「你問我答」本人從事床蝨研究工作多年，希望可以幫到巴打們解困。

乳劑/懸浮液個類一般都係破壞爬蟲類嘅神經系統為主
由於床蝨喜歡和其他同類有頻密身體接觸 唔知係禮儀定係交流方式

因此一隻中咗床蝨呢類藥劑可以滲透至其他匿得更入嘅床蝨 黎個攬炒系列


如果追求即死嘅視覺效果 一掌過去可能仲快

幼蟲一般冇咁活躍 如果幼蟲都咁活潑 你見到成蟲會更多

因此我對於你提及嘅細蟲 有所保留

或者你試下用手機放大咁影黎睇睇

似曱甴咁

肯定唔係床蝨

住附近唔知邊伙有都好煩
間唔中就係屋企門口見到隻屍體
唔知係咪門口噴左bayer premise所以先入唔到屋
但好驚有失守既一日
中過一次真係呢世都會好驚有陰影

毒xx味道好勁 小心使用

至於溝個啲我唔係好清楚


如果你用咗呢兩樣嘢都滅唔到


1: 情況應該頗為複雜

2:要留意雜物隨身物品等等有冇處理/包住

3:屋企人是否截斷咗輸入來源

奮鬥吶
可以停留表面幾耐時間?

係好臭，加上stay喺室內，你開窗都未必咁快吹得走，如果有空氣清新機會好啲。

臭嘅程度 我諗好似有人成間屋擺埋臭丸個種勁度，攻鼻。

所以我個人係對呢個產品有保留 唔建議 唔反對

岩岩拉開屋企人張床黎睇 發現奮鬥吶其實真係有用
好多死左係地下 走得好安祥
咁今次我就搵到佢地主要生活既地方 應該係牆度
因為牆灰甩晒 同埋牆身本身有d 細洞
上次用奮鬥吶都係輕輕噴左牆一下就算 主力噴床腳同床板 miss左牆位 岩岩係d洞度見到有兩隻成蟲 都幾大隻 一野噴落去 全家大細都跑晒出黎 成班賤種 直接接觸到既就秒殺郁唔到 唔係太中個d就行兩步然後就仆街死
呢隻野個秒殺效果都幾強 但係佢會殘留到大約幾耐？

當年去花園街買馬拉硫磷 噴一兩次就搞掂
google到係幾十年前拎黎滅木蝨既農藥黎

奮鬥納對人體有害
但冇味道 怕就怕噴完揮發哥氣體吸入 唔舒服或者有傷害

一般2-6星期都可以stay到

牆身固然重要

電線位置要噴

電制要拆開 或者噴粉喺邊邊

「香港淪陷」呢啲晶瑩剔透嘅就係床蝨蛋，係真正嘅大魔王。

冇錯，有人肯做滅蝨義工幫有需要嘅街坊滅蟲，有人遇到床蝨毫不猶豫搵滅蟲公司跟進。

但係亦有唔少人 唔係擔憂滅蟲費用昂貴 就係不以為然。以佢單位為輸出中心，佢係一次門/有人上門作客，就成功累積一次將床蝨輸出社區嘅機會。

有啲係司機

有啲係保安

有啲係侍應

衣食住行 無一避免有人運輸床蝨到指定位置 造成擴散延續。

與此同時

1: 外傭家鄉和外傭暫住嘅中心

2:內地旅客或者曾經到訪內地嘅本地人

持續輸入床蝨

內憂外患 與日俱增

然後呢啲嘢上唔到東張西望 入唔到立法會。絕大部分滅蟲公司更加係自私自利，知情不報，一副「教識你咪斷我米路」嘅心態。

根本令滅蝨工作大幅落後床蝨增長和擴散嘅速度。

我唔識做生意 我只係想做好一個人。希望有心人可以行多一步，利用自己的人脈和資源，為社會做返一啲事情。好多時候唔需要駛你嘅錢

例如你只需要俾有權有勢嘅政府團隊

bedbugs嘅存在 和禍害面積太大

已經足夠。

#全民抗蝨
#刻不容緩
#滅蟲心得
#滅蟲新德

床蝨其中一個證據確鑿嘅輸入途徑

本人專門研究床蝨（bedbugs）多年，處理過過千個蝨患單位。我可以好負責任同各位僱主講： 外傭係高危族群


1: 床蝨係東南亞特產，佢哋本地人應該見慣不怪，甚至被床蝨咬都冇感覺，真正「免疫」

2: 唔少外傭暫住嘅宿舍單位/中心，好多都有床蝨，一般個啲負責人都愛理不理，就算想理見到啲高昂費用都會卻步。加上外傭本身與蝨同眠都冇我哋香港人「反應咁大」 更加會包庇 隱瞞床蝨情況。

3:由於外傭有假期，佢哋喜歡坐喺路邊開party，從家鄉返黎嘅 外傭或者暫住宿舍嘅 外傭或者雇主屋企已經有蝨嘅外傭

就會繼續感染其他「外傭」


4:搵滅蟲公司 係解決你此刻單位內嘅床蝨勢力 但如果唔喺外傭呢個主要輸入途徑上做防禦 我夠膽講 隱憂一直還在。


建議

1:理性同外傭商量，如有發現不要隱瞞。有啲外傭驚僱主鬧因此唔會講。必需同佢哋約法三章。

2:外傭放假回來 或者得知佢接觸過佢嘅親友。建議佢回家後儘快沖涼洗衫 並且用消毒藥水/酒精噴隨身物品嘅邊邊角角（例如袋/鞋）

3:如圖3所示，床蝨只需要丟幾粒蛋落受害人嘅物品當中，你唔會見到有嘢郁架，過一排屋企就有蝨架啦。

希望各位正視外傭輸入途徑 ，床蝨真係一種非常棘手和麻煩嘅生物。絕對唔係有先call人上黎處理咁簡單，肯俾錢都冇咁快搞掂，同埋未必截斷輸入途徑。

如果有間滅蟲公司肯同你講呢啲真話說話，證明床蝨擴散嘅速度已經過快。如果每一個人都只係掛住自掃門前雪，咁恐怕有日都「他朝君體也相同」。

#外傭有份輸入床蝨
#床蝨
#滅蟲心得
#滅蟲新德

之前奶左次 請左公司搞左兩次先斷尾
今年一回暖就開始淆淆地 希望唔會翻兜

預計1-3次上門 一個月左右可以杜絕

呢隻嘢勁麻煩寂寞多手尾跟

係隔離屋先最難搞
間唔中夜晚凌晨見到一兩隻係門口想爬入黎
但門口噴左農藥入到黎都就死/已死

上年7月用熱風槍+千赤士斷左尾，今年2月出現一隻又再掃粉，到前日又有
到底係輸入定係未斷尾呢，好困擾

輸入多,依隻野無可能1個月唔咬人

咬到想死

之前屋企有床蚤，用過好多方法都唔得。DE粉搞到周圍都係，三寶都冇用。所以係淘寶度買左支野試下，結果真係有用。

佢嘅成分係呋蟲安佢話對寵物無害係咪真係無害？

另外呢個成分係咪真係可以斷到床蚤尾，怕夏天又跑翻出黎！諗起d蚤嘅味都想嘔

呢啲藥都係買返外國牌子
大陸野九成係農藥