我二月開始接觸健身,但報左gym自己去做,可能姿勢唔正確搞到d關節痛,我就係出面私人fitness搵左PT教,上左其實唔係好耐上左15堂,學左d基本動作可以自己玩,加上自學對飲食營養有少少認識。
三月中左右完哂15堂 飲食加運動 幫我減左3%體脂左右,完哂堂之後我一路自己去gym自己玩,玩到五月尾左右前後減左6%體脂。
之後比左個生酮左段時間既朋友導左我去試,其實我主要原因唔係因為係減肥先轉飲食,我知道生酮對增肌無乜幫助。我二月未接觸健身前我爛面,嚴重到要睇皮膚科醫生食藥,正常飲食後無之前咁嚴重好返好多,同埋我成日覺得訓極都唔夠,朝早成日賴床唔去GYM精神好差。
雖然生酮左唔係好耐,我發覺皮膚好左好多無再生暗瘡,之前好易出油,而家天氣咁熱都唔會出油。
精神好左好多,氣色都好左,朋友都話黑眼圈都細左,而家就算訓得好少都唔會再賴床。
頭髮自從澳洲返黎後,洗頭成日甩頭髮,近排洗頭無甩咁多,仲密返d。
鼻敏感仲好左,我嘆完冷氣或沖完涼成日打黑痴同流鼻水,成日卒鼻,無發現中而家唔會再猛打黑痴同流鼻水。
另外Bonus減體脂係好快,仲唔會流失肌肉量
唔希望大家用生酮飲食用作減肥,減重只係bonus,原本生酮飲食係用作研究醫病,癲癇 心臟病 糖尿等,之前極地生活既人原本靠打獵以高脂肪既方式作飲食,果個年代同條件唔許可佢地好少接觸碳水,唔似我地有米有麵包作主要食糧,佢地其實比我地少好多都市病。
網上對生酮有好多不同既意見,大家可以自行google或者買書了解下再衡量下,每件事都有好有壞,我都唔會長期使用呢種方法,我覺得我太瘦,瘦到唔想再瘦落去,肌肉量唔夠,所以我八月就會轉返正常飲食增肌。試一樣野我唔想咁快就轉,我想經自己身體去測試,並唔係聽人地口中所講咁,好定唔好自己最清楚,當八月生酮完我會去做個body check睇下點。
畢竟要你突然間將十幾廿年身體一直將碳水轉為能量 改變為 脂肪轉作能量,身體一開始一定會唔適應,如果你只用作減肥既話,我唔建議你試,因為執行上好難,你又要將碳減到好低,又要食夠脂肪,唔識既話只會有反效果,外食既話更加難,除時食左中伏野都唔知,所以我會帶埋部血糖血酮機出街,食完吉手指睇下自已有無破到酮,除非你決心夠否則都唔好試。
想減肥除左生酮,正常飲食或低碳飲食其實都可以,只要你keep住製造到熱量赤字就慢慢自然瘦到,唔需要咁極端走去試生酮
生酮飲食係香港應該屬於小眾無乜人識,亦好多人對生酮有誤解,身邊有朋友成日問同一堆問題:你食咁多肥膩野會唔會爆血管?會唔會肥架?有無屎屙架?之類既問題。
最後係呢到想搵班有生酮或低碳開既朋友一齊交流下