香港僱傭條例你問我答3

推
反送中

光復香港

想問打兩份工 mpf點算

例如第一份工月薪 15K
另外做自僱人士 20K
但mpf只得第一份工有交
咁嘅情況 會唔會有懷疑違規 而導致政府方面向正職公司查詢呢

分返開一件事一件事獨立咁睇
15K 有供MPF 亦有報稅 理論上冇野出問題

你自己自僱果邊
冇報MPF 你自己作為自己既僱主 呢件事上面你「自僱」既身份係未做好應有責任
再拉返前DD睇 冇人知你自僱呢件事 咁其實你有冇交MPF都唔會有人理
倒轉件事 如果你真係比MPFA 發現
咁都係你自僱既事 唔會影響你本身15K果邊任何野

BTW 報稅 同 供MPF 你作為公民 / 僱主或僱員既責任
你做足係應份
你冇做足而冇比人捉到係你好彩

我同另一個同事遞左辭職信 2個月通知期
老闆問我地會唔會1個月走
我地話2個月
跟住有一日兇我地話
「知唔知我可以玩死你地嫁？ 我可以特登調你去好遠嘅地方返工，我可以日日搵人用粗口罵你地。」
講左呢d之類嘅說話
想問下佢咁樣講有冇犯法嫁？如果有嘅話我可以點做？搵勞記定報警開file?

講真 佢真係咁講 而你又因此而驚既 其實都算係刑事恐嚇....但問題係好難證明呢件事 -> 證明佢有講過"知唔知我可以玩死你地嫁" 呢一句
刑事呢D野我就真係唔太識 我冇乜呢方面既專業

至於係僱傭條例下佢安排你去第度返工 / 工作環境有粗口 呢D又冇話犯咩法
而佢話想你一個月就走 咁你都可以問清楚佢係咪會另外賠一個月代通知金比你
唔係既話你確實話比佢聽 根據合約我會SERVER晒2個月notice

我只可以話呢個情況下面「你有張良計，我有過牆梯」
你得閒咪係呢段notice period入面放下4日或以上既病假
一定要有醫生紙 咁佢一定要出糧比你 (4/5)
醫生紙可以係唔同醫生開既都冇問題 連續就得

句野係向我同另一個同事講 所以都叫做有人證
同埋間房cctv有錄音嘅

另外連請4日係咪唔同原因病都得
例如1日肚痾 1日感冒

你同另一個同事都係既得利益者 應該唔可以作為第三方證人? 我唔識呢D野 你可以搵下其他人問下睇下幫唔幫到你

法例只係話連續4天或以上 就可以了
唔理係咪同一病因 / 醫生既假紙

咁如果我星期5，6請病假
星期日本身唔洗返
星期1再請病假
咁計唔計夠4日？
定係我星期日都要有醫生紙？

連續4日既意思係
1234
2345
3456
4567
5671
6712
7123

本身唔洗返工 唔代表呢個病假可以"斷"開黎計

想請問 1/1 由0000-1630 OT
公司俾番1日法定假期補假係咪合理？
正常係咪要補番2日先岩？
（平日番工時間09-18，13-14食飯）

法例冇定明時間既概念
我只可以話呢個廿四小時你為僱主工作
僱主責任係補返一個廿四小時既法定假日比你

所以換言之
如果你1月1日因為公司安排你做左1分鐘野
法例基礎下應該都係補足一日比你

不過呢D位我建議你同公司傾下
情理上呢件事你蝕

想問下
今日本身要返工
返到去manager叫我今日可以放工
話係公司比嘅休息日 唔扣薪
咁會唔會變左扣我嘅例假？
如果佢咁做 有冇問題？

我諗你要問清楚你公司先
因為一般「例假」 其實係等於 「休息日」
如果佢講明唔影響其他野咁當然冇事啦
你就真係額外多左一休息
但如果有野要trade off既
咁你要同公司傾好
因為始終你係呢個原本既工作天變左「休息日」
咁你返左工呢件事都係為僱主工作
理論上佢要補返一個完整既休息日比你
同埋法例上佢係要預早通知你幾時休息幾時工作
冇得即時話改就改除非你接受

想問下法例上要預早幾多通知我幾時休息幾時工作？

我只可以話要有合理既時間通知
但絕對唔係一個鐘頭前之類


休息日的安排休息日由僱主指定，並可分爲固定性及非固定性：

固定性休息日－僱主只須一次過將休息日的安排通知僱員。

非固定性休息日－僱主須在每月開始前將該月內各休息日的安排通知僱員。口頭通知、書面通知或張貼僱員該月休假表均可。

在僱員同意下，僱主可另定休息日，代替原來指定的休息日。另定休息日須安排在同一個月內的原定休息日之前，或在原定休息日後的30天之內。

休息日強迫工作
僱主不得強迫僱員在休息日工作，除非因機器或工廠設備發生故障或任何緊急事故。如僱主要求僱員在休息日工作，必須另定休息日予僱員。另定休息日須安排在原定休息日後的30天之內，僱主並須在原定休息日後的48小時內通知僱員另定休息日的日期。

違例與罰則
僱主如無合理辯解而不給予僱員休息日，可被檢控，一經定罪，最高可被罰款5萬元。僱主強迫僱員在休息日工作，可被檢控，一經定罪，最高可被罰款5萬元。

轉左工
呢排新入職好得閑
推下POST先

呢樣野偏向你地之間既協議, 係合約係條文並唔係僱傭條例下既事
大家你情我願既情況下你簽左名接受左, 基於合約精神你的確要賠
咁當然合約上既野都要睇係咪合情合理合法
我會話呢件事上面佢冇犯法
但係咪合情合理就真係要擺上庭等個官判

btw, 法例上佢唔可以直接"扣你"薪金, 而係要問你拎
如果你拖欠佢, 佢可以從民事訴訟追討
換句話如果佢冇出齊糧比你, 咁佢係犯法拖欠薪金
當然我講呢D都好official, 要搞到咁自己又煩佢又煩

請教師兄,如果有一份實蕉其中一條友答我是冇食飯時間,想問佢間公司有冇犯法

僱傭條例又真係冇講明有飯鐘
比較相關係反而係《職業安全及健康條例》
因為僱主有責任保障員工健康
咁冇合適休息時間及用膳時間應該會違反呢方面既責任

法例冇規定
出於人道呢D野都係好基本
咁都冇其實會唔會考慮搵過份好過

呢件事上面你公司的確冇做錯
我比較好奇你點解要咁緊張D病假...一般都好難用得晒 除非你預左大病....