「你問我答」本人從事床蝨研究工作多年，希望可以幫到巴打們解困。

魚缸黎?

龜店買嘅 好用

巴打
想問下千赤士係咪跟佢個教學輕輕用毛掃上一浸就得？

呢啲係理論上做足，冇保證。

由貴價噴壺開始講起，淺談選用噴壺嘅基本常識。

我哋選用B&G噴壺，純粹係向高階嘅專業團隊致敬。$2100/個，解決咗好多問題。

1: 軟管會唔會塞？
2:出水位會唔會塞？
3:泵氣會唔會失靈？

$21都買得到噴壺，點解要用貴100倍嘅產品，加上金屬造，拎上手好重。

因為，物超所值。損耗率除非係同女朋友分手故意丟爛壺身（要非常憤怒暴力先可能達到），否則損耗率基本上等於0。

坊間大部分噴壺，用幾下就壞，更加唔好提及加粉劑落去，肯定塞，第幾時塞。

因此我哋建議預算應該係$100-$300不等，配備軟管和噴射器嘅噴壺。呢類噴壺噴出黎嘅效果較好，對於泵氣位/出水位嘅壓力不算太大，因此呢類係基本合格嘅工具。

每次使用後，需要加清水，再噴一次，為一個簡單清理管道嘅工作。使用壽命則更長。

而我哋用嘅B&G噴壺，基本上唔需要洗，留意下軟管係煤氣管個類質地，即係話受熱受凍都不易爛，連接噴壺和噴射器嘅口密封不漏。

所有結構都係精心設計，一塊軟膠Role Ring 足以改變噴撒嘅效果。

至於提及過DE粉加水，亦可以換一個模式，先鋪一層薄薄啲嘅DE粉，再用噴壺噴水/噴藥水，覆蓋de粉表面，帶乾透之後粉黏在物體表面不易被揚起。咁樣一黎，DE粉唔經$100蚊樓下個啲噴壺，自然不存在噴唔到嘅問題。

至於負責人堅持用廣東話書寫文章。

「因為我係香港人，我係要服務香港市民，我用最簡單直接嘅文字去講解邏輯和理論，係我身為作者嘅光榮。」

#噴壺
#滅蟲心得
#滅蟲新德

好驚驚

post有講，nobedbugs熱能公司都係用呢啲粉（佢哋自己嘅產品）

有個套餐係 $6000 粉末處理

即係話你呢個產品理論上係勁過de粉

如果要處理得好 可能需要一定嘅技術。如果呢個產品唔係好得 佢哋都唔會出純粉末處理。

畢竟床蝨好頑強好麻煩

想問下有咩滅蝨水推薦？

同埋想問下大滅推唔推薦

點樣知屋企有冇床蝨

幾年前中過
嗰陣買無敵士
每個星期都噴晒全屋
所有窿la位全部每晚補噴+熱風機吹爆佢
搞左幾個月

見到呢個post就諗起以前啲辛酸史

好後悔果陣貪平買左熱風槍而無買蒸機
燙傷左幾次

不推薦，因為冇話邊個一定得邊個一定冇用，重點係方法。

蒸氣機套個毛巾會好啲 啲氣都濕架。如果處理電制位置的話

其他唔好講住，最後自己搞得掂先
因為我基本上唔會收任何投訴，90%以上都係清零為止。

你嘅裝備一強一弱

不過你噴得比較仔細，屋企啲不確定因素較少，因此搞得掂。

可唔可以講佢地的屎同卵

唔明

i mean床蚤d屎同卵的size 顏色，最常出現地方，手感等等

需要噴的地方包括木質傢俬、布質傢俬🛋、衣物👕👖👟🎒、地腳線及各處縫隙。

圍繞床位座位附近嘅位置一般都係列入高發區危險區高度危險區。

蛋=白色一粒粒米狀
幼蟲=米黃色（淺）
越大越棕色

7月開始有蝨 但一直都係斷斷續續 例如7月有幾隻夜晚不停咬 捉過4隻左右 到8月至9月一隻都冇咬過亦冇出現過(都有做過幾次滅蝨) 到最近9月中d蝨又返曬黎 就咁捉都有5隻 宜家開始又冇乜野咬 佢地活動範圍都係房 房得床同衣櫃

屋企都係得千赤土 想問下點樣可以杜絕佢地？

屋企人最近仲淘左木製品 好驚有蝨 如果d貨落到黎我應該可以點樣預防？掃定d粉係上面？

三年前中過一次自己用DE粉解決咗
但上個月疴夜尿返嚟見到枕頭有一隻，即時處理咗
上兩星期床邊發現一隻又即時處理咗
之後即買DE粉全房撒，由見到第一隻開始到依家都未有俾佢哋咬嘅績象

想問以樓主經驗我依個情況係咩情況，點解會單獨一兩隻間中出現？其實有冇擴散定其實解決咗？外來引入定有冇機會係三年前殺淨一兩粒蟲蛋依家出世？

屋企有寵物係咪唔可以落藥
同可唔可以養隻守宮同青蛙去狩獵佢哋

淘唔淘都有機會輸入 ikea啲木床都有（去過好多新單位）

你單憑粉末好難掌握得好，清零的話不會建議用粉。