[長氣多圖][無限期] 香港staycation之旅(2)

個蜆肉意粉，其實英文都寫左有chilli

無睇丫嘛

想問下咁多位巴打 而家住嗰度有其他人確診會唔會唔比住？

見有人話強檢名單唔住得

度度都危險啦

去okibook訂檯都一樣有折…

巴打咁耐唔上水嘅

日玩夜玩elden ring

大約行廿分鐘左右就會進入麥理浩徑第十段



再向前行就係第一個分叉路

另一邊行一個鐘可以去到小欖


然後就進入左大欖涌水塘既範圍

今日天氣好
雖然能見度一般
但係d水都好綠

慢慢就越行越高

今次雖然要爬升二百幾蚊
但其實沿路斜路都唔算斜
行得幾C伏

第二個分叉口

全部都話係越野單車徑黎
唔需要理會

麥理浩徑有呢種標距柱

起碼知道自己有前進過

再舉頭一望

見到頭頂舊石可能就係觀景台
心諗要行到咁高個心都離一離

行到去髮夾灣就係第三個分叉路

都幾多人係度休息

離開水塘就越黎越遠

沿斜路一直上就會離開麥理浩徑
終點係黃泥墩水塘
因為我地成點鐘先出發
就無時間可以去呢d支線
支線中間仲有個打卡位
叫做三鑽石
可以扮去左挪威
而我地就轉右就繼續行上麥理浩徑

指示話呢度離千島湖清景台仲有半個鐘距離

由呢段開始會轉左做石路

凹凸位比較多
如果坐平底鞋會辛苦少少

開始行山路


同埋有d窄

離開一開始又近左幾條柱


行行行之後就見到前面大塞車

原來上清景台條樓梯好窄
係呢度匯聚左由大棠或者掃管芴兩邊上山同埋落山一共三邊既人
初頭係個個都企晒係度等人落
但慢慢就發覺落山既人根本就唔會完
所以最後咁窄既路都變左單線雙程行人

仲有二百米就上到清景台


樓梯唔多
而且塞晒車咁慢慢行
輕鬆上到去望到既係郊野公園全景
同埋新界特有既電塔

上面d波波就唔知係做乜鳩

其實就仲未去到清景台

但上到呢個位就已經可以望到千島湖
以前耐唔耐都會見到個打卡位好吸引
武肺之後就成為左熱門景點
好似係

由小巴站行到上黎
大約用左個半鐘多少少

武肺之前就唔知多唔多人


今日星期日就係people mountain people sea

呢個位都想黎好多年
和好之後終於黎到得
唔需要毒撚上山

天氣雖然好好
但能見度就唔係話好清
叫做有少少美中不足

咁除左主要觀景台多人
其實下面仲有路可以行落D

不過就有個牌話唔比行
我就覺得兩個位分別唔大就無落到去了

呢個位好似就脫離左麥理浩徑

仲有芒草睇下



落番樓梯轉右就繼續行

佢有寫大約仲要行多兩個鐘

繼續呢個麥理浩徑第十段



連埋清觀台
今次黎到全程第五個分叉口

行落去就會落番去大欖涌水
而去大棠就係向上行

呢個分叉口有個大棠伯公廟

仲整左隻赤兔馬係度


成程路就有一直見到直升機係度飛黎飛去

但又唔係好覺邊度有著火

已經唔識分麥理洛徑
大棠自然教育徑同大欖林道既分道


終於番到石屎路

係度食番個飯團補充下

第六個分叉路

呢度涼亭有休息位

下面係佛祖廟
落去好似都一樣行到去楓香林
不過直行就比較大路

今日唔只有升昇機
仲有白車消防車


可能真係有山火

係呢個休息站已經望到對面既楓香林

因為只係十一月尾
所以只係見到少紅

其實就算呢條路都已經有少少紅葉可以望下



閣下在此


第七個亦都係到達楓香林既最後一個分叉口

我地由千島湖過到黎
轉左就係番去元朗果邊大棠既巴士站小巴站
而轉右就係楓香林

沿路就唔記得有無垃圾桶

不過最好都係自己帶走啦
同埋呢個位係有幾個流動廁所
入面有水可以沖廁
算係可以接受到

以往一直都有聽人講入大棠睇紅葉
但呢個地方都幾遠下
亦都心諗點可能比得上日本
道理其實同係香港食拉麵一樣
以前對香港既拉麵店真係不屑一顧
直至武漢肺炎無得去日本之後
先至發覺原來香港都有唔少好食既日本野
有時真係要多謝武肺
而家先有真正咁認識得到香港既感覺

