[極長氣][多圖] 意大利西北意假朝聖之旅

結果我人生現場睇過兩次狙對蝗既比賽
保方總共失左七球:
如無意外
亦都見證埋保方最後一場站立係安聯球場既歐聯比賽
兩次睇C朗都好似發左顛咁
完全顛覆左我睇波歷史以黎皇馬全敗祖記既紀錄

輸波係唔開心
但旅程始終都係要繼續
成個旅程因為晚晚要睇波
幾乎全日除左早餐
就得午餐或者晚餐是但一餐
有時甚至咬包就算
我覺得美食都係旅程既一部份
但時間真係唔容許
而且意大利亦都唔似有OPENRICE同TABELOG等既食物指南存在
畢竟去過意大利既人遠比去日本既人少好多
全部都要自己摸下摸下
就無乜可以點樣享受

同埋成個旅程我雖然保持不失
但真係行街行得很辛苦
無時無刻都要防住全世界
根本就唔知邊個係賊
其實當地人都一樣
你行係佢地後面
都會比人當係賊咁看待
活係呢個國家
咩人都唔可以信
真係好辛苦

現實同預想
係真係有好大差別
雖然我都為左將來PLAN左好多條路線
但今次之後
我諗短期內都未必會再番黎呢個國家
因為旅行到好似窒息咁
絕對唔係一件好事

雖然係單身上路
但事實真係稱唔上係獨遊
至少睇祖雲達斯果兩場波都有好多人一齊睇
而且主要城市其實都係果幾個
幾乎每日都可以搵到隊友出黎食飯
呢個係成個旅程算係幾安慰既地方

廢話講完
貼下呢次旅程幾張相做下預覽圖










靚相就無乜架啦
真係一個紀錄黎
仲有意大利雨水都幾多
有一半日子落雨
有時都幾狼狽

唔睇帕爾瑪？

作客呀
而且唔順路
去諾瓦拉因為佢係米蘭同都靈中間

正嘢

如果尋晚可以係奧林匹高睇列羅馬反勝就真係正到爆

DAY1

事前準備
係一堆波飛

因為全部都係上網買
只有一張張既A4紙
毫無收藏價值
我覺得呢方面就比較差
仲有兩場祖雲達斯既波飛唔係我手上

今次坐既係卡塔爾航空
需要到多哈轉機
到歐洲既航班多數都係凌晨出發

係多哈轉機個半小時
大約意大利時間中午一點左右到達

卡塔爾D機都幾新淨幾靚仔

座位就中規中矩舒服

都有D新戲

不過有中文字幕既電影就唔算多
起碼忘情水就已經無

野食叫做好過HX果D咁啦




兩程飛機總共食左四餐
食完就熄燈
正宗餵豬

因為遲左到多哈機場
其實落機就差不多要BOARDING
無咩時間係多哈個機場行下
成個機場大概就係咁既款


一落米蘭就可以見識到意大利人既性格
正宗歐洲支那
首先飛機未停定已經走晒出去
到排隊果時就頂黎頂去
呢班人真係好柒煩
海關就勁HEA
全程一粒字都無同你講過野就過左關
可能毒撚都係人畜無害咁既款掛

由MXP機場到米蘭市中心有兩種方法
機場快線同巴士
為求安心都係揀左機場快線

即係左面果架
右面果架係國鐵既R車

意大利鐵路分開兩間公司
一間公營既叫做trenitalia
另一間私營叫做italo

trenitalia旗下有紅箭銀箭同白箭
呢三隻都係高鐵級數
全車指定席
海鮮價

普通車果隻叫R車
你當係日本既JR咁樣
直通全國
全車自由席
固定價格

而仲有隻急行會飛站既叫做intercity
我無坐過
好似係全車指定席

而italo就得一款高鐵級數
全車都係指定席
一樣係海鮮價位
不過感覺上平過國鐵

不過意大利鐵路有樣野唔好
就係無閘口
車飛需要打卡
無打卡既後果就係要罰錢
如果你係上網買飛既只要print出黎就得
呢張紙就唔需要打卡
淨係車飛都研究左我好耐

除左火車飛
仲有地鐵飛
地鐵飛基本上同巴士電車共用
雖然話巴士同電車都無人CHECK飛唔洗比錢
但我搭得地鐵多
都會買晒呢D一日或者兩日任用既飛
意大利任用既飛多數係用小時黎估
我呢張米蘭既就48小時任用

價值8.25
以一程車1.5黎計
即係兩日坐超過六程就OK
算抵玩
地鐵係需要過閘
過完閘就會印左當日既時間

用呢個時間開始計時

意大利中央車站
係果種有歷史既車站黎



係幾靚
但亦都係賊仔既集中地
好多黑鬼係度搵食
一個人既話我都唔係幾敢係度久留

除左火車站
地鐵仲多賊
尤其係拎住個GIP既時間
第一次踏足米蘭
連地鐵站都唔識去
轉左好耐先搵到閘口
但已經覺得好多對眼望住自己
我自己自保既方法就係將個袋貼牆或者車門
等佢地唔可以出現係自己背後

