[用心制作]有關所有髮型專業知識等問題-歡迎討論&發問

7.頭皮/洗頭/頭髮過笠既問題(文字可能相對比較多 請勿見怪)
因為呢PART係需要靠講解







其實我唔需要理會大家用咩洗頭產品

我只需要同大家講
清潔既用品 根本唔存在滑既成份

市面上有好多什麼順滑因子又什麼

超柔順洗髮乳

其實大家會唔會忽略左 洗頭水最基本既功能係乾淨

具有清潔力既產品 絕對只會係粗糙 同 鞋身 而唔會係滑

點解咁著重要講呢個問題

係因為佢影響都幾大

首先 如果清潔力唔夠既產品會有咩影響?


1.如果你平時係有gel頭既習慣 佢根本清洗唔到你用既styling product

2.因為佢清洗唔到你既styling 既雜物
而引致不斷累積雜物 個頭好笠 gel極都gel唔起


3.引致脫髮 ,因為太多雜質殘留係度 而堵塞左個毛囊 令頭髮愈變愈幼

然後脫落

4.頭皮積聚過多 引致頭皮問題 發炎 氣味 痕 等等....


所以選擇一個岩自己既洗頭水係好重要而且 係有需要

因為會影響到好多野 而係你想象唔到 既後果

你就會以為係咪噴得唔夠 落得唔夠泥 到最後件事

愈黎愈嚴重 惡性循環...甚至頭髮吹極都唔乾之餘(除左過度受損既)

仲會係好似吹乾左 摸上手又膠膠地又濕濕地
有咩物質就好簡單咁講一講通常含有矽既成份

總之係一種令您摸上去似滑 但其實佢係一種雜質
而且會阻礎將來既chemical進行


另外講開頭皮關於 髮質都講講 因為髮質都主宰左好多野

甚至一個髮型靚唔靚都好關佢事

點解我會咁講 因為頭髮係一個好健康既情況下
假設你電鬈 絕對會比你而家任何一次電鬈更有彈力

因為頭髮入面基本無點受損過
假設你染髮 第一次既髮色 一定有光澤又滑又靚

亦都會比你而家任何一次染髮染得好
係因為你把頭髮原先個底好健康 好有活力好有彈力好有光澤

但你地因為想靚而不斷破壞佢 但從來無因為你破壞佢而會去幫佢修護
好多人話Treatment無咩效果 當然都要視乎個Treatment真係得唔得

而且好多人都話比左好貴但係又無咩效果 我唔知佢用咩product當你做
但我可以同你講 除非你由第一次做chemical開始有做開Treatment既習慣

否則佢無可能好似仙丹咁即刻救返曬 就算有 都係一陣既假象 好快無
頭髮就好似皮膚一樣 你爛面既話 有無可能一日好返曬?

就算有 果d都係遮出黎靠化妝 就等同你用咩treatment
日常護理好緊要 salon護理都緊要 視乎你有幾重要你把頭髮

若然整得唔靚 髮質又kick 你心情會唔好 而且會扯甩頭髮
更加你要用多左時間去打理佢

8髮型Q&A



造型篇(如有疑問或補充請留言)

歡迎留言提問 若對大家有幫助 都會寫返落呢度做紀錄(Q:紅) (A:黑)




Ｑ:頭髮相對比較幼 難於造型 好快塔返落黎

Ａ: 於濕頭時 (盡量擦乾)噴少少鹽水(<髮型產品 唔係鹽加水) 然後吹乾

鹽水會令頭髮變得較粗糙 就好似做左個地基咁 令頭髮較容易鬆起

第二點就係 靠吹頭(可去參考目錄2) 第三就係靠電 電都可以有分

只電髮根帶鬆 髮尾依然係直 或者係鬈 如果好似女士咁長 而又想個頂鬆

其實好多人都話可以用鬈做到個鬆度 其實就算將個層次剪到好多 好短 或者

刻意斷層做一個蓬鬆度 如果有一定既長度 其實都要靠吹頭 或者 另類既選擇係

做電髮根 係面頭果浸區域唔電 用黎掩蓋 電髮根既地方 又做到鬆 又唔會露左出黎咁核凸

不過 電髮根 之後處理上相對麻煩 要留意





Ｑ:想GEL個WET LOOK 頭 但成日搽完都好濕 濕得劑 做唔到濕濕硬硬既效果

Ａ:當然要簡得岩產品 或者 有第2個方法可以試試 而且我都幾常用

好快咁搽勻D WETLOOK 既係頭髮到 然後 整好左個型 配以風罩 用慢既熱風

烘乾D WETLOOK 造型更有效果 更持久 而且有不同既感覺

順帶一提 風罩既作用係令風力唔好過於集中 而且 會令風力減少

減低對造型上既影響 但有部份都係需要用上風罩 例如鬈髮



Ｑ:經常使用高溫造型工具 令到髮貿好受損 有無方法減到受損最少?

