[長氣多圖][無限期] 香港staycation之旅(2)

排左好多都未寫

加速
想快d有得睇

有d難度，好多相

點解樓主會知道咁多餐廳總廚同佢地既故事

之前viu有個叫大廚背後既節目
每集講一位大廚都幾好睇
同埋之前飲食男女又多報導
有啖好食又會拍下廚房
Jayson係比較破格既
再follow埋ig睇下佢地同邊d人fd
不過中菜師傳好多唔玩ig

DAY75 奕居2(上) Salisterra

由20年10月開始
到22年2月
都叫做去左超過廿間酒店
因為想試下唔同野就完全唔想重覆去住
不過都總有幾間係住唔到套房既
咁如果要講我呢堆酒店入面住得最舒服既
就真係非奕居莫屬
當時係20年既聖誕節
淨係得房加早餐
入住彈性24小時
係房入面checkin
每次經過職員都會好客氣咁點頭
仲會幫住客拎住袋熊貓咁走黎走去
而且房入面個signature浴缸真係好好好靚
如果問我有邊幾間想翻兜既話
奕居同半島一定榜上有名
始終上次黎住都仲有幾個遺憾
第一係果時禁晚市無得去cafe gray deluxe食晚餐
第二雖然房真係大但終歸唔算係套房
後來係21年尾
呢間酒店唔知跳左乜制
不斷係咁推限時套房優惠
結果我就係klook book到呢間過千尺既套房
減左code只係兩千七左右
仲平過第一次住
不過就要星期日入住
時間改埋三點checkin十一點checkout
但都真係抵到無可再抵啦
始終都叫做千尺套房
咁心諗既然book到間咁好既房
不如就直接用埋黎求婚
原本係咁打算既
但係隻戒指疫情嚴重下整極都未整好
最後收左皮
唯有退而求其次係再下個月既文華東方搞
結果應該係比起奕居好既
因為今次黎到奕居
真係幾乎乜野服務都無晒
好似純粹係住左間靚房咁

上次黎奕居果時
先唔好講金鐘四寶酒店
直頭連太古廣場我都唔熟
淨係搵架lift上平台都搵左好耐
但係上次黎左兩次
再一個月之前又住過JW
今次黎到呢個平台就算係幾熟路
奕居只有一個入口所以避唔開安心鳩行
而大堂同之前係一樣無check in位
不過唔同既係
佢地話因為三月疫情嚴峻就無左房內checkin
要係六樓辦理手續

之前黎果時呢度純粹只係一個counter仔賣野飲
只係擺左幾張梳化凳比人係度chill下
而家好似變左個餐廳多左份壓迫感

咖啡餐單

等待途中係無welcome drink既
不過就算之後去文華東方都一樣都無晒
明明之前仲有汽水放題
真係全世界都cut cost鳥

今次check in真係純粹辦理手續
職員係連酒店介紹都無
講完連送都無送去lift口
行李又要自己拎上房

今次我地住45樓
酒店同下面JW唔同係中空天井設計

每層電梯大堂都可以望到對面果間奕居套房

我地就係住呢一間4506既套房

上一次有人帶住我地入黎就知個拍卡位
今次要盲摸摸
連個房號都好難睇

房門亦都係正對住電梯大堂

上次住果間普通studio70城景房直頭係封實左天井都望唔到
可以算係咁多間最差果間
但反而成個入住感覺就最舒服

而如果住studio80就會係有兩個門口對住


上次黎未搞清楚
而家知道了

正方面平面圖下方係海景房
上方係山景房
左右都係城市景房
角落房分別係細d既studio80同奕居套房
即係話studio80係一定無海景
而奕居套房就一定係海景房
可惜兩間奕居套房個浴缸都一定係左右城市景
即係全間酒店正常住得到既就只有每層兩間既海景studio70先會有海景浴缸
起碼去到47樓都應該係咁
只有48樓既傅厚民套房同頂層套房係例外
而上次去過JW就知
呢度普通房已經係JW普通房既兩倍
我地今次住呢間套房就係JW既三房大細

