[長氣多圖][無限期] 香港staycation之旅(2)

Lm

DAY73 香港JW萬豪酒店(上) JW咖啡室 行政酒廊

話說一月又開始禁晚市
原本就book左去食JW cafe既自助晚餐
但結果係佢地連一個電話都無打過黎話取消問會唔會轉lunch之類
咁就對呢間酒店印像真係麻麻地
不過又係呢段時間
呢間JW都好積極重推2022零房價優惠
最重要係無分星期一至日都可以住足三十小時
即係如果我十一點黎check in
可以留到第二日五點先check out
不過呢個package就唔連早餐既
所以如果有萬豪白金以上會藉既話
成個package係完全無得輸
但係我無
所以我就來來回回問左好多次email
最後用左個超級唔抵既價錢升級左去套房
結局五千四住左JW一晚
總結係
JW係我呢兩年入面住過最唔抵既一間酒店
沒有之一

JW貴為舊金鐘三寶
新金鐘四寶
屬於太古廣場第一期建築
89年開幕
位於奕居之下
太古廣場四間酒店以佢最為殘舊
真係唔知佢地客房咁多年黎到底有無點樣執過
好似仲停留係幾十年前咁
而且同其他老牌酒店唔同
佢純粹只係一間好普通既商務酒店
房入面真係幾乎乜野裝飾都無

酒店由豐隆集團同太古兩個外國勢力共同擁有
萬豪集團管理
冠上JW名字
係萬豪頂級三大品牌之一
本應同麗思卡爾頓瑞吉齊名
但係香港JW只係屬於cat6級數
比W仲要低
同喜來登萬麗同級
感覺比起香港全萬豪系酒店都要殘舊
好似只有以前lounge樓層轉左新房先叫做好少少

咁我就係年初五入住既
原價2022
遲book貴兩舊
連加一理應只係2444.2
回番2022食野
住三十個鐘
字面上就好撚抵屌
但佢唔包早餐
而且只係住最細果種房
我唔係尊貴會員
同佢地mail左幾次
最後再補2288升左上去海景套房
如果城景就2088
不過當日就無晒城景房只有海景房可以住
咁禮遇就包早餐
亦因為可以住到30小時
可以連續兩日入lounge
再用dining credit去左食lunch buffet同萬豪金殿

今次一樣係坐黨鐵去到金鐘太古廣場


上次去分域碼頭又已經黎過一次
酒店入口都記晒係邊個位

呢個日子門口已經有守門員
要安心回家先可以入去

呢一層係gem room
疫情關係唔開

要上四樓lobby check in

JW神獸獅鷲

以前玩魔力寶貝覺得呢隻野好勁
唔明點解酒店無出到公仔

因為book左食lunch buffet
所以十一點半已經黎到

櫃台無乜人
即刻已經有房準備好可以上去
但其實佢寫明最遲五點退房
即係遲過十一點黎到已經係蝕左
更何況book左聽日四點食中菜
我係要十點黎到先叫做玩得盡

想講一下JW架電梯勁高

我諗四五米都有

JW萬豪雖然唔係頂級酒店
但竟然有成七間餐廳

LG係頭先商場出入口同健身中心樓層
3樓係一星米芝蓮中菜萬豪金殿
呢一層都有商場出入口
不過疫情封左
4樓係lobby
有糕餅店dolce88同酒吧Q88
仲有酒店兩間自助餐之一既the lounge
口啤無JW cafe咁好
但sunday brunch長期都full
而且樓底高
有窗景
無jw cafe咁焗促
環境黎講就贏晒
有d似君悅既茶園
5樓就係另一間比較出名既jw咖啡室
香港黎講就好似以佢同hotel icon既the market評價最好
呢層仲有間扒房flint
行政酒廊搬左落黎之後就同flint合左體
7樓係泳池樓層
有池畔餐廳魚吧
8樓去到35樓都係客房
無13樓
而奕居係由38樓開始
中間兩層做咩就唔知了

我地住既28樓電梯大座

勁普通
完全係無五星感覺

雖然JW同奕居位處同一座大廈
但走廊就局促好多


角落位仲有成四個門口

奕居一間房足足等於JW兩間房大細
但價錢唔成正成
我book左下一個月住upper house
優惠價3k都唔洗就住到過過千尺套房
等於JW三間房既大細
就咁單睇佢地既訂房價就真係完全唔合理

