貓糧資料庫（6）

想問virgo & sage貓糧好嗎？我屋企有包試食裝，我隻貓好似勁中意

樓主請問可唔可以分析CANAGAN呢個牌子呀？
另外會唔會有狗糧既版本？

啱啱見到主人隻甲裂咗 中間仲有少少血
上網睇話可能缺omega 3 同6
有冇咩糧或者supplements 介紹？

推

有無邊隻紅梅素比較好，防止尿道炎為主，主子7個月了

之前做身體檢查 個醫生叫我剩餵乾糧 唔好餵主食罐 話胃頂唔順 想問大家點睇

Btw 早乾糧 午雞肉 晚主食罐 男4歲

OB 無穀雞肉好啲

吞拿魚食上癮好難戒，唔好再比

已絕育的話基本上要2罐一日
連一罐都食唔曬就好有問題，似唔鐘意食
重有無試其他牌子同肉？

肉絲主食罐選擇好少，重有weruva （唔好買魚肉，有k3）同fussie cat 金罐但碳水化合物高

碳水化合物好高，我自己唔會揀

都係照表成分睇，除左碳水化合物高之外，成分無乜大問題，但我自己好睇重碳水化合物問題，所以你見我無推薦過

因為無養狗所以無整而且唔少人對狗係肉食定雜食好有分岐，好難界定隻糧點係好，我自己覺得狗本質上係雜食但有得揀情況下偏向揀肉食，無奈狗乾糧都係以狗係雜食為主，碳水化合物好重，加上分量大，為左慳成本整體成分都偏差，比我整可能成個狗糧表都係唔建議食

罐頭會好少少但選擇唔多
生肉牌子睇貓個表都可以，成分分別唔大，只係蛋白質脂肪同植物比例唔同，普遍都比貓糧低蛋白低脂

本身食開嘅貓糧唔係低脂係唔會缺omega 6，除非脂肪低過20%，表有list到可睇睇

Omega 3比較容易缺乏，所以間中要比貓食魚油，魚油買人食即可，iHerb 有好多牌子揀，買啲一粒膠囊計epa+dha不多於300mg嘅就可以

唔該晒肥美絲
買咗剪開佢加落罐罐度？

洗唔洗再比埋益生菌佢？
雖然佢啲屎長期都係一條條

比水貓飲水重實際多尿可以沖刷膀胱，將引起發炎嘅黏廢物排走，又可避免尿過濃積聚結晶磨擦到膀胱

小紅莓中係有成分可以防止大腸桿菌黏喺膀胱引起發炎，但貓患尿道炎有好多原因，大約一半係原因不明，可能係壓力導致，大腸桿菌只係其中一種致炎細菌，即係你比貓食小紅莓只係預防尿道炎一小部分原因

而且小紅莓有草酸鹽化合物，萬一貓係長期食乾糧身體脫水，就會好易生草酸鈣結石，要做手術

咩叫胃頂唔順
我係你會即係blacklist唔再睇佢一係唔識養貓，一係想你隻貓快啲病佢有錢賺

貓天生唔係食乾糧，乾糧係為左人方便同平而發明
「我的貓」呢本書建議買嚟睇睇美國一位整全獸醫寫嘅翻譯本，有詳細講貓飲食同健康問題

係，但唔係隻隻貓鍾意，第一次食比少少，慢慢增加，保健食1星期1-2粒都夠嘅

九龍城柏x 男醫生嚟 唔記得係咪話胃定咩頂唔順 總之叫停我餵主食罐

Btw 係咪你的貓 搵唔到我的貓

比會好啲，但可以唔使日日食

男朋友屋企2個月貓食緊RC母貓+初生貓個隻
我見成份無咁好想叫佢地轉WELLNESS CORE幼貓糧
但係前排打針個醫生同佢講呢隻RC好糧嚟
天然糧係咪真係咁天然呢 又話之前出咗個無穀糧易有心臟病既報告
我google咗都係狗既案例 貓既案例好少
佢地聽完問我係咪睇錯成份 話醫生應該信得過啲

應該係

有無同wellness core差唔多價位既乾糧介紹？

肥美絲 想請教下
12歲貓貓有膀胱石，而家食緊s/d乾糧（可以溶石果隻）睇下溶唔溶到粒石
但係佢一食乾糧就嘔係一食完冇5分鐘已經嘔哂出黎
比好少（10粒左右）都已經會嘔
試過比10粒再撈水浸一陣，都係嘔

但如果撈20g罐頭+10g （好多粒）s/d乾糧，又冇事

我接佢之前佢應該都係食開乾糧，我接左佢2個月左右，就比全罐，但而家一轉返乾糧就嘔
應該繼續撈罐定係有咩方法可以令佢唔再嘔？

想問下Instinct 濕罐同addiction乾糧好唔好