撈左按揭好耐，你問我答（7）

有冇邊間火險推介

睇漏左有呀，按揭成數要減一成，銀行都會睇返你做擔保嘅每月物業供款，同加上新買物業嘅供款計返你嘅供款能力，要過壓測
—小秘書 tg @DrLoan

唔該晒
想問多少少，聽人講話居屋有政府做擔保，白居二係唔係都應該做到8成按揭呢？

想問下 公司年年都會出股票比我 要報稅 但係糧單唔會有show
咁做按揭時會唔會計埋我股票收入
假設我過往幾年公司比我既服票收入都穩定

求博士指教
月入$35000
幫老母擔保緊間房協居屋 擔保額180萬
預做8成按揭,想買多間平平地兩百尾三百頭果d
係咪做壓測就得? 定要再扣埋擔保額?
thx

你好 想問下擔保人 月入得1萬幾 但佢供緊一份幾千既儲蓄保 會唔會最後要係月入扣番?

抽中綠置居，2023入伙
想問如果我想即時開始供，要唔要比多d首期？有無其他野要注意

白痴一問，喺申請緊Mortgage 期間申請新信用卡，係咪冇問題
唔該博士

博士你好
小妹現階段了解緊D約三百萬左右的上車盤, 首置想做九成三十年按。

MPF後收入15.5k, 如計雙糧bonus約每月平均收入17.5k; 網店小生意月入平均3k，但因為係用類似paypal户口收錢，加上收入每月不同，我諗銀行唔會計)

由於月薪不高，想借助父母作擔保人買樓放租

父母月收入各約2萬，都係公務員共同供緊夾屋, 未補地價，原貸款額約160萬，餘下負債約三十萬, 由於其中一方公務員有房屋津貼, 實際月供約二千月左右;亦因爲有房屋津貼，所以唔想清左供樓條數至買樓

父親年紀56歲仲有9年退休，母親55歲仲有5年退休，想以其中一位/或兩位作擔保，有大約一百萬現金，呢個case 有無機會買到三百萬嘅樓？

借九成，放租，擔保人有按揭係身
幾樣野互相衝突

請問呢度可唔可以解答申請海外樓宇按揭？

你好，想問下用按揭中介申請完係咪要填香港地產代理商總會既表格?
請問關佢地咩事?

去翻做按揭嘅銀行問下有冇優惠比現有客戶先通常新按會加送半年保險，當然間間行唔同啦～
—小秘書 tg @DrLoan

高成數按揭一定要稅單呀，低成數就有機會唔洗，要揀銀行做。
而糧單係基本，冇糧單就翻公司整一張再吸個公司印啦(當然要知會公司)，簡簡單單就得，再加3個月出糧銀行auto pay紀錄～
—小秘書 tg @DrLoan

如果你清清白白首置、層樓又未過政府擔保期，就可以免壓測，銀行都易批～但你個case因為已有按揭係身，所以銀行要過正常壓測程序嫁，8成就視乎你收入過唔過到可以比啲數字我幫你計呀
—小秘書 tg @DrLoan

睇下你個按揭中介係經地產商會 定 其他按揭公司申請喔～正常中介只會叫你填一張轉介form，因為一個客 一間銀行 只收一張轉介表
—小秘書 tg @DrLoan

就咁寫乜名 身分證 幾時返咗幾多日工 出幾錢糧 有無扣糧 老強供幾多 公司印夠未？

博士你好呀
想問下 銀行做轉按時估價會唔會比較鬆手？
我驚下年轉按時估唔足價

唔該博士

博士 請問 如果每月轉帳月供去某d機構既儲蓄戶口同埋基金 約月薪3分1 影唔影響 需唔需要做按揭前幾個月停一停 同埋馬會都轉帳唔小數目 同埋我會不停轉出轉入 因為有時贏左又會過番銀行 想玩又入番馬會 月入30k左右 馬會數大概幾大會受影響 諗緊係咪應該停玩幾個月

博士你好，簽左臨約，港島單棟樓，515萬，成交日期係9月尾，估價估到510到53x, 41年樓齡，借8成，轉工未夠1年，宜家人工接近40k, 固定收入，有約滿酬金，工作機構穩定，不受疫情影響，18/19財政年度總收入500k,19/20財政年度總收入520k,無任何負債或貸款，信貸評級有A

暫時申請左行山同獅子,我個case 算唔算靚case？
按揭轉介度叫我唔好申請太多間，但宜家呢個時勢，唔係好放心，我仲有無需要再申請多幾間？

唔該你

博士你好呀
我買左樓花，下年攞樓，用建期。
想問下我下年申請按揭嗰陣，銀行係咪會再估價，如果樓市真係跌，係咪會有機會估唔足個合約價嫁？同埋其實新樓點樣估價嫁？
層樓610萬，想做9成按，公務員，現時月入4萬8左右，下年2月跳point，月入5萬1左右，下年年中攞樓，咁我係咪應該下年2年出左跳point信去做個按揭先最穩陣呀？定係應該年頭做定個按揭先？