貓糧資料庫（6）

姐係最好 2種餵哂？ 因為唔熟 琴日出左去買住d細包裝頂住檔先

我半乾濕啊返工時間就長放乾比佢地

肥美絲你好
你個表真係好有用
兩星期前執到兩隻貓仔 一個月大
情急之下買咗RC baby cat 罐罐
但睇返原來成分咁差就慢慢溝Thrive幼貓罐
其中一隻食到肚屙軟便一星期（應該都關杜蟲事，加咗益生菌都止唔到）
所以暫時轉返RC同加益生菌一星期 完成杜蟲後便便靚返

而家改溝RC+汪喵營養罐 食咗幾日兩隻暫時都靚便
但因為全家都返工所以好難keep住一日四至五餐罐罐
想問下個半月大嘅貓仔可唔可以長放wellness core幼貓糧（返工時間），然後早晚再餵汪喵罐罐？佢地應該唔識食乾糧 請問呢隻糧易唔易消化？

唔該晒

同埋一下子餵乾糧佢地會唔會容易軟便？
係唔係應該每日俾幾粒佢地試適應下？

肥美絲 消化酵素你有冇邊隻推介?

隻老貓痾左幾日爛屎 但係見佢同平時無分別 食得訓得 所以想再睇定d先 想請問肥美絲平時主子痾爛會點處理

肥美絲你好！

岩岩發現隻貓（11-12歲）二期腎衰竭，佢早幾年係食merrick罐，直到近幾個月開始無乜胃口，又成日訓教，就帶左佢去SPCA body check, 個陣話懷疑腎有少少問題，同有便秘，醫生建議轉RC fibre糧。

但爬文睇到RC成份好差，之後就轉左食Thrive 罐，再加1/3水咁餵，跟住隻貓胃口好左好多，一日食成4餐，精神都好返D. 屙屎方便就時好時差咁。

食左個幾月之後再帶佢去第二個醫生到驗血同睇返上個月驗尿報告，就話佢二期腎衰竭，CREA成2.7.... 醫生又係建議轉RC 腎臟配方糧，但我好怕佢食完會出現其他身體問題。

想問下肥美絲建唔建議繼續餵thrive，但可能每餐減返d份量再加南瓜蓉咁？因為唔知係咪佢而家成日扭食，一日食三至四餐太多蛋白質⋯⋯本來見佢轉左thrive之後精神好左，無諗過佢情況已經二期腎衰竭呢兩日餵藥佢嬲到仆街

貓貓2個幾月
貓貓便便仲係好似軟雪糕咁可以點
佢食得瞓得玩得，有睇過醫生，杜咗蟲
有keep住食醫生開嘅益生菌
醫生開咗處方糧俾貓貓hills
但大家都話處方糧唔係咁好
所以而家都係食thrive同canagan罐罐
有時食wellness幼貓糧同thrive糧
我係咪應該俾佢繼續食處方糧定點
好擔心

領養佢前貓貓已經戒咗奶同識食糧
俾返奶佢飲會唔會好啲？
定係杜蟲杜得唔好？

真係唔明點解網上有人話人食既唔比得貓食

超市新鮮既牛肉雞肉豬潤雞蛋鯇魚一定比罐頭貓糧果d肉有益吧？

想請教下巴絲 一乾(長放糧)一濕咁餵有無問題？
同埋主食罐方面 係咪可以A牌子 直接轉B牌子咁餵？
有無乾濕糧牌子建議？感謝！

有無d可靠既蛋殼粉牌子推薦

依家用緊seaweed calcium

想用完後試下蛋殼粉, 但搵過資料好似無大牌子有生產蛋殼粉

我隻貓仔轉咗糧，所以有大半包淨，唔想浪費，你有無興趣要？

有無推薦急凍糧邊隻好
睇完個表係咪㨂個d 無紅字都ok

最好係全濕糧，有主食罐，生肉揀，廚藝好啲嘅可以煮鮮食，不過要額外注意營養均衡

乾糧會引起好多病，只係並非人人有經濟能力全濕食，就盡量半乾濕咁比，唔好剩係食乾糧

幼貓太早離開媽媽無足夠奶水食，腸胃會差少少，keep住俾益生菌
佢食到乾糧可以俾啊，初初試新糧都係俾少少試下，不過如keep住食益生菌轉糧嘅影響不會太大，少少軟便正常嘅

基本上大部分牌子分別唔太大
Naturvet 較易買到，好大罐我用到而家

轉天氣好易會咁，如果精神又食到嘢咁只係普通腸胃不適

貓有軟便會比平時俾多啲益生菌分量，如果係屙到好水，可以俾多少少洋車前子粉，呢類水溶性纖維主要吸收水分包裹大便，對爛屎都有幫助

水換密啲，同留意屋企係咪乾淨清潔

長期食乾糧食咗十幾年，腎功能係咁上下了
2期未係好差，罐頭要注意磷含量，問醫生比降磷藥，即使食物磷略高都控制住，另一種降磷方法係熟蛋白，呢個比較適合溝成分唔係咁好嘅處方罐，可以俾到隻優質蛋白質

另外肉醬罐有足夠脂肪比較易飽肚，變相唔會食得太多蛋白質，thrive呢啲肉絲罐脂肪低，要食多啲先飽肚。試吓溝啲肉醬罐等貓習慣下，買前留意灰質會唔會太高，例如ziwipeak 罐好高礦物質，唔適合腎貓食，wellness divine duos係少數低磷成分唔錯嘅肉醬罐，可以試吓

如果貓目前只肯食thrive，除咗加南瓜蓉，重可以加椰子油（如貓唔抗拒隻味）一來天然又提供多啲脂肪

同埋記得每日食魚油，對腎病有幫助
B雜都係，因為係水溶性腎貓會因排尿而流失，影響食慾同導致貧血，可以買人食膠囊裝，1粒分5日灑喺面

益生菌唔係隻隻對貓有用，因為好多問題影響到，嗰隻菌夾唔夾，分量夠唔夠，係咪存放問題影響益菌活性

加上食過藥，肯定影響到腸胃好壞菌平衡，咁樣搞一搞要調理好腸胃都要一頭半個月不等

如果精神無問題，有食慾就無需擔心始終調理腸胃急唔嚟，屎太水可以加洋車前子粉。我自己經驗醫生開嘅益菌廢廢地推薦dr mercola

食物唔好轉嚟轉去，而家食緊嘅係成分好嘅肉，肉絲罐成分比肉醬更簡單，好啱腸胃唔好時食，確保到腸胃容易消化同吸收營養

無加調味料當然可以啦
我都係買入口急凍靚肉餵，可以就咁生食，佢哋食得重好過我

街市超市多數冰鮮，細菌教多，只可以煮熟先餵，不過貓同人結構唔同，自己煮鮮食代替貓糧做主食要小心營養不良問題，基本嘅鈣同內臟一定要比

貓成年？1日2餐早晚咁餵，盡量唔好放長糧，咁樣嘅飲食習慣唔好，又易滋生細菌

罐頭成分簡單直接轉就可以，買多幾款唔同口味轉，咩肉都食下

乾糧可買grade A以上，罐頭追post會見我來來去去都係嗰幾個牌子

啲人多數自己整

急凍生肉牌子隻隻都可以買，分別多數係有無用人工營養素，但係最主要睇貓口味，最好嗰隻貓未必鐘意食而且你點都要定期轉款轉牌子，唔好食死一個牌子

定期換 大概幾耐左右換一次

蛋殼點磨成粉？貓一般一日要食幾多個蛋殼磨成既粉