貓糧資料庫（6）

Instinct同汪貓

依家肯食但我計落一隻貓食唔到60卡/kg 體重
應該慢慢由佢定點呢

大貓痾左一次少爛既屎，但睇書都講左一開始食益生菌有啲痾係正常
佢一向腸胃麻麻

脂肪酸對貓重要性僅次於蛋白質，對毛髮有益之外亦加強脂溶性維他命吸收，抵抗力好啲，而且多數用魚油

同instinct 價錢相近嘅有oven baked 無穀雞肉，thrive呢類，其他成分不俗嘅都貴到70蚊以上每磅core係平價之選
另外偶爾食下肉粉grade A糧平平地平衡荷包，咁可以比多少少買罐

慢慢嚟就得，2日肯食好大進步
鮮食方面盡量多元化，留意佢鐘意食咩肉同質地

調理腸胃就急唔嚟了，無屙到好緊要無需擔心

想問聲我有隻17歲老貓
患左腎退化，我應該比咩糧佢食好？
本身食開subzero 紅肉，再之前食三才糧
診所話食RC腎糧
但我見成份好差，想問下大家有無提意🙏🏻🙏🏻

好人一生平安

反而係加營養品果度有啲擔心
跟食譜100g雞肉 要0.71g 我果個牌子既鈣粉
我煮兩塊雞扒360g重，加0.71*3.6 = 2.5g
我用1/2茶匙 （岩岩好2.5ml容量）筆一殼半（因為粉鬆散唔似液體會用哂隻匙既空間）都唔知差幾多

牛磺酸果啲就話太多都係痾返走
鈣太多又有其他問題唔可以比多啲
係咪要買返個計到小數點後一個位既磅呢

有個白痴問題想問 HKTVMall買罐罐 見到個日期 想問係過左期嗎？Canagan

Grade A?邊度帶寫

肥美絲
你遺忘左我

唔知有無人會好似我咁癡線試食主子啲乾糧 本身上年餵開Orijen 六魚
後來轉左Thrive 雞肉＆火雞 50 50咁混著餵 但見轉糧期間 佢地都揀晒啲Thrive黎食
食剩晒Orijen
我好奇擺左兩隻牌子入口試食
發現Thrive明顯係重味啲&鹹啲
但係睇返成份表又無加過調味料
心中有啲驚長期食會增加個腎既負擔
現況：一日餵三餐
早餐Applaws加水（現準備轉埋Thrive主食罐）
午餐晚餐就餵乾糧
想問下肥美絲點睇
利伸：家中三貓 分別2歲 3歲 3歲半

我正諗住轉thrive啊
都已經訂左2包(屋企4貓)
我屋企一隻有尿道一隻有心臟病
如果係真係鹹既,我諗我要棄了
但上網睇thrive個成份好簡單咁, 冇咩調味
唯一可能係個chicken gravy...

講真17歲嘅話我會想佢開開心心
既來之則安之，心靈上照顧比較重要

腎衰竭飲食上都係補水（停乾糧，除非死都唔肯食濕糧），低磷（每百kcal不多於250mg磷）同優質蛋白質（來自新鮮肉非穀物豆薯）
如果係1-2期，著重低磷，唔好太低蛋白質（不低於35%乾物質），防止肌肉流失，可以揀低磷罐頭，腎貓谷好多人share低磷罐牌子。假如你揾到隻罐唔係低磷但貓肯食嘅，就溝半隻蛋白，唯一屬優質蛋白但極低磷

晚期嘅就真係要控制蛋白質吸收，呢個時候可以用腎濕糧代替，成分差係一定，但放便自己。否則要自行用低磷罐溝植物同增加脂肪去降低蛋白質比例

唔需要太準，鈣磷比喺1-2:1之內都係安全
今日比多左就聽日比少啲
長期喺範圍之外先會有影響

唔似係日期喎

Excel 列表第三頁乾糧無穀比較

屋企隻貓食咩都有少少爛屎
唔通要長靠益生菌？

灰質係燒完啲糧剩低嘅無機物，大部分係礦物質，食得多又唔夠水會容易生石，如果你長期只比乾糧，又無用針筒餵貓飲水，咁灰質高可能係你會考慮因素。不過事實證明就算食低灰糧只要貓身體脫水，一樣會生石，所以對我嚟講唔係要考慮嘅嘢

Thrive啲資料睇zooplus 會多啲

我買過嘅乾糧牌子唔多，覺得thrive係最香最有肉味，好似烤雞咁應該同佢加左gravy肉汁有關，而且佢極低碳水，肉多左肉味自然濃郁啲，礦物質都多啲，碳水化合物高就會無咁香

始終幾靚嘅乾糧都唔及罐頭，最理想梗係全濕食，好似你咁半濕食都好好，每日比到一餐濕食

罐頭可以多元化啲，買多幾款牌子，除左肉絲又買肉醬，唔係好易食厭

本身上身食緊forest既3個月大 貓女
想轉糧 轉overbaked如何？

腸胃正常嘅貓都要必備益生菌，因為益菌會死，如果身體差少少壞菌就好易繁殖，除非你係比天然食物比貓食，因加工貓糧唔健康，不利益菌繁殖，自然影響消化而爛屎

愛狗人士請入 幫忙起底此人渣
https://lih.kg/1514557
- 分享自 LIHKG 討論區

多謝肥美絲解答
屋企幾位主子唔肯食肉醬罐
最大果隻閹尖到雞肉 牛肉 鴨肉 鯖魚 沙甸鹿肉全部都唔肯食
獨孤一味食吞拿魚
而家轉牌子又要逐隻味買比佢品評一次

零食有無話推介咩牌子

請問除咗canagan同thrive仲有冇推薦既肉絲罐？汪喵同aatu呢啲肉泥罐佢地都唔鐘意 另外想問下一日食唔到一罐有冇問題 因為一細罐分三餐都唔係次次食得完 計翻卡路里真係完全唔夠 但又唔係瘦喎 其實係咪冇話一定要食夠幾多 佢地自己飽就得？