[長氣多圖][無限期] 香港staycation之旅(2)

我年頭果時因為飛唔到退左miles換左個明閣tasting menu去試，我覺得個質素同服務都ok

Ktlm

退左里數可以變無限呀
唔知係咪因為做左c區擺左其他部門既員工落去搞差左

我見呢間都唔平wor

DAY51 香港康得思酒店(下) ALIBI - WINE DINE BE SOCIAL

較定鬧鐘三點鐘起身睇波
即只係訓得兩個鐘左右
呢一年幾過得好辛苦
個個星期望住無觀眾既球場真係睇都唔想睇
難得有番個大形比賽
有番觀眾入場
比賽
先至似番比賽
有番氣氛

就成為今年既重頭戲
仲記得去俄羅斯睇世界杯決賽
唔經唔覺已經三年
曾經一齊經歷過歐聯同世界杯決賽既細佬
下個月都要離開呢個香港了
以後都無得再一齊係旺角場屌老母

呢場歐國盃決賽
最後踢足一百二十分鐘都分唔出勝負

天都開始光
如果今日要番工既話
我應該都係時間要起身刷牙洗面

結果十二碼可以笑到最後既
當然係意大利啦!!!!


八強傷出既沙賓拿蘇拿都拎住柺杖拎冠軍獎牌


文仔真係無得頂

呢隊意大利真係好團結
尤其係幾個曾經踢乙組佩斯卡拉既球員
就算拎完冠軍完婚後既華拿迪
蜜月都係同恩莫比利同恩西尼hehe咁過

睇到呢度已經六點幾

光都天晒

呢個時間先再訓既我
當然係無可能起到身食早餐
反正尋日係都the place影過自助午餐
唔去都無咩所謂啦

起身都已經夠鐘換泳褲上去玩水了
我地40樓既電梯大堂


上一層41樓藝術品


41樓係川水療中心同健身中心

要掃安心回家或者填form

黎到呢度
我終於搵到我地房天花成日都兵兵笨笨既原因

就係呢個健身房正正就係我地房既正上方
所以如果入住呢間40樓既主席套房
就要預會成日都有響聲了

無入到去
純粹係外面望下

都幾多器材

呢度同朗廷一樣都係用陰陽黎代表男女



泳池要行到盡頭再上一層



呢一節係十一點三至十二點三
就算係check out時段都唔少人
好似個個都可以late check out咁
諗起係上年最初九月十月去文華東方同朗廷酒店果時死都唔比
而家仲要係酒店方面主動offer

康得思個泳池算係靚既

起係酒店頂樓可以曬到太陽光
有一邊既太陽椅仲有得遮

不過遲黎已經比人霸晒

近入口位有個類似bar檯既位置

有野飲仲有防曬提供

而職員就只會提供毛巾
唔會幫你舖凳

泳池可以望晒兩邊景


另一邊係大角咀奧運站一帶
望呢邊既房應該都算係海景房
不過酒店就無特別去區分
好過好多濕鳩酒店得果少少海就話自己係海景房去加價
更甚者係正面完全望唔到海既都可以叫半海景房

玩完水落番去已經差唔多時間check out
再玩多次個Jacuzzi

但果幾個制好似完全較唔到
純粹得開關用棄

今次落lounge搞check out

中午時間有蝴蝶酥同曲奇可以食

味道都唔錯
寄存埋行李就可以落去食埋最後既dining credit

alibi位於酒店五樓

要經由大堂或者六樓明閣
轉lift同行樓梯都可以

康得思前身叫做朗豪酒店
同朗廷酒店都係差唔多名
兩間屬於同一集個集團
亦都係兩間好相似既酒店
唐閣對應番明閣
the food gallery對應番the place
如果要用alibi黎對應既話
大概就等於朗廷既Bostonian
比較唔同既係康得思係無大堂茶座
食八婆下午茶既地方一樣係呢間alibi