我地住既海景套房係2807

並唔係屬於corner room
只係兩間普通海景房既合體

一入房第一感覺就係好大浸up味
就算之前去過舊到好似marco polo都未有咁既感覺
所以一入去就要求左部空氣清新機

然之後落去食完buffet番黎都無乜改善

二月武肺又開始爆發
原本我都係排後補十幾個位
但到最後都可以食得到
而且成個場係坐唔滿
應該係好難得見到既情況

門口排左左右一排酒櫃

無麗思卡爾頓咁打卡feel
但都幾唔錯
JW個場算係咁
未夠鐘佢會放人入去坐低先
唔洗係門口排隊咁難睇

真二人檯

唔算話好大
不過坐梳化叫做可以放到野
而且同格離檯個屏風仲係座地既
勁大塊
不過都成日撞到
檯面架餐叫做齊整既
正常無咩特別

其實個場望落去就唔算大

樓底矮
位同位距離細
同下面the lounge比就根本兩個世界


準時十二點職員就話可以拎野食
對上一次去alva house既經驗都幾差
個個都搶屎咁撞黎撞去
咁我以為係平價問題啦
以為黎到jw cafe呢d頂級價錢既自助餐會好d
但結果依舊
因為個場唔大
而且廢老好多
一樣係有d煩厭
我自己其實唔算對自助餐有特別喜好
本身我就偏向去食魚吧
一黎唔洗食到咁濟
二黎咁樣應該唔洗洗突dining credit
三黎其實聽朝都會過黎食自助早餐一樣可以影到相
只不過港女喜好
而且上次個自助晚餐被迫取消
所以今次先叫做過黎補番數
係估唔到後補都真係食得到