Ａ:市面上好多 FOR 造型用既抗熱護理 每隻牌子都有佢特定既用法

但一般我會係濕既時侯噴少少 然後吹乾後 再用極少 既 搽係髮尾度

因為如果乾用 然後再去夾 夾完個效果會變得非常唔自然





Ｑ:頭髮太直 都算比較硬 可以點樣搞到比較容易造型或頭髮可以林少少?

Ａ:可以經過Chemical改善頭髮過粗 或太直既問題 因為太直 層次線條唔夠柔和

望落其實唔會太好睇 同埋太直太硬頭髮都唔會受你控制 所以要用少少Chemical

處理下d頭髮 等佢無咁頑強 就會相對容易造型 或者自行夾鬈/彎少少






Ｑ:電完鬈無耐 其實我平時唔想多吹頭 有無話自然乾好 定吹頭好

Ａ:各有各說法 兩種效果唔同 如果吹頭方法正確(有使用風罩) 吹完

可能會有少少散 不過 相對會比較鬆 同埋頭髮望落去比較大把 比較多

而自然乾黎講 一定會無咁鬆架啦 但如果唔識吹黎講 我覺得 自然乾個鬈紋出黎

點都唔會太差既 如果電得好 我自己比較鍾意 唔用任何風咀/風罩 教慢風(熱)

慢慢係近頭皮既地方打圈 剩係吹乾個髮根 然後 由得d尾 自然乾

Ｑ:想整好似鬼妹 撥曬埋一邊果類既陰同髮型 有無咩方法?

Ａ:其實有個小技巧 不過條件係一家要個陰有一定長度先

如果你分開左邊界 可以嘗試係濕頭髮既時間 反方向吹下 再又好似平時咁吹

又再反方向吹下 然後頭髮撥曬去反方向果邊 就會做到 (只岩相對比較幼既頭髮)

粗頭髮做唔到 如果粗 同上一樣 可以靠Chemical改變質地







Ｑ:點解成日見到明星D髮型 又可以好淺色 而又D鬈紋咁實淨?

Ａ:理論上 如果整到好特別既髮色(有機會要漂既) 暫時都無咩可能

可以漂完 再電到一個實淨而又有力既電髮 就算用幾好個product 呢個都係一個定理

因為漂完之後 頭髮大致上都會無咩力 而且髮質都唔岩再去電 就算電完都唔會有力

通常都係靠自己用熱既工具造型 而且始終都係明星 假假地都有個造型師跟住既

不過有用開熱造型工具既 其實 吹乾後 就算幾散既頭髮 遇到熱 都會有收攏同埋D毛毛散既都會暫時消失

但 當你洗頭之後 一樣會變返之前咁






Ｑ:唔想點GEL/整頭 但又想個髮型比較好睇?(都算多人問)

Ａ：無咩可能 要靚唔好懶 男男女女都係 就算懶 你都可以搞下色搞下鬈

令到個頭唔好 平平淡淡





Ｑ:如果挑選岩自己既髮型產品

Ａ:基本上好睇實際情況 當然都係問下你熟或你剪開既髮型師 不過都有一個基本準則既

你想要既造型係咩類型 +係係一個咩髮質底 =你需要挑選既產品

例如 我想GEL 個 ALLBACK既髮型 (唔要WET既) 但我髮質偏軟

可能選用返較硬既髮泥 而且係吹頭上落少少苦功 就可以

要清楚 泥係塑型 唔係定型 定型係靠Spray 所以 泥係根據髮質同造型去簡

唔係根據 佢定唔定到型 或者hold唔hold到 好多時 好多人都簡 有咁硬得咁硬

其實 都要睇返你想要咩造型 你要分析下 或者尋求你信既專業人士幫你簡

日常問題





Ｑ:頭髮經常 開叉 又散 點樣先可以解決到？

Ａ:首要一個問題 你要首先知道 自己開叉既地方在於咩位置 有無Chemical過

平時好多客人都誤以為 頭頂散 有毛毛 有頭髮飛起 可以靠Treatment改善到呢個情況

其實唔係因為受損性Chemical既破壞(電或染) Treatment實際可以幫到你既效用唔算太大

咁如果又唔係因為Chemical既原因 又散又開叉 可以點做?

