我迫左男朋友delete佢EX既facebook，出事囉

我係咪好錯？如果你覺得係，試下說服我？
我理解唔到你地既價值觀係點。

我知道佢呢個EX一直仲鍾意我男友
佢偶爾會係FB上面post一啲歌/文
暗示或明示掛住我男友，又話自己仲愛佢嗰啲
我睇到之後當然唔順眼啦，就叫男友unfriend佢
當初係條女自己派帽在先，而家扮乜野呢

第一次講既時候，男朋友死都唔肯delete
佢既理由係：唔想做到咁絕，就算del左，人地都可以用新AC搵佢之類
而且佢覺得一直都放喺度，做乜要無啦啦搞人地，反正又唔會聯絡
結果佢選擇喺facebook入面公開左同我戀愛中就算
咁樣佢EX都見到，就當作係俾我宣示主權既意思

咁好啦，呢樣野我放左喺心，每次諗起都唔係太開心
到最近我又再次迫佢delete，今次佢終於del左
因為當下既情況佢無得揀...
我問佢想唔想我開心，佢答左想，結果就被迫del左
但係其實做完呢個行為之後，係變成我同男友都處於唔開心狀態

我當然好感激佢為我咁做，但我搞到佢好SAD，所以我開心唔到
而佢唔開心既POINT係，我明知佢唔想咁做，但我又照迫佢
而且，咁樣亦都會令到佢EX唔開心，牽動到人地情緒
因為上一次公開戀愛中已經插左佢EX一刀
而家無啦啦又del埋人，好似二次傷害咁
又話佢識EX先過我，又一直存在係facebook入面
問關我咩事，話我做既野影響埋人地，話我唔岩...

其實我到而家都覺得叫你del佢呢個行為無唔岩
我唯一唔岩既地方就係第二次問你既時候
我用左一個你無得揀既方法去迫你一定要del
我自私左，我應該俾你作出選擇，佢走或者我走
不過你明知人地對你有野，點解仲要留住一絲希望，俾個假希望人？

分左手，所謂退後一步做朋友，真係咁缺朋友？
你地做到「朋友」係因為佢仲想同你有一點牽連
佢願意一直用朋友身份去等同你復合嗰日咋！
但你同我講你地都唔聯絡，連朋友都不如，咁點解仲要留FB？

係呀，盡情負皮我，盡情話我當連登係facebook叫春
因為我真係頂唔順，無人聽我講，亦都無人可以講。
多謝你睇到呢度

派帽仲做Frd？

其實你男朋友係facebook公開左戀情
你仲迫佢del真係做多左

我自私左，我應該俾你作出選擇，佢走或者我走

其實同

我問佢想唔想我開心，佢答左想，結果就被迫del左

冇分別

你覺得有唔同咩?
根本上就一樣

你男朋友問題

其實你大方d咪贏曬
而家你係你男友心入面已經扣左分
做番d番補償下la

你講到留住個facebook就等於一齊，咁有咩意思？有時唔係想留住個機會去復合，係想留住個回憶，冇過去你咩都唔係呀

咪係

分左手 仲要係派帽既 仲留黎做咩?

幾句可以打完既野可以打幾十段，咁誇張。
（已閱）
妳都係保障自己啫

個問題係你迫佢做啲佢唔願意做嘅野。你問左佢幾次佢都話唔想咁做，你係都要迫佢做。利用佢對你嘅感覺黎令自己自我感覺良好，到最後大家都唔開心。你咁樣迫佢有機會弄巧反拙，搵返個Ex都唔奇。

Molamola
自己男友自己放手
到時出事無得怨

迫吓迫吓遲早你都變ex

利申ex係迫到我講分手

我唔知可以點講
我好想話，我都係因為鍾意你先咁緊張姐
但同時間，你話愛並唔係佔有，我知道
你話無以前既人同事就無今日既你
所以如果我係愛你，就應該大大方方接受晒你全部既野
可能愛情真係咁樣，但我未做到咁高層次
你問我盡左力未，可能真係未
咁再試下囉，到頭來唔得都無辦法

其實有無諗過自己係煙幕, 根本乜都唔係
無感情既話, 點解要在意傷害到個ex
不過有感情都唔到你去管d咩
係你既就係你既, 唔係你就唔係你既
我認同樓上個句阿

你只係 自私D,專横D,妒忌心重D 同 小朋友D 姐

夾咪一齊, 唔夾咪搵下個

針無兩頭利
呢單野唔係佢唔開心就我唔開心
我知我係自私擺自己行先
但而家唔做都做左 可以點

我同你男朋友一樣 又係被迫

佢講得啱，中意唔係控制同佔有

其實你淨係可以提議下「不如delete佢啦」，而無權「要求」佢delete
佢都已經公開左其實已經做夠，你講到佢唔顧你感受咁其實好唔公平
因為你自己都冇尊重到佢唔想刻意傷害人既決定，一味淨係自己覺得督眼督鼻就喺度發爛咋

問題係del fb呢個要求係冇意義，佢有手搵唔會因為咁而唔搵ex, 可能更會因為呢個機會而令佢唔想搵都變想搵