第一,我唔知樓主所謂前線有幾前,要咁樣放人哋上連登去批鬥,扣上做大台嘅帽子?
第二,最前線嘅FA Team一向唔多,唔計仲有一堆係喺中後場,走得快行得唔前嘅FA Team,Max個team係少有會最快速度幫到手嘅人,亦都從來冇見過佢阻住消防救護做嘢
第三,我自己由6.9開始係前線,佢份人係串,無可否認都得罪人,但有冇樓主講咁不堪?我唔認為有
甚至佢喺FB 個Post,講嘅嘢都冇割過,的確有紅十字你噴埋?的確會害死人
第四,佢哋黐住記者?唔覺有,至少佢冇阻住我哋做嘢,反而有時好幫到受傷嘅同行
第五,每一個medical judgement 都係現場判斷,樓主係醫療人員我都尊重,每一位出嚟嘅醫療人員我都尊重,但唔需要咁樣去話人,係咪嫌而家連登唔夠多分化Post?
利申,前線記者