咁呢方面就需要靠 藥水或膏狀藥水 因為 接觸藥水會令頭髮既形狀有所改變

有時侯如果 散 開叉 既地方 係處於唔常Chemical既位置 通常都係因為天生或者本身既髮質底 係呢類型

所以用含強鹼性既part1(藥水) 已經可以簡單改善問題 當然 part1 過後可以做好多野

咁呢方面就要等你同髮型師有進一步既溝通 或者係未做之前 已經溝通好定 或髮型師幫你安排(<我建議)


如果單單係因為Chemical而令頭髮出現呢類問題 可以選擇一種合適既Treatment 修復頭髮



但保持一個良好既髮質 係for日後做任何chemical 令個效果變得更佳既最好方法 除左操作 都好講本身頭髮係咩底質

如果佢本身係kick 甚至已經連梳都有困難 就算我自己既客人好想電好想整 我都會堅持拒絕 因為咁既髮質 整完都唔會靚

所以係個問題未係好嚴重既時侯 希望各位好好愛惜自己既秀髮








Ｑ:頭髮唔夠一個月就走樣 咁可以點？

Ａ:看似簡單既問題 其實好多人都會問 咁首先講女仔先 好多時 剪完短陰 已經好快就話 吉眼

咁就要睇你個髮型師 如果我自己 通常都免費幫返個客人剪返個 前陰既部分 反正都係修少少 好過佢地自己剪

其實好多髮型師都樂意 所以可以問下

而男仔既青位 其實 男士髮型 兩三個星期其實都己經開始走樣 因為你開頭剪得短

好多人話 剪得無咁短 咪唔咪好覺得 出得好明顯 走曬樣 其實咁樣有少少斬腳趾避沙蟲

而且咁樣 莫非成世都唔剪得短? 所以 男士係辛苦少少剪得密D 再唔係 其實去速剪 剩係叫佢剪個青 上面長既全部唔好郁

因為速剪果D 唔太多有受過正式髮廊既培訓 相對地係無咁專業 但總好過自己剪完一岩一忽既 或者去左比較有主見既髮型屋

順手幫你剪埋個頂 (我諗好多人都有經驗)



Ｑ:吹頭應否吹到全乾？

Ａ:通常都係吹到7-8成乾已經好足夠 如果必要吹乾 可以係吹之前 將頭髮擦到最乾 然後搽返D 抗熱免沖既Treatment 再吹頭

邊度乾唔乾都唔緊要 最緊要係訓教前 個頭皮確保係乾既 唔係將來可能會有頭風 而對於髮質黎講 唔好太over dry 已經ok了 最好就有搽野

Ｑ:各種頭皮問題(油,瘡.頭皮屑)

Ａ:其實有好多SALON都有 專機 係FOR 頭皮用既檢查機 都可以問問自己既髮型師 同埋 留意下自己呢排有無轉洗頭水

或者本身個人對 枕頭套 清潔得好唔好? 好多成因都係講衛生問題 並唔係你個人唔乾淨 只係有好多細小既部分 你無察覺 而變成大問題

頭皮與面部皮膚 好多地方都相類近 所以如果 係有問題之前 最好 探討下自己本身 幾個問題 當然都呢類問題都係視乎實際情況

但未必個個都肯開口問 或者你自己可以嘗試以下呢幾種方法

洗頭既水溫唔好過熱

剪指甲

多換枕頭套

沖完身先洗頭 洗完頭 盡快擦乾 然後 慢風 唔太熱 輕微吹乾頭皮至8成乾

唔好成日洗頭

同埋轉用 專業既洗護產品 (請留意係專業 最好問返相熟既髮型師 畢竟你係佢客人 我相信佢都想你好既)


