其他野我唔太識,但有點講得好啱,就係個個經驗有唔同,我就係比一件事比我覺得除咗止下血,洗下胡椒洗下催淚,深入少少好似唔多識。但都已經幫到好大忙,也是事實。
首先都想提一提,唔係個個有事嘅人都係將佢平訓就正確,尤其是抖唔到氣嘅人,訓平係揀直攞命!仲有唔應該好埋咁面對面同佢講野,會搶咗佢面前啲空氣。
你圖一銅鑼灣個位男士,咁啱我同一個超過廿年護士經驗嘅朋友吃完飯行過見到。我有叫我朋友去幫手,佢答我: 無用架,佢地唔會聽。
我地無圍埋去,企係外邊睇住直播,見到個男人開始面紫,呼吸好細力,我朋友話應該係急性過敏。佢話佢地比細支個隻氧氣(我唔識講個支係咩名)佢時應該要打入去,而唔係就咁比佢用。
我地一路睇一路緊張,好彩最後救護車來好快,但中間過程我地都屌晒鬼。
利申: 我有哮喘好多好多年,我知道要點樣先抖到氣,有事時我希望人地點做我先可以條氣順啲,我試過差啲死,試過嚴時啲時氧氣打4.5度(但唔係長時間),而我朋友在過程中講應該要點點點,我係側邊聽,全部都係我病發時需要嘅幫助。見到有人抖唔到氣時,我都會好緊張睇住,好想幫手,但又唔敢,因為我無其他醫護智識,只有自己嘅臨床經驗。