場地唔大
不過地方分配得幾清晰
cold cut個位有d隱閉

兩款三文魚擺左海鮮檯果邊

咁我覺得都OK既

係款式就唔係話特別多

刺身位係格離

有六款
三文魚
章紅魚
甜蝦
馬刀貝
象拔蚌
八爪魚
本身已經切好

同好多自助餐一樣只屬入到口

刺身格離仲有少少醃製野


綠色野係對面車仔麵檔同甜品檔中間

我就掂都無掂過

餐廳中間有兩張U型大檯
其中一張係擺海鮮

生蠔同龍蝦係港人最愛
通常lunch buffet應該都會有是但一款
但jw cafe係兩樣都無

主要靠麵包蟹撐場

但食落質素唔差既
我自己都拎得比平時多


中菜係比較多人推薦既
有龍躉
花膠仲有樣本擺出黎

但我自己食過就唔係好岩胃口
一pet野咁

最大驚喜係蒸蒜蓉蝦
次次一出就會比人拎晒


另外仲有片皮鴨
乳鴿

仲有叉燒同海南雞
當然就唔會有中菜廳水準
但以自助餐黎講佢真係算比較高質既


三款湯

兩中一西
乳鴿湯比較特別
但唔好飲

西式野食反而就真係唔多
牛肉同腸就廚師切既

尾段都無乜refill
應該係擺得太耐
鞋到顛撚左


咖哩飯通常都係好配角

尾段再試埋魚蛋麵檔

食物要自己拎完再交比廚師

然後得到等候牌一個
雖然話會送上黎
但其實無呢個功能要自己出去拎

去到後段一樣已經無補充
只係淨番好少料
味道一般無特別

甜品環節係豐富既

比較特別有紅豆沙
麵包布甸

蛋糕一開始都幾完整
款式都幾多選擇
而且排得整齊

味道賣相都唔錯


不過雪糕就只有haagen dazs

如果以唔錯既酒店黎講應該都會有自家製雪糕或者多幾款選擇

呢方面就弱少少

飲品只有一杯


明明第二日早餐都有果汁任飲

洗手間係門口右手面

並唔似其他自助餐咁同街客共用
不過就唔算大

同大部份lunch buffet一樣
時間都係由1200食到1430兩個半鐘
用dining credit正價548

連加一平均每人超過600
我自己就覺得好撚貴
呢個價錢仲貴過好多其他酒店折後既自助晚餐
比起半年前去the place貴足成舊水
另外我自己係比較失望既
因為以自助餐黎講名氣JW係香港都算係數一數二
但親身試過之後就覺得佢呢度真係有d過譽
首先場細
樓底又矮又焗促
檯同檯距離貼
食客亦無乜禮貌可言
成個場嘈到痴線
另一樣服務亦都唔覺特別出色
好似cafe too有姐姐派碟
grand cafe有職員調果汁呢d全部都係加分位
但jw cafe係並無任何貼心動作
食物選擇一般
都明白只係lunch buffet
但連比較出名既花膠都麻麻就差左少少
係都有某一兩樣算好食
不過就覺得同其他同級既自助餐分別唔大
真心覺得有d吹大左
即係如果位置同the lounge調轉既話我覺得應該會好好多

因為柒婆禁晚市關係
行政酒廊既時間都有調整

1430-1600係下午茶時間
黃昏雞尾酒時段改左1600-1800
而因為岩岩先食完自助餐
就無謂再上去搏鬥
諗住影下房skip左下午茶等到四五點先再落去
而因為聽可以遲check out
所以仲可以再黎多一次

今次就堅係room tour啦
就平面圖黎講

酒店正方形
只有下面一排係海景房
其他三面都係城景房
呢間海景套房就只係兩間普通海景房加埋
所以如果book兩間房黎玩根本就係一樣
仲可以加埋拎4k dining credit黎食野
係無lounge access咁解
照圖面同官方相分析
corner房就係指大少少既雙床房
而兩間corner雙床房既合體就等於香港套房
只得海景corner有香港套房
城景果邊無既
就唔知呢一層有無
望過設計係靚過普通套房好多
但就好on9無左按摩浴缸
而香港套房亦都等同於奕區既studio80
而細少少既就就係雙人床普通房
講緊兩間都只係31同36平方米既差別
連400尺都無
真心細
下個月去奕居會住既海景套房大概就係香港套房外加一間普通城景普通房咁既大細

套房客廳

門口擺左張四人圓檯
另外窗邊兩張梳化
超簡陋設計
而呢間套房
正正就係等同於上面奕居既studio70
jw既樓層更低
但係價錢更高
正常人如果有腦既根本唔可能會選擇jw萬豪
所以我而家加錢住完全係堅on9

門口右面係mini bar檯

酒店用bonaqua水
叫做同grand hyatt睇齊
仲有幾包twg茶包

下面有雪櫃同微波爐

未試過唔知部微波爐係咪真係work

電制位都係鳩流流感覺

但佢呢種歲月既酒店竟然可以係用電動窗簾

臭到仆街既冷氣機


電視櫃都係細細部

可以連接格離房型成一間雙房套房
都預留左好多位比佢開門

42吋samsung電視

但係連唔到電話播野
好撚廢

到呢個海景

真心完全唔吸引
先唔講個距離
jw最高就只得35樓
我地更加只係住到28樓
呢個海景真心雞肋



我自己覺得同城景都真係分別唔大

迎賓禮物有三件生果


睡房其實同奕居有少少似

但就少左張L形梳化
而張床

個景同廳既本身都係一樣


玻璃扮工檯

電話同一般萬豪系唔同
多左好多功能
亦有口罩同防疫用品送

早餐餐牌

如果住零房價無自助早餐呢個都算係一個選擇

仲有幾張明信片可以拎走

其實佢地酒店外貌設計都真係幾劃時代

床頭鬧鐘同好多酒店一樣

真係好多都係用呢一款
同埋雖然無插頭
但佢都叫做駁左條usb叉電線出黎

床頭燈制又回到過去去左賓館咁

床邊係洗手間同衣櫃

但個設計都幾顛
因為廁所門就已經貼住床腳
而衣櫃門直頭唔夠位打開變左做摺門

根本就無可能拎到入面果條浴衣

廁所燈制

大部份酒店可能要去到總統套房級先有jacuzzi
但呢度竟然係初級套房就有
真係成間房唯一開心位
之前都淨係去康得思試過
JW就擺左jacuzzi個開關制係門外面
叫你滿水先好開
不過呢個浴缸無電視機
燈光亦都好昏暗
夜晚係度玩左陣又唔算好舒服