今次住宿既所有餐廳
包括自助餐
中菜
或者呢間西餐
全部都係一次過經由email搵酒店幫我book既
我一點半左右黎到餐廳
門口係完全無人接待既

更甚係之後終於有人過黎
但佢竟然話搵唔到我個booking
明明尋日the place同明閣都係完全無問題

餐廳有普通座同bar檯位


之後佢就安排左我地坐門口位
問佢仲有無其他位
就帶左我地去全餐廳最入既位

張檯係好闊落

但完全唔似係食正餐用既
檯既高度係同張凳一樣既
係食得好辛苦

餐牌有單點

不過佢話用dining credit就唔可以用係海鮮套餐到
另外就係午市套餐

三道菜都只係二百幾其實幾抵食

成間餐廳得兩三位小二
而我地又坐最入
坐低左之後都幾難搵到人

落單之後先送上口罩同餐具


麵包

普普通通

先上既頭盤
我揀既係紅菜頭湯

要烏低身飲湯呢下真係幾難頂
呢個湯幾濃
近似俄羅斯果款

另一份油封鴨肉醬

份sourdough好細塊
醬我就無試過

話說我地呢後面隻窗係可以望到晒朗豪坊兩條天橋

一條係連接酒店
而另一條係連接街市

其實我就完全唔趕時間
而且除左食野之外係度都坐得幾舒服
但食完個頭盤真係等左好撚耐
都成三四個字時間乜都無
搵左位小二問完之後
竟然係直上甜品
真係cls公司
我唔明點解會可以出現到咁既錯誤
仲話係酒店餐廳

再繼續等之後終於上到份主菜
慢煮法國雞胸

肉唔韌都算唔錯

另一份係味噌海鱺魚

魚肉下面仲有炒飯
算係西日合壁
幾好食

甜品只有兩個選擇
第一個係藍莓杏仁撻

用雪糕舖係面

另一份係雪葩加earl grey朱古力蛋糕

兩份賣相都算係幾精緻

跟餐仲有一杯野飲
要左熱咖啡同凍檸茶



有獨立洗手間


餐廳仲有炭爐裝飾


其實食物黎講真係唔太差
環境都算舒服
但軟件配套真係唔得
小二太少
見到唔少客人入黎都搵唔到人serve自己走左入黎
而且旺角仲有好多痴線佬
食食下有d唔知咩人走入黎嘈生晒好似大爺咁
而我個set唔只等得耐仲要上錯埋
最尾食個甜品都唔知係咪中間拎黎果份既
講真真係有d燥
埋單亦都等左好耐都搵唔到人
咁樣食個簡單三道菜竟然都可以係坐足兩個鐘

兩個set lunch連加一523.6

酒店黎講係幾抵玩
但個體驗真心都幾差
應該就唔會再黎了

餐廳落多層樓梯就係地下大堂


搵前檯職員買左最細呢隻康迪小熊貓

88蚊
可以入番房帳係按金到扣
唔需要錢銀交易
不過隻野真係比一般既teddy熊細隻
同其他公仔拍埋就好似格格不入咁

最後就出番去朗豪坊行番轉

星期一既下午都算多人
香港人真係好似唔洗做咁


以前細細黎到
由十幾樓望番落去真係淆淆地


以而家倒模起既商場黎講

朗豪坊都有佢既獨突性
仲有好多小店可以係度生存

行出去呼吸空間可以望得番對面既康得思

今次個體驗算一般般啦
始終都係平民五星酒店
比左頂級五星既價錢
但得到既野比想像中差
食到好飽但餐廳既體驗就麻麻地
間房亦都唔會話好grand
唯一係覺得職員服務算唔錯
唔會差過果堆福布斯四星酒店

最後拎埋行李就走了
結束呢一個MK兩日一夜
每次都因為零房價食到好撚飽
個人而家真係肥到痴撚左線

DAY51 完



奧運終於都開左幕
無左觀眾真係唔好睇
不過尾段有隻任何人
表演番五十種運動個logo果下真係好吸引
真係簡簡單單
呢種先係日本人既創意

除左歐國盃
其實奧運我都有買飛入場
原本諗住去睇江旻憓同李慧詩拎獎牌既
但估唔到反而係張家朗同何詩蓓
香港史上第一次拎到多過一塊牌
係好開心
但伍家朗又比班仆街陷家產搞到輸撚左
唉
不過今屆香港真係超水準
最後可能唔只呢兩塊獎牌