一入房門係玄關位

左手面係睡房
右手面係客廳

奕居套房有千二尺大
客廳就等於studio80睡房大細

有兩張梳化
一張圓檯
後面仲有張可以放鎖匙既細摺檯仔
成個環境係一貫咁舒服既
房唔壞
就只係壞左個人

窗口位都放左成三個坐墊可以方便打卡

今日個天雖然好麻麻
但個海景同下面JW就真係無得比
上次係JW住28樓乜撚都唔係
而家住45就真係還原番個維港出黎

就算係左右既城市景都立體左好多


所以高度決定態度先係正宗

茶几都擺左唔少野玩

無康得思咁直接放套象棋出黎炫耀
而呢套我真係唔知係乜琪


檯面有張welcome back既卡

今次就無左份禮物
只有小食

同兩個勁厚既口罩


今次個mini bar係近門果邊

感覺呢間房真係光猛過studio70好多

不過呢部illy同之前果部比就好似弱左好多


其他配置就同以前差唔多


不過套房多左個水龍頭
仲有過濾水提供

睡房已經係變左做城景


一邊望港麗同香格里拉

另一邊叫做有半個海

但訓係床上面基本唔會望到
而電視機放係角落位
叫做唔會遮住個景

king size雙人床

唔係特別大張

但可以四邊落床都係第一次

床後面個位見係可以用黎做in room按摩
而家同廳一樣放左張細既摺檯
上面有個咁既盒

打開望落都幾恐怖
好似d封印咁
再後d仲有張凳可以方便著鞋出門
因為經呢度可以走出玄關
但我無兩對鞋所以無用

床頭bose喇叭


另一邊床頭制

但乜7插頭都無
要捐落檯底先叫做有個三腳插蘇

住咁貴但無得叉電
渣到

衣櫃搬左入房
變左係近玄關門口位

呢方面係比studio70做得差

為左個廁所有更多空間比浴缸置中
搞到原本既獨立梳妝檯變成左要同洗手盆長檯共用

雖然叫做變左有兩個位
但我覺得studio果個做得更好

洗手盆唔再透視浴池

真心差左

呢個盒勁重

仲要擺多左個係頭頂位
少顛

而上次唔記得左拎既飛機袋今次當紀念品拎走了


仲有環保袋同旅行袋

問過職員話都可以拎既
而個環保袋真心唔錯
我耐唔耐都會拎出去

風筒普通野


廁所大細就差唔多


上次已經見識過
今次無乜驚喜既打卡浴缸入口變左置中

不過呢幾級樓梯我次次黎到都覺得會好易kick到好撚危險

置中浴缸並唔會話靚左

為左中間可以留位比到兩間海景房就犧牲左套房個海景浴缸
係連半海景都稱唔上


望住酒店浸浴完全唔知意義何在


電視機一樣好有距離感
而且仲要打側埋

配置並無比studio70高級

企缸唔再係浴缸後面而係樓梯既例面

所以個浴缸係做到四邊落地
而家深左大左
但用途唔大

洗頭水沖涼液仲轉左牌子

就咁睇個外觀又係弱化左

整體黎講間房同studio比就係多左個廳
係寬落左既
但又唔可以話滿足左好多
可能個廁所好似仲差左少少掛
真係純粹補完左舖套房癮

樓主一個人去？

upper house無lounge
所以下午無野充飢
最正路都係上餐廳食夜晚
所以上次聖誕黎
就book左六點early dinner
諗住平平地每人三百幾可以對住個海chill下
點知7婆禁晚市去唔到
變左食sunday brunch
仲要係後面sky lounge食
結果今次第二次黎
又禁左晚市
連續兩次都唔可以係酒店餐廳食夜晚
不過今次有少少唔同
因為餐廳有提供真early dinner
係下午茶時段食既
所以我地四點就上左去頂樓

同一樣既圓頂

同一樣既天橋


但係餐廳已經由cafe gray deluxe改左名做salisterra
係21年頭繼續由傅厚民主筆設計
最大分別就係門口無左個接待處同餐廳正中心由油燈造型組成既吊燈


不過座位仲係一貫咁迫

其實之前cafe gray deluxe到而家既salisterra
都係由chris czerwinski執掌
直到今年二月離職
到四月先請左格離港島香格里拉行政副總廚杜嘉維過檔
我地就三月份去既
即係當時總廚位應該係懸空緊
而餐廳仲有位遠係英國既大廚jun tanaka遙距設計菜式
我地當時食到既都仲係同之前一樣既餐牌
新總廚加入之後就應該有大執過
而家七月睇番個menu都同三月食果時轉變幾大下

