我諗大家企得上前線,都係希望為其他手足服務,當佢地受傷嘅時候,可以即時為佢地提供到合適嘅治療。
但係 今次真係忍無可忍,我同我隊友亦都唔想大家嘅人身/ 性命受到威脅,所以決定係呢度開po講下下面呢個FA。
相信大剖份FA 同前線手足都會認得佢喇,甚至坐係電腦/電話面前嘅你地都會認得到。冇錯,呢個就係成日公主抱又
咁啱得咁橋上到鏡嘅FA手足。
咁點解話佢有問題呢?
1. 搶Case
相信呢個大家都唔陌生,之前已經有巴絲開po講過 (
傳送門:
https://lihkg.com/thread/1603714/page/1 )。最經典應該係
消防嚟到接case佢地仲可以圍住個patient 唔比消防過。搶case就唔講啦,試過有
其他 FA手足處理緊個case都可以一野比佢嗌走/ 撞開嚟做。
是咁的,我諗做得醫護 (利申: 醫護専職) 最忌都係講「生意興隆」呢類嘅說話,基於良心考慮,唔會有人希望一日會多人受傷所以自己可以做多d case。再者,我諗大家出得嚟都係希望
互相尊重啫,除非錯得離譜,如果唔係都唔會質疑其他FA手足嘅做法或者診斷。以我自己為例,我見case有其他人接手,頂到盡都係客氣地問下FA手足要唔要物資或者需唔需要幫手。所以敢問呢位紅衫FA,
請問你係好想人受傷嚟表現你自己?定係覺得自己好勁好掂可以做呢場社運FA嘅大台,指揮大家做野?
2. 搏上鏡
大家上ig/ fb/ tg,有冇發現佢地好似老是常出現?你冇睇錯我冇講錯,次次現場都會見佢地好鍾意跟住記者隔離行,一有case就會跟住記者一齊衝去救。1020嗰次仲癲到可以
當住個cam除gear比記者影,明明隔離仲係放緊TG (片傳送門:
https://s.nextmag.hk/e/1sHODij2V0 )。
都係嗰句,我唔知佢地係基於咩心態出嚟。
究竟係為光環/ 虛榮心,定係為左可以同朋友講自己有幾型?如果係咁嘅話,我都覺得成件事幾可悲下,希望你諗下係為自己著想先,定係為救手足,諗好先至出嚟,我地唔希望你借呢個運動嚟滿足自己呢種咁自私咁恐怖嘅心態,扭曲呢場運動嘅意義,何況,
FA第一條原則就係確保自己同現場環境安全。連隔離放晒TG仲可以對住鏡頭除gear,希望你老左呼吸道仲頂得順 (不過難d喎你冇case就變煙鏟),而且唔好比堆狗秋後算帳。
3. Do no harm?
成場運動好多人好有心想做FA,諗住幫下手足,呢點我係真心感動嘅。但我地都唔可以否認,人人嘅醫療經驗唔同,可能會有參差,但唔緊要嘅,根據返大家嘅common sense同埋臨場應對嘅經驗,係可以搭救嘅,最緊要虛心學野啫。
但係嗰個FA次次都可以有堆柒野比人笑咁。最經典就係攞支細細地嘅高山氧嚟救一個中完 TG跟住SOB嘅人 (話時話好似係佢地嘅成名作,跟住就係FA堆入面出晒名… 膠)。啱啱仲要比支冇spacer嘅ventolin個中左TG嘅記者,而支ventolin仲好似係dummy (有錯求指正)。
之後太多柒野就數唔晒,唔係呢度講啦,不過有樣野真係要提點大家喇。你地都睇到呢位FA幾鐘意公主抱架啦,大佬唔該可唔可以專業少少?以為自己好型?之後仲要咁樣托人膊頭,人地膊頭唔甩骹,咁樣唔小心跌一跌,就
有機會比你整到癱架。唔好咁痴線啦好唔好?
唔該搬patient唔係拉高佢地個shoulder啦,好容易甩骹。要托唔該係support住posterior shoulder同埋pelvis,呢兩個先係成身嘅重量支點。記住
Medical ethics第一條就係DO NO HARM,希望大家唔好越搞越嚴重啦。
4. 食豆腐?
呢個真係要提一提女手足喇。呢個FA唔知點解就係好鍾意公主抱人,尤其係女仔。其實呢種搬運patient嘅方法固之然唔科學,亦都好唔專業,冇必要之下都唔會用到。
例如中TG咁,除非痛到行唔到,如果唔係用公主抱嚟托咩?
之前有其他FA手足都話佢會同女仔比較多身體接觸,而就憑我地睇相睇落嘅,好多都係可以避免到,唔知佢本人心態係點喇,不過呢度真係要提一提咁多位女手足喇。
咁點解我要打呢篇野呢?
我就唔係只係呻咁簡單,亦都唔會分化大家叫大家憎FA,始終我好深信
不分化不篤灰呢個原則。
但係有錯就係要改,我只係希望FA呢個名唔好喺呢場運動臭左朵。始終治療都係講求大家對我地嘅信任,如果比呢d害群之馬整臭朵,我地就好難再行出嚟。而且我都唔希望有手足比呢d人害到,更加希望嘅大家
毋忘初心,諗清楚點解要行出嚟,無論你係咩崗位。
TLDR:
To 大家: 小心呢個FA啦,真係會害到大家架。
To 嗰個FA: 希望你諗清楚為咩出嚟做FA,同埋多謝你比左咁多笑料我地。
最後
光復香港
時代革命
五大訴求
缺一不可
香港人,反抗!
前線FA敬上