套房無客廁
主洗手間都只得一個洗手盆

因為係萬豪系酒店
入住前已經可以叫定佢比多兩set沖涼野

同之前帝苑天際房係同一隻牌子
但JW呢隻算係加大版本
而且唔知係咪心理作用
味道好似都比較香

不過最on9係洗手盆最右手邊呢個聲音制

我估佢原本已經係爛
之後撞趺左佢係完全唔夠位裝番佢上去
都唔明點解可以整到咁迫
痴撚線設計
出面仲有個電制位都拉鳩爛埋

成間房都真係甩頭甩骨

馬桶無遮無掩

即係連港麗都有個馬桶門

企缸又只有一個花灑


風筒係同好多酒店一樣呢隻瑞士牌


成間房真係所有野都好簡陋
海景一般
又有UP味
電視機又連唔到電話
但叫做備品還算可以
好似件浴袍都係絲質咁
同埋有個按摩浴缸可以玩下
如果唔係呢間房真係不值一文

等個lunch落些少格
放棄左下午茶
四點半先落lounge食個黃昏小食
行政走廊同jw cafe同層都係五樓

而扒房flint同行政酒廊係共用同一間餐廳
應該係好似hotel icon天外天咁
不過天外天行政個酒廊只開放下午茶時段作為黃昏雞尾酒時間
並唔會同天外天中菜重疊
但如果無禁晚市
jw個行政酒廊好似都係會開到夜晚
我就唔係好知佢地點樣share餐廳

