[長氣多圖][無限期] 香港staycation之旅(2)

仲有開 that's great

而家好似無開了

小弟 無打針

我上網睇好多都要打左先有得去

想問下有無邊間酒店 唔洗打針

又包埋房內晚餐推介

大約2000-4000 都得

我見都係入lounge或者餐廳先要掃針卡
普通入酒店都係掃下個鳩行就算
包房內果餐通常都鳩鳩地
我無試過
你呢個價而家大部份酒店都做到啦
呢排kkday同klook都有優惠
可以睇睇

巴打差不多要上水出post啦喎

呢排好懶
無咩動力咁
打爆隻elden ring乜都想做

DAY69 慈山寺 Homeland Kitchen Proton Pasta Zone Pasta & Friends

上次去虎豹別墅講過
香港最難預約既地方
我覺得係慈山寺
佢地個預約系統係可以預約一個月既時間
而且係每日八點更新
即係你如果想係某一日去
就要係去之前一個月果日朝八點係電腦鬥快禁制
星期六日既booking基本上係難過買iphone
因為book左成年幾都book唔到
所以我先覺得係香港最難預約既地方
但後來終於比我等到例外既日子
果日就係平安夜
呢一日因為只開放半日參拜
所以特別少人去搶
咁就係前一個月即係十一月廿四就好好彩都比我預約到

到達慈山寺既方法其實得一種
就係20T綠VAN
呢班小巴只開星期一至五
星期六日就要坐20B
但呢架20B就唔係直到門口
要係出面行十至十五分鐘先到
不過就咁上網睇睇其實20T小巴班次都好少
朝頭早只有0915同0945兩班車
唔肯定佢有無加班車就唯有預最早果一班
所以八點幾就去左大埔買飯團食


係黨鐵站穿過隧道就可以去到小巴站


九點二去到都唔係好多人

雖然係平安夜日子
但都上到頭班車
唔知之後係咪真係要等半個鐘先有第二班

大約半個鐘車程直到門口落車


門口有職員會負責掃預約qr code
之後得到一張參學證


唔知平時既人流係點樣
慈山寺今日只開始半日時間
我就覺得人算係少
係當時歌舞昇平既態度之下都算係香港清泉

至少行得好輕鬆
對比起而家復活節之後全香港都係人簡直係天堂同地獄

山門

金剛力士都有景點導覽

我就無聽到

唔係好覺園內有咩地圖指示
不過山仔黎講範圍就唔係好大
但成個感覺就完全係脫離左香港咁樣

有廢老職員就話十點三左右戲院會有片睇
所以就行左去睇片

個戲院都大
仲好舒服
就係講僧人既每一日
但其實我諗法係
呢個地方完全零歷史
只係由金錢堆砌出黎既地方
硬係覺得呢種大道理又有d嘔心

誠仔既地方最唔缺既就係錢
不過呢個地方感覺就實在太現代
同去日本見到d國寶感覺真係完全唔同
呢度係有一種銅錢既味道


戲院出面有個地藏殿

放左尊地藏菩薩
唔比影相

齋堂好似話要睇緣份不定期開放


慈山去都唔少呢d講場
唔知係咪有人會係度修經念佛


呢度望出去可以見到船灣

真正背山面海

上番中央廣場呢個彌勒殿

下面有個荷花池



穿過彌勒殿就係最入既大庭院

話青銅燈籠係參考左奈良東大寺黎設計
前面係大雄寶殿
背八仙嶺而起
而右面係普門
普門後面係觀音像

大庭院四角亦都種左四棵菩提樹

普門左手面仲有棵菩提聖樹

係由前斯里蘭卡總統親自贈予

大雄寶殿掃地僧

慈山寺記

其實即係用黎為誠仔積德

大雄寶殿入面唔比影相
不過係外面就唔禁止

後門仲有幾幅經畫

最入面係華雨臺

打卡聖地

即係香港周邊好多佛廟
但通常規模都好細
並唔似得日本周圍都係神社
咁大埔呢個慈山寺同大嶼山既寶蓮寺應該算係最值得遊客去既地方
另外仲有幾個好似志蓮淨院
黃大仙廟同車公廟呢d可能遲d都可以去影下相