當然 一切一切都係視乎實際情況 最好最簡單 係直接問一位你認為專業既髮型師




Ｑ:用完造型產品後 感覺仲係洗完之後好似洗得唔夠乾淨

Ａ:可能你用既產品唔屬於水溶性 或者係 你洗頭既產品 鹼性唔夠 清潔力偏低

或者係你用造型產品果陣 落得太多

同埋有一個提示 如果鍾意GEL 好硬既WETLOOK 或者用好多SPRAY既

多Spray 最好減量 因為Spray始終係一個壓縮既氣體 係含有酒精 所以對頭髮係有造成破壞

同埋如果用太多 spray/過硬既wetlook 係洗頭 濕完水 落洗頭水之前 最好輕輕過一過護髮素再洗

以免因為過度既力 扯甩或扯斷頭髮 造成不必要既損害



Ｑ＆Ａ既部分 歡迎提供或討論

9.如何自行檢查有關頭皮/頭髮既問題?

[black]

由於過往或前面都係字數比較多 未必個個喜歡睇曬
有見及此 所以以圖代字 還望大家習慣一下呢個新既方法[/black][bouncern]

首先你要有一個 可放大60倍-100倍既鏡頭 然後夾於手機既鏡頭前

[black](因為我自己測試過 用過 係一樣都影到同圖中類近既相片)[/black]



然後對準自己既頭皮或頭髮 然後係足夠光猛既地方影

當然都要睇返你用咩手機啦 我自己用I6 都ok既


然後對照返圖片 起碼大約自己都知道自己屬於咩類形





[black]頭髮篇[/black]








頭皮篇







當檢查好自己屬於邊類既時侯 再去選購返自己所需要既洗護產品

歡迎拍照然後send比我再問

10.漂頭上色知識需知或注意事項

首先輕輕簡介下 漂頭既原理 同一般既知識 然後都會介紹返 有咩漂頭既野好用

(不過唔係建議大家自己去搞 始終有d野都係交返比髮型師去搞去處理係最好

而且係大家 自己 整完之後 其實好多時要再執返手尾 又要做到靚既效果 係有困難

所以只係希望大家整頭之前都清楚返有d細節或知道自己搞緊d咩 並唔係想大家自己走去漂)


前段佔既文字會比較多 請耐心閱讀


1.漂頭理論與知識(主要講如何上色 同埋 時興既冷色tone[藍 綠 灰 啞]係點做到)

2.漂頭與一般做色既最大分別

3.個人認為漂頭較佳既用品(暫時係最好Olaplex. paimore 漂粉 有圖)

4.漂頭後可做到既顏色 (如果大家想睇可以直接拉到去下面先既)









1.漂頭理論與知識




搞得漂頭 要清楚三件事

1.漂頭其實唔一定係傷 如果你有用好既product係可以做到好好保護你既髮質 [下面有再講有關product]

2.
佢係一定會甩色 如有用colour save既洗頭水果類 可減低甩色既速度 而且漂頭其實係會建議keep住要補色
[而如果你本身選擇既colour 係一出黎已經係好淺 或者係好粉色既 會甩得更加快]
[你可以選擇 染得深 然後得佢fate out到返果隻色 當然要睇你選擇既係咩既目標色]

3.之前做過既咩色 係會好影響 下一次你要出既顏色既呈現度




要清楚 大家而家天生既黑色頭髮 唔係一隻顏色 而係三原色 60%黃 30%紅 10%藍

而家好多人都好鍾意果d ash matt 灰藍啞 果類顏色 係亞洲髮質上

如果唔漂係相對比較難呈現



1.本身冷色tone既 都會比較沉色 唔易見到

2.本身亞洲髮質底 係帶黃多 而藍只係佔小數 因為暖色tone既colour 會覆蓋左 冷色

(因為本身暖色比較鮮 所以 本身頭髮入面已經係藍色素係少 如果你要令到 冷色tone係頭髮上呈現得好
唯有將原本頭髮入面有既 黃 同 紅 既比例減少 從而令 冷色更呈現到出黎)


