加泰集會係我入紙既，等我簡單講下點解要搞

VL · 2019-10-22T01:14:45+08:00

自從早前有人臨急臨忙搞個無人去既加泰集會，就一直有人搵我幫手入紙搞一次正式既聲援加泰集會。本來我都係抱住幫到手就幫既態度，但係近來見到連登對於加泰議題既激烈辯論，我更加覺得有需要搞呢個集會。首先，集會既用途唔一定只係曬馬點人數，更重要既係引起公眾關注議題，同埋表明參與者既立場。連日既討論，發現其實大家雖然有注意到加泰既新聞，但對成件事既背景熟悉既人唔多。喺今次集會，我地會製作短片同埋邀請嘉賓發言，會係一個好好既機會比大家認識加泰議題。大家認識完先再辯論應該點幫加泰都未遲。呢個從來都係集會既一大用途。事實上，美國人權法議題，都唔係突然大家就明白，而係經過大大小小好多場遊行集會，引發討論，大家慢慢認識多啲，先變成而家大家都咁熟悉。所以單係提供一個平台比公眾了解加泰發生咩事，我覺得已經好值得。更何況香港一早被人同加泰連繫埋一齊，我地無理由咩都唔清唔楚。香港同加泰已經被相提並論，我地更加需要一個正式場合，清楚闡述港人立場。就算唔搞呢個集會，黎緊都一定越黎越多人喺唔同場合舉加泰獨立旗，亦會有越黎越多報導將兩地進行比較。呢樣嘢係無得逃避。與其俾外人無限詮釋，我地更加應該主動表明香港人就加泰事件既立場。我地既立場好簡單： 1. 呼籲西班牙政府和平處理加泰示威； 2. 譴責西班牙警察暴力對待示威者； 3. 沒有人應該單因政見而被判監。對於加泰是否獨立，我地唔會、亦唔應該有立場。因為呢個係加泰人既事，唔到外人插手。但我地香港人一定會堅持捍衛人權、自由等普世價值。如果你都認同呢啲價值，又同意我地需要清楚表明立場，咁今次聲援加泰集會，你就更加應該參加。 ============== 香港加泰人權自由集會日期：10月24日（星期四）時間：晚上七時至九時地點：遮打花園 *待發不反對通知書團結港加，自由無價！

天方夜譚 2019-10-22 01:37:49

求求奇奇 2019-10-22 01:38:03

呢個立場可以

南京大菩薩 2019-10-22 01:38:06

5年前唔好激嬲共產黨

5年後唔好激嬲共和黨

不分’和’’勇’ 2019-10-22 01:38:18

到宜家都唔明點解要全世界人關注自己地方
但想關注人地嘅地方就要驚某政治勢力
明明大家都係面對緊相同嘅警暴問題

禿伯. 2019-10-22 01:38:19

推

馬照跑樓照跳 2019-10-22 01:38:36

如果係解釋清楚就buy你

kamhimqian 2019-10-22 01:38:37

，

Patrick_Star 2019-10-22 01:38:50

呼籲西班牙政府~~和平處理加泰示威~~正面回應民意

基斯坦奴冇難道 2019-10-22 01:39:11

我會join,不論美國歐洲支唔支持加泰獨立都好。

我地依家所仲保衛既言論自由，唔係就係要包容唔同聲音同意見咩？包括獨立。

依家加泰就係正正就係因為表達自己對獨立既意見，而被西班牙所打壓。

竟然我地係呢次既運動入面，言論自由就係我地其中一個要保衛既核心，點解我地又要懼怕美國歐洲唔支持我地支持加泰表達佢地所想同自由呢？