普門
即係抄經地方

每日開放時間唔多

一扮就係大半個鐘
所以半日既話的確係無乜空閒可以停留
有興趣可以拎走黎罰抄



普門前面呢個圓形水池叫做洛迦池

整得好靚

普門兩邊可以供水到觀音面前



觀音像高76米
由青銅合金鑄造
wiki話係全球第二高既觀音像僅次於支那三亞
但見日本仙台都有一座一百米比佢更高既觀音像
所以都應該係第三高

右手呢粒珠我一路行就一路驚佢唔知幾時會跌落黎


慈悲道

對住既係抄經普門

普門後門

觀音像既下方
其實係博物館既入口

博物館有人流管制
要係門口排隊
每節十五分鐘
不過入到裡面就無咩要限時出番黎

博物館唔比帶袋入內
有免費locker可以鎖野

睇完電影簡介就可以入內
博物館有兩層
下面果層可以影相
樓上就有兩個位唔比影相




完全係個黑鬼手勢

真係得個睇字





二樓頭像




回程行另一邊經過藏經閣

可能有九陽真經

條走廊令我諗起第一次毒遊既吉備津神社


樓下係小巴站

一點收工
我地由九點九黎到
睇到十二點頭都係僅僅參觀完
連buddha california都無時間唱
最後落到去小巴站岩岩好十二點半
但唔夠位上車
職員話可以行幾分鐘路落去搭20B
不過帶住廢老最後都係到等半個鐘後既下一班小巴
咁樣成個行程就完架啦
呢個地方的確係好新淨
位於高地空氣都比較清新
不過始終感覺係銅臭味重
我就無咩特別鍾意呢個地方

咁想講黎得大埔
緊係要試下大埔名物既homeland kitchen
之前已經試過格離間fat belly
係估唔到呢條離開大街咁遠既地方有咁多野食

homeland kitchen曾經搵過黃到金既黃君堯拍廣告
咁佢就一樣係以手工意粉聞名
其實係我腦入面一直當到佢地同involtini同級
佢仲有間大角咀分店
不過最近都已經執左

點知入到黎平安夜lunch menu只係得番五樣野可以揀
無a la carte可以揀

真係失鳩望

餐廳有兩層
上面無去過
下層風格有d快餐店feel

仲有呢幅牆係度

都算係咁

每個餐都跟一份沙律

我自己就覺得d醋太酸

另外亦都跟一杯飲品
凍檸茶

橙汁

熱檸水

份量唔錯

漢堡有兩款
應該係有煙肉同無煙肉既分別
咁我地就要左有煙肉呢一款

賣相幾好
漢堡有肉汁
而且幾大份
另外薯條都好食

之後係卡邦尼意粉

麵條比較粗
有少少似dough kitchen果隻
都有d強味
但溫泉強呢個造法真係好好好失望
我以為應該會再正宗一d
另外火腿太大塊
唯一真係賣相唔錯

明太子pizza都只可以話係一般

無乜烤味

可能真係太過期待呢一間
所以先會更加失望
呢個平安放lunch set應該同平日差唔多價
不過因為要準備夜晚大餐所以少左好多野揀
埋單378

平均每人百二多d
lunch set的確唔平
亦都無到達預想中既水平
同involtini根本唔可以相比
只係一間比較好既cafe
不過員工幾有活力
算係有心對侍客人
可以比多次機會試下其他意粉


