香港僱傭條例你問我答3

我自己就真係未試過呢D野
不過既然佢TARGET係幫呢D僱員提供及時的經濟援助，以紓緩他們的財政困難
我諗應該唔會好耐掛

政府野係咁上下

佢加鐘果部份理論上要重新簽約
你親人有冇反應過接受 OR NOT
如果只係老闆單方面要求 (單方面更改合約內容)
咁呢樣可以當"變相解僱"去睇

雖然你地之間本身就冇白紙黑字既野去證明
但如你所講做左十幾年
點都有D "事實" 去證實本身工作時間
而呢個"新安排" 我會建議你打鐵趁熱
既然大家都口講既
咁咪口頭上拒絕
如果大家傾唔掂數
就搵老勞介入
更改僱用條件 (包括工作時間安排)
呢樣野唔可以單方面說了算

俾人炒左，唔該曬

炒唔緊要
有冇賠足?
冇既話一定要追! 一蚊都唔好蝕比D仆街

我份工寫明冇試用期同第一個月內辭職要7日通知 但我只係返左兩個星期其實係咪可以即日通知走人

依照合約訂明的通知期，但不少於 7 天

https://www.labour.gov.hk/tc/public/pdf/wcp/ConciseGuide/09.pdf

遞左信一個月通知 人工會唔會變段日計 有返先有錢 定都係月薪 紅日都有錢？

唔會因為處於 "通知期" 而改變計薪方式

唔該 咁通知期請no pay leave 會點計錢

其實法例冇 "no pay leave" 呢樣野
所以點計真係要睇你公司
基本原則係合情合理

btw 留意返 比唔比你放假係由公司決定
除左"病假" 之外, 基本上你冇SAY
"病假" 黎講有醫生紙既先真正算係病假

咁我本身遞信前請左假 批左 遞信後會唔會比人食左

按理 已經 "同意" 左既野 係唔應該因為辭左職而改變
有咩改變都應該要雙方同意先可以更改

返左工3日辭職 合約有寫7日通知 我打去同佢講想即辭比代通知金 我以為扣左我3日人工就得 佢話要另外再賠償4日既人工比公司 乜可以咁？

條數就咁計既
你做左3日 = 有3日人工
而家你辭職要比7日通知期
咁你想即走
即係要比7日代通知金公司囉

你應該會收到 3日人工
然後你應該要比 7日人工
一加一減簡單D即係賠4日錢囉

咁我份約寫係冇試用期 1個月內7日通知 但我返左3日未做夠418係咪都要跟？

冇試用期 7日或以上
份合約本身係418 既合約
根據法例同合約你都要跟

請問我上個月22號地盤起貨 暫時無野做 咁某工種比較貴
執手尾又用唔著
我就叫佢地休息下先啦

呢幾日即係4月10號左右 係咁打黎又呢又露
又要遣散費 又要代通知金
係咩情況
我都無炒佢

如果係咁樣 正確要點處理

認真講
就你而家比既背景資料 (真心話真係好清楚)
叫佢地休息下即係點?
另外你同佢地係咩關係? 僱傭合約關係? 定係點
我只可以話 你講既野冇錯 咁咪洗理佢講乜賠乜囉.....

我同呢位伙記係 僱傭合約關係
而家邊有得唔簽約

叫佢休息下 即係字面上既意思
因為我又唔係收皮
係要過多個月先有JOB
佢個工種暫時無工作比到佢
但係又唔想炒佢 想話後面就叫佢番黎

咁你知啦 而家咁多勞工權益
比人講兩句就心諗係WO 有D咩有D咩可以拎

我睇過勞工法例
連住4星期 有一半時間無野比佢做先可以拎遣散費
咁佢而家計計埋埋先半個月就問我呢樣野
仲話代通知金TIM

所以我先話問下你
我又無話炒佢
又未夠4星期
咁遣散費同代通知金 暫時唔洗理佢住?

我冇掂過建築裝修呢行
唔太清楚行內既terms
例如你叫佢休息 我既疑問係 有薪假?無薪假?定用緊佢D AL?

anyway 既然你自己都睇左法例係4星期或以上有一半時間冇比野佢做先可以當你"解僱"佢 要賠遣散費
咁而家事實又未達到呢個"指引"既4星期
咁佢講乜其實咪唔洗理

題外話啦
都講得出遣散費呢樣野
你地之間都應該有唔段時間既僱僱關係啦 (2年或以上?)
我真係唔太清楚呢個行業既野
但我自己覺得係僱主立場都有責任同僱員溝通點安排
大家拎個共識咁囉

係我度做左1年都未必有
我叫佢休息 係無薪假

建築界 以前呢 休息 D伙記係會 出去搵下散工黎做
咁我呢面有工開啦 咪番過黎做咁樣LO
而家勞工署太多福利
係唔係都告左先 有得拎就拎
搞到成日好多呢D問題出現

好多潛在野都無晒 個個諗點樣多D錢
我唔係話應唔應該咁做
係無左浸人情味LO

1年黎講其實都未達到話要比遣散費喎

人情味呢D真係你同佢之間建立返黎
咁當然呢D野都好雙向
唔係你想建立就得 都要人地肯接受先得
我唔係當事人唔知事情係點
唔方便比太多意見

不過我覺得作為僱主要負既責任係比較大
始終影響既野會比較多
定下多D規則
溝通多D 等等都會有幫助