個開放式廚房就好似無乜點變過


二人限聚

有d可以坐梳化位

我地張檯就對正出面維港

呢個正正係兩年前聖誕最想要既畫面
但今日天氣麻麻
出面仲係白蒙蒙


而且我地張檯真係只係二人檯黎

無檯布
只得張膠墊
不過算係幾簡潔

硬卡口罩套

因為傳統呢間奕居頂樓餐廳係有供應八婆下午茶
所以我地四點黎到
其實餐廳都幾full
即使轉左名之後都係一樣
眼見其他客清一色都係食緊下午茶
而我呢
就真係純粹想試下餐廳
所以係黎食正餐既

餐牌幾靚仔

呢個時段有set menu同單點

其實menu同lunch set係一模一樣
不過今日星期六所以中午時段就轉左brunch menu
上次黎都已經試過
所以今次真係想試下佢地單點既signature小龍蝦雲吞

檯面餐牌只有英文
不過官網就有中文字幕


我地一共叫左兩個set
另外單點雲吞
應該就比起八婆下午茶貴好多
件港女都有問我點解唔要
但我純粹想滿足自己一己私慾
因為成日都聽到話個雲吞好撚好食

餐廳而家自稱係地中海餐廳
其實即係南歐菜
主要包括晒西班牙意大利同法國菜咁樣
餐前麵包

已經分左四份
外脆內軟

聽講麵包入面氣孔好緊要

前菜第一份係油封鴨腿沙律

反而係大塊水果
鴨腿肉得幾粒

另外係菊芋湯

上檯先倒湯
一樣都係份量唔大
不過個湯幾杰下
入面有煙肉同青口
飲落口感幾好

主菜除左原本兩個set之外仲叫左單點
所以有三份

先係單點既小龍蝦雲吞

餐廳既signature
好似無食過就等於無黎過咁
所以先特登點左份
一份只有幾粒已經差唔多等於成個set既價錢
配上蝦頭汁
係好濃厚既龍蝦味
但好食係好食
份量就真係太少

而且皮太薄
有一件上檯果時已經破左繭

set就揀左魚同牛

平時鱸魚就比較清淡
呢個成條比白豆蓉浸住
上面仲淋滿辣腸牛油
味道太過強烈
反而覺得一般

牛膝闊條麵

即係望落去set既主菜仲大份過單點
係完全唔會唔夠食
呢餐食完真係唔洗再食夜晚
牛膝夠淋
寬條麵亦都好食

反而甜品就一般般

芝士蛋糕又係一樣重口味

另外份芝士就一貫無掂過


今次好茶壺好似唔同左

同埋無左d花花好似弱左咁


petit four同以前一樣都係朱古力粒

係上檯表現方式唔同左

亦同以前一樣可以拎走

洗手間就應該無咩點執過

維持原貌就已經係最靚

而洗手間外面就變左酒廊


岩岩好食到六點

如果淨係set lunch都幾抵既
加埋龍蝦雲吞就叫更加滿足
平均每人唔洗七百算係合理價
味道可以
不過真係比較重口味
大部份醬汁都好重手
唔討厭不過食得多就真係會累
小二服務都OK
無進一步亦都無退一步
我自己就滿意既
頂層海景
傅厚民親自設計
環境本身就一流
但位同位就真係迫
呢樣應該永遠都唔會改善

同層另一邊個休息室sky lounge

上次係度食左個聖誕餐
同餐廳唔同呢邊貌似就無變過
3月無開火爐

呢度就唔可以算係lounge
因為無餐飲提供


純粹只係係度吹下水睇下風景

或者好似上次咁當vip房或者party咁用

上番房見到已經開左床


但我想講可能奕居都開始有年紀啦
個電動窗簾係成日kick住左係中間
講真真係無上次咁滿意

再講雖然佢係有體育台
但又唔係話全部有齊

當晚祖雲達斯係bein sport 1播
佢又無
不過仲叫做可以airplay到

又無得係餐廳睇既夜景

呢個景已經算好好了

睡房對住另外兩間金鐘孖寶

三月疫情嚴重
就咁望個入住率三成都唔知有無
難怪連文華東方都急推個套房優惠

下面可以望晒JW同港麗個泳池
不過因為疫情問題
太古呢三座酒店到最後我係連一次都無游過水


DAY75 完




七月份就無酒店住
不過就book左三個唔同種類既omakase
一間帝京中菜
一間中環燒鳥
另一間就拉麵陳既
希望可以開下眼界咁

點解咁講?

