《我的MK妹同桌》第二季

「咁你想去啊嘛，我知你想留低啲回憶嘅。」我明知啲Ocamp玩開啲淫賤game，都因為唔想無咗佢而由佢去，認為咁樣係放手一搏。

「你唔想我去，我可以唔去㗎喎。」猜唔透呀詩嘅意圖。

佢咁樣講，我更加猶豫，佢呢句係真話啊，定另有所指？

諗爆頭。

「唔係我想唔想，係你想唔想。」拍得耐，係會學乖，同埋學識講嘢，姐係所謂嘅語言藝術。

「如果你想去嘅話，咪去囉，無幾耐之前我哋先經歷完考驗。」

「真係咁放心？」我好似答得令佢幾滿意，開始調皮。

「你唔驚我俾人溝走？個組爸咁靚仔。」通常越係咁講，就越唔會咁做。

因為會咁做嘅人唔會講，無辦法坦然咁面對自己嘅心虛，呀詩咁講純粹口賤姐。

「驚，咩唔驚啊？我連呀Ken都驚啦，呢個靚仔我會唔驚？」我亂嗡。

「其實我想去，之但係我知個分寸，因為係你先咁。」我唔明。

「姐係點？」我回話。

「姐係我了解你，愛你，先會識得收。你試下對我唔好，我就唔會知咩係分寸啦～～」

「你係串囉。」我頂嘴。

「但你嗰邊無Ocamp咩？」呀詩講完粗口之後問我。

「無人搵我喎。」我呢啲小毒撚邊有人搵啊，問你感情status嘅時候你話有拍過拖，一定無人信，個個露出驚訝嘅神情，我會想當場屌死班仆街⋯⋯

「咁你會唔會去？」

會唔會俾另一半去？
會
唔會

夠安全感嘅話應該會俾嘅

點都會俾！唔俾遲下怨鳩你仲煩





老實一句 未必係最後一個

同埋都食左啦 大家有心一齊唔好怕哩D 小事



要怕都係出黎做野之後果下....
收入高低之分別

推

希望唔係

會唔會去完ocamp派帽比呀強

sad 味濃

追到live 左 明明冇經歷過，但點解都會有感受

輕輕一推

我見住好多人畢業嗰段時間散
其實我覺得出社會之後兩個人面對嘅問題多咗，會唔會長好睇大家識唔識點樣去溝通個問題

同埋你個心定唔定

多謝你

面對現實個陣好多野都好殘酷
尤其講到生活層面（錢）就更加難用溝通解決問題

呢樣真係好兩難
但如果另一半去完相安無事嘅話
其實男仔會覺得好窩心覺得呢個人就係值得一世

今日會唔會有文

ocamp可能都係個伏筆

可唔可以令我有啲信心

終於禮拜六唔洗返工
已經連續返咗三個禮拜六
無咗成日咁，禮拜日就用嚟瞓
跟住又要返工....



所以今晚會出文

我地向現實低頭

文呀

I’m waiting for you

推

「我？我麻麻地呢啲咋。」Ocamp嘅傳聞聽得多，對呢類活動就無乜好感。

但啲人話係Ocamp1識新朋友，會決定你往後讀書嘅朋友仔，細細個嘅我就咁樣俾佢影響到。

「如果你去嘅話，我都會去。」我認為咁先公平。

嗰晚我哋就咁有咗共識，呀詩最後都係去Ocamp，而我，無幾耐都有人問我。

一個陌生嘅電話Whatsapp我，話自己係組媽，問我參唔參加Ocamp。

我打開個WhatsApp Icon一望，幾靚女⋯⋯

好似脫離中學之後，個世界當堂大咗好多，靚仔靚女多咗咁多嘅？中學嗰陣靚仔靚女嘅比例都無咁多。

組媽：Hi~~~~我係XXX嘅組媽 嚟緊我哋8月尾有Ocamp 你咁啱隨機分配到我哋呢組 想問下你有無興趣嚟Ocamp玩啊？當係識下朋友仔 日後大家都可以好好地相處

哇⋯⋯忽然間有啲壓力，唔知點覆好。

其實Asso都係讀兩年姐，大家有幾何相處啊？好多都係為搏上去咋嘛。

所以呢一樣都係我唔係幾想參加嘅原因，但見呀詩都去咗Ocamp，自己亦都有啲蠢蠢欲動想試，如果唔係呀詩去玩到好癲，而自己好似毒撚咁樣嘅話，會心理唔平衡⋯⋯

我後未覆佢ok。

而佢好興奮，同埋好熱情咁覆我，問我叫咩名啦，問我讀邊間中學啦，問我住邊啦。

我反而有啲退卻，我對於呢啲咁熱情嘅人係有啲驚，就好似係街上面俾人好熱情咁推銷我，我都會直行直過咁。

組媽：我叫Chris啊，啲人都叫我做豆丁

我：豆丁？

我俾佢呢個名搞到笑咗。

組媽：因為我好似豆丁咁細粒囉，哈哈哈。係呢，你有無啲咩花名啊？

Um⋯⋯我諗一諗，又真係好似無乜花名喎，大家都係叫我做呀強、強仔啊之類。

係得呀詩好似有幫過我起花名。

有一次我剪個頭髮，剪完之後真係好柒，我足足因為咁唔開心個幾禮拜，佢覺得我個頭好薯，成個薯仔咁，蕃薯仔都無我咁薯。

於是乎成日都叫我做「薯頭」、「薯頭」咁，食飯叫我都係叫我做薯頭。

我：都無乜花名㗎，係以前有人叫我做薯頭囉。

組媽：薯頭？

然後就係一連串嘅笑喊表情符號，我後悔了。

組媽：幾好笑，哈哈哈，就呢個花名啦，一定好多人識你。

有啲戇鳩嘢，做完真係返唔到轉頭，唉真係好後悔嗰陣做乜唔用腦諗下個新花名⋯⋯同埋點解要用花名咁戇鳩？？？