《我的MK妹同桌》第二季

留名

唔好quote長文

「超，扮曬嘢啦你，成日都無理正經！」呀詩話完下一秒，就尖叫起上嚟。

「啊啊啊啊！！！」佢俾我公主抱咗上床，返埋房之後大膽咗好多，得返我哋兩個嘅時候，只係想甜甜蜜蜜。

「依家就唔正經俾你睇！」要好好教訓佢先得。

「我個頭未乾啊⋯⋯」講都講得有氣無力咁。

我已經用嘴唇封住佢雙唇，佢只能夠發出支支吾吾嘅聲音，無從反抗。

然後就係最激烈嘅時候，嗰晚我哋大戰好幾次，直至攰到仆街先攬住一齊瞓。

呢一晚真係好滿足，身心都係，根本無時間俾我哋去細想咁多，只係想佔有對方，互相有來有往，咩花式都玩齊曬。

「我哋會唔會嘈到隔離㗎？」呀詩中途嗰陣問我。

「可能佢哋都嘈緊，聽唔到我哋啦！」我仍然賣力緊係呀詩身體度竄流，鍾意睇佢受不了嘅表情。

「啊⋯⋯你⋯真係呢⋯⋯」

「咩啊？」我壞笑。

「好鬼衰囉！又搞到人哋咁⋯⋯啊⋯⋯」用行動嚟證明自己有幾衰。

但其實佢自己明明就鍾意呢啲。

完事後，攬住一齊，大家都攰攰地，好有睡意嘅時候，呀詩問咗句：「唔知蕃薯仔佢哋今晚點呢？」

「咁真係唔知啦，佢哋好難講，我淨係知我攰到仆街姐⋯⋯」

「屌你啦。」呀詩嘅小拳頭拍打我心口。

第二朝，我哋遲咗半個鐘起身，到子晴佢哋執好嘢，過嚟拍我哋門嘅時候，我哋先知大鑊⋯⋯

因為我哋要趕車。

今晚加速

褲都除埋你俾呢啲我睇
Btw G持

我兩個拖住疲累嘅身軀執好嘢，捱住子晴同蕃薯仔嘅面色同埋眼神，呀詩兩隻腳軟到合都合唔埋。

見到子晴佢哋咁精神，我諗琴日進展無望㗎啦，趕頭趕命咁去到高鐵站，臨5分鐘前到車站，再趕埋入閘，炆水趕到上車。

一路上子晴都無乜點講到嘢，我都心知不妙，子晴嬲咗，係咁同蕃薯仔打眼色，佢都無能為力。

「好彩趕得切咋！！」子晴終於開口講嘢，佢講完呢句之後，個心都定啲。

「你哋琴日搞咩嚟啊？」我心諗，真唔知定假唔知⋯⋯

「er......可能搭飛機太攰掛？」我亂嗡。

「你哋琴日唔攰咩？」我見佢哋面色都有點紅潤。

「都⋯都攰㗎！哈哈。」蕃薯仔真係好易穿煲，所以佢哋先可以行到咁遠？

後來先知道，嗰晚佢哋無去到最後一步，因為子晴話驚痛，蕃薯仔又唔係嗰啲好狼死嘅人，所以有咁嘅結果都合理。

我同呀詩就真係完全唔同，可能真係年輕氣盛，有好多活力，可以做到每日三次郎。

呢程高鐵係我兩個回氣嘅時候，而且好穩，好快就進入夢鄉，亦好快就到高雄左營，再搭車入墾丁，嚟到已經晏晝。

旅行充滿住好多幻想，諗住話揸嗰啲電動車，車住自己女朋友，好有電影嘅浪漫感，但實情⋯⋯

唔係咁易㗎葉師傅。

我哋嚟到墾丁，睇天氣預報話有微雨，但點知嚟到之後陽光普照，曬到痛啊⋯⋯

擺低啲嘢就去租電動車，成條街行幾步路就有得租，因為唔洗車牌，而且車速慢，好多住宿都推薦，叫你話用嚟代步好方便。

我哋換咗一身沙灘裝，呀詩話就話慢慢越嚟越無陣MK妹，但間唔時都會感覺到無消失過咁。

佢成個look好索，MM地K咁⋯⋯

入面係一set比堅尼，然後一件白色over size嘅衫，下半身失蹤，根本好易就見到禁地。

加上呀詩白滑嘅雙腿，配上人字拖，成個腳形出曬嚟。

唔洗問，一路上一定吸死仔，只不過我反而好enjoy呢種眼光，為溝到呀詩而自豪。

而子晴我以為佢會行開保守嘅路線，但點知⋯⋯一望真係嚇親我。

最估唔到嘅係，呀詩比我仲驚訝，率先開口嘅係佢。

「哇！哇哇哇！！不得了，晴⋯晴晴你⋯⋯」

「咩啊？」真心問，好肯定。

「你⋯收收埋埋？？？」

「估唔到你身材咁好喎！平時校服著開啲鬆身衫，真係走漏眼，好有料喎。」

我係男仔，唔識咁仔細嘅研究，但我頭先一睇，先發現完全子晴咁大波⋯⋯

起碼我知佢大波⋯⋯

「哇，蕃薯仔你真係執到寶，前事做得好事多啊你！」

