生酮/低碳飲食 減肥增肌養生

多謝 🙇🏻‍♀️🙇🏻‍♀️

好多營養

有fd好難得

題外話 巴打你兩粒lin好兇

無味同埋易入口 都幾快入到keto

覺得有同路人好開心haha

開始左兩星期 lm

留名學野

真係好難得，我公司有同事既另一半都生酮減左30磅
所以佢地平時食零食都知我唔食得唔會引我
連果d”食少少唔怕既“都唔會講

整合返大家既資料 方便大家睇

生酮既資訊香港唔算好廣泛，我只係唔想咁多人再誤解呢樣野，呢樣飲食係香港仲係好新，甚至無人聽過，亦有人亂睇報導就放大左。
好似支持耶撚 或 反對耶撚一樣，兩邊都有唔同既支持者，但我希望你地真係深入了解過，有試過再睇下自己身體反應再下判斷
我由始自終都無鼓勵人生酮，我亦都唔會長期生酮，我講過八月就會轉飲食，要人徹底改變慣有既飲食習慣，當然身體會有唔適應，要一個人接觸一樣新事物改變舊有既觀念並唔易，唔好盲目跟風，可以由低碳飲食開始

我生酮只係實驗下2-3個月自己身體會有咩變化

如果你真係想執行生酮既話，唔該你做好功課有系統有計劃咁先好去試，一開始並唔好憑感覺去試，否則只會有反效果你可以down 返 app “myfitnesspal”先，計一計你大約既TDEE，設定好你每一樣既營養比例去執行，每一餐都習慣入好哂data先煮黎食，會比較容易預計到你一天所需既熱量

有興趣了解既可以參考下呢個台灣營養師youtuber既文章
[url]https://www.peeta.tw/ketogenic/what-is-ketogenic-diet/
[/url]
如果你目標係健身想練大隻既，我唔建議彩用呢重飲食
因為我試過真係無乜效，但至少肌肉量，無正常飲食cutting咁易流失肌肉

F&Q

1.食咁多脂肪，會唔會無屎屙？
我可以同你講，大部份人本身便秘既人，都有返廁所去
食咁多脂肪，加上適量菜其實係有助排便，便便D色仲好健康

2.食咁多脂肪係咪會瘦？
其實原本生酮飲食係用作研究醫病，癲癇 心臟病 糖尿 皮膚病 癌症等
減重只係一個額外既BONUS，除非你生酮都可以暴食，每日都可以食多過TDEE好多。不過我相信好難，因為食咁多脂肪，其實係好飽，脂肪消化需要D時間，同埋你唔食碳水，你血糖長期都係個穩定既水平，你絕對唔會好快就餓，食唔到咁多野

3.食咁多脂肪會唔會唔健康 膽固醇偏高？
問呢條問題既人 明明自己餐餐出街食，KFC M記 茶記
但係又唔覺得自己唔健康，我地生酮係食健康係脂肪
全部都係原形食物

有好多案例一個肥胖既人Body check完，驗血報告正常返
內臟脂肪減左唔少，有本身食緊心臟病膽膽固醇藥都減曬
將生酮前後對比
如果你係一個正常人 生酮後 膽固醇 有可能總數會高左，
你要知道份報告顯示既膽固醇總數，你要再細分去睇
有好既膽固醇（HDL） 同 壞既膽固醇（LDL）

生酮飲食正常係會減少低密度膽固醇（LDL）通常會維持不變或降低，高密度膽固醇（HDL）會高左
另外三酸甘油脂（triglyceride)都會明顯下降

我自己同其他巴絲反映
-比之前精神左好多 氣色好左
-皮膚病改善左 皮膚滑左 唔會再出油 濕疹都好返 黑眼圈細左
-減少炎症 暗瘡 甚至尿道炎
-自體免疫疾病
-過敏
-穩定血糖 胰島素
-Heart Rate BP 正常返
-胃酸倒流無左
-甩少左D頭髮
-鼻敏感改善左
-減重

3.可以食D咩？
蛋 內臟 三文魚 海鮮 煙肉
五花肉，基本上所有原形肉類都食得
你地仲食菜嘅可以食西蘭花椰菜花菠菜通菜青椒個啲都得
根莖類嘅菜就最好唔好
豆都唔得，包括豆製唔同魚蛋個啲
最緊要飲多啲水一日3-4L
因為無食碳水之後會去水去得好快
仲有要食多啲鹽補充
甜品個啲唔洗講全部唔食得

