[長氣多圖][無限期] 香港staycation之旅(2)

其實佢幾間都想食
仲有桃里
不過得平日先有點心放題

睇埋你之前嘅遊記，真充實嘅行程

一個人可以點排都得
趕又得慢又得
行錯路都可以順其自然唔洗比人鬧

我覺得兩間都食lunch抵d
天龍軒lunch先有點心
Tosca lunch先有set
我窮撚心態最好就夜晚入lounge食算

一定要揀就夜晚天龍軒日頭tosca
我成日覺得中菜夜晚唔會貴過日頭係比較抵食d
但如果無限金錢想試晒既就夜晚tosca日頭天龍軒
又可以食到點心又可以有102樓維港夜景

https://s7d2.scene7.com/is/content/ritzcarlton/RCHK_Tosca_di_Angelo_Dinner_Menu_updated_on_April_21,_2021pdf
不過我見佢lunch menu同上年比都加左價
就算係weekend lunch都好多野要加錢

我西餐真係食唔到夜晚
2k幾3k落樓

DAY45.1 金所 香港文化博物館 mimila

之前聽過話拉麵陳係大角咀有間餐廳
係豐洲市場直送吞拿魚坐零晨機抵港
過程唔經急凍
朝頭早就拎出黎開檔
所以八點就會開門
因為每日限量發售
賣晒就要等第二日
所以好多人一早未開門就會黎排隊
感覺就好似以前d人零晨去築地排隊咁

拉麵陳個IG每日都會貼左個開門前排隊個人數出黎
咁都過左幾個月
我估應該唔會好似一開始咁爆掛
所以就搵左個星期日
特登早起去食個刺身丼早餐

呢間野就叫做金所
位於大角咀
前身係賣白布烏冬
係深水步分店都可以食到
而家係屬於3.0既年代

唔講都唔覺
原來係一個交通算唔太方便既大角咀都幾多黃店
感覺有少少似之前去既大坑

今次我地九點半去到門口
完全唔洗排隊直入

諗諗下真係遲起身過黎食lunch都可能得

金所只得bar檯10個位左右

刺身丼時段係朝早八點至下午兩點

bar檯

紙檯墊
有張濕紙巾
同杯熱茶

餐廳有一位小二
同埋兩三位師傅

bar檯上面應該係單點食物
仲有d限定野佢都會擺上網講今日會有d乜

餐牌有12個set

基本上全部都係以吞拿魚做主菜
價錢由最平128到最貴328
其實以yen計既話都係四千yen左右
認真唔會貴好多

好快就切好上菜
定食每個都跟味嚐湯同蘿蔔

我揀既係3號
好似話最多人揀呢一款
價錢係第三貴
但就有齊四種吞拿魚都
佢同最貴既12號分別就只有中落同吞拿魚蓉
其實我都掙扎左好耐去揀
所以女朋友就揀左有魚蓉既12號

唔洗煩

咁我唔係專家
亦都唔係食家
只係經驗黎講
對上一次係北海道場外市場食既刺身丼d飯係暖既
之前都聽過壽司飯應該都係暖既
跟番人體手握個溫度
唔知係咪配合番港人既口味啦
呢度既飯係凍既
正唔正宗我就唔識
但就咁講
黎呢度都係為左即日空運唔經冷藏既吞拿魚
其實甜蝦帆立貝果d真係可以完全唔理
中拖同大拖都係鮮甜既
就未去人口即化既地步
但就完全得住個價位
早餐黎講就好滿足
已經成年幾無去過日本
呢一年一直都係去食粵菜法國菜同意大利菜多
反而好少食到日本菜
偶爾食番餐懷念下都好

埋單466

其實就真係唔算貴
小二都有偶爾會斟下茶
雖然唔會趕你走
不過都好快會收走檯面上既空盤
呢個早餐大約都係食左半個鐘左右
十點出番黎都見到有兩位排緊隊
keep住都有人黎等既

