做美容行業做左十年 你問我答

巴打你間美容院係邊度架？

Tg問啦 phenexlol

一時嗌我巴打一時嗌我絲打 我都質疑自己了

無tg
巴打sorry

多謝解答
我一直都唔知做唔做好
既然你咁講我決定唔做
自己俾心機畫眼線就算

前排返工 面好左好多暗瘡印 但我之前皮膚一直好好

壓力大 飲食習慣唔同 工作環境都會影響皮膚情況
巴打近期有冇咩唔同左？

有冇脫墨 service? 如有幾錢粒? 細粒而且平果種

暗瘡其實少左好多 但d暗瘡印又仲有咁

720蚊 醫生脫 co2 laser

新近出現既暗瘡印 搽喜療疤急救先啦 依隻膏對新出現既疤印有好強既消除作用 其次買茶樹油 係爆發緊既暗瘡用 令暗瘡細菌盡快消去

如果個印變深 你就真係只可以去美容院架啦

想請問我面油多，都有少少暗粒同酒米火，用開方間牌子，Biothexx，Kielhx，LAX，呢幾個係依家用開既牌子，之前都有試其他，但仲衰過呢3隻，有時會買下其他牌子既洗面野用（例如日本個d）
但爽膚水同面霜都係用返呢d，想問點樣先可以改善到無咁多油。
個人習慣朝早會洗面搽野出街，1個鐘到已經出油，冬天乾會好少少。返工期間有時會用紙巾抹下面。放工返到屋企沖涼時洗面，洗完有時會敷d日本/韓國mask，一罌罌既泥mask都有用，都係普通平價野黎10蚊內一塊同幾十蚊罌。敷完洗乾淨再搽野。

求改善皮膚方法/ 買咩產品可以試試，唔該

毛孔入面有一小達白色野 表面睇落完全平既 就咁睇睇唔出 要谷漲塊面或者兩隻手扯開塊面先睇得到（啲野生係面豬登） 輕輕一擠就會一條條就走出黎 個啲叫咩？
可以點清？

唔該晒

請問雀斑類型要點分

第一 用mask要用同一隻牌子用一段日子 如果隔一日就轉唔同品牌 其實做唔到想要既效果
第二 配合保濕mask 都可以買保濕鎖水既精華液 精華液效果比mask更強
第三 如果paper mask唔夠既話 買gel mask俾自己用 一個星期敷兩次
第四 皮膚出油個陣唔好抹走佢 越抹只會越多油
第五 係office枱頭放杯水 令office空氣濕氣高返少少

如果再唔得，皮膚真係咁缺水，建議去美容院做infusion

多謝解答，我試試。
再想問一問，用咩牌子/ 點揀洗面同面霜係岩自己用？我用緊個d又其實好唔好？

依一兩日打report我盡快打完就覆

讀緊美容hd 有冇可能一畢業就做到初級美容顧問

如果毛孔開，白色野接觸空氣就會變成黑頭。

但毛孔閉合，白色野就會谷住係皮膚底層，是為白頭。白色既野係身體分泌物和死去細菌組成，如果長期唔理佢，好容易變成暗瘡/發炎/面皰。

毛孔閉合多數係因為角質層過厚，建議用peeling定期去過厚角質層，白頭形成機會就會減少。

先用茶樹油消炎殺菌。

如果問題持續，去美容院打碳激/果酸facial 因為皮膚細菌積住係個度清得唔乾淨，要徹底做清潔先能夠搞掂。

冇咩可能 除非好細既美容院 但細既美容院walk in客少 追數會追得好辛苦 同埋當你轉工個陣 上市美容集團唔會將細美容院當係工作經驗。

通常晉升都係：
美容學徒->美容師-〉顧問->顧問底下有team->shop manager咁晉升

基本上新入行都要由底做起 因為顧問要負責埋教美容師training 如果唔係由細做起 教唔到training同開唔到會 都唔會同到個客講皮膚需要 點解要做邊種機咁

雀斑
-》長期受紫外光照射 可用激光治療 不過唔做好防曬既話 復發機率高 西方人皮膚白 特別易受雀斑侵襲

太陽斑
-》比雀斑深色 範圍更大 但因為係皮膚最表層 反而比雀斑易治療

老人斑
-》表皮層變異 又名脂溢性角化病 除會皮膚色素不均 更會一撻撻突起 可用co2 laser 好似脫墨咁一層層移除

荷爾蒙斑
-》女性荷爾蒙變化 例如產子 例如壓力都會出現荷爾蒙斑 相對難治療 始終唔關紫外光事 但都可以透過激光去盡可能減輕

Keep住用死同一隻 皮膚會慢慢習慣個一隻護膚品
除非用完出現敏感 唔係既話都建議持之以恆 等皮膚習慣

唔係既話 就變左皮膚一日吃美白精華 一日吃保濕精華 最後好易消化不良