「你問我答」本人從事床蝨研究工作多年，希望可以幫到巴打們解困。

睇左 都市傳聞 粉溝左水 個效果會弱左唔明顯？

吸入會更加嚴重 呢個唔係都市傳聞我基本上唔會支持人地亂用粉

咁有啲朋友執意要用 我嘗試減低傷害性

加水係唔會弱化 如果會弱化 咁啲粉受潮就冇用？咁日日都要換一次先有用

另外 濕噴更容易噴入某啲邊邊角角位

令滅蝨成效更高

「一人義工日」多謝客戶們嘅支持，讓負責人可以做更多嘅義工工作。

滅蝨嘅成本相當大。如果市場定價為$6000-12000，即係話要衝數量。越做越多 先可以賺錢。否則做一單 不可估計的成本太大 最終吃力不討好。

滅蝨異常艱難 既消耗大量體力，更消耗大量腦力。如同醫生做大手術一樣，絕非「輸血」（噴藥水）咁簡單。

做滅蝨義工更加辛苦。好多人亦害怕被波及，付諸善心卻引蝨入屋。

如果獨力完成滅蝨工作，更加係鐵人賽系列。

而有人選擇 既減低成本 又唔會連累其他善心人。唯有獨力前行。希望更多人可以行多一步，多啲關心社區，而唔係留低一句cm/dm/言語支持。

畢竟床蝨問題係有機會波及到每一位無辜嘅香港人。社會隱憂在於更多人根本負擔唔起滅蟲費用，而苦主們好大機會再次輸出床蝨至社區。

呢個post係想講，有人紅日都願意付出努力，只為略盡綿力。同樣地作為一間公司，勿忘初心始終如一。多謝每一位顧客嘅支持🙇🏻

#滅蟲心得
#滅蟲新德
#床蝨

推

嘩

就係指引講大約兩星期就換一次粉？
同埋潮濕 濕度都話有影響

濕噴係咪都會係無色無味 噴左落去之後又變左結晶？

呢個係回應返你提及嘅都市傳聞 加水噴削弱de粉功效

大家都應該了解過 de粉係乾燥粉。水份何以削弱粉功效？待水份揮發 乾燥粉依然發揮功效。

如果加水就減弱 咁潮濕嘅水氣是否令de粉變弱？

其實由頭到位都唔會建議用de粉滅床蝨（都係要用蒸氣+藥水）



重申 係網民堅持要用de粉

咁就要盡量覆蓋到物體表面 理論上遇判床蝨移動路線

de粉先有機會「狙擊」床蝨

覆蓋面太細 根本冇力去滅蝨

有日訓醒見到隻手到有隻，本身屋企隻寵物有蚤所以直覺都覺得係蚤黎。
但而家寵物走左屋企都仲會有蚤，同佢訓嘅屋企人換過床褥無換架但有時都仲有。
訓上格床嘅，而兩晚就發現係床蚤就唔敢上去訓拎起個床褥又驚會跌落下格床，仲要張床本身已經好多公仔，應該點部署

你提供嘅數據太少 而且冇實物圖 例如床附近牆身地板嘅材質。

床蝨會匿入床架任何空隙

有蒸氣機可以進行更大範圍嘅掃蕩

如果噴藥水就要先講任何公仔 床褥扯落黎噴 或者用密封袋包住


都係個句 工程太大 如能力範圍可以接受 call滅蟲公司比較好

「床蝨大搜查」有時間卡片都好好駛，一碌！便知有沒有 ☺️

但凡遇到疑似床蝨問題 但冇發現床蝨痕跡 甚至連床蝨本尊都冇見過。呢個時候就可以徵召卡片幫手。喺一啲邊邊位置 加強「碌卡行動」

然後再睇下卡片上有冇明顯黑色痕跡/害蟲脫殼等等。亦留意一下碌過嘅位置有冇「奇怪味道」揚起

注：類似核桃 壞果仁個種味道 唔係好臭 但好怪嘅味道。

如果掃蕩完都冇特別發現 咁首先鎮定/冷靜，可能真係唔關床蝨事。

注2:其實刀片會更加就手 但比較危險 我哋都建議用卡片。

#滅蟲心得
#滅蟲新德
#床蝨檢查

無法一言兩語講得清 呢度不作闡述（位置唔夠 爆post可能阻礙其他朋友搵post 追post）

lm

推一下

屋企有床蝨好幾個月 試過用奮鬥吶 但係最近噴完都好快翻發 所以買咗天鹽清諗住試下 見到有人教可以直接噴床 想問下其實呢種水係咪有用？同埋直接噴喺床係咪真係安全？

奮鬥都唔夠力 天鹽清更加弱

好大機會係噴得唔夠精準

同被波及嘅位置比較多

如果係咁 我試下噴大啲個範圍 因為除咗一兩次從來都冇搵到佢哋嘅蹤影 但係間唔中就夜晚俾蝨咬

另外想問吓奮鬥吶毒性大唔大 因為屋企有貓貓 雖然噴嘅時候同埋等啲藥揮發嗰陣時會趕佢哋出房 但係都擔心如果好大範圍咁噴會影響到佢哋

較細 冇味道 揮發後都係黏在物體表面
貓狗好難舔走導致中毒

問題唔大

多謝解答琴日先噴咗一次奮鬥吶 去到琴晚又有嘢咬

其實咬既位置同埋啲蝨匿埋嘅地方有冇關係？最近幾日都係得上半身有蝨咬

冇明顯關係 都係主要咬手手腳腳 容易搵血管

00後連登仔應該好多都唔識佢

hello 想問下如果屋企有蒸氣掛燙機嘅話可摸以取代到蒸氣機？
同埋真皮梳化可以用蒸氣消毒嘛？Thx

比較難操作 掛燙蒸氣夠熱 但唔就手
都可以清潔消毒

想問下地下/牆見到痴住左 用紙巾掃佢都唔郁既
係真係死左定扮死？
因為隔離唔知邊戶有 久唔久會爬到過黎
但我門口噴左野 唔知係真死定扮死 因為呢隻蟲太醒目真係好困擾