餐廳逢星期一休息

另外星期四都幾多休日

大角咀並唔係一個熱門地區
雖然附近都有個奧運站
但東涌線黎講對我地九龍東人轉車都有d難度
所以我都好少黎
但行行下又覺得呢個區幾多黃色小店


感覺有少少似大坑
雖然就無火龍呢d比較傳統既節目

附近利奧坊呢個商場我都真係第一次聽



而一橋之隔既奧海城就係一個好商業化既地點

之後就入左沙田
因為復活節拜完山去左新城市廣場食野
話食夠五舊水呢
就會送一百蚊餐飲卷同買一送一戲飛


mimila
果時求其search見到話呢間係新城市唯一黃店
所以帶左深藍廢老去食
後尾先知原來新城市都仲有幾間黃店既

間馬拉餐廳係商場七樓
附近仲有間美登利

復活節假期都等左成半個鐘先有位

都有黃店證明既

當日新城市比狗攻陷呢度都有收留過市民

咁其實新城市貴我都預左既
係無諗到食碗叻沙都要過百蚊姐

個價真係可以同好湯好麵相比

另外野飲仲貴

咁樣一杯奶茶賣過三十蚊

我地一人叫左一個麵或者飯
廢老既素菜撈麵同叻沙撈麵



細佬既限定叻沙雞飯

佢話好普通同埋好咸

最後係我果個海鮮叻沙

佢門口都有寫係手工製蝦湯麵
但真係味道同配菜都對唔住個價位

最後連加一要五百幾埋單

只可以話係大型商場真係食租
小二服務一般
舖頭係商場入面都算係偏細間
呢個價位同質素就應該好難再回頭
淨係可以話係支持黃店

咁都係食完諗住走先知有之前講果個優惠

得到兩張優惠卷
個優惠卷有效期得三個星期
咁我又要再黎多次沙田新城市廣場
因為火車線過唔到紅磡段
所以係奧運站要轉荃灣線轉觀塘線再轉東鐵線先去到沙田

因為岩岩先食完野
所以諗住行下先再用埋張餐飲卷

婚姻登記處

原來下面有兩隻大介指

睇黎我都離呢個日子不遠矣

大會堂上面都可以望到附近景色



今日諗住係去行下文化博物館
順便行下城門河


噴水池


瀝源橋




沿河邊一直行

最後要落隧道過

竟然仲有字未比人掃

最後就到文化博物館


入場可以寫紙仔

但原來會即場試電話
柒左
唔怪得之無人行

我記得上次黎睇係李小龍館
而家已經轉左金庸館

金庸算係我其中一位偶像
讀中五果年quit左美術呢科
往後自修堂就變左係圖書館既金庸時間
自此就成為左金庸既忠實fans


而家屋企都差唔多全套小說有齊
之前每一年仲會去書展買一個單元
係唔知去到幾時開始停左
曾經我亦因為佢想成為一個小說家
最後小說家做唔成
唯有寫下遊記影響下自己

金庸的確係一個傳奇
我諗係我既人生都未必有人會超越得到佢
另外黃易都係另一個我好鍾意既作家
不過佢既小說篇幅太長
搞到比較亂

手犒呢d真係歷史文物黎



周邊野

其實個金庸館都好細
好似果時去高岡果個叮噹博物館咁

其實我都係第二次黎


以前去旅行成日都去呢類型既博物館
其實好多都唔知睇乜
好似去聖彼得堡咁
周圍都係美術睇
睇到眼都花
深層次黎講其實係無乜得著
但叫做可以得到片刻既寧靜

二樓仲有幾個展館


之前日本有套戲叫做字裡人間




睇住李百全將香港電台既紀錄摧毀
按照番十年既進度

香港字呢樣野應該都會好快被禁

另外一個講版畫





原本博物館仲有間牧羊少年

但而家裝修緊

1995年
都成26年


出面有舊咁既石


續


其實呢個星期就生左好多事
最後我已經決家租屋住
而家開始要搞搬屋野
可能都少d野可以再繼續寫
另外應該都無乜閒錢可以再住酒店
希望呢個遊記仲可以寫到落去啦

ching嚟緊同女朋友慶祝生日 有冇邊間staycation推介？rosewood Conrad upperhouse 除外