「你問我答」本人從事床蝨研究工作多年，希望可以幫到巴打們解困。

你都冇得唔返去住 任何滅蝨方法都要觀察期

2-4星期係基本

嚴重嘅1-3個月都有

我當年係用三寶+蒸氣槍+床套

係有用既, 可能算係初起

同埋我真係全間屋大執

連櫃筒都抽埋出黎噴熱蒸氣

全屋角落都放哂粉同藥水

再飛埋張網椅走

之後就無再見到

P.S. : 懷疑係隔離屋有人搬哂野出黎走過黎

「恐怖路線」「快遞篇」床蝨是如何透過包裹進駐家中？

有啲朋友會話 唔係嘛 我出名金睛火眼 郁嘅嘢點逃過我法眼。

啱👍但好多時候床蝨嘅型態仲係一粒粒嘅床蝨蛋。

個啲紙皮木屑 係床蝨蛋最愛嘅嘅Home。

好多朋友拎到包裹 隨手擺喺床位 座位 檯上。

咁個啲床蝨蛋好大機會透過人類嘅動作「fing/掉」 唔駛自己行 都可以被送往某啲角落 伺機孵化。

任何紙皮個啲 最好係門口處理完先好入屋。

可以噴酒精/藥水/綠水/漂白水

又或者用袋裝好 倒啲DE粉或者消毒藥水落去。包好再掉。

#床蝨
#滅蝨

好崩潰 琴日開始屋企人發現父母房有床蝨
其他房同廳暫時未有發現

第一次發現係床邊一個膠盒有一隻
第二次係牆身一隻 我哋有啲牆紙有少少剝落情況冇痴返
然後到今日發現床頭pan有幾隻
個pan係布然後軟身嗰隻 屋企人話要𠝹開佢我唔知係啱定唔啱

check哂床角未有發現 未準備好抬起床褥
打算瞓醒就開始清理全屋
勁唔開心 屋企自問每日都清潔 我父母都係愛整潔嘅人
唔知幾時帶咗啲仆街蟲入屋

以前從來未有過呢個問題
唔知點應對好呀
呢種情況係咪要剷起晒啲牆紙間屋要重煉？

唔好意思各位 我真係好lost 好急想幫屋企人手所以可能有啲1999

牆紙係相當麻煩嘅

一定要剷/噴藥水

你呢個case太複雜 搵滅蟲公司比較好

黎緊去法國旅行 可以點部署

香港嘅床蝨仲多過巴黎
但巴黎闊咁多 香港豆潤咁細 中招機率大好多

出去玩 最緊要隨身物品 行李 衣物 獨立擺一邊（遠離床位座位）

自己多啲沖涼 留意有冇被咬

返到香港 入屋前消毒行李箱（酒精又好）

隨身物品噴酒精

師兄會唔會有聯絡資料留低 想搵你幫幫手！

例如？係邊方面 tg midlifekeepfit

酒精有無話要幾高濃度定平時用開嗰啲酒精都OK

「義工難忘case」收到來自凶宅嘅求助，即刻出動。

我們唯一值得恐懼嘅係恐懼本身 - 羅斯福

比起有啲做滅蟲公司 包到自己裹蒸粽咁，我哋係唔會著任何保護衣。因為對床蝨嘅瞭解太深入，處理嘅單位太多。從未試過床蝨爬上我哋身。氣場上無法碾壓床蝨，施工將會陷入僵局。恐懼絕對拉低效率。

有次收到求助case，住戶係一名伯伯，年輕嘅女兒睇唔開輕生咗。

「你驚唔驚？」

「我兇過凶宅😌」

我諗印象最深刻係無意中見到一封伯伯寫俾女兒嘅信件，我覺得有一段非常值得分享：

「有理念固然係好事 但需要實踐，兩種缺一不可，理念太多 行動欠奉 咁就會害了自己。」

係呀，有心就要去做。Action緊要過comment。我處理過好多唔收錢嘅單位

有啲係 患病家庭
有啲係 殘疾家庭
有啲係欠債被追數嘅家庭
有啲係綜援單親家庭
有啲係兩大一B蝸居劏房嘅家庭⋯

就算俾錢 一千兩千 擺喺我哋銀行戶口都係肯定貶值。但如果呢筆錢可以令佢哋花喺更值得嘅地方，咁呢俾錢喺我心目中就係升值 係昇華。

最後，我哋希望 如果遇到困難嘅家庭 真係唔好彩惹上床蝨，聯絡我哋，一人計短二人計長，我哋幫得到盡幫，縱使冇任何資源支援，連社工一面都見唔到，但係

有理念
肯行動

做一單就係一單。好過想做超人 但一步都冇踏出過。

#滅蟲心得
#滅蟲新德
#床蝨

1個月幫爸爸間房用蒸氣機殺曬 風平浪靜 1個月後 我間房出現好多

推

有貓點安全地防

其實係唔係買個蒸氣機
幾個月清潔下自己間屋都好呢？

幾個禮拜就可以掃蕩一次 撞得正床蝨爆發嘅時間

蒸氣機 或熱水多洗床單枕頭套被單

60度夠做？如果去完旅行返黎可以點搞

烘被機有冇用

操作唔方便 好多野整唔到
例如床褥邊

入屋前睇下行李箱邊邊角角 噴下酒精
衣物能洗就洗 加洗衣粉洗

Thx巴打

用蒸氣機係咪應該直接噴蒸氣定係搵塊布包一包先再噴?

包包再噴冇咁多水氣 唔包都得