同埋加映紅背心隊長老鬼宣言:
<<基本入門- 對嗰支水嘅反應>>
五年前嘅圖片~化學燒傷到泰妹咁黑。
今次運動開始之後,
成日都有人問返去點洗唔會再乸多次,
好多返去沖涼洗面又再次乸到叫,
但其實我最想講嘅係FA。
因為其實讀30個鐘已經可以做FA,
大人細路都有,
有啲醫護學生可能醫術高,
但現場執生反應好低,
仲慢慢喺馬路做啲好少事嘅傷者,
又氹又呵,完全唔知推到埋嚟,
真係好危險🤦🏻♀️
中槍,意外受傷無得講,
嗰啲真係無人想,
亦係點解話要有隊友嘅原因,
萬一唔好彩要互相救大家。
但~~有好多明明係可以避免嘅,
中暑,暈,無防具,企錯位,自己衝岀去~
乜都有啦。
我唔係好有經驗,
醫療知識都唔係多,都有犯錯嘅時候,
但落場,至少要對自己負責。
最基本,
了解自己嘅體能,反應,同能力,
盡量唔好成為負擔。
嗰日攰就企後啲,話聲俾隊友知,
或下次先岀。
更理想就係知埋拍檔嘅狀況,
提埋佢幾時補糖,飲水同休息,
唔係救完人,就輪到自己俾人救。
五年前,睇相第一張應該剛開場,
好明顯中頭中面,咳緊回氣,
把頭髮只係上面濕,馬尾仲乾底爆開。
(俾人)打咗大半晚,
第二張個頭已經濕哂,髮尾都濕哂勁貼,
手喺閃光燈吓燒到微粉紅色,
塊面係化學燒傷到泰妹咁黑紅。
返去先知頭皮入面係乸到損哂嘅,有血水,
塊面之後係免費換膚咁。
嗰晚燒到咁,我可以唔抹唔洗做天光,
唔係唔痛,可以話你知痛到想大叫,
但有更重要嘅事專注做,
身體承受到,就繼續,
鹽水留俾大叫嗰啲洗眼先。
我係好彩,身體對化學武器無乜過敏反應,
而且keep 住飲夠水仲再㩒頂啲,
所以今次更會行得前,
因為唔係咁多人好似我咁忍得。
如果你唔係我咁清楚自己嘅反應,
唔該各位保護好自己先。
好多都對自己嘅身體awareness 好低,
唔了解自己嘅身體同能力,
唔記得飲水,唔記得休息。
最危險係 唔 知 自 己 對 化 學 武 器 嘅 反 應,
最後都係大呼小叫要人救返轉頭。
如果你唔得,頂唔到,無人會怪你~
請對自己負責任:
1. 可以企後啲
2. 可以著防水褸/雨褸,包保鮮紙 =_=
3. 可以揸定油,揸定cream,揸防曬你自己試,
盡量隔開接觸到嘅機會。
仲有,作為FA,請至少準備好救自己用嘅嘢,
Johnsonbaby shampoo 又好,
酒精紙又好,
卸妝油又好,
cooling spray 又好,
睇你自己個人皮膚反應,自己返去試定先。
中咗就自己同隊友企埋一邊,
靜 靜 地 做,唔好一直叫。
如果你會過敏,會有大反應,
求 你 以 後 企 後 啲,
真係會嚇親唔識嘅小朋友,大家會好驚。
我哋係FA, 唔係嚟 Cosplay ,
唔好製造另一個混亂,
好好照顧自己,中椒水係入門基本,
已經四個月,而家有機會開真槍,
隨時都有更嚴重嘅傷者岀現,
而且有更多未中過椒嘅傷者需要安撫。
***************************
近距離顏射,
有人反應係會即時暈倒,
哮喘發作,
呼吸困難,嘔吐,抽筋...等等,
所以你大叫,仲要係FA,
大家只會冷處理你。
***************************
請大家記得保護好自己,
近 距 離 時 至少 要 帶 眼 罩。
少少乸少少痛,落場預咗,
作為FA亦應該一早了解中咗係咩反應,
對身體有咩傷害,會持續幾耐。
嗰一陣一係忍咗佢,
忍唔到就諗吓以後點樣保護自己,
唔好要人擔心,唔好attention seeking。
係好乸,我試過我知,我勁怕痛添。
人哋小朋友中槍,劈開,爆頭都未叫,
做得前線FA,見慣大場面,
落到場就唔好咁温室小花小草啦,
嚇親啲小朋友呀~
有咩得罪真係唔好意思,
只係想提大家,首 先 要 自 己 安 全。
人無事先做到世界冠軍,
近日真係多咗新人落場,
麻煩舊帶新,一定要有隊友,
齊上齊落,安全至上。