出番去見到fat belly個聖誕set 688蚊兩位

再行番出去大街都見到幾個大埔名物
比大丁話賣老番既業務超市

呢間鼓油西餐望落去好似唔錯

仲有呢個MM介紹過既手作氣根

咁有個停晚市既夜晚行過元朗想買外賣
見有間新開裝修唔錯既舖頭
佢地外賣全部都係手工意粉有d興趣
但佢竟然話果晚無做
唔知做乜鳩

結果我第二日就走去左食呢間proton

門口大大張梳化應該比人呼吸用

入面我見d人話叫做工業風
我識佢老鼠咩
不過位同位距離好寬
無咩壓迫感


檯面都有花裝飾


即係睇番外賣全部都好吸引

但係set lunch就得番一款意粉
同homeland kitchen果日差唔多咁

如果要搵外賣果幾款就要單點先有

跟餐咖啡半價

但佢中文寫京都
但英文寫東京都幾on9
不過都我都叫左杯

賣落就都幾靚仔既

跟餐有塊好普通既蒜蓉包


仲有碗蘑菇湯


首先上既反而係塊西冷

呢塊野比得上我公司飯堂果份狗餐
但價錢係四倍

炸雞漢堡就正正常常


份意粉就都幾單調

唯獨係d意粉係有咬口唔錯既

三個set連野飲立就三百六

過百蚊lunch係元朗區黎講其實就真係唔平
食落就更加係無咩特別
淨係得意粉食得過咁不如做好d意粉佢
服務黎講都算係唔錯
同埋坐得舒服唔會趕你走
不過lunch set無咩可以揀我就應該唔會再黎


最後經過呢間今年入左米芝蓮必比登既倆口小吃

係無論邊段時間過黎都係排隊排到顛
永遠都無可能食得到

意粉既話仲想講下呢間係火炭既pasta & friends

其實只係係工廠區一間細細地既雜貨舖仔
係意粉關注組初期就成日拎黎討論
話係火炭有個意大利佬小店整得幾好食

入面其實就係得張bar檯對住老細

仲有張圓檯
最多都係坐得幾個人
我係平日兩點幾去到
就一個客都無
要我對住個鬼佬老闆其實有少少尷尬

就真係無可能坐得到個半鐘


餐牌就好多野揀

淨係意粉都有成九款

外賣menu就比較平


老闆就整左份沙律出黎

我本身就以為每個set都有跟既
但上網睇人地又好似無既
唔知係咪老闆得閒整既呢

主菜就揀左肉醬雲吞

雲吞唔知係咪佢自家整既
不過見就有得就咁買走

塊雲吞賣相就幾工整

口感唔錯
不過肉醬味道一般
老闆話加辣好似好食d


另外有問老闆邊隻野飲品好飲

當然聽完都唔知講左乜
最後揀左呢隻厚皮檸檬汽水

其實即係lemonade
係甜少少

最後埋單
意粉加野飲正常應該要百幾蚊
但老闆就話收一舊水就得
同快餐店比當然係貴
但意大利食材
如果係出面餐廳個淨係個雲吞都起碼要百五以上
成個用餐體驗係舒服既
雖然環境比較窄
不過老闆就好nice
成日會問你好唔好食
係細佬我英文太垃圾搭唔到幾句
小店經營
唔知如果人多會點坐呢
最後問左老闆
佢話最推薦係特飛麵果款
雖然我都未食過

觀塘老母工廠區都有間手工意粉專門店pasta zone
話係意大利人開既
同事試過話好差又細碟又唔突出
我唔信邪就自己走左去試下

係駱駝漆大廈3座1樓

疫情開始轉差果期兩日黎到就得一兩檯客

夜晚好似係做私房菜
都可以望到入廚房


餐牌寫左d大廚luca既理念
不過我當日只係見到一對老夫婦在場落單同主理

手工意粉種類多




但好似話係意大利入口既
咁我唔知仲算唔算係fresh pasta

主菜有跟麵包同野飲

塊包唔好提

野飲好港味
冰多過茶

今次一樣都要係要左牛肝菌雲吞

一共有五大塊
小二有問要唔要芝士
然之後即場刨
感覺唔錯
雲吞幾飽滿

口感幾好
醬汁亦都濃郁
比想像中好食

見佢甜品仲有tiramisu所以都叫埋

呢份就一般般
有d濕

無加一
如果唔計份甜品都係七十五蚊仲有野飲

出面餐廳隨時可以賣貴一倍
算係好撚抵食
服務就無乜
不過唔係差
另外都好似pasta & friends咁有d雜貨可以買番去
呢間感覺唔錯
就好似係pasta & friends既正式版咁
不過觀塘老母實在太多人
如無必要都唔想黎呢個鬼地方



DAY69 完


下星期會去港麗
咁樣福布斯四星就只剩hotel icon未去過
五星亦都剩留置地文華同瑰麗
即係大部入酒店都試過
唔需要再係香港燒錢了

好耐無見！

更近慢左
而家已經係四個月前既野

終於等到你上水