細個上常識堂教食物金字塔，要多穀多菜少肉。
而我地日常會食到嘅穀類不外乎係白飯、麵包呢啲精緻碳水化合物。
咩叫精緻食物，姐係經過人為加工變得容易消化嘅食物。
容易消化聽落幾好，其實係唔健康，因為吸收得太快，會導致身體血糖值突然飆升，但能量好少，所以血糖值就會降翻，好似玩過山車咁，搞亂哂人體化學分泌。長期嚟講會增加糖尿病風險
對青春期後生嚟講，其實更加應該多食肉類、中等程度攝取穀物，有益於大腦發展同肉體力量增加。
不過因為呢座塔令普通人聽到肉類就敬而遠之
上圖係美國新營養攝取推介，肉、菜、生果、穀物都要平衡做到。
其實好多醫生都叫病人均衡飲食，但學校教育太根深柢固，大眾都唔知點配搭會好啲。
見好多中學雞中午就咁食個撈麵再加將粒魚蛋塞飽個肚，翻到學校又眼訓冇精神，好唔健康
香港政府喺呢方面太跟唔上最新研究，不斷推廣緊錯嘅觀念
