閣
天龍軒
嘉麟樓或者夏宮都好
其實張檯都係咁上下大細
而家要坐C區用埋安心回家
五個人都係得張咁既檯
我覺得真係好迫

即係落完單之後就算拎走左個轉盤
開埋壺茶同水

都係無咩位淨
第一次帶屋企食呢種級數既中菜
仲要係踐行
感覺就真係好麻麻
而C區就要所有職員都打針
落單果位小二就應該係第二度調過黎唔係好識咁
我其實覺得無問題
最緊要係態度都仲算OK
只不過落單果時佢有野唔識
要問後面果位類似經理既人
果位清就企係度大聲答
感覺就仲差
唔知以為去左街邊酒樓

咁環境呢
其實都唔錯既

雖然坐門口位
但坐唔滿都幾清靜
牆身擺左好多茶壺類製品

頭頂有中式吊燈

咁因為減埋頭先食既自助餐同聽日食既alibi
仲有三千幾credit要用
再加上老母食齋
所以都叫左好多野
覺得呢張檯真係無可能擺得到
同埋亦都無其他中菜廳有既三色醬或者合桃

結果呢
開始既餸菜就變左逐道慢慢上
唯獨係呢方面我覺得幾好

第一道係金箔千層豆腐

純粹見佢係齋又位上就叫左
好精緻
雖然就無乜特別
呢份叫唔叫都無所謂

然後上既係第一次係中菜廳叫既片皮鴨
半隻

二食
炒鴨絲之後先上
之前食開既餐廳就算我覺得服務唔算好既夏宮
都會擺上檯比客人影下相
今次講左句野就拎走左去切片
一樣都係擺得幾靚仔
片有少少脆
肉唔算嫩
無預期中好食

真係食晒片皮鴨先上既下一道蟹蓋

叫左兩份
同香宮一樣都係用左呢款蟹碟
入面同樣都好足蟹肉
完全係一樣既感覺

之後就開始加速
燒味雙拼
話係可以係餐牌揀是但兩樣
我必點既一定係叉燒
而另一樣就揀左價錢最貴既乳豬

就唔知係心理作用定點
硬係覺得如果餐牌上面無寫係西班牙黑毛豬或者其他地名既叉燒
我都會覺得係差咁d
食落真係無咁淋
唔知雙拼同單點既會唔會有唔同呢
另外份乳豬都唔錯既

頭先二食既炒鴨絲

香口但好咸

為左老母叫既豆腐煲

我自己黎食既話一定唔會叫

明閣既招牌得獎菜色
龍皇披金甲

蝦膠連埋龍躉肉一齊炸
最後砌番個蝦型出黎
精緻度係滿分既
但個蝦頭同蝦尾唔識玩
呢度菜有得揀位上或者一例咁叫
一例有六件
老母唔食
其實早知叫四份位上仲好
雖然幾彈牙好食
但而家真係太飽食唔晒

另外兩份為老母位上叫既齋菜
綠野仙蹤

同埋彩虹仙子

打開入面全部都係菇

其實唔上網search過淨係睇過名真係唔知會係乜黎

最後上既和牛窩燒飯
又係講左句就拎走左去分

最後一共只分得四碗
即係我就已經好飽無咩所謂
但係之前食過既中菜廳全部都至少可以分到五六碗
呢度分得碗就真係細份
另外叫左個白飯比老母

最後呢
係食唔晒既

尤其係我食完buffet再上lounge食野
真係食唔落咁多
有時dining credit太多都未必係好事
本身仲想叫埋個幾出名既甜品甜夢仙境
但都太飽叫唔到了

問埋可唔可以用dining credit買月餅
等左好耐個類似經理又彈出黎串柒柒咁話而家已經折左點點點

叫左9樣菜
食左足足兩個鐘
好撚飽
茶位30蚊位

埋單3454
平均大約690一位
如果呢餐拎去食正價dinner buffet
就應該仲貴過呢個數
所以都係食番中菜比較化算
食物同環境我都覺得唔錯既
只係果個類似經理既係完全令人反感
除左佢之外其他小二服務都OK既
唔需要自己手動斟茶
但就係業餘級數
完全無一星水準
整體都同同集團既三星唐閣差好遠
唔知佢以前係點樣拎得到兩星

食完飯送屋企人走
夜晚既旺角已經好耐無黎過
早幾年係呢一頭學日文
因為肺炎停左學
之後都無再點黎旺角

夜朗豪坊

康得思就係朗豪坊對面

我地果房應該係建築物左手面弧型窗最高著住燈果間

酒店地面入口

係可以停到車既
一樣有呢兩件好支那既藝術品


番上房見到送左兩枝有氣水同生果盤

仲有估唔到竟然係有開床服務

床頭送多支水比你


夜晚靜空空既客廳

呢度既夜景就好似上左觀光塔咁

訓番兩三個鐘就要起身睇意大利打英格蘭了

呢間房好似係我住過咁多間最大既
但唔知係咪睇完fb個po
個po就係話一開門入房就見到就床上面張被凸起左
然之後我就全日都覺得間房都好似有d野咁
住得唔係好舒服

DAY50 完



book左下個月去帝苑試下零房價
加錢升級左間叫做sky junior suite既房
係官網完全睇唔到係咩房型黎
網上亦都好少聽到人講天際樓層既房型
感覺都幾神秘
仲可以試埋sabatini既sunday brunch
希望兩間福布斯四星餐廳都唔會話好差啦

睇完你去明閣加埋其他米芝蓮餐廳，更加對呢啲所謂既星級冇興趣

食到好味服務好就當然滿意，但有啲根本借個所謂星級收得貴但啲野一般

其實我真係覺得去呢d餐廳服務重要過食物
口味好個人
最多話自己唔岩食
但服務差真係會影響埋食慾
會全程都開胃

一個月前第一次去食Cordis明閣
感覺好似差過灣仔明閣少少
我會覺得係冇驚喜，正常發揮囉

所以寧願出去幫襯啲冇星級好過咁大期望

灣仔明閣好食？

我都係用credit先食

淨係食過茶園
鹿悅以前好似有自助餐
武肺之後停左
好少聽人講聽間
反而東歐餐廳我都想食好耐

可能嗰陣啱啱開，QC 睇得緊啲？