門口係休閒區

酒水都係呢一邊




可能miss左下午茶
又四點半先落黎
雖然唔算太多人
但就無晒窗口位
雖然只係太古廣場四樓平台景


咁我地都有張四人大檯可以坐下


入面好似仲有獨立房


自助食物範圍都係場中間
有兩款cold cut


唔岩食既綠色植物

送油小食


而熟食就只得四樣
再叫左d小朋友飲既無酒精野


我自己對JW個lounge同自助餐一樣都係失望既
唔知係因為無左晚市定疫情cut cost啦
真係無乜野食
糕點直頭係一份都無
又無湯
就只係拎呢幾碟野




話說JW好鍾意擺呢種叫做五代同堂既植物

我原本唔知點叫
都係第二日係萬豪金殿問先知
同埋原本好好好想買呢隻老虎公仔
但職員話呢隻只似總部比佢地既新年擺設
並無存貨可以公開發售
即係又買唔到

廁所雖然唔大
但比起下面自助餐靚好多

雲石洗手盆同倒立出水位都好出位

lounge既時間就去到六點完
係度仲可以拎番杯咖啡走


lounge門口可以望番落大堂

六點鐘都幾多人買外賣番黎酒店開餐

呢一層都有樓梯可以行樓落大堂

中間仲有部鋼琴應該係下午茶會有live
其中the lounge有八婆下午茶
而jw cafe就有下午荼buffet

再參觀下間酒店

七樓係泳池樓層亦都有間有啖好食大力足奏既fish bar
不過泳池全日禁開
六點後餐廳亦都唔比開

原本開到十一點仲可以游夜水
fish bar門口仲有個水池仔幾靚
可惜入唔到去

地下電梯大堂


後面係酒吧barQ88

好似一樣都唔比開

the lounge話就話同大堂都係四樓
但入口就要落幾級樓梯


JW個行李部就好多人

不過我就無係正門拎行李入黎
唔知服務係點

上面係頭先去過行政酒廊同flint

大堂桃花都係唔少人既打J對像

行李部右手面有個細入口係餅店dolce88

夜晚都少左好多餅

我覺得呢間餐廳職員最親切
職員仲主動話聽日十二點左右就係最多餅點出爐既時間

如果有多餘既dining credit都可以係度洗

JW門口其實都靚

可以真係話金玉其外敗絮其中
之前住奕居果時都見有聖誕樹
今次黎到又有桃花

第五波酒店入住疫就真係唔高


連最受歡迎既自助餐都坐唔滿
所以之後連文華東方同港麗都極罕有咁出左套房優惠
我又咁樣先有機會住晒佢
仲可以求個靚婚

dolce88有個出入口連接外面

仲有戶外位可以坐

近門口呢個位一次過睇晒上中下層

係有氣派既

搭扶手電梯落一層到三樓

係21年先新晉既米芝蓮一星中菜廳萬豪金殿

呢兩年先至新裝修
有個幾型既荷花池


今次係萬豪金殿連續第二次得到米芝蓮一星

總廚鄧家濠既故事真係好勵志

因為禁晚市無開
但酒店就出左個自取外賣優惠

另外check in果時仲比左in room dining個餐牌
二人價1388

簡單六道菜其實就岩晒零房價人仕
不過淨番就應該唔夠食自助早餐

或者四道菜西餐flint都有
價錢一樣

XO醬?


除左大堂擺左桃花

三樓萬豪金殿門口都有

扶手梯下面好似算係偏廳


而家變左等候區
見過openrice食評好似多人果時開埋會聽呢邊
開放式話坐得唔係幾舒服

三樓一樣有個商場出口位

不過應該唔想擺人係度守門口所以直頭用鎖鏈鎖住

參觀完終於上番房

係估唔到呢種級數酒店都有開床服務
但床頭就無水無杯


唔知係套房專屬定普通房都有呢


聽日天氣

笑左
高同低都唔識分

呢個海景真心遠


又唔夠高
連夜景都係普普通通
唔怪得城景套房同海景套房都只係差200蚊加一
如果住山景可能仲有仙氣

夜晚唯一活動就係個按摩浴


無得cast落電視唯有自己睇ipad
而呢度張床係特別高
要跳上床先得
不過都算係訓得舒服

總結呢間酒店房真係好好好普通
再加上浸up味
呢個價錢
如果淨係計房既
真係我呢兩年黎最唔鍾意既
沒有之一
相信將來都好難搵到一間比佢更差
唔知海景嘉福會唔會打破到呢



DAY73 完





去左hotel icon
係有d普通既
始終餐廳少
試唔到幾多
而且職員好似都係實習生
比起所有福布斯四星都冷淡
唯獨係房唔錯
有海景浴缸
club80感覺比起W既marvelous好住
仲有free minibar
不過減左賞你住個價都只可以話係一般
唔算平
但可接受
性價比起港麗高
不過不失咁啦
唔會值長期都tripadvisor頭三lor

咁就廿五年


DAY74 香港JW萬豪酒店(下) JW咖啡廳 行政酒廊 萬豪金殿

JW行政酒廊係無自助早餐既
要食早餐就要落JW cafe
雖然本身都係咁打算
自助早餐有d十點半就完
有d就去到十一點
而JW都算係後者佛心果隻
可以訓到十點施施然走落去仲有大半個鐘可以食

呢個酒櫃真係走果時先影得靚

平時太多人影唔到

成十點半先落到黎
編左坐係自助餐區附近

職員就有講仲有半個鐘左右
叫我地盡量拎多d

同君悅一樣比左個牌


呢個自助早餐就無話因為就黎完而停refill
我自己見到出面食物都仲幾完整
擺位同尋日都係大同小異
就好似cold cut綠色野同麵檔都係無變過既



無左煙三文魚
同埋麵檔今日處理麻麻
又無送又多人
有d混亂



甜品區變左麵包區

選擇應該係我見過數一數二多既
仲有菠羅包

尋日既海鮮區就變左果汁同乳酪生果

好多自助午餐或者晚餐都只有一杯野飲
但早餐就100%都會有果汁任飲

亦都多左個牛奶櫃

當然仲有落單單點

完全唔明個道理係邊度

刺身區就成個廢左


西式野黎講我覺得仲多過尋日lunch果時



片皮鴨位就變左點心區

有炸雲吞
春卷

仲有腸粉同其他粉麵飯


最後蒜蓉蝦轉左做奄列區

因為時間唔多就無問有無班尼迪強


我覺得都幾豐富既
感覺仲易滿足既尋日lunch
但呢個早餐正價都唔平

兩個人連加一都要就黎八舊水
講緊lunch都係千二
所以package無包早餐既話比真銀落黎食都幾唔建議

話就話十一點完
但好多人都食到十一點半先走
而職員都算禮貌又無話催你走既畫面出現
但其實lunch buffet十二點就開始
所以時間都幾緊湊
走果時已經見到隻片皮鴨