假如比正價食 ALIBI真係揼心口
service 唔係特別出色嘅話

人又無
出餐又出錯
等又耐
純粹真係無乜人可以舒舒服服咁食野

鹿悅同鐵板room其實係同一間餐廳黎?
東歐餐廳食左幾錢

7舊水ok la
D野食都幾靚仔
香港無乜呢d餐廳

DAY52 拉麵天王 泓一拉麵 麵鮮醬油房周月 麵屋福 多賀野 雞Soba座銀

話說除左點心同意粉
講到尾自己都係鍾情日本野
所以拉麵都係一樣自己好鍾意食既野
每次去日本
都一定會食番幾間
以前就純粹講求就手
近幾年比人帶壞左
會真係去tabelog搵果個城市最高分果一間
除非有特定條件先食到
如果唔係花時間排隊都會去

以前成日覺得拉麵係日本國內都算係平民食物
好少話真係食到過一千yen
舖頭都係細細間家庭式經營咁
但黎到香港
開幾間過江龍
坐底都百鳩幾蚊
所以我先覺得拉麵陳係深水步開果幾間真係好抵食
直至
無得再去日本
口痕又會心思思想食
就真係無聊到去曾經自己覺得on9既高檔拉麵店
話說自己就鍾情食沾麵
呢幾個月都試左幾間香港有沾麵食既舖頭



入左關注組
裡面有間日日都會提既舖頭
就係紅磡既泓一
果次其實本來係想去食泓一既
但夜晚七點幾去到都好多人排隊
自己又趕時間
等得太耐頂唔住就轉左去附近另一間拉麵天王

舖頭係德民街橫街
門口唔算太起眼
都係日式木制趟門
呢間最主要因為佢係黃店
相傳係武肺初期講到明話唔接待支那人
亦都有派水
果晚我地排唔到泓一入到黎
係一個食客都無
無係關注組吹奏真係係差天共地

舖頭入有長bar檯
亦都有二人同四人檯


我地坐角落頭位就幾闊落

三張二人檯隔開左兩邊坐

而店入面見到有位女小二同兩位香港廚師

味道應該係好傳統
分唔同顏色既天王
好似藍色連鎖店差唔多咁玩

亦都有每日限量既沾麵


價錢由75-105不等

可以揀口味
但其實正常都係想試下拉麵店自己既特色

好多年前沾麵開始傳入香港
香港人都唔係幾識乜野係沾麵
就用呢d四格既圖示黎表達沾麵既食法


先黎既黑天王

跟半隻強
我自己就覺得真係好豚王feel

咁我就當然係要沾麵

寫話係豚骨魚介
湯都算濃
味道好正常
麵就應該唔係自己整
但都算有咬口
三塊叉燒
隻強都算靚仔

整體黎講都ok既
紅磡黎講好過aeon入面間誠拉麵好撚多
果間之前食過真係世界級垃撚圾
個湯稀到痴撚左線

最後食完麵會見到碗底印左香港兩字

好有心思

我就唔係食家
但係香港都食過唔少
開始會覺得好多鳩開拉麵店既拉麵好似即食麵咁
好多呢d垃圾都賣到七八十
呢間唔係過江龍
香港師傅
麵亦都唔係自己手造
只係做街坊生意
價位黎講中等

