《我的MK妹同桌》第二季

1001 回覆
145 Like 8 Dislike
2021-04-09 10:01:15
晏啲更新
應該可以更到兩篇
2021-04-09 15:14:59
一路上,我都有同Gigi傾下偈,為免個氣氛唔好咁尷尬,我只好扮下輕鬆。

問佢其實讀邊間中學,講完先知原來都係喺附近姐,都幾有緣。

但閒談間,我都仲係感覺到佢由心散發出嚟嘅憂鬱,但唔知佢憂鬱啲咩。

Gigi佢好識「笑」,好識用「笑」嚟掩飾內心嘅悲傷,俾我嘅感覺係咁樣。

我哋傾返中學嘅嘢,通常都係邊度食飯啊,買啲咩啊,呢啲都係我哋中學回憶入面嘅共鳴。

難得新識嘅朋友會有咁嘅共鳴,我哋之間嘅關係當堂緩和好多,無咁尷尬。

我有預感,我同Gigi之後會成日來往⋯⋯

「係呢,咁你有無男朋友啊?」傾到有dead air就問下其他嘢,覺得可以問下啲deep少少嘅嘢。

「我⋯⋯」好明顯Gigi就一臉害羞。

「我無拍過拖啊,上次食飯我有講過啊⋯⋯」經佢提一提,我先醒起,頓覺有點柒。

「係啵⋯⋯」

「因為屋企管得嚴,唔俾我拍拖㗎。」佢後尾補多呢句,佢特登補返呢句,其實我無再追問,佢唔答都okay,都無乜必要講,但就講咗出嚟,仲要愁容滿面,眉心輕輕鎖緊。

「哦~~依家都畢咗業啦,可以試下喎,你都大個啦其實。」我口快快咁衝口而出。

「吓?」Gigi抬頭望住我,眼神意亂情迷,深遂嘅眼珠左右快閃咁掃過我臉龐。

「我屋企人唔會俾㗎。」佢好堅持。

我俾佢個眼神嚇親,好似有啲電到咁⋯⋯

我即刻轉移視線,唔敢望太多,我真係猜唔透Gigi諗緊啲咩,於是我抬頭望一望個地鐵站,睇下仲有幾耐到。

「都就快到啦喎。」我轉移話題⋯⋯

我都叫自己唔好諗太多,同時同Gigi保持一定距離,唔係指身體上,而係指心靈上,因為我清楚知道,Gigi唔會係我鍾意嘅嗰類人。

應該咁講,我覺得我唔會再搵到好似呀詩咁好嘅女仔,全世界入面,得佢一個係咁,獨一無二,唔會有第二個,亦唔會有第二個再俾到咁強烈嘅感覺我。

因為咁樣嘅諗法,先一路支撐住我,先會分手後仲咁念念不忘,放唔低呀詩。

即使依家出現第二個女仔,我都係咁諗。

去到營地,組爸組媽好熱情咁歡迎我哋兩個,仲叫我哋拎衫,呢件衫將會成日陪伴我左右,我成日都著住件營T㗎真係⋯⋯

——著住嚟瞓教。

件衫後面有寫我哋嘅花名,件衫係全黑色,熱辣辣仲要著住件黑色衫,真係熱到仆街。

前面寫住我哋嘅組名,後面就寫住花名咁,我就大大隻字「薯頭」咁樣寫係背後,真係柒到飛起,但往往呢啲柒事就最值得回味。

後來再諗返起,原來唔單止我個名柒,連個組名都柒過人,叫「二世組」。

以前會覺得懶係搞笑,但大個咗就覺得柒到無論⋯⋯
2021-04-09 16:26:32
有陣將會思想出軌既味道
2021-04-09 17:06:47
溝佢啦
2021-04-09 20:57:12
2021-04-10 09:13:56
2021-04-10 17:08:41
加更
我同Gigi嚟到之後,就俾人拆開咗,佢俾組媽拉走咗,而我就俾組爸拉走咗。