問下姐

慶祝未鬧到要一個人去住

有邊d方法可以bk到優惠酒店？

呢排都係kkday同klook優惠多

唔係啦, 樓主連婚都準備求, 晚晚啪啪啪啦、

DAY76 奕居2(下) Salisterra 寶雲道健步行徑2 After you Dessert Cafe

第二日打開窗

個天都仲係咁濛
即係兩日都無救了

salisterra早餐唔記得去到幾多點
不過我地都差唔多十點先落樓
但係酒店而家係十一點就要check out
時間就真係好少

餐廳正門d位差唔多full晒
今次就坐左酒吧果邊


其實呢邊海景仲靚

但同格離檯距離係少左
講咩都聽到
係度食野好似真係無咩私隱

我地對住長酒吧櫃住


頭頂吊燈同門口又有d唔同

其實呢間頂級餐廳都算大
幾乎用盡全層位置
我地呢兩日可以坐唔同位試多d都幾好
不過第四次黎到都好似未見識晒佢地d位咁

最入面仲有綠色酒吧區

見有啖好食有去入面飲過野

今次張檯都一樣好細
應該就好難容得落第三個人

一樣有果汁提供
不過就唔記得要上次紫色好特別果杯野飲
小二亦都無主動提出
所以先話呢度服務無多亦都無少

餐牌一樣得英文

同cafe gray deluxe既時候差唔多
果時黎都已經係無左任點呢一項選擇架啦
咁上次要左中式同西式
今次就試下唔同啦

把刀好似幾型

大約十五分鐘左右上餐
因為之前見過人地介紹話日式唔錯所以就揀左呢樣

係好傳統既日式早餐
白飯燒魚就唔係杯茶
事實我去日本都唔鍾意咁樣食
所以真係試一次就好
不過佢三碟伴菜有兩碟重複左
問小二佢就淨係拎過第二碗黎換左佢乜都無講

係失望既

問過egg benedict係單點所以英式早餐唔轉得
所以另一份就揀左冷肉盤早餐

分開左沙律同冷肉兩盤


望落就豐富得多
不過麵包就尋日果件好食好多
所以成日覺得佢地早餐同正餐班人其實係咪唔同

都仲有咖啡茶
茶壺係尋日果款

咖啡有拉花

整體一般般

走廊電梯大堂係同以往一樣既


呢個時間sky lounge都唔會有人


話說酒店而家係十一點check out
但無可避免係一定食到過鐘
然後番上房就即刻就要執野走
唔知邊個on9設計呢個時間表出黎
今次真係連爆谷都無叫到
又無左果兩杯任點既飲品

咁基本上第二次既奕居體驗就完架啦
真係除左間房大左之外係完敗第一次
感覺好似令到自己幻滅咁
明明之前個感覺幾咁良好
而家係真真正正做到同普通福布斯四星酒店同級
唔差既
但已經唔再係當初咁美好
如果當初就買左七折券去住套房就真係無得輸
而家就真係得個平字
但真係乜配套都無晒


未完

咁仲有個地方復活節先去既
不過因為係酒店附近所以寫埋當一日
原因係個港女又話要去還神
所以又去左次寶雲道

先係去左囍帖街

呢條街都係7婆既傑作
重建之後就無乜吸引
係頭頂有d連貫幾座住宅既橋


最近就開左間餅店

係由一星同綠星米芝蓮roganic開既

不過d野都幾貴


個撻成四十五蚊件

原本諗住可能開黎打bakehouse
但個價係再貴d
港女都話買唔落手

出左囍帖街繼續行番去金鐘方向
呢D廟仔真係去台灣旅行先會停低睇

香港基本就無理過

然後又經過一間舊式餅店


濕鳩人情味



港女死都要買件奶油筒


後尾睇番原來係藍店黎
失鳩望

一路去到尾就係太古廣場第三座
呢度有棵藍花楹盛開中

背景有齊晒太古廣場一二座

真係純粹經過遇到
並無話特登係呢度出現
現在都幾多龍友影相
可惜我當時就只有拎住部傻瓜機

格離就係真寶雲道入口


穿過油站斜路上山


海水配水庫


每一次行呢條路都真係想死


寶雲道花園

同寶雲道公園唔同
花園係健步徑既起點
而公園係中途站

上次由終點附近既維多利亞界石開始
經過姻緣石
再係灣仔峽道離開
今次就會由寶雲道花園開始
經過寶雲道公園
最後到姻緣石
然後係姻緣石附近既樓梯小路離開

消防栓

相傳藍色乳頭係代表壞左用唔到

呢種山路係有大量樓宇建築

有錢佬係唔同d既