《我的MK妹同桌》第二季

今晚加速！！！！
終於放假今日瞓咗成日
依家開始打文

等你啊

期待已久嘅grad din好快就落幕，但其實大家唔想咁快完，意猶未盡。

成班人企曬係酒店大門，有安排嘅人已經走咗，只不過大家再影下相，睇下去邊度，就留耐啲咁。

「點解仲唔走嘅？」又係我哋四個，基本上佢哋四個陪咗我成個中學生涯，有無其他人對我嚟講無乜大太轉變。

要點樣分別嗰個人對你重唔重要⋯⋯

係睇如果嗰個人消失咗，對你影響大唔大，會唔會因為咁樣唔開心，對你生活有無咩影響。

所以我哋四個好似俾全部人排斥咁，企係一邊，但其實只不過係我哋排走曬其他人。

「聽講佢哋話去唱通宵K喎，已經唔止一班話要唱K啦，可能除咗唱K，都無乜其他嘢好做？」子晴回話。

「咁唔想咁快完啊嘛⋯⋯」蕃薯仔望一望手錶，「依家先10點幾咋喎。」

「咁我哋點好？又唱K？」呀詩迷茫咁望住我哋。

「我OK啊，反正我都唔想咁快完。」我答，我自己都唔知仲有咩地方好去，話夜唔夜，話早唔早咁。

我哋靜咗一陣，係度睇緊手機，各自搵下有咩做，同埋睇下K房。

之後呀Ken走過嚟，開口問道：「喂～你哋一齊唔一齊去唱K啊？」今日嘅呀Ken，都幾型棍，著住件深藍色嘅西裝嬲，gel咗個飛機頭，時髦得嚟又唔過火。

「er.....」大家你眼望我眼。

「好啊！」最後子晴有禮咁應承。

自從返咗工之後就無再深夜打過文
今晚有無人在線上

有

OK！加速緊

推

等呀Ken離去，呀詩捉住子晴，講：「咁快應承佢？」

子晴反問：「唔好咩？」

「咁又唔係⋯⋯只係仲諗緊第二個計劃姐。」

「咩啊？」我同蕃薯仔眼前一亮，都好奇想知咩嚟，因為實在諗唔到仲有咩搞。

「去老蘭飲下酒！難得我哋今日著咁靚。」呀詩意圖不明嘅微笑，特別淫邪！！！

「下？」我同蕃薯仔呆住，對望咗一眼，已經大約估到對方想點。

「唔好！咁⋯咁樣邊得呢⋯⋯唔俾！！」
「唔準！痴線咩咁樣落去！」

我哋異口同聲咁講。

「點解姐？」呀詩扭曬計。

「真係去啊？」子晴問，有啲擔憂。

「你諗下，我哋又未去過蘭桂芳，而且曬咁多時間執得咁靚，唔係唔去見識下啊？」呀詩大條道理咁講。

呀詩見我哋無反應，就知道佢講嘅嘢有用，然後就繼續扇風點火⋯⋯

「去啦～～」

「但你著到咁靚，一陣俾人溝走咗咁點算啊？」

「你連自己條女都睇唔住㗎咩？」呀詩成日都挑釁我，激發我深層嘅男性意識。」

「驚你啊！我一定會望到你實一實。」我斬釘截鐵的說。

「但我頭先已經應承咗呀Ken啦喎⋯⋯」子晴道。

「我去講就係啦。」

「你哋係咪去先？」呀詩再次確認。

「去⋯囉。」蕃薯仔都無可奈何。

然後·呀詩行去同呀Ken講咗幾句，就招積咁行返嚟，滿臉風騷。

等你好耐了

推

推

就咁，我哋離群咁遠走他方，係酒店門口截架的士，四條傻撚一睇就知毛都未生齊，就話去蘭桂芳。

「哇，你哋著到咁去蘭桂芳啊？」有啲的士佬好多嘢講，都唔係第一次遇到。

我哋尷尬咁無應到的士佬，但係佢可以無視呢種尷尬，繼續講⋯⋯

「兩個哥哥仔唔驚兩個靚女俾人溝走咗啊？」

啲問題我都唔知點答。

「我信得過啊！」蕃薯仔衝出嚟，其實嗰下幾型仔嘅，但佢講出嚟嘅感覺有啲傻裡傻氣，忍唔住笑。

的士佬都笑咗。

「青春真好！你要好好珍惜你隔離個女仔啊，唔好俾人搶咗去啊⋯⋯唔好好似我咁。」的士佬一陣感慨，我哋又唔好意思問。

不過有時咁樣反而容易拉近人與人之間嘅距離。

「咪撚好似我後生咁，唔識珍惜個女仔，跟佬走撚咗⋯⋯依家到老一場空。」

喺的士佬個倒後鏡度，睇到佢嗰下嘅滄桑，想必係有個故事。

