終於明白點解香港人體質咁差，原來係因為食物金字塔

myplate其實都將近10年
香港真係好落後

唔記得答另一個問題

高GI 食物意思就係令血糖升得快既食物
點樣先會升得快血糖呢？
就係易消化（細粒，低纖維，軟，濕既食物），又高簡單碳水化合物*既食物


*註解：我指係化學結構簡單，碳水化合物係一堆由唔同數量單醣（你當係LEGO)砌出黎既分子，最細就係單葡萄糖同果糖(姐係佢地係一粒lego)，有啲就兩粒lego砌出黎，有啲就幾粒至幾十粒不等咁砌出黎，而且唔同形狀（chain/2D/3D)同結構（多數出現係植物度）
所以愈複雜就愈要多時間拆佢做基本既葡萄糖（變返一粒粒散lego)，但都代表佢地可以一拆就幾十粒糖，糖量重啲，相反愈簡單愈消化得快吸收得快）


所以甜零食（雪糕，朱古力，蛋糕咁，因為直接加糖，佢地分子通常較細較簡單，甚至直接已經係葡萄糖，同佢地加好撚多糖,同埋麵粉加左工磨工咁細粒又係易消化），麵包（麵粉，軟熟，易濕，易消化），薯仔/蕃薯（高複雜碳水化合物)呢啲都高gi

而低糖/碳水化合物，高纖，高蛋白，全殼物（糙米果啲，白飯唔算，雖然都多碳水化合物但因為保持左，但原有植物既結構，會難消化過加左工磨左既麵粉），呢啲難消化，又少糖（除左殼物），就會升血糖慢啲，而呢啲食物多數係蔬菜或肉/蛋。

其實我都好少睇GI值
因為點先叫high?差一分算high定medium?
同埋個個網站講既都有出入
個個人既狀況可能又些少唔同
所以你問我點解個網講通粉低啲
老老實實我都唔識答煮淋啲咪會高gi 返
所以我淨係用以上既情況去評估

點解咁多負皮...
上磅嘅話飯加肉幾好呀...
收身果陣咪少d飯多d肉or一半飯加蕃薯加肉
樓上講痴肥果d係佢食又食得多又唔做運動
你控制好卡路里控制好份量係一個幾好嘅碳水
做gym充血感好好

Lm

其實時段就冇咩所謂
主要係要等夠鐘數，先確保身體已經用哂上一餐既血糖同肝糖同已經用緊自己啲脂肪
所以通常就14-16個鐘到就得
所以你見啲人都係做16個鐘唔食8個鐘食

因為係鐘數緊要啲，所以至於咩時段都係睇你個人選擇，我自己會忍到早餐多過晚餐所以揀12-8食
（因為朝早通常都趕時間同lunch 好快到,skip左唔太覺同可以訓多陣，夜晚放左工梗係想食野歎下）
我老細就揀9-5，佢話晚餐好難捱
所以睇你鐘意
同埋果8個鐘可以正常食，但唔好狂食

澱粉太多對身體唔好
食多啲肉同菜仲好

唔使客氣，早啲發現愈好
幾多肥人搞唔掂要去縮胃就係極端例子
個身體可以適應到一個點連個胃撐大哂都唔停

所以可以慢慢食少啲
有時唔食一餐半餐都冇咩所謂
有時可能同朋友食左餐勁既
第二日咪斷食下，等佢用返啲糖

唔知你有冇做開運動
冇咪可以做少少，就算散個步郁下都好
用咁啲血糖，可能迫到佢用下升醣素
又可以唔使係屋企俾零食誘惑

多謝絲打
太客氣鳥

依家好似興，唔食碳水化合物。
又生銅，又幾日唔食野

利申： 我都想知多D生銅

樓主係咪想講精製

以前細個唔識野成日比d智識洗腦話一定要三餐
要食澱粉乜乜物物
但個陣成日都會係屋企hea全日6點先食第一餐仲成日擔心自己唔健康搞壞個胃
而家睇番轉頭都唔係壞事
同埋後生真係16-18個鐘唔食野就即刻個肚會笠番落去

連登呀嘛冇計

好多人唔聽解釋就屌
唔知點解要咁嬲一定要撩交嗌
講錯講漏咪問囉，或者幫手補充
好好討論下唔得既
最慘有時又要唔識又唔google下先屌

所以而家呢啲comment 我當睇唔到
唔想俾佢地影響情緒
不過有時都諗過度過先回comment ，怕左佢地

其實我都係嘗試解下，我都好開心好多人問問題一齊討論下
我只係盡量長氣啲解，因為好多人都唔係讀呢科
講得太精簡唔係個個都明
可能你果陣講得精簡啲
唔太識background info 果啲人就唔明個關係
所以屌你

易肥
特別係唔洗勞動工作既人

同埋個人會沉下沉下咁 精神唔好

https://www.health.harvard.edu/diseases-and-conditions/glycemic-index-and-glycemic-load-for-100-foods

唔好少食多餐
少食多餐既話
你既血糖水平會一直維持係一個狀態
冇機會俾佢降低

其實早餐係最重要
千其唔好戒 即使你食條蕉 食隻烚蛋都好

晚餐其實最不必要
食6成飽就夠

膽固醇都有分好同壞
而且有問題嗰啲通常都因為自身問題...
基本上後生仔食蛋唔怕有事 食多咗咪排返出體外
利申做gym 一日食十粒蛋

呢個絕對係主因
外國好多地方得一間醫院，仲要揸車半個鐘一個鐘先去到
有咩突發嘢，心臟病發黃金五分鐘呢啲唔駛諗，死鳩硬

中環灣仔觀塘呢d多寫字樓嘅地方好多健康d嘅 好食少少嘅每日都一堆大隻佬排隊
不過返工有時要同同事食，其他人又未必肯食貴d ，自備生果啦應該最簡單
有隻微波爐盒可以用嚟蒸嘢 再誇張d就可以切好洗好拎返公司蒸幾分鐘有新鮮菜食，隔夜始終無咁好
沙律菜喺香港離譜地貴
學生哥仲發緊育既就自己/阿媽煮啦

自己煮可以控制成本同計到食到幾多

Vegans d餐單成日有nutritional yeast 佢地話似芝士味
未試過

之前聽個professor講 香港人比較守規矩
姐係例如廣告/學校教人酒後勿駕駛
大家都會聽 正如樓主講嘅金字塔
但其他國家嘅人 可能一向都好自由同民主
特別西方人係活在當下 及時行樂嘅心態
又玩得好放咁 唔係好諗後果 (香港人應該第一時間會諗有咩意外入院 第二日返唔到工點算)
所以唔會聽話 就好似依架好多人都唔帶口罩咁

大家認唔認同依個講法？