口痕食下支持下無妨

咁之後都終於食得到泓一
果日平日放假
拉麵店開十二點
我就十二點半左右去到
前面排左五六個
原本以為應該好快到
點知最後要等足一輪先入得到
前後都排左成大半個鐘

門口貼左餐牌同價錢出黎

拉麵同沾麵都有
最出名既當然就係雞白湯啦

係門口都裝得到佢入面果部製麵機


有落場時間

星期一會休息
同埋仲要留意下facebook
佢有時會話湯底品質唔好就會唔開
而連登將佢列左佢入疑似黃店我就唔知了
舖頭無文宣
fb亦都唔見有乜講

咁入到去終於知道點解要等咁耐
因為餐廳入面擺左好多雜物
又因為限聚令要分隔客人
所以基本上都只係得六七個座位坐到
真係唔好以為條人龍唔係幾長就唔洗等好耐
隨時排最前果個食完你都未入唔到去

餐廳無落單紙
要直接同師傅講
基本上師傅就係店員
我當日就見只有兩個香港師傅在場
老闆仲要走出去搬貨
都幾忙
因為舖頭太細我都係坐門口毒撚位
完全無位可以比你放到野
環境黎講就真係麻麻地

等左十零分鐘就上麵
雞白湯沾麵

跟麵有全隻溏心強
佢真係唔只雞湯味濃
連個自家製既麵條食落口仲覺得好重芝士味
見話係全麥粉製造所以好重麥味
我唔知係咪即係講緊同一樣野
感覺好似食緊寬條麵咁
仲好吸汁
個麵食左一半連湯都無左一半

隻強就影得差

而雞肉同叉燒都係慢煮煮成
係幾好食既
唔算有吹大左

呢碗麵賣98蚊
係香港黎講叫做中等價位
食物對得起個價錢有突
只係環境麻麻
入面座位都幾迫
坐得好唔舒服
同埋無時無刻都要排隊
呢樣野小店真係無計

另外有一日係去左鰂魚涌上堂
見到呢一帶都好多野食
就心思思去左一直都想去既周月

lunch time十二點半去到見到門口都排左六七個


餐廳外面掛左由14年開始到而家
已經係連續八年既必比登推介餐廳

周月係香港有三間分店
一間係銅鑼灣
另一間係中環座銀格離
後者一樣都係必比登餐廳
全香港只得三間拉麵店入到米芝蓮
其中兩間就係周月
另外鳩話自己米芝蓮果d全部都係日本拎唔關香港事

餐牌有拉麵同沾麵

咁一場黎到緊係揀最貴果款沾麵

大約等左十五分鐘就入得
同泓一相比就唔算好耐

拉麵店入面係L形bar檯
疫情下大約可以坐十個人左右
分隔開兩個位兩個位
因為武漢肺炎關係唔洗搭檯
一個人就可以坐兩人位

份量可以揀由100g至300g
唔洗加錢

見自己唔算好肚餓就揀左200g
有冷熱麵可以揀

我自己坐個位就見到佢地一板板既麵條

麵條係用日本麵粉自家製既
製麵機我就覺眼
可能係其他分店整好拎過黎
聲稱肉係用鹿兒島既黑豚腩肉
而湯係用四國既醬汁同沙甸魚

檯上面有提供冰茶


沾麵係香港已經發展左一段時間
但真係間間都仲要教你係點樣食


大約等左六七分鐘左右上麵
黑豚香辣拉麵

200G既麵條唔算少
隻蛋就唔算好靚仔
但係件燒豬有燶邊就幾好食
鹿兒島豬唔比西班牙豬差
冷麵煙韌
見好多人都話個湯酸
我自己就唔係好覺
不過就真係有少少辣
整體幾唔錯
不過入到米芝蓮都想佢有某方面特別出色
但佢又唔算好特別
服務黎講只有一位小二帶位同收銀
廚師見到幾位都係香港人
聽到有其他客人有問題佢地都友善回答既

食完個麵都夠飽
就無加湯飲
不過麵條都幾吸湯所以都無淨低太多湯
係餐廳大約逗留左廿分鐘

埋單139
價位屬於中上
不過成個麵有齊肉同強唔洗再另外加錢
亦都無因為米芝蓮而扮高檔好似其他拉麵店咁樣要加一
可以揀300G麵唔洗加錢
咁呢個價位都算公道
值得回頭
下次可以試下中環店

