香港僱傭條例你問我答3

番左pt大約半年 當中有兩3個月乎合418
想問下有冇全職僱員既福利？
即係大假勞工假

首先 大假 / 年假 呢樣野係要418再連續3個月 先開始享有
所以實情如按你所講咁, 應該係"無", 亦都唔能夠成立

法例上冇分PT 定 FT, 只有418 / 非418
按你所講既情況, 我覺得你保障自己應該去搵你公司負責人 / HR
問清楚你公司同你之間既僱傭關係係點
最好black and white返, 唔係到時口同鼻拗
係418 就應該要比返晒法定既福利你
唔係既 就應該要管理好你既工作時數唔好踩界

上個月27號辭職 理應今個月26號Last Day
但25 26號係紅日 呢兩日有無錢收

25號 可以係法定假日 或許 公眾假期 (睇你公司點定, 因為聖誕正日或冬至其中一日做法定假日就可以)
26號係公眾假期
公眾假期黎誚, 法例上冇要求一定要支付薪金
所以會唔會有薪就真係要問返你公司先知

法定假日既話
如果你合乎418, 又連續工作左3個月或以上就會享有法定假日薪酬

比如佢4月 5月 6月都乎合418
但打後幾個月就唔夠
咁依家情況同你講既都係一樣？

如果係咁
理論上可以去追返4 5 6月既有薪"年假"
但法定假日薪酬....可能7月都可以追到 但8月又有D難講....

請問reference check 會check 幾長年期？
十年前既公司仲會唔會check?
話就話條例最多keep 7年，但D公司會唔會仲keep record 架？

法例冇相關既規定
而間間公司有唔同習慣
所以呢D野冇標準答答案
我自己做過既 CHECK最近一份工既有
CHECK十年既都有


KEEP 7年呢件事係有法律依據
所以如果你發現有人KEEP你既野長過7年理論上你可以要求佢燒毀
(但你點證明到佢有冇燒到就另一件事)

咁例如我之前份工做左啱啱好十年，咁其實係咪唔會check再上一份工既野架？

上面都講左
間間公司唔同
呢樣野冇法例管制CHECK幾多年
間公司鍾意既由你小學之後開始CHECK都得

btw 留意返
有人check唔代表有人答
有人REQUEST CHECK我某個前員工既資料
我唔係一定要比 / 回應

呢D冇法律管制既野全部都係跟返自己公司既習慣 / 守則去做

如果法定假期被要求ot兩個鐘，係咪應該補返一日假（而唔係兩個鐘），而毋須扣返補假嘅人工，而僱主亦要俾法定假期嘅兩個鐘ot補水？

謝回答👏🏻👏🏻

你理解冇錯既
法定假日 / 休息日 係講緊連續廿四小時不為僱主工作
換言之, 中間你有1分鐘係做緊野
僱主都要按法例要求
另覓一個連續廿四小時既休息日比返你

至於人工果部份
我用例子解釋一下可能比較易明
拎10月1日為例
呢日本來法定假日
如果你本身已經係UNDER 418既僱傭關係亦返左連續12個星期以上
咁你就享有法定假日薪酬呢樣野
咁你10月1日 係唔需要工作下都會有*法定假日薪酬*
至於你而家返左工, 咁呢一日應該就會由法定假日 變成左 工作日
咁所以你果日就會依 工作日 既邏輯去出糧
至於你法定假日薪酬, 就應該會係僱主另覓一日比你既補休日同補上法定假日薪酬呢樣野比你

overall講
你做返工, 咪收返工既人工
你冇返工咪冇返工既人工
如果你冇返工果日係法定假日, 咁咪有得收法定假日既人工

如果法定假日嗰日變左工作日，而我又只係返左2個鐘（公司假期返工係計時薪），咁咪即係嗰日會少左錢？

而另覓一日俾我補假同埋補返法定假日薪酬，咁咪即係用法定假日黎取代左其中一個工作日，咁嗰個工作日嘅錢咪會冇左？

即係整體上我係少左錢？（法定假日變左工作日嘅2個鐘時薪+補假薪酬-被補假取代左嘅工作日嘅薪酬）

補充返，而家佢只係俾左法定假日返工嗰2個鐘ot時薪我，係咪已經犯法？

我問佢可唔可以補假，佢話補返2個鐘俾我，但嗰日嘅2個鐘時薪會扣返

2日既事
本身: 法定假日休息 -> 工作日上班
total 工作8小時 -> 拎到 2日既人工

而家: 法人假日工作2小時 -> 工作日補休變法定假日
total 工作2小時 -> 拎到1日 加 2小時既人工

其實....都係講既你做幾多野 出幾多糧既情況
你冇野"蝕左"


上面都講左 法定假日 係一定要放假
而家你個CASE係佢果日要你工作
咁佢一定要安排另一日比你放
呢個係法定要求 佢冇安排係佢犯法
你可以同僱主傾下
傾唔埋就搵勞工處啦

ok，唔該ching

樓主對哩個勞工法例chatbot有咩野意見？

https://m.facebook.com/2018worldmug/

梳冇乜意見
year end忙忙地冇乜時間扮工打機

首先多謝巴打無私地為大家解答問題
想請教下如果公司喺12月31號派員工出trip返大陸點貨, 員工有冇權拒絕? 再者公司要求員工交supporing證明先可以唔洗去

呢樣野其實都算係條例以外既野
我會咁睇件事
如果你既職務本身就係要出TRIP既
咁公司要求你出TRIP 成件事都係好合情合理
12月31日係星期一 照計係工作天
以上咁既條件下我睇唔到有咩理由去拒絕

咁當然你有醫生證明
唔返工都得添

公司要求我地每年呢個時間要做stocktake
不過1月1可能冇得放&喺大陸過
員工冇權拒絕？公司要求交supporting合乎規定？

我只可以話
1月1日係香港係法定假日
僱主僱員雙方同意後可以另覓一日補休
至於你個CASE 係after stocktake留係大陸過算唔算返緊工我就有D保留
你呢種CASE交唔交supporting 呢D法例上冇相關規則
所以會編向你公司規定

上面都講左
你個JOB本身係要出TRIP 我諗唔到咩理由拒絕12月31日出TRIP要求
你介意1月1日既安排
我覺得你可以同公司傾下點補假 或者 點安排你12月31日送返你落香港咁囉
但如果因為1月1日係法定假日 所以你拒絕12月31日出TRIP
我自己講完都覺得好奇怪

公司有冇權叫員工星期六日做野唔補假？
因為問左公司上上下下同事都話公司冇得claim錢claim假

另外新入職頭嗰2個月係咪唔洗扣mpf

Hi，又係我，想問如果合約訂明，一年嘅有薪病假少過12日，係咪已經唔合法？