想問因公幹要離開香港幾日， 當中有幾日係紅日(係休息日) ， 公幹嗰幾日食住行都係用公數， 而家想同公司claim返假， 公司話如果要claim假， 就要我地俾返公幹既洗費先可以claim, 咁有無違反法例？
絲打你呢個CASE我會咁睇
首先僱傭條例下確實係冇呢方面既規定.....
即係咩呢 - 你出trip既洗費係法例上冇規定公司要比返你
呢方面真係睇你同公司之間有冇協議
我自己經驗做過幾間公司都有T&E Policy
只要跟返呢個policy入面既規定
所有支出都可以claim返
至於休息日, 法例上係講緊連續24小時不為僱主工作
如果你係果D休息日入面曾經因為佢要求而為佢工作過
咁佢係要跟返法例補假比你 (法定假日更加要啦)
但係如果你係屬於自願性質.....就得講
真心
呢件事上面我覺得你比你公司擺左一道
呢次就唔好同佢硬拼硬
佢在明你在暗
如果冇分POLICY係手
佢真係可以乜都唔比返你
但可以借鑒下次有TRIP出之前confirm晒呢D點安排先再去
ps: 你唔出TRIP佢可以解僱你, 只要比足通知期 / 賠足代通知金 及 相關薪金
同意， 我都唔諗住硬對硬先， quit左先claim返呢幾日錢得唔得？
呢幾日錢意思係紅日既錢?
法例上冇OT要補水既規定喎
係呀， 紅日(星期日+公眾假期) 既錢呀， 因為quit 左之後都無假可以補， 咁一定要補錢
公眾假期及休息日(星期日) 唔一定有錢
純粹睇你公司個payroll點set
法定假日就一定有錢既
但係同時又一定要放假
所以你可以要求僱主安排返你第日補假
即係例如10月5日(中秋假) 你做左野 -> 所以當日你有薪
然後佢安排你10月11日補休返 -> 因為係法定假日 所以有薪
有D位你係有力去爭取
建議你搞既真係先claim好晒D錢先
起碼佢冇得回頭扣你