終於見到啲食飯無嚟到嘅人,我開始後悔點解我要出席嗰餐飯,諗唔明有咩用義。

我掃視在場其他組嘅人,Gigi佢係組媽度唔知傾緊乜,只不過佢依舊地憂鬱,喺佢頗為蒼白嘅臉上甚少出現笑容。

但佢唔笑,又唔係俾人閪口閪面嘅感覺,只係明顯咁話俾人知佢唔方開心得去邊,悶悶不樂咁。

好死唔死,上次嗰個自稱「大神」嘅男子,佢認出我。

「喂!薯頭!!」懶係熱情,懶係熟咁打招呼。

真係唔理人尷唔尷尬。

「喂!大神!!」我、好、尷、尬。

「咁遲先到㗎!」一聽就知係度鳩嗡搵下嘢講。

「吓?我早咗到啦喎,係你太早咋掛?」

「是但啦!」佢劃一劃空氣,「你估呢⋯⋯組媽有無仔啊哪?」轉移到佢關心嘅問題度啦。

「我點知姐。」我無咁佢好氣。

「所以我先叫你估咋嘛!又唔係叫你真係俾我答案我。」我竟然一時之間無言以對。

「咁我估無掛?」你都係想我咁講姐。

「點解咁講呢?」佢反問我。

「因為⋯⋯我見佢whatsapp icon都係個人照,手機營幕都無其他合照啊,所以應該無?除非收得好密啦。」我已經唔係幾想應佢。

大神覺得組媽幾正,我自己認為組媽樣就普普通通,但身材就十分姣好。

尤其是發育良好嘅胸部,就算著住鬆身衫都遮唔住佢傲人嘅身材,十分之有線條,有種歐美風係度。

大神個樣加埋個眼神,好鬼死猥瑣,時不時就望向組媽度,我夠寫包單,佢一定係鳩痕⋯⋯

我已經hea應佢,同時間,我望下在場嘅人,有啲係我之前食飯無見過,我留意緊啲之前無見過嘅人。

其中一個好快就映入我眼簾。

係一個MK妹。

金黃色嘅頭髮,一身全黑色,本身上身已經係黑色,佢下身都著咗一條黑色熱褲,就連對難都係黑鞋,白哲而幼細嘅MK腿盡露眼前。

絕大多數正嘅MK妹都離唔開一對風華絕代嘅靚腳。

佢手臂上仲有一個唔顯眼嘅紋身,係佢身上,我見到呀詩以前嘅影子,曾經呀詩都MK過⋯⋯
2021-04-10 22:43:55
2021-04-10 23:11:27
2021-04-11 00:55:40
Lm
2021-04-11 01:05:28
有無人在線上
沖埋個涼嚟個久違嘅深夜出文
2021-04-11 01:08:09
2021-04-11 01:12:47
2021-04-11 01:21:20
快出
2021-04-11 02:23:57
待機中
2021-04-11 02:42:35
嗰陣時MK妹仲未開始絕跡,係當人慢慢大嘅時候,發覺自己以前咁樣原來好柒,就會慢慢改變。

古語有云:有邊個無MK過啊?

好多時MK同青春一詞有所重疊,有時MK呢一個字唔淨係解衣著打扮、行為,早排《那些年》套電影出咗,時不時會係網絡上面見到有啲人扮那些年個封面照。

我都會覺得佢哋好MK啊⋯⋯

MK只不過係青春嗰陣,某幾件我哋大膽去做,唔會理佢柒唔柒嘅事,而最重要嘅係,有幾個人陪你咁樣做。

印象中,嗰個喺我第一眼入面,認為極度MK嘅女仔,後尾都著到成個文青風咁。

但我同佢無認識到,無乜點講過嘢,唯一接觸嘅就係今次嘅Ocamp,之後無同組過,大家嘅路亦唔相同,但係其他人嘅post入面搵到佢出嚟,然後因為有add到其他人ig,就索性全部人一齊add,廢事大細超。

我同佢都有互相follow大家ig,僅此而已。

個MK妹好似叫呀嵐。

其實現實生活入面,呢種社交慢慢變成常態,開始明白點解啲人會話大個咗會慢慢少朋友,唔再好似中學咁。

因為中學嘅友情,好容易就可以行入你生命入面,唔理係正面定負面,但都大大咁樣影響住你。

到大個咗,唔係個個都會走入你生命裡。一嚟唔係個個想,二嚟你自己都唔一定會俾。

可能日後真係有另一個一模一樣嘅呀詩出現,都唔一定會係有咁嘅結果,一唔一齊到都唔知。

我哋Asso Ocamp人數唔多,規模亦唔似得大學咁,所以先搞兩日一夜,而且唔似得大學咁有歸屬感。

大家都知Asso係讀兩年,我哋都係相處兩年嘅姐,而組爸組媽仲有一年,算係少數入面有心搞嘅人。

我哋背後嘅名,其實係名牌嚟,可以撕落嚟。

而呢個Ocamp嘅game,有幾個係直接抄最近好紅嘅running man。

係韓劇盛行之前,running man先係吸引好多人去睇韓國嘢嘅先河。
2021-04-11 03:13:52
我覺得樓主可以出得密啲
咁樣進度可能十年都未完
2021-04-11 06:09:44
2021-04-11 10:19:26
2021-04-11 15:15:35
加速
2021-04-11 19:36:45
2021-04-12 04:27:08
2021-04-12 11:29:20
要返工呢 寧願而家咁樣每日一篇好過佢是但完咗佢
2021-04-12 11:41:30
Lm
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