甜品都已經排到好靚仔

無謂阻人執野都係唔好食得太晏

因為尋日十一點幾先黎
今日可以五點check out
太多時間食完早餐就落左去太古廣場行左陣黎消化

高級三餸飯

上次聖誕節過黎
而家新年又轉左mode



呢排真係成日黎太古廣場
之後仲會去奕居同港麗
估唔到呢種級數既商場反而去得最多
連邊個廁格整到成個頭等艙都記得晒

由商場入去LG樓層既
健身室唔開

個位佈置到好似結婚場咁


行完又上番酒店坐下浸下按摩浴
今日天氣算唔錯

再睇睇下原來酒店聖書都有兩本

連埋跑步路線擺埋一齊唔知用意何在

mini bar把刀仔幾靚

好似瑞士果隻

話說尋日就無去到食下午茶
今日就落番去補數
三點鐘黎到近乎零人

同尋日差好遠
唔知同疫情有無關係
入面有兩間寫住flint果獨立個室

今日坐到梳化窗邊大檯

後面就係太古廣場平台

裝飾物

下午菜d甜點咸點都擺晒係門口果邊

入面大檯係乜都無既

就真係得幾樣選擇


可能係咁所以下午餐就無乜人掛

雪櫃都仲有d水同罐裝野飲

上面好似擺左好多獎杯


同外國報紙


其實都只係臨check out無野做過黎坐一坐
臨走前去埋尋日去唔到既fish bar望多眼


7婆禁晚市
基本上酒店所有餐廳都會無左落場時間而開到六點
fish bar係咁
之後去既萬豪金殿都係咁
星期六日午市真係無早一兩個月book都唔洗諗
不過下午茶時段基本上就一定有位
禁晚市都真係有禁晚市既好處
30小時住宿又可以食埋個early dinner先走
不過要預兩個鐘頭食野
所以四點就要check out了
帳面叫做蝕左一個鐘

check out之後再次黎到尋晚落過黎三樓既萬豪金殿
先知道原來門口係自動門

每次有人經過都會自動開門
就咁睇型就幾型
但係係入面坐落左久而久之就覺得嘈同煩
因為開閂山太過顯眼

萬豪金殿呢幾年變化都幾大
先係請左全港最年青既行政總廚鄧家濠
本身係國金軒已經係餐廳主廚既jayson
網上面有好多片講佢身世
已經唔存在既飲食男女都有搵過佢拍大廚出軌實錄
當時就整左碟鬼馬咕嚕肉比大排檔客仔試
有啖好食亦都有拍過佢地廚房
話希望係將傳統既粵菜現代化
jayson一生遇到好多名師
好似天龍軒既劉師傅
同一班前國金軒既大廚都好fd
餐廳原名就只係叫做萬豪中菜廳
係前幾年大裝之後就改名變成左而家既萬豪金殿
之前大概同其他萬豪系同級既中菜廳差唔多唔上唔落
直至jayson帶領餐廳轉型
係上一年終於成為左米芝蓮一星中菜廳
以福布斯四星以外既酒店黎計
就只得佢地同明閣逸東軒三間有呢份名譽
而今年就踏入第二年
口碑係外界一直都好好
最重要係jayson同自己差唔多年齡
望落去特別有親切感
想像下自己呢十年一直唔上唔落
但人地已經做到最高位
係有d感慨既

門口有擺米芝蓮車胎人

舊餐廳未去過
不過新餐廳格局都係似宴會廳
少少焗促
得私人房先有窗景

話天花掛住左由六千幾朵香檳色牽牛花造型組成既吊燈
檯唔多
不過估唔到呢個下午茶時間都多人
目測呢個大廳都算坐滿左
而我地差唔多係最後入黎既一檯客

四人圓檯

有檯布
檯面碗碟比想像中樸實

五代同堂

諗左好耐都諗唔到問左侍應
佢再問人先得出黎既答案

坐低有杯迎賓茶

呢個杯靚過普通茶杯好多
叫做紫洋葱蜜
甜甜酸酸幾C服
最鍾意呢種細節位
可惜之前去香宮係無左呢杯signature

紙口罩套


萬豪金殿個場似宴會廳
座位好似周圍都係人咁
的確係有d壓迫感既
不過佢地服務我自己覺得都OK
唔算特別貼心
亦未必好專業
都聽到佢地會係度講話唔夠筷子座用
不過並唔討厭
而且唔洗自己手動斟茶

自動開齊水同茶
熱水有暖座

反而龍井無

可能某d茶葉唔可以咁受熱?