其實唔好同一個陌生人計較佢係咪吹水，會開心啲。

坐係我隔離嘅呀詩捉住我隻手，稍稍用力。

呢一個瞬間，我明白佢呢一刻嘅舉動，咩都唔洗講嘅默契，由經歷完愛情初時嘅甜蜜，離別後嘅心酸，再次重逢嘅喜悅。

到依家嘅心照不宣。

「知㗎啦司機大佬！實會珍惜佢哋。」我回應道。

一個反手，就同呀詩十指緊扣。

「哈哈！屌你班𡃁仔，唔好下巴輕輕啊，人哋有眼睇㗎！」的士呀叔開懷地笑。

「聽到未啊？睇緊㗎！」子晴拍一拍坐係副駕嘅蕃薯仔，食住個勢俾說話蕃薯仔聽。

車程唔算好耐，但呀叔講返佢以前啲往事，又無惡事，聽下故事又幾有趣啊，落車俾多幾蚊雞，間唔時係香港地仲可以感受到人情味嘅。

我都係第一次落老蘭，呢度喺另一個世界，抬頭望上去，啲女仔又低胸短裙咁，一睇就知係濃妝樣。男嘅都正，又高，髮型又潮，仲要多鬼佬⋯⋯

成年人嘅世界就係咁？

我問自己。

推

「咁點啊依家？」唔知邊個問，我淨係掛住睇周圍嘅嘢，花花世界。

「行下先囉。」我隔離嘅聲音開始細，分唔清邊個講緊嘢。

「好啊。」

「喂⋯⋯」

「強⋯⋯」

「呀強！！」

「啊？」我回過神嚟。

「做乜鬼啊你？無曬魂咁，掛住睇女啊？！」呀詩兇狠咁望住我。

「傻啦，點會，睇你同晴晴都夠啦。」我衝口而出。

「咩話！？你點解仲要睇埋晴晴啊？」我意識到自己講錯嘢⋯⋯

仆街啦。

「我⋯⋯因⋯因為你哋兩個都靚囉，今日成個蘭桂芳最靚係你哋兩個啦！」

有時男人學識講大話，係因為求生慾。

有嗰句講嗰句，誠實嘅話，會出事的。

「超！咪以為我唔知你頭先係度諗女啊。」呀詩輕輕地摵咗我一下。

「只不過我覺得嚟到呢度有種，真係長大嘅感覺。」

「傻仔，我哋先18、19歲，就以為自己真係大個啦？」呀詩不以為然，繼續講：「只係法定年齡上，我哋算係成人咋，應該咁話⋯⋯如果我哋連蘭桂芳呢啲地方都覺得唔陌生嘅時候，我哋先真係大個啦。」

諗一諗，又啱喎。

我哋又咩都唔識，是但搵咗間好似幾高檔嘅酒吧，就入咗去。

我哋幾個望落尷尷尬尬咁，啲店員一睇就知咩事，唯一比較淡定嘅，就係呀詩。

店員俾咗個卡位我哋。

點咗幾支唔知咩酒，亦唔知酒精濃度幾多，淨係望個名，望落好似幾啱自己口味，大家都揀啲水果酒，甜甜地嘅。

蕃薯仔就揀咗個伏嘅，一飲落口，佢個樣捲埋一舊舊。

我以為會有啲類似喜愛夜蒲嘅場景，會有啲仔唔理三七二十一咁嚟撩呀詩同晴晴。

點知一路都無，個場唔算少人，會有人望過嚟，眼神裡盡是輕挑，但無行動。

一切好似自己諗多咁。

我哋各點咗兩杯，飲到微醺嘅狀態，我以為去親酒吧就會飲到酩酊爛醉，又刷新我對飲酒嘅定義。

我哋係度吹下水，之後仲會返學拎成績表，再之後要見面，就要約出嚟啦。

我哋無提到成績，應該大家唔想喺呢個環境下講啲咁沈重嘅話題吧？

講返中學啲柒嘢啊，有講下啲戇鳩嘢⋯⋯

「如果一陣有靚仔過嚟撩我哋兩個，你哋會點啊？」呀詩喺呢個環境放得好開，癲起上嚟，唔係人咁品。

「你覺得會俾佢哋入到位咩？」我不甘示弱。

「哼！哈哈哈哈，咁睇你哋兩個夠唔夠膽啦。」忽然間，我都有啲怕。

離開中學之後，呀詩會見識好多，會見識到呢個花花世界，比中學大好多好多，我哋以前嗰股定力，究竟會維持幾耐呢？

「唔夠膽都要㗎啦，無一個男人會咁樣睇住自己條女俾人撩走！如果會，嗰個咪就係唔係男人囉。」我知其實呀詩都係講下笑，想激下我，睇下我反應。

但就係唔知點解，我就係同佢較真咗。

又嚟料

其實有時啲問題唔係喺第三個人度係兩個人之間嘅問題


但呢個好細雞姐

好耐冇見

啫係嚟緊又分手？

推

琴秀巴同狗堃巴還安好嗎

原來改左名