麵屋福之前亦都有上過飲食男女做訪問
話師傅因為店舖放棄左好多同小朋友相處既時間

位置就係荃灣享成街巷仔入面
呢條街幾乎全部都係黃店
之前都食過間No Boundary
入面到而家都仲有連儂牆
周小龍有間新舖亦都係度開
唯獨係只有呢間麵屋福無表態

門口放左幾張凳

我地平日六點九左右黎到
前面都排左十零個

麵屋福只賣沾麵

一共有三款
其實正常都係食魚介
但見到蕃茄賣咁貴又諗會唔會好特別呢
結果諗左好耐最後都係決定試下

大約等左三個字左右入得
店舖入面全部都係四人檯
用膠板分隔開上下兩組
所以都係比較迫
檯底有勾
不過因為檯唔夠高
掛物可能會掂到地
而餐廳環境其實都係麻麻
唔算好乾淨

大約五六分鐘左右上麵
黑蒜油沾麵


蕃茄紅油沾麵

叉燒本身浸左係湯入面

都幾薄
份量唔多
亦都有跟一隻強

唔算好靚
而麵係暖既
好似唔係自家制
個湯就比起其他拉麵店熱好多
飲第一啖直頭辣親條利
不過我對呢個蕃茄湯就好失望
我自己覺得得個酸字
呢個湯亦都唔杰
麵條吸唔到湯
食完個麵都仲有大半碗湯淨
另外女朋友都話個黑蒜麻麻
可能真係揀番最平既魚介比較好

雖然味道麻麻
但都見到老闆娘會主動同客人加湯
價位算係比較平

不過環境麻麻
食物亦都算一般
更係無立場支持
就應該唔會再黎既

之前係中環食過果間圓圈三角
我以為個價錢已經係拉麵店既頂點
但原來有一間開係K11 musea既拉麵店係仲更加貴
呢間叫做多賀野
果日睇完黑寡婦就走左去試下

聽講岩岩開果時係大排長龍
我地星期六一點九左右去到都要排十個八個左右

大約等左十五分鐘左右

多賀野本店係東京
tabelog都仲有3.91分
算高分既
亦都係日本前必比登推介既餐廳
而家香港呢間話係多賀野第一間海外分店
由嚐高美集團引入
風格望落去就完全唔同

呢間多賀野廚房係門口附近
企係門口都可以望到少少
有幾個類似bar檯既座位
而我地就坐普通既二人檯

未至於叫做同格離搭檯
但個距離係好近好近
完全聽到格離講乜

佢仲有梳化位既

關左中間隻窗就會變左單邊座位

日本多賀野係一間中華拉麵
主打豚鴨沾麵
係google map睇相見到賣1100YEN
而家香港賣168蚊
價錢足足係日本既兩倍
另外仲有個限定蟹皇沾麵

再貴多廿蚊
個價位就已經唔係圓圈三角既級數追到

餐廳廚房就唔算好開放式
但製麵機就大大部比人欣賞

食足咁耐師傅就整足咁耐麵
唔知佢係咪會玩足一日

另外餐廳有個優惠
like左佢地fb或者ig
就可以用半價叫小食
但條件係要點一樣正價飲品
講到尾其實即係叫小食送野飲
咁聽講佢地個蟹肉薯餅幾好食
就叫左一份

一份有三件
入面都多蟹肉香口幾好食

格硬叫既波子汽水

就點睇都唔值三十幾蚊

呢間拉麵店開係商場
就真係有服務既
而且仲唔錯
不過小二妹妹係我食緊件薯餅上麵就真係要扣分

蟹皇沾麵

有軟殼蟹同半隻強
碗湯都重蟹味同有蟹肉入面
之前有打手係關注組吹到呢個麵係香港第一
我而家要比正價黎食就唔係咁甘心
點解無人搵我黎試食

我點既豚鴨沾麵

有兩塊叉燒同半隻強
碗湯好熱好清好甜
完全可以就咁飲
自製麵都唔錯
不過就無泓一果種麵味
呢個掛湯能力無
就唔關個麵事既
整體黎講就唔差既
如果係日本價既話

最後先知原來仲要加一
唔怪得知小二真係會瘋狂斟茶

即係豚鴨麵加服務費後要一百八十幾
而個蟹麵更加要過二百
呢個價位我諗香港真係無乜邊間可以超越到佢
服務同環境都唔錯既
但個價位實在係太離地
味道唔算好突出
試一次就夠