子晴怕醜到後退幾步，雙手掩胸，但佢嗰件貼身衫同埋短版牛仔褲，已經遮唔到，平時佢都著得比較中性，較難睇出有咩突變。

「邊⋯邊有喎⋯⋯」

蕃薯仔又成碌木咁企係度，反而變到唔好意思嘅係我哋。

本來清純見稱嘅子晴，忽然間俾我哋感覺變得咁性感，更覺得驚喜，原來佢咁正㗎？真係不得了。

果然，落街就好多男仔行過嘅時候，眼神都會不自然咁飄落子晴同呀詩身上。

搞咗一輪租到電動車，我再三問蕃薯仔識唔譜揸㗎⋯⋯

佢話自己識揸單車，因為民宿個老細話實揸單車就得㗎啦，好簡單，個個都係咁揸，所以佢話ok。

樓豬會唔會開mewe page?

推

推

留名支持作者
仲記得第一季睇到嬲

終於有第二季

Push

點知一上車嗰陣，先知原來唔係咁易。

佢哋兩個拎到車先，已經係側邊試緊，點知一個唔為意，蕃薯仔同子晴已經炒咗車，成㗎車側曬，受唔到力，扶唔穩，所以成個人仆咗落地。

「喂喂喂⋯⋯」

本來都無乜事，但蕃薯仔喺㗎車反側嘅一剎那，攬實咗子晴，搞到佢隻手落地先。

只可惜子晴都有啲皮外傷，但蕃薯仔呢下嚇親子晴同埋我哋幾個。

「你無事啊嘛？」
「你隻手點啊？」
「做乜咁傻啊？」

喺危險低下嘅下意識係呃唔到人嘅，係蕃薯仔心入面，子晴比自己更重要。

「你沒事吧？」老闆都擔心起來，佢係見到呢幕嘅人。

「你要輕一點啦，你扭的時候，裁波？」之後就一連串嘅台語，聽都聽唔明，但我估大約嘅意思都係要我哋小心啲囉。

「你真係呢，你下次唔可以咁危險㗎！！知唔知啊？」子晴有啲焦急，兩個都唔想對方出事，閃到我同呀詩。

因為呀詩用力咁捉實我隻手，一言不發。

我拎到車，上車嗰陣佢捉到我膊頭實一實，心怕頭先嘅畫面再次發生咁。

蕃薯仔隻手佢話無乜事，都仲郁得，問佢係咪死頂，佢話痛到死點會死頂啊？我哋先放心啲。

但子晴係隔離驚餐飽，又話再係咁就唔要佢啊，唔要個斷手嘅做男朋友啊，蕃薯仔淨係識成碌木咁係度傻笑。

「你⋯小心啲啊⋯⋯」呀詩捉實我，擔憂地說。

「知啦，最多咪死！係都我死啦，我係前面喎。」我講笑咁講。

「唔準你咁講啊！！！」呀詩大大力咁搣我。

之後我慢慢揸，一路上，我點撩佢講嘢，佢都無應我。

會啊
但暫時唔係幾識用mewe

多謝
希望呢季唔會

推

唔好sad end呀樓主

推

第一季睇到live左樓豬加油

我哋向住台灣最南邊揸，揸到一半，我頂唔緊，越揸越慢，然後係一個海岸邊停低。

準備諗住氹呀詩。

因為頭先原本攬實我條腰嘅佢，鬆開咗，自己扶住後面。

此刻，我心軟曬落嚟。

落車後，轉個頭，就見到呀詩流緊眼淚嘅樣。

心好老實咁同我講，唔係啊？咁小事就喊？因為我知佢係在意頭先嘅玩笑。

「好啦好啦，我知錯啦，我頭先唔應該咁樣講⋯⋯」我行過去，幫佢拭淚。

我以為佢會發曬脾氣咁樣啦，點知佢抱實咗我，好彩我扶住咋，如果唔係又反車㗎啦，因為佢仲坐喺車度。

又係一句話都無講過。

淨係攬實我，勒住我，差啲無氣。

但呀詩呢個舉動，可愛到我⋯⋯佢都係著緊我姐。

我從後輕輕掃佢嘅頭髮，希望可以安撫佢嘅情緒。

「無事無事，我唔會有事㗎。」我呢刻先感覺到，原來呀詩入面嘅不安感係咁大。

原來我係佢心入面，係咁重要⋯⋯

一個在意你嘅人，係會連你嘅不經意嘅玩笑都會在意。

「我會慢慢咁揸，唔會出事㗎。」

「你出下聲好喎，如果唔係我唔知仲揸唔揸好㗎。」

佢都仲係無理我。

良久之後，佢好似攬夠啦，仲用我件衫嚟抹鼻涕。

「喂⋯⋯」我有氣無力咁講。

「咩啊？」佢鼻音重到，「邊個叫你講埋咁啲嘅嘢啊？」

我笑住咁無話可說。

「快啲追返子晴佢哋啦！！」

「又叫人唔好揸咁快？如果唔係好易⋯⋯」一雙凌厲嘅眼神係我隔離不停咁眨。

「快唔快啊？」

「快！」

之後一路上，呀詩佢攬住我條腰，我係倒後鏡度，可以清晰咁見到佢嘅笑容。

加速未

推