撈左按揭好耐，你問我答（7）

銀行唔止計DTI, 仲有壓力測試，你咁計唔準的~

如果用首置單人入息$48000去計，壓測後最高貸款額大約係500萬，壓測比率大約為59%左右。

所謂免壓測只係放寬，壓測60-65%都有機會批到，並唔係真係免。所以如果你想穩陣啲，借500萬就最理想。如果要借多過500萬，建議加多個擔保人好啲。

— 按揭小幫手

有銀行係可以接受呢類業主再以首置身分做擔保，但唔係間間銀行都接受。

新買個層物業申請按揭時可以優先搵原有物業個間按揭銀行先。因為銀行會有齊資料同供款紀錄，證明到你只係擁有人並無供款或借貸。有需要可以俾其他資料我再幫你睇下。

— 按揭小幫手

都知要現樓先可以用林鄭plan做9成。
但想問問如果新樓樓花over 6m即供可做8成按揭嗎？

唔該博士🙇

想問，如果自己係香港做野
但屋企人係澳門做野（啊哥）
咁我+啊哥做按揭，成數有無限制？

如果有限公司持有物業，
有做按揭係身，
中間可唔可以做公司既股份轉讓？
謝解答

我係打屋企人嘅工，人工50000
我屋企人上年先開始幫我報稅同埋mpf，戶口過數出糧
大概下年會有稅單，有咗稅單係咪就可以做按揭？公司係屋企人會唔會有影響？


本身女朋友買左樓，層樓大概400萬，佢只係供左大概80萬咁上下，擔保人係佢屋企人，佢人工係24000，想問下係咪做唔到加按？

所以有2個方案：
1.保留佢層樓，我用我本身人工（50000已扣mpf)借錢，想借9成，請問可以買幾多錢的樓？想買550萬/600萬樓要預幾錢？

2.賣左佢層樓，首期增加，用我名，佢做擔保人買樓，人工加埋$74000，做9成最多可以買幾多預算的樓？

邊個方法會好d？

你好啊
如果首次置業
月入3萬 (穩定收入) 首期得50萬
可以買到幾多錢既樓啊?
我比較想知道自己既月入借到幾多
謝謝!

都買到under $1.0M 車位既

其實銀行有曬計算機比你
https://www.hangseng.com/zh-hk/personal/mortgages/mortgage-calculators/affordable-loan-amount-calculator/

壓測Plan借到$3.3M （要按保）
淋病Plan借到$4.0M（有機唔批）
但你得$0.5M首期，當買$3.5M樓，借9成，
比稅比按保佣金都用你廿萬
($88K + $80K + $35K + $10K)


結論都係儲多D先啦

1. 按揭只要剩番5成或以下就可以合法出租咖啦。有兩種做法：
i) 直接出租。只要你唔斷供，銀行基本上唔會查你出租定自住。就算查你，你按揭只剩5成，已合規，銀行都唔會郁你。
ii) 向銀行正式申請出租。流程是：同銀行申報轉為出租，然後銀行就會發出出租同意書。

2. 由於有擔保係身，所以做新按揭時按揭成數會減一成。假設要買800萬樓，原本最多可以做9成，宜家只做到8成。壓測都會由唔過60%變成50%。另外，本身供緊個層樓嘅供款額都會計入壓測到。

另資料唔夠，未計到數比你。我要a. 擔保物業按揭月供 b. 你同先生分別年紀同收入c. 你地兩位仲有無其他負債，如有月供幾多。有埋呢啲資料先計到數~

3. 如果壓測夠計，識玩既係你地是但一邊轉名比另一方，空出黎個個再買新樓，變相一開二。但如果數字唔許可，就睇番上面1、2既回覆喇🤣

— 按揭小幫手

1）可以啊，只要借款人係45歲以下就ok，因為75 - 45 = 30。

2）借6成唔需要經MC咖，銀行都可以批到。同時因為唔洗經MC所以銀行都有機會批得鬆手啲

— 按揭小幫手

佢咁夠薑既😂 做緊你擔保，仲想借首期買樓...

首先，按揭借款人、擔保人如再做新按揭，新按揭成數上限會減1成 及 收緊壓測比率10%。

其次，金管局係唔容許首期源於借貸。即如問 TU Members 既金融機構借錢的話，筆數會係TU顯示，再申請按揭時銀行見到近期有筆數時，會查詢資金用途。如提供唔到證明，銀行1. 拒絕審批 2. 要求全數清還。
變相只可以向2/3線財仔借 或 同親戚朋友借。要計計合唔合符預算、效益喇

係你呢個case 上，比較可行既方案係：先計數是否係可接受既成本開支下現在買樓，後你搵新擔保 或 以自己入息做按揭，甩佢擔保出黎。
然後同親戚朋友 或 財務借首期，再做新樓按揭~

操作有啲複雜，想知實際情況，比多啲數字黎再比計劃你~

— 按揭小幫手

我同太太有聯名物業，想拆名抽新樓
咁係咪寫咗張拆名臨約，簽新樓臨約就唔洗畀DSD?

拆名手續未完成曬，都可以當冇按揭係身申請新按揭？

幫你計左如果買750萬樓，按到最盡9成，首期係75萬，壓測為57%。如果冇其他外貸，TU正常，有齊糧單、稅單就穩陣咖啦。

車位方面，要睇同物業係咪一份契或一齊買，如果係就可以合併價格跟返物業做到9成按揭。

若果係分契，就需要分開價格咁做返，而車位按揭最高成數係4成。

— 按揭小幫手

首先如果物業係呢三年升值左，即使你做番相同成數，都可以套到錢~

其次，加按程序同一般申請按揭一樣，都係要過壓測、睇文件的。如果你依家無做野，你有2條路行：
1. 搵擔保人，用擔保人入息借
2. 做資產抵押按揭，一般做到25%，某啲行有限地做到4成

最後，你都算識玩，會諗按現樓套錢買新樓。但最理想既操作係：按盡舊樓8成，買新樓。
如果可以應按盡埋新樓，將多餘現金做投資收息供樓。一次創造多方面現金流~

— 按揭小幫手

多謝回答，我講漏左我買一千萬樓想借6成幾，所以應該要上mc，如果擔保人60歲都做到MC同30年 咁就得，謝謝

有兩個offer，唔知點揀好，想請教下大家意見， loan size: 320萬

大貓：
H+1.43, cap: p-2.5=2.5
回贈0.5％， 按保66折
冇任何保險送

支銀：
H+1.4, cap: p-2.5=2.5
回贈0.5％, 按保66折
送半年家居保

兩個offer 都差唔多，應該點揀好？本身用緊支銀出糧，感覺上用番支銀會方便啲。請大家比下意見

有咩好比較一眼就睇得出邊面offer好

你意思係1.4同1.43嘅分別？

唔好意思博士，想問埋如果我呢個case，買齊頭800萬會唔會借得盡 / 過唔過到壓測？

想問下 550萬樓 做緊8成按
純P plan

想供到兩年轉P /H plan
如果到時轉按得0.5% rebate, 抵唔抵計？

博士，想問一下，我可能因為試過2,3次遲交卡數（唔係大金額），早幾日check TU先知道跌到得C。宜家已經找清哂卡數，我本身職業係醫療行業，相對都比較穩定。黎緊買樓想同銀行借按揭，想問下會唔會有影響？
唔該哂