最後去左座銀
好耐之前就去過中環果間
唔記得果次係有無得揀沾麵
淨係記得環境唔錯冷氣好足

今次就去左跑馬地
對上一次黎到跑馬地已經係去養和做手術果時
搭電車到總站再過兩條街既景光街就係

呢間座銀中午都無落場時間
我地星期日既四點鐘黎到成間舖係一個客都無

餐廳有bar位

而家任坐就坐左餐廳最入既二人檯
冷氣真係好足

算係比較少有有裝修既拉麵店


一坐底就問要凍定熱茶

可能因為係其他拉麵店就屬於落場時間
不斷聽到廚房既切野聲
因為坐得太遠就睇唔到有幾多位廚師
小二就見到都有兩三個

呢個集團三間日式餐廳全部都開係元創坊果頭

之前食過既圓圈三角都係屬於同一個集團
我都係見到佢地個口罩套先知
都有去左炭家試埋個鰻魚飯
呢兩年無得去日本
唯一可以係香港食到炭燒鰻魚就應該得呢一間

座銀係日本有五間店
主要開係大阪同神戶
係tabelog最高分既本店都有3.74分既

咁座銀就主打雞白湯
聲稱用日本雞

一共只得三款麵
雞白湯拉麵
雞沾麵
同海鮮雞拉麵

小食得炸雞
仲有雞肉飯

全部都係雞

所有麵都無跟強
同圓圈三角一樣要另買
十五蚊兩件半隻

幾乎係同圓圈三角一模一樣倒模咁
雖然都算靚仔
但真係好唔鍾意呢種銷售手法

海鮮雞湯拉麵

上面放左佢地招牌既炸牛蒡裝飾
係真係幾美觀
而且浸淋左口感都唔錯
呢個湯加左蝦
海鮮味重d

我自己就緊係揀招牌既雞沾麵

雞湯聲稱係用類似咖啡既整法打泡
同泓一比係再濃d
叉燒有雞同豬
一樣都係低溫慢煮
亦都有炸牛蒡
但同拉麵唔同只係放係碟當小食咁
麵條menu有寫話係原創既低加水麵條
但睇過有巴打你問我答
就話座銀全部野都係來貨既
麵就應該唔係自己用製麵機整
質地雖然都OK
但呢方面泓一真係贏晒

餐廳入面有洗手間

都幾乾淨

座銀同同集團既圓圈三角唔同
係要加一既

沾麵連半隻強再加埋一就已經要過百七蚊
睇過日本果邊就賣920yen
價錢足足係日本既2.5倍
個比例仲顛過多賀野
環境服務食物都好好
但價錢實在太離地
集團太進取
連星期日中午時間到走果刻都只係多左兩個客
真係唔知做唔做得住
呢間地點太隔涉
要坐過海巴士再轉電車
就算再好食都唔係會回頭既類型
去中環好過


以我所知香港有自家製麵條既拉麵店應該唔多
拉麵陳既隱家同海老名好似有自己工場製作
另外彩都有部製麵機
之前淨係食過元朗果間
西環太遠仲未食到
三田聽講都係自家製
不過就見唔到部機
睇L佛話金色不如歸都係自家製
但佢就無沾麵食
咁我諗香港有自家製沾麵既拉麵店我應該都食過晒
掛

DAY52 完


聽日一齊支持牙詩

我自己就奕居>四季>瑞吉
係房食就揀奕居
佢地成日有package包in room dining credit
去餐廳食就揀四季
佢地而家有新裝好似唔錯
不過廁所無裝修