雖然有好多野唔食得，但都有好多野都食得，絕對無你想像中咁少野食，做人無哂好趣，只係戒左糖同碳水
我地有POST過野食相，自己參考下

4.有無得飲甜野 汽水之類？
可樂 7up 落左糖既都唔飲得
真係想飲既過話，可以買梳打水 自己溝野飲
我試過加CREAM飲好似玉泉忌廉
另外生酮可以落赤藻糖 羅漢果糖，IHERB買
我會用黎整蛋糕 整雪糕 沖朱古力飲

5.唔食飯會唔會餓？
食蛋白質 同健康既脂肪
好有飽足感 基本上唔會餓

6.再正常飲食返 會唔會反彈得好快？
體重我覺唔係好重要，同樣既重量你既能態可以好唔同
你可以用體脂%作標準，減肥唔好只睇KG
如果你做運動，你係有可能同時間增加左肌肉
同埋同時間減左脂肪，所以你既體重 有可能唔會有咩變化
因為我地減左碳水，如果正常肉食返
碳水係會幫我地儲水，一食返野正常都重返
視覺上唔會有太大改變
所有野都要循例漸進，無得急
急只會有反效果，只要有系統控制得好 絕對唔會反彈 變返肥仔

7.做gym會唔會無力？
我問題不大，可能我由低碳慢慢開始轉甜酮
做所有都要循例漸進，一下子減哂碳水，一定會有唔適應
用引體例子我生酮前做到12下，而家做到14下
可能個人輕左掛，但力量絕對無人地講跌一半咁誇張

8.可唔可以飲protein shake？
一開始生酮飲食蛋白質有比例要求15-20%
如果你正確執行飲食有食肉，基本上都夠protein
唔需要再飲，另外你睇下後面營養標籤，基本上有SUGAR都唔飲得

9.人地話會有口臭體臭係咪真？
口臭 有味 原因係飲唔夠水
我試過飲唔夠水，做GYM 去廁所 的確係有怪味
我而家一日飲3-4L

10.洗唔洗飲防彈？
防彈 唔係必需，只係一種攝取 補油既一種方法

sor 無剃毛

自然療法一樣

其實好多人bulking係做Keto
鍾意咪繼續單打我，鍾意咪繼續唔信話無可能我無咩所謂🤷🏻‍♀️
你以為我無理據所以唔出聲？
唔係囉，係既然呢到成版嘅人都insist carb is necessary for bulking，咁咪繼續俾你地咁認為，同你地講黎無咩意思
有啲問題係要自己遇到過先會知道自己一路做緊個套原來係有問題

呢到好多都係巴打
男仔嘅荷爾蒙問題無女仔咁複雜
梗係講得好簡單好輕鬆啦

本身樣嘢係壞，妖唔妖魔化佢佢都係壞
食煙啲人都會話其他人妖魔化左啲煙
咁你地鍾意繼續話煙好咪好囉，又唔係我食🤷🏻‍♀️

其實個post一路睇一路都見到啲人有好多錯誤嘅理解
不過我呢啲咩都唔識，人地講咩就信咩嘅無知婦孺，都係慢慢睇下書，睇多啲其他醫生講嘅嘢增長下自己嘅知識好過啦～

lm
低碳緊

整體唔算肥, 淨係有個肚腩,
成日坐, 零運動

想問吓用邊種飲食方法最有效減腩?

拎樓主個耶撚論
我無意亦都無咁嘅心神要去叫人做low carb

做左low carb兩年嘅人係到
由每一餐每一樣嘢都磅，日日帶埋個磅出街
到宜家真正知道low carb應該點做
有人有興趣，有問題想問，我好樂意去幫手解答

但對住啲對呢種lifestyle 一知半解亦都唔打算去真正了解嘅人
我無打算去晒時間

無一種運動，可以減某一個部位
基因決定左你瘦邊先，做運動可以令你減脂後令線條出D 望試去體態會好D
你可以試下低碳飲食～加做運動制造熱量赤字
持支以恆 自然就瘦
https://www.google.com/amp/s/theminikitchenblog.wordpress.com/2017/08/02/tdee-caloric-needs/amp/

https://mf.techbang.com/posts/753-basal-metabolic-rate?page=2

想問吓咁食水果/飲鮮果汁係咪大忌？

除此之外，有無覺得很個人好攰，成日食完飯之後好想食甜嘢，或者無啦啦好想飲甜嘢？

唔係生酮的話，其實唔戒呢d
低碳飲食唔需要戒

又冇啵, 平時返工都夠精神㗎

除咗午餐同晚餐呢兩餐
其他時間都極少會飲嘢/食嘢, 最多沖吓茶飲
但就真係餐餐喺街食, 同埋會食到好飽

Thank you 樓主
咁我試吓減食澱粉嗰啲先

唔會snacking 就非常好
係咁食少啲澱粉啦
生果真係食就最好成個食唔好飲果汁啦