冇人識曬所有野非常認同,所以真係唔洗太苛刻既,唔係仲邊有人敢post野?(我第一個唔敢)
難得係比人指正完會認、會求教。我見燒友圈多數都係面子問題死撐到底。。。
屋企我好少聽speaker,更加無做過correction,但睇番黎既資料,例如Sonarworks,佢原理係晌你間房、平時坐住聽歌個位set mic,根住軟件會由speaker播一段 "標準音頻",咁個mic收到既聲,其實已經唔係標準音頻,而係加左料,即係你間房既折射混響,咁對比番 "標準音頻" 同 "加料音頻",就會知加左咩料,之後軟件就會用算式嘗試逆向再加料,抵消番呢d折射混響,即係負負得正。
至於電呀風扇機械硬盤呢d。。。以前同幾個朋友一齊做過DOUBLE blind test,我地都係木耳答錯晒,所以無再理。但唔排除真係有人聽得出過到test。