由中央車站坐地鐵到我住既ZARA酒店
都只係兩個站
雖然話地鐵危險
但米蘭既鐵路相對黎講係好方便
起碼我係米蘭住左三晚
都無需要坐巴士或者電車

酒店房張床都幾細

但兩邊窗光線就好光猛
廁所就大過西

仲有架洗西機
日本呢方面就好好多
同個屎塔合二為一
方便好多
仲有一樣特別既地方就係呢個架

原本以為真係一條梯黎
後尾摸落去先知原來係個發熱架
可以用來乾衣

續

上次去意大利天氣勁好

你就好
成日都落雨濕濕真係好影響心情

我上次由頭到尾日日都天晴少雲，你下次5，6月再去，天氣應該會好好多

尋晚我羅一棍打瓜巴狗
示範左咩叫意式足球

都冇事發生好心就唔好成日屈啲意大利佬賊眉賊眼啦，好很幫人都

我地影嘅雪糕⋯⋯,佢哋好似恥笑緊我

不過笑之前佢哋無啦啦全班跳起同我擺post，不過影唔切


要趕火車，又想食薯條，問呢位姐姐10分鐘整唔整到，佢即刻走返入廚房周圍問下同事，做咗返嚟話OK，佢其實佢可以hea我話未必得就算

Lm

唔知自卑定點
成日都覺得比人恥笑緊

Between,個眼

5，6月無波睇啦

如果係現場見證到呢個歷史就正

留名

DAY1 終

我覺得自己酒店既地理位置都唔錯
zara站有三號線同五號線
聖西路或者大教堂都係一條地鐵線直到
唔洗轉車

坐完一日飛機其實都幾累
係酒店梳洗完都成四點
決定出去轉個圈

係米蘭既第一站去左大教堂
大教堂位於duomo站
一出地鐵站就已經見到大教堂

第一眼見到大教堂真係好撚靚
心諗黎到歐洲就係應該見到咁既野
難怪可以成為米蘭既地標

格離就係艾曼紐二世迴廊

成個廣場亦都幾多人

仲見到唔少黑鬼同野鴿
呢個就係我對米蘭既第一印象

時間都唔早
諗住即刻排隊入去啦
點知已經比班保安擋住

比條友串柒柒咁指左去第二度
原來要去專門站先買到飛

呢個係賣飛同紀念品既地方
不過我真係好唔鐘意意大利人d態度
又輕挑又散漫

入到去仲要排飛
見到個number要排幾十個位
都唔知要等到幾時
出番去圍住大教堂轉個圈睇下有咩睇
發覺大教堂周圍都有唔少樹花襯托


同我想像中硬幫幫既歐洲有D出入咁

轉完個圈番番去條隊都好似無郁過咁
就係無助之際
友人話可以用自助機買
真係少人排好多

就係呢一部

仲可以用埋applepay
買左16歐全包果隻pass
結果張出飛出黎係咁既撚屌

左面果張係收據
右面有barcode果張先係實體飛
上落電梯口查飛全部都靠呢個barcode

大教堂話就話收七點
但其實六點已經唔比入
拿拿臨搭lift上屋頂先

過完安檢坐完lift
就上到大教堂既頂層
有種似曾相識既感覺
一search之下
原來dark soul皇宮既原形真係米蘭大教堂黎
本身已經覺得幾靚
再加上呢幾分好感
真係不得之了







雖然當中仲有某D地方維修緊



但真係唔影響佢既整體觀
連我呢D無乜藝術感既人都覺得很宏偉

下面密密麻麻既人仔



經過呢條樓梯仲可以登埋頂



景觀真係唔錯



研究過米蘭無乜觀光塔
我估呢度已經係成個米蘭最好風景既地方

登完頂已經六點幾
唔比入大教堂
不過張飛有三日限期
唯有等臨走果日再黎過啦
始終一個人咁靚既地方
唔行晒佢係對唔住自己

去埋格離條迥廊睇下






靚係靚
但其實好細
只係一條十字路口既商場
全部都係高檔野
同我無緣

外面係達文西像

同埋唔知咩

仲有斯卡拉大劇院

由外形睇真係完全睇唔出佢入面係幾咁宏偉既劇院

米蘭既路面電車

不過無幫襯過

因為有幾個會友都係坐同一班機黎到米蘭
一齊坐機場快線黎到米蘭
叫做有照應
就相約埋一齊食飯
呢個係旅程最大既好處
唔洗一個人食飯
雖然搵唔到D咩特別好食既野
但都叫做唔洗咁悶

黎到意大利既第一餐飯

食意大利雲吞

係好少食既類型
幾得意

個老闆都幾風趣
仲話你地叫咁多食唔晒要罰咁話喎
係以後都遇唔番既類形

第一日搭完飛機真係好累
食完就各散東西番自己酒店休息了

DAY1 完

真係咁多賊?

係倫敦我覺得自己好安全亦都好安心咁行街
但係米蘭又好羅馬又好
每次坐巴士地鐵都提心吊膽
尤其睇完波之後要逼車果時

真係屌拿星
投訴直紅

評已正
我都plan緊去羅馬，第一次破處歐遊想去梵蒂岡，羅馬市行下.
想問下你機票幾錢？羅馬市內兩三日玩唔玩得哂呢？