我都發表一下意見
我自己係低碳飲食
點解唔簡生酮飲食?
個人認為,生酮未必適合未一個人
先唔講有班人生酮生到走火入魔,痴撚線
首先,生酮係餐單,都市人係真係要花時間去搞
香港地d人都有咁多時間呀?日日帶飯番工咩?
第二,生酮既餐單,如果自己煮,或出外食,都偏貴於正常餐單,而較易購買到既食材都唔多,你會好易食番同一樣野,我覺得悶
第三,你既人生少左好多樂趣,食個蘋果又話唔得,食啖飯又話唔得,你既人生為咩?你可能會反駁話食一個半個都得,做多d運動或斷食,甘辛苦為咩呢?
第四,你基本上唔會同朋友出到去食飯,一陣你話呢樣唔得,果樣唔得,又話我唔食,睇佢地食,你慢慢會冇fd
或者你餐餐食放題,要人地就晒你,又或者你只同d生酮既人做fd
第五,如果你想練大隻,你會比人慢超多,你根本唔夠力,你唔夠力又點會操得到大?
第六,你份職業適唔適合?你如果係文職,食得定時,冇體力勞力,你可以試下,但如果你係需要體力勞動,不了
最後,我覺得簡低碳飲食最岩我,先決係你要有運動習慣,一黎我係體力勞動既工作,二黎我偏好運動,三黎我唔想甘晒時間去飲食到,而家得閒食多d又得,食多兩條蕉又得,點都得,都係自主決定,例子:我去做gym前食條蕉都好呀,補番體力去操