就真係無見過酒店有收銀位

但呢個位就十足十咁
係差咁部收銀機

除左迎賓茶
仲有琥珀核桃

呢份幾好食
我都食左好多粒
menu要40蚊碟
不過係無收錢既


今日有個新年menu

全部見到個名都知唔岩食

tasting menu

盛惠1388
一樣唔岩食

我呢d廢柴都係食番d普通野

呢個時段係已經無左點心
不過佢都仲有最signature果兩款
好似係永遠都留係餐牌度

金魚餃

係嘉麟樓都食過一樣既款式
萬豪金殿賣相好似就靚少少

不過無燕窩無龍蝦湯
呢款就平三十蚊
但入面都足料

聽講入面係石班魚肉
好似仲會繼續改良

萬豪貴妃叉燒

始終呢度唔係頂級酒店
佢地其他小菜做唔到半份
而叉燒都係最近先見餐牌有半份可以揀
不過價錢就唔係以一半計
半碟五件
擺款就好靚
每份都厚切

有燶邊
肥瘦均勻
用同其他唔同既西班牙杜洛克紅豬
但口感就無話好好
做唔到入口即化
有d趙口
有啖好食條片話係用西式焗爐
最後上檯前先會加熱埋淨低果兩成
所以比一般餐廳更熱
我又唔係好覺
感覺同其他比都係差少少

jayson名菜金影玉玲瓏

會即場刨烏魚子
但唔會太咸

呢幾度菜賣相都好靚
而我都係見天龍軒劉師傅大讚呢度菜先特登叫
有啖好食話蝦球品種叫做豬琶蝦

下面係龍蝦汁蒸強
味道一流
係唔太夠喉

主菜叫左脆皮和牛面頰

整到有少少似吉列牛同威靈頓牛咁

一共六件
呢個份量好多
配埋沙茶醬非常野味
仲幾淋
不過一人三件係超級濟
如果可以揀四件就岩岩好

最後女朋友點名要既炒飯

用左萬豪個名
炒得唔錯
色水好好
唔似以前其他中菜廳食完都唔知食左咩既感覺
但都係果句
份量真係太多
起碼食到五六碗

兩個人完全唔知點樣可以食得晒
真係大部份酒店中菜通病

甜品有原桶豆腐花係好吸引
但太飽放棄左
最後係有送美點雙輝

桂花糕同果仁餅

中菜廳有獨立洗手間

有壁畫

用dining credit
三十蚊茶錢
正價差唔多千四蚊

然後再送酒店coupon一張
但係零房價面前猶如垃圾

然後上番去酒店櫃檯找數果時
佢竟然話dining credit突左出黎要補果幾百蚊可以做番個會員折扣
垃圾級會員最後扣左五十幾蚊

即係平均每人大約六百七落樓
叫左五個菜
呢個價位算一般
但又唔會特別貴
起碼真係飽到顛左
味道唔差
有迎賓茶合桃仲有美點雙輝
亦都有斟足茶唔會揀客做
真係樣樣做到足
jayson決心將中菜現代化
係抵佢地拎到一星既
四點頭入黎
走果時其實都已經超過左六點
上菜唔係話要等好耐
不過真係大碟所以都食足兩個鐘先走

臨走前影下酒店門口

無call車感受唔到白衫服務

以後仲會再黎多次呢棟建築

即係總共係度住左三次
外觀係靚既
不過間房真係唔得
餐廳再好都無用

DAY74 完



去左park lane
平平地又幾滿意
原本想像可能係好似marco polo果類型
比想像先進好多
同埋都大間
維園同維港景係新鮮既
不過兩段lounge都只有配給就好麻麻
同埋原來park land係無泳池既
見google map寫佢只係四星酒店
都無要求太多
兩千幾蚊住到套房同食個sunday brunch
性價比高lor
比起帝逸仲好

日日等你出文
支持