撈左按揭好耐，你問我答（7）

會批到，但唔係間間銀行會做，有啲銀行就要求將個維修項目列入左業主立案法團議程，make sure將會維修先批。

另外都要提提你，有order物業銀行係批按揭前都會去驗樓，審批時間會比正常耐，所以簽左臨約就快啲申請唔好拖啦！有需要可以俾多啲資料我再傾。

—按揭小幫手

因為本身有按揭係身，800萬-900萬樓按揭成數由原本最高8成下調至7成。

如果按揭成數唔超過7成就可以用40%/50%去計壓測，超過左先會用35%/45%。
幫你計左，其實你買700-900萬樓做7成，壓測都係唔過50%，穩過。但由於首期只有200萬，所以最盡都只能買到670萬樓，如果target 900萬樓，就要準備多40萬做首期了。

另外Pre approval已經冇銀行會做，因為始終唔係現成客，係現時市況，銀行轉為比較專注做已買樓既客戶，cut 左預批了。

—按揭小幫手

可以啊，但有機會批唔足30年按揭。要睇返借款人本身個入息係咪低過擔保人，如果唔係咁就會用75減去計返按揭年期，即75-60=15年。

至於rebate方面，現時500幾萬至少都有0.7rebate, 不過offer成日都會update, 所以都係簽完臨簽再問過啦。

— 按揭小幫手

如果剩餘既按揭額借款人一人入息都夠過壓測既，就可以甩擔保咖啦，否則就要加另一個擔保人才可。

另建議轉按第二間銀行去甩擔保，因為可以賺返按揭現金回贈。甩擔保手續同申請一般按揭冇分別，都係要齊糧單稅單等文件，過到壓力測試就可以架喇～

—按揭小幫手

首先要睇所買既樓盤銀行on 唔 on list，on list既樓盤銀行先會接受發展商二按。

然後壓測係會分銀行一按+發展商二按去做，壓測計法係以封頂利息 ＋3% 計。
即 銀行一按壓測：2.5% 加3%，即5.5%，還款年期最長為30年，入息要求$34000
發展商二按壓測：3% 加3%，即6%，還款年期最長為25年，入息要求$13000

兩者壓測加埋總收入要求為$45000，所以係過到壓測。

但一般發展商二按係兩三年後都會增加，假設合約上寫明，第三年開始增加至5厘，壓測就會變左5% + 3% = 8%去計算，到時就未必過到壓測了。想知實際情況可以比確實數字或樓盤名我，我查完再覆你都可~

— 按揭小幫手

唔係間間銀行都會計兩份入息咖。 如申請 6成以上要經按保既只可計主要收主，而6成內銀行自己批既可以睇兩份收入。

另銀行一般會考慮埋另一份工嘅穩定性、合理性，同睇埋稅單糧單等。以你個case 如果想做高成數，就要計下有報稅個份收入夠唔夠過壓測，如果唔夠，建議搵定擔保人，否則到時簽左約但上唔到銀行就大獲了。

—按揭小幫手

1) 5成銀行自己批的, 一般都會批得鬆手啲. 只要入息文件靚仔, 未必需要稅單的.
2) 可以做的, 但留意, 如果佢入息比你高, 而你人工又大唔過供樓數時, 會用佢年齡計按揭年期, 最大做到 75歲. 75-56 = 19年.
因為年期短左, 供款會大左, 就要留意番過唔過到壓測喇~

— 按揭小幫手

可以啊，但只限舊Plan，即 600萬內 8成，400萬內 9成~

因為新Plan 1000萬內做 8成、 800萬內做 9成只接受現樓~

—按揭小幫手

邊度平幫襯邊度。因為火險只係保你層樓比火燒左時有得賠而已，一般按幾錢就買幾錢保額。出面有D保險中介公司，即非AIX、保成等大公司，可以做到好平，可以執格下價~
另留意按揭銀行一般都會送返半年至一年火險的，可以第 2年先諗~

—按揭小幫手

帝御金灣？

多謝回覆
如果想40/50 最多只可以借7成, 900萬樓淨係借到630萬
咁轉玩法用首置單人會唔會仲好D?