郊野公園既最後一站係黎到楓香林
由一點半左右出發
黎到呢度差唔多五點
已經接近黃昏
所以就唔可以係度逗留太耐
如果唔係天黑先出番去就比較煩

其實紅葉就預左無
就真係行完千島湖就順便黎埋
不過個畫面係比我想像中好睇既



當然人都係唔少
呢度就囡囡同一家大細比較多
可能就係坐巴士小巴過黎行一陣就到
相對千島湖就簡單好多

支那國技


現實肉眼見到都係得呢一棵比較紅
咁我諗真紅果時應該真係唔錯既



不過呢條路呢
就真係好多車行

成日行幾下又要避車
有時聽到響安聲真係屌佢老母

呢度都仲係麥理浩徑既其中一路


曬太陽


去到涼亭位就發覺真係好多人


楓香同楓葉原來係唔同品種

都無咩所謂啦
咁我就真係為左睇紅色而黎
好似春季去到日本
我都唔識分梅花同櫻花咁樣樣

不過涼亭大部份都係綠色


有人仲係度畫畫

chill到爆

麥理浩徑就係沿楓香亭一路繼續行
咁我地既終於就係呢一度
然後番轉頭出番巴士站

呢條路叫做大欖自然教育徑
我都已經行到亂撚晒

呢架一路行一路響安既陷家產真係要幫下佢貼堂


岩岩好太陽落山時離開


出到去停車場閘口位已經天黑

見到好多人係度排隊
就應該係等小巴
不過呢個數量應該三四架都上唔晒
所以果斷步兵落山


路牌指巴士站就仲要行多成半粒鐘

果部係黨鐵巴士K66
要去到黃泥墩村先有
咁我就睇過狗巴68R同黨巴K66S應該係燒烤場行落d就有站
唔知係十一月未有車定過左鐘啦
總之就見唔到巴士站牌或者有人等車
咁就唯有再行落去

去到避雨亭就終於見到有小巴載人落元朗

索價十蚊
唔知係咪水魚價
小巴就咁係大棠路油站放低
唔知係咪即刻入番去走多幾轉賺銀兩了

諗左陣係附近食咩好
就近近地去左天浮橋拉麵

佢就寫12點開門
可能人手不足啦
有次試過十二點幾黎到摸門釘佢話要一點先準備好
成間拉麵店就係好木系果種傳統拉麵店
呢個舖位前身係同彩拉麵分家既赤橋拉麵
見到唔少人意見都話佢地根本就係同一間
咁雖然個名有d臭
但都見有唔少人食完好評
咁試一次都無壞既

