「你問我答」本人從事床蝨研究工作多年，希望可以幫到巴打們解困。

過來人

有幾樣野可以做先，

先將屋企分隔乾淨區同床蚤區，盡量唔好將兩區物品換黎換去

用無穿無爛嘅垃圾膠袋包住同封實你床底唔常用雜物，起碼包足半年

每日返到屋企，唔好隨便坐，先將衫褲鞋襪抌落洗衣機用60度洗，洗乾淨嘅衫用太陽晾乾佢之後放返入去乾淨區

起碼做足三個月

Thanks巴打分享
咁你用咩方法消滅床蝨區嘅蝨？

正路係參考呢一張圖 但係好多單位都唔睇唔到電制位/牆紙有冇脫落/牆灰/床有冇裂縫


所以一定要仔細處理



好似我咁肥c大隻 點解都要咁辛苦伸入去 就係因為要盡最大能力搵螺絲位置/窿

我哋係用蒸氣+藥水 蒸氣係有即刻殺死床蝨嘅作用 但雜物較多 有啲位置唔方便噴 就要利用藥水殘留性去狙擊爬行類害蟲（床蝨正是呢類）

而你send嘅空間圖 大致上就係劃線位置 但你好似係用牆紙 呢類靠近床嘅牆紙危險程度較高 必須用藥水噴。否則就要全部起曬佢（動作更大）


以你手頭上嘅資源 基本上陷於苦戰（如有蒸氣或者專業用藥水 反而追到床蝨擴散速度和繁殖速度）


搵公司得三種

1: 熱能（貴 ）（理論上較快） 你呢類case較輕微 搵佢哋等於捐錢支持佢哋 性價比嚴重偏低

2: 鳩噴藥水 水浸級別（$3000-4000）應該大把 就算條友新入行 只要噴足藥水（圖1各類高發位置）針對床蝨只能爬行無法飛越和條約嘅弱點 成功率都頗高

3:上過電視 有媒體加持多數都ok嘅 蒸氣+藥水雙重掃蕩 距離清零再快啲

想問噴無敵士有冇用？

呢啲害蟲拎去燒就啱
串燒床蝨

想問小型掛熨夠唔夠力殺佢地？因為九成機會中左招

肯定唔夠力 用上黎都唔就手

好過冇咁解

部機係有呢個問題 例如黃色個部 要聽到轟轟聲先開始煲水 有時候可能冇聲就煲唔到


白色個啲機一般比較少會暖氣 都係煲好 出黎就好熱。

切勿用手掂氣體 都係先用蒸氣五秒靠近一個點。然後營收摸下呢個點

必須辣手/條件反射縮手

暖暖地就一定唔得。因為蒸氣本身都冇可能每個位置100%接近到噴嘴，所以一定要好熱好熱先達到標準。

第二次爆發好似仲大獲過之前
明明床4邊落曬de粉
但d野都識爬上黎
懷疑張床已經有蛋係度
明明用左高溫槍+天然鹽
想知佢地活動範圍可以去到幾大
我自己房係床附近先見到屎漬
但我屋企人房唔知咩環境
老人家講又唔理又唔想解決

想問啲蝨入哂牆，就咁補啲牆灰寶有没用？定係要揾專人折牆洗一次？

點都要藥水 最低限度漂白水抆一次甩灰位置 先補。

另外牆壁對手水喉管 電線位置都要處理好

https://www.hktvmall.com/hktv/zh/main/Easytalk-Group/s/H5515001/家居電器/家居電器/吸塵機-電拖把-清潔機械人/蒸汽拖把/韓國大宇-MSC1-多功能手持蒸氣清潔機-家用車用高溫殺菌除蟎機/p/H5515001_S_Daewoo-MSC-1

窮撚一問 呢部夠唔夠用 而家唔算好嚴重 一個星期搵到三四隻

直接blacklist呢類手提式蒸氣機

溫度絕對夠 煲水耐都唔係死罪

係實際操作非常唔就手 就算做開gym嘅人都會覺得麻煩


一覺得麻煩 就唔會得過且過 更加唔好講杜絕。蒸氣一定要reach到指定位置先有機會剷除床蝨成蟲和蛋

唔排除一個禮拜要掃蕩七日 每次閒閒地都噴30-60分鐘

手提式絕對打擊士氣。

要選用係機身和噴射器分開 透過軟管連接
機身可以提起或者拖行呢類就最得心應手

滅蝨能力有加乘

就會得過且過

經常見到床蝨喺DE粉池入面玩得不亦樂乎

唔係話DE粉廢，而係閣下低估咗DE粉嘅戰術佈置。如果閣下為床蝨爭取到時間離開DE粉路障，俾佢哋較腳出去其他位置收埋啲床蝨蛋，此乃兵家大忌，未能斬草除根仲放虎歸山。

一方面 中咗粉嘅床蝨命不久矣 但係床蝨蛋卻絲毫未損 久而久之慢慢孵化 再繁殖。

另一方面 DE粉並未能盡可能鋪滿全屋嘅面積 很多移動中嘅床蝨都可以輕而易舉繞「粉」而行。

梗係杜絕唔到床蝨。

❓啲粉好乾 令人唔舒服 都唔可以全屋面積盡鋪😅

咁咪係囉😀醫生叫你一日三次每次一粒藥 你一日一次仲要半粒藥。

既然DE粉追唔到床蝨繁殖嘅速度/擴散嘅面積。

最終當然戰敗收場。證明此舉唔work。同樣地用藥水而未必針對性施工，一樣有機會俾床蝨走甩，釀成大錯。

注：某啲床蝨中咗DE分可以十幾粒鐘內 異常活躍 莫講溝女應酬 仔都生一窩啦 。DE粉點追佢哋嘅造蝨速度呢？

#床蝨
#DE粉

你好，暫時睇落一間房有（一個超大衣櫃+上下格床），間房雜物+衣物多，打算call滅蟲公司，而家諗緊藥水定熱能 見到nobedbugs標明唔需要執屋到啲野，唔知係唔係真