瑞吉我麻麻
不過聽講管家正常番

DAY53 香港帝苑酒店(上) Sabatini意大利餐廳 Crown Club

咁都連續住左兩間無咁grand既五星酒店
今次都係繼續呢個LV
去左只係屬於福布斯推薦既帝苑酒店
主要想試下佢兩間福布斯四星既餐廳
帝苑都算係老牌酒店
staycation package都有好多
房型係官網睇到頭都暈
最平幾百蚊就有交易
咁今次想試下慶祝埋個生日
就book左個好少人玩既零房價
原本係加一前2880住天際半海景客房
之後send mail問佢地有無得加錢轉天際套房
就加左600蚊升級左間叫做sky junior suite既房型
佢地就無解釋過係乜房黎
天際房係官網入面亦都好神秘
所有天際房型都只係同一樣既簡介
亦都唔係幾覺有人分享出黎
所以我係完全唔知呢間sky junior suite係乜野東東
就當係比個驚喜自己
然後再加多百五蚊整左個天鵝餐
最後都要差唔多四千蚊落樓
結論就放係前面
我係覺得唔太值既
始終酒店就唔係特別高級
服務亦都好普通
同埋太多家庭客
成間酒店周圍都係人
lounge又嘈到hihi
之不過兩間餐廳都算係唔錯既
同康得思係完全相反既體驗

帝苑酒店
位於尖東
九龍香格里拉既斜對面
已經有成40年歷史
由sellhk自家擁有同管理
算係帝字頭酒店最高級既brand
酒店係16年新加左兩層既天際客房
而入面一共有八間餐廳
係呢方面可以同君悅港香呢類高級酒店睇齊
仲要都入得到米芝蓮同福布斯名單
不過呢間酒店最出名都應該係武肺爆發下員工染疫要疏散住客
都係名副其實既肺炎酒店

係十一點幾黎到酒店
都係為左食sabatini個sunday brunch
呢個半自助餐由十一點半開始食到三點
可以食到三個半鐘
如意算盤係食完就岩岩好可以上到房
但首先要登記左拎dining credit

帝苑應該係我去過咁多間酒店大堂最矮樓底既一間
入到去成個感覺好焗促
其實就應該可以上lounge搞既
不過無咩人就係大堂check in
但成個流程真係麻麻地
帝苑既前檯職員係無乜笑容
純粹機械式比名你簽同收錢
完全無任何熱度
你唔問既話佢係唔會同你交代入住資料好似幾點可以入lounge同游水食早餐等等既野
擺明就係交行貨
而十一點幾並唔係人多既時間
我都係第一次遇到咁樣既職員
唔知上lounge checkin會唔會比較舒服
同埋呢間酒店都幾麻煩
佢有職員係lift口把守
但佢地既工作並唔係幫你禁lift
而係負責截人有無登記
試過有次見到沖埋入lift問前面條女有無做登記
成個感覺都真係幾唔舒服

之前講話酒店有成八間餐廳

其中有兩間中菜係地庫2樓
即係酒店既最底層
有粵菜帝苑軒同京菜東來順
而東來順亦都係米芝蓮推介同福布斯四星餐廳

兩間餐廳中間有個池塘仔
幾特別
而好出名既餅店係大堂樓層
一樓有福布斯推薦既日本菜四季菊
二樓有食下午茶既J's酒吧
三樓係自助餐廳雅苑座
而另一間福布斯四星既sabatini就係自助餐廳既側邊位
前米芝蓮推介既越南菜le soleil入口亦都係自助餐廳入面
不過餐廳位置就要再行樓梯上多一層到四樓
都諗左好耐食唔食四季菊同le soleil
最後都只係揀左食兩間福布斯四星餐廳
但其實最後根本係夠credit食到三間餐廳
結果搞到要係東來順格硬叫野食
落地庫只可以搭扶手電梯落
不過上一二三樓除左扶手電梯
亦都有兩架餐廳客lift可以搭