前身赤橋拉麵我就淨係係紅橋果間食過
而呢一間同彩既格局都係好相似
L形bar

都係只可以坐十位左右
還好座位後面可以掛袋
唔會好似泓一咁乜位都無

頭頂貼左好多舊式既招紙

現場有兩位香港師傅

兩人位因為疫情同其他人隔開左
都坐得舒服

因為行完山
真係係度飲左大量水

咁睇番佢地餐牌其實就應該同赤橋好唔同

因為天浮橋主打既係雞白湯湯底
而赤橋印像係無既

見佢其他味都唔算好吸引
所以我地都試番佢最基本既鹽雞白湯
大約等左七八分鐘上麵

我食沾麵
雖然佢口味同赤橋好唔同
但擺盤就同彩似到不得了
麵條一樣係用碟上
而且同一樣都有粒粒班點
連口感都係差唔多
就唔見舖頭有製麵機
唔知係自家制定來貨

睇過佢地之前既訪問
話叉燒係用日本錦爽雞既雞髀肉
低溫慢煮煮成
但食落口又唔覺有好大分別

女朋友食拉麵

成個感覺同沾麵好似無咩分別
而呢隻雞白湯
同之前係泓一同座銀食到果款都唔係好相似
天浮橋就淡同清好多
感覺仲有d似忌廉雞湯

麵條同沾麵直頭係一樣

彩本身就無提供湯麵
而家呢間天浮橋感覺就好似用緊湯麵既湯同沾麵既麵混合埋咁樣
無論係點湯麵定沾麵都係奇奇怪怪咁

臨尾有位廢老問職員天浮橋係咩意思
咁職員就指住話等格離位老闆答
佢話天浮橋即係連接天同地既路

不過80蚊個價就算係抵既

無加一
只係座銀既一半
我覺得佢都算係有心做既
都算係想擺脫彩同赤橋既影子
所以先轉做果兩間無既雞白湯
都仲有幾多進步空間
可以再試下其他味既

呢段日子都成日係元朗食野
係天浮橋過幾個舖位有間泰國野我覺得幾高質
而且仲要係黃店

叫做阿叔泰麵
仲有間分店係大圍

話幾位老闆都係當日係泰國食過船麵
然後覺得香港無咩呢類型食物
所以將佢帶左番黎香港
感覺都幾似之前去西貢果間白鬚

平日十二點頭黎到就唔係好多人

牆上面畫左好多畫
幾有特色

我自己係曼谷食過一次船麵
大約三四蚊港紙細細碗
一次就食足十幾廿碗
成個體驗都幾特別
但係佢個午餐餐牌好似得大碗船麵
所以就無揀到

除左幾款湯麵
仲有飯類
感覺幾特別
樣樣都有d興趣
同香港大路既泰國菜有d分別
而且價錢只係五六十蚊
絕對係平民價

而家香港已經無晒言論自由

四大調味就放左係檯上面

雖然有少少迫
不過人唔多坐得還可以接受

lunch set已經有送普通凍飲
要左菊花茶同檸檬茶


正常

因為見到金麵個名幾特別
而且只配粗強麵
成個配搭好似幾好所以就揀左要呢一款

咖啡湯超濃郁
椰味重

粗強麵波浪型好掛湯
食落好正
好似泰式沾麵咁
有跟一大隻雞批
可能真係同咖哩湯一齊煮
係好好好入味

朋友叫左紅咖哩牛飯

以呢個價位都算正常大碟
紅咖哩一樣濃郁

個芒果糯米飯其實同飯麵差唔多時間上

呢個屬於大路野
無咩特別好定唔好

無加一

埋單百五蚊左右
咁樣連埋甜品平均每人都係七十幾蚊落樓
就真係幾抵食
船麵係香港都幾稀有
之前淨係試過粉嶺雄泰
同埋經過灣仔見到果間米芝蓮泰麵
下次再黎呢間可以試下食船麵
聽聞曾經有比黑警搞過
所以更加要大力支持
最近見到佢地續租成功
感覺都仲可以食多一排
同埋見佢地仲有係尖沙咀開始新一間阿叔泰花園
亦都可以試下

仲有一間係教育路既鹵家

唔係MM介紹過我應該一直會望到都係直行直過
片入面話師傅退休前係已經執左既一星米芝蓮怡東軒任職燒味部主管

即係文軒廳黃永強之前任職同集團果一間
咁我諗質素應該真係有保證

一樣係平日十二點半有位唔洗排隊直入
餐廳出面招牌同入面都幾大落差

外面睇以為好普通污污糟糟既燒味舖
入到黎又幾企企理理
坐得都算舒服

午餐餐牌都算多選擇

而且都大路
有叉雞有雞有鵝

亦都有手工餃

咁佢有兩款雞
而叉燒好似係招牌
所以我地就大家都揀左鴛鴦飯
一個係叉燒拼鹽香雞

一個係叉燒拼豉油雞

咁就叫做可以試晒叉燒同兩款雞

師傅係米芝蓮級餐廳走出黎
咁叉燒係好食過街邊燒臘店好撚多
起碼肥瘦均勻唔會鳩比
但如果同酒店比當然都仲有段距離
傳閒好撚好食類似新桂香果d就真係未試過
成日覺得呢d舖頭好污糟
仲要睇彩數等師傅切到咩比你就係點
相比之下我覺得滷家都算係咁
雞唔算話嫩
但夠入味
夠收貨有突

另外仲叫左鴛鴦煎餃

韭菜木耳各三隻
話係自家製

都足料
不過係元朗黎講
我就比較鍾意維港灣
佢地口味款式仲多
價錢亦都差唔多
而且仲係黃店

另外每個餐可以揀湯或者飲品
凍飲加三蚊


無加一

配埋餃子每人差唔多九十蚊
係元朗都算貴左d
不過佢叫做有質素
唔知普通飽暖既頹燒味飯
咁我覺得都可以接受
同埋小二都係姐姐級
唔會好粗魯不過耐唔耐都見到有漏單情況
我地碗白飯都裝左好耐先有
見佢地多單都有d手忙腳亂
有進步空間

後記
去到黨鐵站見到有架紅葉巴士模型廣告
係香港黎講都算係少有既特色巴士

咁岩去完楓香林
就好有性趣
點知原來已經售罄晒

見網上有人炒到幾舊水
完



DAY67 完



之前見到文華有新優惠就即刻沖左先
不過就唔知禁足會搞成點
但今次真心平
仲要唔洗硬食頹餐
見今日加推仲可以加五舊水升級真套房
我都send左去問唔知下個月可唔可以補錢轉
雖然好仆街
但有時真會想疫情唔好咁早完