所以如果你係想選擇果d 啞 藍 灰 果類色tone 就需要漂

有一個特別既case 就係 如果天生係好幼既頭髮 係可以唔洗漂 直接上到啞色系

但係一定就唔會做到藍 灰 如果只係帶綠 帶啞 係可以既



漂頭最大既用處 係令你頭髮入面既色素 抽出 盡量令頭髮入面既顏色粒子減少

然後等你再放一隻新既顏色入條頭髮度

[由於個底(已經夠曬淺 顏色粒子又唔多] 你再上色擺d鮮艷既colour tone / 較special 既tone 都會出好多

而你有需要決定係 你選擇既顏色 需要個髮色底有幾清(即係漂到咩lv 咩程度) 再上色先會最好同埋最出既效果

個頭卷髮，軟易塌，日日gel 同噴spray,換咗洗頭水後覺得洗唔乾淨，可唔可以推介下有無邊隻啱用

留名
樓主 好有心
其實 我覺得剪個頭 成差唔多兩舊水 都幾舊 無計 小弟在職貧窮 仲要頭髮又長得快
不過平日番工都懶得理 最少呢份工 我唔會理住
正題 有無咩髮型係比較易gel 唔需要花太多時間？
朝早起身 個頭會亂到打風咁
幫我剪頭毛既髮型師過 我啲頭髮都幾硬同挺 雖然我唔同意 因為唔識gel
朝早起身 無咩時間 趕住出門口
面型 小小瓜子 尖尖地 矮撚 小肥

Btw 支持樓主

呢類hawk邊隻泥好用？

方面想留呢種髮型 有邊度要調整修改?

我d頭髮卷到好似黑人個隻 鐵線咁樣
依家每個半月拉直一次 好難打理
我唔係好鍾意依家個髮型
有冇髮型推介 定要去剪一次貴頭
等髮理師分柝

巴打你用d product同我公司果d差唔多

我想整quiff呢種頭髮用邊隻泥好？定要用其他產品
本身用緊quicksand

個頭卷髮，軟易塌，日日gel 同噴spray,換咗洗頭水後覺得洗唔乾淨，可唔可以推介下有無邊隻啱用

要睇你本身多唔多油出

如果一般用緊 係 超市所買到既

轉返用專業髮品會好d 洗頭水好夾人 要試先知

單憑文字又好難好準 但你可以試下wella sp balance 先 由最基本 洗得乾淨開始 至有特別功能既

巴打都過左黎

留名
樓主 好有心
其實 我覺得剪個頭 成差唔多兩舊水 都幾貴 無計 小弟在職貧窮 仲要頭髮又長得快
不過平日番工都懶得理 最少呢份工 我唔會理住
正題 有無咩髮型係比較易gel 唔需要花太多時間？
朝早起身 個頭會亂到打風咁
幫我剪頭毛既髮型師過 我啲頭髮都幾硬同挺 雖然我唔同意 因為唔識gel
朝早起身 無咩時間 趕住出門口
面型 小小瓜子 尖尖地 矮撚 小肥

Btw 支持樓主

如果小瓜 尖尖地 唔識gel

剪d相對較短 較多層次既會易處理好多

頭髮硬方面 如果太彈 太直 太槓 可建議 電小小拋物線/ 染左佢 接觸過chemical /有電有染過 基本上你唔太識造型 都會比目前好既

呢類hawk邊隻泥好用？

我用返 post入面果隻黑盒方泥gel 的

方面想留呢種髮型 有邊度要調整修改?

兩側垂落果點太重 要多少少layer 同輕身小小兩邊 同埋鬆多少少

如果方面

我d頭髮卷到好似黑人個隻 鐵線咁樣
依家每個半月拉直一次 好難打理
我唔係好鍾意依家個髮型
有冇髮型推介 定要去剪一次貴頭
等髮理師分柝

貴同平 最主要係果位識唔識剪 或有無心剪架啫


只係較貴既地方 發生大錯誤 既機率少

如其 格硬要鬈變直 （而且我又唔覺得夾過既頭髮好睇）

咁不如睇個天生鬈可做d咩 如果鬈底 盡量唔好比佢黑色會好d

黑色（厚） 再加鬈底 就好難搞

而且好多 架仔髮型 都鬈 但有色或有其他配襯 可多循呢個方向去睇睇

巴打你用d product同我公司果d差唔多

產品既好死既啫 平時又無特定跟公司用

好用 自己比錢買都無咩所謂⋯⋯

最重要佢做到你想要既效果 同我自己鐘唔鐘意啫

我想整quiff呢種頭髮用邊隻泥好？定要用其他產品
本身用緊quicksand

有乾有濕 想做咩效果先

同埋髮質係？ 因為有某部分要打底再吹先做到個厚感

巴打都過左黎

兩邊都有上 下既 習慣左啫 不過 呢個apps當然好用好多啦 之前無網版啫