人工$48000
首置
申請高成數按揭，免壓力測試
供30年, 2.5% 係咪最多借到6M左右? (50% DTI)

Thx~

請問如果有樓在身，但唔係借款人同供款人，可以幫家人擔保層樓嗎？

我同老公有個物業 估值大約600萬 爭緊銀行300萬按揭 想問下要供到幾多先可以出租？

另外 我自己幫緊屋企人做擔保 仲爭銀行200萬 月供8000左右 如果我想同老公換樓 一齊上會做按揭 我人工同埋我地按揭成數會打幾多折？


謝謝

1.借款人搵50k, 擔保人搵15k, 做到30年嗎？
2.因為借6成，mc易唔易批呢個case?
謝謝。

想請問如果擔保人想借錢比首期 條數點計

博士 想問吓兩個人月入夾埋67000 首期有1.5m
兩個都係首置 target 買750萬嘅樓
壓力測試會唔會過唔到？

同埋如果個單位係連埋車位咁買 按揭會唔會唔同玩法？
唔該晒

想問下 一層樓 畀4成既 而家供左一年 想三年後買多間
係咪可以加按套多舊出黎？
加按呢個程序 駛唔駛又再交過入息銀行睇？
因為當初我用一個人名冇擔保 而家冇做野

同女朋友加埋月入5萬4，女朋友係公務員。我做工程 有13個月糧（合約寫明）。兩個人都冇負債。

如果預6m-6.5m既樓 9成按30年易唔易做到？自己計過應該過到壓測。另外應該邊個借錢邊個做擔保人較好？

唔該博士

其實律師樓要幾多時間去做文件？
成交日前2星期夠唔夠？

因為本身巴打有按揭係身，如果要做擔保按揭成數會減一成，由900萬原本可以按8成減至7成。

另外壓測方面由原本供款唔高於收入60%降至50%。巴打如果有考慮到呢兩點，而擔保人仍然support 到，就無問題可以去馬。但如果唔清楚既，有需要可以俾啲實數我，我再幫你計計阿~

— 按揭小幫手

1）最盡可以借到240萬，壓測為59%。510-240=270，有10萬可以宅袋

2）以你個loan size 宜家出面市場offer都係h+1.5，現金回贈約0.2%，佢所講嘅暗價只係講緊佢會回多啲rebate俾你，合理合法，所以係ok 冇問題的。不過你有無問Aa拎樓價回佣？ 新樓最少3%佣喎，仲要樓價計。佢依家按揭回比你係用貸款額計的，其他唔講了🤣

3）可以11月左右先去申請都唔遲，銀行一般只會接受成交期為三至四個月內嘅申請

4）銀行係以光豬價計按揭的，發展商都係收實價。只係律師立場係合約寫幾多，佢就要跟合約用幾錢成交。但如你提早成交時，發展商會同律師樓溝通的，減番折扣淨係收實。所以2邊都無錯，只係無左細節，令你有疑惑姐~

額外一提：按揭回贈一般會係貸款提取日（即成交日）後兩個星期銀行會以現金方式轉帳存入你户口

— 按揭小幫手

巴打同你個case差唔多！ 但上網見過做9成有d bank淨係計底薪

可以嘗試同發展商申請轉用銀行按揭計劃，拎番個1% 回贈。就算唔得，都只係無左1%，對你銀行按揭唔會有影響。而且發展商無權限制你揀左咩就只可以死用咩，一般無呢條條款，所以可以放心爭取~

再者，發展商設計得銀行6，自己5 可以理解到佢心理：就係想你向銀行借，比現金佢。如果你仲問佢借，即佢無套現到，依家咁既時勢，銀行批到你，你又比現金佢，佢何樂而不為🤣

Btw 有無r aa rebate ?

— 按揭小幫手